لاہور: پاکستان کرکٹ بورڈ(پی سی بی) نے نئے کھلاڑیوں کی تلاش کیلئے پی سی بی ٹیلنٹ ہنٹ پروگرام شروع کرنے کا اعلان کر دیا۔
باغی ٹی وی : پاکستان کرکٹ بورڈ(پی سی بی) کے سی او او سمیر احمد سید اور مشیر چیئرمین پی سی بی عامر میر اور دیگر حکام نے قذافی اسٹیڈیم میں پریس کانفرنس کرتے ہوئے کہا کہ ٹیلنٹ ہنٹ پروگرام کا مقصد لوکل ٹیلنٹ کو سامنے لانا ہے۔
عامر میر نے کہا کہ پی سی بی اسکولوں اورکالجوں کی سطح پر ٹیلنٹ ہنٹ پروگرام شروع کرنے جا رہا ہے، ٹیلنٹ ہنٹ پروگرام کا مقصد کرکٹ کا فروغ اور نئے ٹیلنٹ کو سامنے لانا ہے، اگلے ماہ سے ٹیلنٹ ہنٹ پروگرام کی رجسٹریشن کا عمل شروع کیا جائے گا۔
پنجاب خیبرپختونخوا بارڈر پر خوارجی دہشتگردوں کا ایک اور حملہ ناکام
عامر میر نے کہا کہ اسکولوں سے انڈر16 تک کی کھیپ ملے گی، اس پروگرام سے گراس روٹ لیول پر کرکٹ میں بہتری آئے گی، ٹرائلز کے بعد میرٹ پر آنے والے بچوں کو ٹریننگ دی جائے گی، کوچز کھلاڑیوں کو پالش کرکے قومی ٹیم کاحصہ بننے میں مدد دیں گے، اس سے بچوں اور بچیوں کو قومی ٹیم میں شمولیت کے لئے مدد ملے گی۔
سی او او سمیر احمد نے کہا کہ پی سی بی ٹیلنٹ ہنٹ پروگرام کی رجسٹریشن10اپریل سے شروع ہوگی،انہوں نے کہا کہ ستمبرسے نومبر تک 40 اوور کے میچز کا ٹورنامنٹ ہو گا، میچز کے دوران آفیشلز اور امپائرز پی سی بی کے ہوں گے، بہترین کھلاڑیوں کو پی سی بی کوچنگ سمیت تمام سہولیات دیں گے، نئے آنے والے کھلاڑی ملکی کرکٹ میں اپنا کردار ادا کریں گے، ہمارے پاس کوچز موجود ہیں ان سے کام لیاجائےگا، اس میں ہم سپر کڈز کٹیگری بھی لا رہے ہیں، اسکول کالجز کے 10 ہزار طلبہ و طالبات ٹیلنٹ ہنٹ پروگرام میں شامل ہوں گے۔
سیالکوٹ: جرائم کی وارداتیں، 2 خواتین سمیت 8 ملزمان گرفتار
چیمپئنز ٹرافی کی اختتامی تقریب میں پاکستان کی نمائندگی نہ ہونے سے متعلق سوال پر سمیر احمد کا کہنا تھا فائنل کے موقع پر موجود تھا لیکن اختتامی تقریب میں اسٹیج پر نہیں بلایا گیا، چیئرمین پی سی بی محسن نقوی دبئی جا نہیں سکے تھے۔
سی او او پی سی بی کا کہنا تھا آئی سی سی سے جواب طلب کیا تھا کیونکہ یہ آئی سی سی کی انتظامی بے نظمی تھی، اس کے پیچھے کون تھا سب کو پتا ہے، یہ مناسب چیز نہیں تھی اس لیے ہم نے جواب مانگا، اطمینان بخش جواب نہیں آیا تھا اس لیے آئی سی سی سے دوبارہ جواب مانگا ہے۔
علی امین گنڈاپور اور عاطف خان کے اختلافات: ایڈیشنل ایڈووکیٹ جنرل سے استعفیٰ طلب
نئے تیار ہونے والے قذافی اسٹیڈیم کے وی آئی پی انکلوژر کی واش روم کی چھت ٹپکنے سے متعلق سوال پر سمیر احمد کا کہنا تھا ٹھیکیدار سے روف ٹریٹمنٹ میں کوتاہی ہوئی تھی، جہاں لیکیج ہوئی تھی ٹھیکیدار سے اس کی مرمت بھی کرائی ہے، ٹھیکیدار سے لیکیج کے نقصان کے ازالے کا مطالبہ کیا ہے۔
