Baaghi TV

Tag: پی ٹی آئی

  • پی ٹی آئی رکن قومی اسمبلی پر بجلی چوری کا مقدمہ درج

    پی ٹی آئی رکن قومی اسمبلی پر بجلی چوری کا مقدمہ درج

    سرگودھا میں پاکستان تحریک انصاف (پی ٹی آئی) کے رکن قومی اسمبلی شفقت عباس اعوان کے خلاف بجلی چوری کا مقدمہ درج کر لیا گیا ہے۔

    پولیس کے مطابق، شفقت عباس اعوان پر یہ الزام ہے کہ ان کی رہائش گاہ چک 35 شمالی میں بجلی چوری کی جا رہی تھی۔ مقدمہ تھانہ صدرمیں درج کیا گیا ہے ،ایس ڈی او ولید احمد مقدمہ کے مدعی ہیں،مقدمے کے متن کے مطابق مقدمہ بر خلاف شفقت عباس اعوان ولد محمد عبد الرحمن ساکن چک نمبر 35 شمالی سرگودھا ،تحریر ہے کہ مورخہ 6.11.24 بروز بدھ رات ساڑھے نو بجے انچارج ٹاسک فورس ٹیم ہمراہ عثمان علی، میر حمزہ ،اور SDO ولید احمد ہمراہ ٹیم پولیس دوران 35 چک چیکنگ کیا جس کا حوالہ نمبر 1440104-13411-20 سے میٹر بنام عالم خان ولد اللہ یار خان زیر استعمال (شفقت عباس اعوان ولد محمد عبد الرحمن) کو چیک کیا تو صارف نے واپڈا میٹر جس کا میٹر نمبر 581485 ریڈنگ موقع پر 13749 کمپنی PEL PC ماڈل 2006کی باڑی میں سوراخ کر کے تیلے کی مدد سے ڈسک کی مدد سے روکا ہو ا تھا ڈسک پر واقع نشان موجود تھے جو کہ بجلی چوری کرنے کے زمرے میں آتا ہے لہذا صارف کا بجلی میٹر جس سے وہ بجلی چوری کر رہا تھا،بطور ثبوت قانونی کاروائی اتار لیا ہے لہذا جناب سے گزارش ہے کہ شفقت عباس اعوان ولد محمد عبد الرحمن ( جو کہ مذکورہ میٹر سے بجلی استعمال کرتا ہے ) بجلی چوری کے جرم میں زیر دفعہ 4621 ایف آئی آر درج کر کے کاپی ایف آئی آرزیر دستخطی کو ارسال کریں تاکہ مزید کاروائی عمل میں لائی جائے

    اس سلسلے میں شفقت عباس اعوان کا کہنا ہے کہ بجلی چوری کا الزام بے بنیاد اور جھوٹا ہے، اور ان پر اس سے قبل بھی جھوٹے مقدمات درج کیے جا چکے ہیں۔

    حکومت بچوں کو سگریٹ نوشی سے بچانے کیلئے ٹھوس اقدامات کرے، شارق خان

    تمباکو جیسی مصنوعات صحت کی خرابی اور پیداواری نقصان کا سبب بنتی ہیں

    تمباکو سے پاک پاکستان…اک امید

    تمباکو سے پاک پاکستان، آئیے،سگریٹ نوشی ترک کریں

    تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

    ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

  • اعظم سواتی کے جسمانی ریمانڈ میں 7روز کی توسیع

    اعظم سواتی کے جسمانی ریمانڈ میں 7روز کی توسیع

    راولپنڈی: انسداددہشتگردی عدالت نے پی ٹی آئی رہنما اعظم سواتی کے جسمانی ریمانڈ میں 7روز کی توسیع کردی۔

    باغی ٹی وی : انسداد دہشت گردی عدالت راولپنڈی نے جلاؤ گھیراؤ کیس میں تحریک انصاف کے رہنما اعظم سواتی کا مزید 7 روزہ جسمانی ریمانڈ منظور کرلیا،انسداد دہشت گردی عدالت کے جج امجد علی شاہ نے 5 اکتوبر کو ہنگامہ آرائی، توڑ پھوڑ اور جلاؤ گھیراؤ کیس کی سماعت کی،ٹیکسلا پولیس نے 2روزہ ریمانڈ مکمل ہونے پر اعظم سواتی کو عدالت پیش کیا تھا،پولیس نے ملزم کے جسمانی ریمانڈ میں توسیع کی استدعا کی تھی-

    اعظم سواتی نے کہا کہ ایک یا دو دن کے بجائے ایک ہی بار پولیس کو سات روزہ ریمانڈ دے دیں ،عدالت نے پولیس کی درخواست اور اعظم سواتی کی اس پیشکش پر ریمانڈ میں توسیع کی استدعا منظور کر لی، جج امجد علی شاہ نے اعظم سواتی کا مزید 7 روزہ جسمانی ریمانڈ منظور کرتے ہوئے تفتیش مکمل کرکے 13 نومبر کو دوبارہ پیش کرنےکا حکم دیا۔

    واضح رہے کہ اعظم سواتی کو دو دن قبل اٹک جیل سے رہا ہونے پر ٹیکسلا پولیس نے گرفتار کیا تھا-

  • ٹرمپ کو مبارک دی،امریکہ سے اچھے تعلقات چاہتے ہیں،عمر ایوب

    ٹرمپ کو مبارک دی،امریکہ سے اچھے تعلقات چاہتے ہیں،عمر ایوب

    پشاور:گرفتاری کا خدشہ: اپوزیشن لیڈر عمر ایوب راہداری ضمانت کے لیے پشاور ہائی کورٹ پہنچ گئے

    پشاورہائی کورٹ کے جسٹس اعجاز انور راہداری ضمانت درخواستوں پر سماعت کی،عدالت نے عمر ایوب کی 2 دسمبر تک راہداری ضمانت درخواست منظور کر لی،عدالت نے درخواست گزار کو متعلقہ عدالتوں میں پیش ہونے کا حکم دے دیا، وکیل درخواست گزار نے عدالت میں کہا کہ عمر ایوب پر اسلام آباد اور پنجاب میں 21 مقدمات درج کئے گئے ہیں، درخواست گزار متعلقہ عدالتوں میں پیش ہونا چاہتے ہیں لیکن گرفتاری کا خدشہ ہے،راہداری ضمانت منظور کی جائے،

    عدالت پیشی کے موقع پر عمر ایوب کا کہنا تھا کہ آج پشاور ہائیکورٹ کا ممنون ہوں، حق سچ کا ساتھ دیا، ضمانت کے لئے آیا تھا، پاکستان میں اس وقت قانون کی عملداری کا فقدان ہے، ہر ایک کیس میں مجھے نامزد کیا جارہا ہے، فارن ایکٹ کا کیس بھی مجھ پر ڈالا، ہم اسکی مذمت کرتے ہیں، عمران خان تک ہمارے ساتھیوں کی رسائی نہیں ہو رہی، آج ملاقات شیڈول ہے، دیکھین اسکا کیا بنتا ہے، پچھلے دنوں عمران سے ٹی وی، اخبار کی سہولیات لی گئیں، پانی بجلی کاٹ دیا جاتا تھا، ہم اس کی مذمت کرتے ہیں، اعظم سواتی کو ایک بار پھر اندر کر دیا گیاسیمابیہ طاہر کی کل رہائی ہوئی، یہ آئی ایم ایف کے ٹارگٹ نہیں پورے کر رہے، منی بجٹ انکو لانا پڑنا ہے، ملک میں مہنگائی کا سیلاب ہے،ایک بے چینی ہے،ہم جمہوری احتجاج کریں گے، غیر جمہوری برتاؤ درست نہیں، ہم کسی کا گلا نہیں کاٹ سکتے، آرمی ایکٹ کا طریقہ کار غلط تھا یہ ہاؤس کمیٹی میں جانا چاہیے تھا،میں جوڈیشل کمیشن کا ممبر ہوں، وہاں ہم نے پوائنٹ آف ویو دیا تھا، میں نے ٹرمپ کو مبارکباد دی ہے اور یہی کہا ہے کہ امریکی اور پاکستانی عوام کے درمیان رابطے بہتر ہوں گے، ملکوں کی دوستی ہونی چاہئے، بہت سارے پاکستانی امریکہ میں مقیم ہیں، ہم چاہتے ہیں تعلقات اچھے ہونے چاہئے،

    میں نے خلیل الرحمان قمر کو ہنی ٹریپ نہیں کیا،آمنہ کی درخواست ضمانت دائر

    خلیل الرحما ن قمر کیس،آمنہ عروج کے مزید جسمانی ریمانڈ کی استدعا مسترد، جیل بھجوا دیا گیا

    نازیبا ویڈیو”لیک” ہونے سے میری ساکھ کو نقصان پہنچا،خلیل الرحمان قمر کا دعویٰ

    خلیل الرحمان قمر کو زنا کے جرم میں کیوں نہیں پکڑا جارہا؟صارفین برہم

    خلیل الرحمان قمر کی ایک اور "ویڈیو "آنے والی ہے

    تھانے میں آمنہ کو کرنٹ لگایا گیا،خلیل سے معافی مانگو

    خلیل قمر اور آمنہ کی انتہائی شرمناک ویڈیو،اس رات ہوا کیا تھا؟

  • لندن،قاضی فائز عیسیٰ پر حملہ کرنیوالے 26 ملزمان کو کیا جائے گا برطانیہ بدر

    لندن،قاضی فائز عیسیٰ پر حملہ کرنیوالے 26 ملزمان کو کیا جائے گا برطانیہ بدر

    لندن میں سابق چیف جسٹس قاضی فائز عیسٰی کو گالم گلوچ اور ان کی ڈپلومیٹک کار پر حملہ کرنے والے ملزمان کی شناخت ہو گئی ہے، 26 ملزمان کو جلد پاکستان ڈی پورٹ کر دیا جائے گا،

    یہ انکشاف سینئر صحافی و تجزیہ کار مظہر عباس نے نجی ٹی وی کے پروگرام کے دوران کیا،مظہر عباس کا کہنا تھا کہ ‏قاضی فائز عیسی پر حملہ کرنے والے بہت جلد پاکستان ڈی پورٹ ہونگے۔ لندن پولیس نے کارروائی کا آغاز کردیا ہے ۔

    لندن پولیس کی جانب سے سابق چیف جسٹس قاضی فائز عیسیٰ پر حملہ کرنے والے ملزمان جن کا تعلق پی ٹی آئی سے ہے کےخلاف کارروائی شروع کر دی گئی ہے، اور انہیں بہت جلد پاکستان ڈی پورٹ کرنے کا عمل شروع کیا جائے گا۔ لندن پولیس نے اس معاملے میں تحقیقات کا آغاز کر دیا ہے اور حملہ آوروں کی شناخت کے لئے اہم شواہد جمع کر لئے ہیں،قاضی فائز عیسیٰ پر حملہ گزشتہ ماہ لندن میں ہوا تھا، جس کے بعد پاکستانی حکام نے فوری طور پر برطانوی حکام سے رابطہ کیا تھا۔ لندن پولیس نے واقعے کی مکمل تحقیقات شروع کی ہیں اور جلد ہی ملزمان کے خلاف قانونی کارروائی عمل میں لائی جائے گی۔ ملزمان کو قانونی طریقے سے پاکستان واپس بھیجا جائے گا تاکہ ان کے خلاف ملکی قانون کے تحت کارروائی کی جا سکے۔

    واضح رہے کہ پاکستانی وزارت خارجہ نے لندن میں سابق چیف جسٹس قاضی فائز عیسیٰ اور ان کی اہلیہ کو ہراساں کرنے کے معاملے میں سخت احکامات جاری کیے ہیں۔ ذرائع کے مطابق، وزارت خارجہ نے برطانوی ہائی کمیشن کو اس معاملے میں قانونی کارروائی کے حوالے سے ہدایات فراہم کی ہیں، جس کا مقصد ہراسانی میں ملوث افراد کے خلاف سخت اقدامات اٹھانا ہے۔وزیر خارجہ سینیٹر اسحاق ڈار کی وزارت نے واضح کیا ہے کہ سابق چیف جسٹس اور ان کی اہلیہ کو ہراساں کرنے والے تمام عناصر کے خلاف بھرپور قانونی کارروائی کی جائے گی۔ وزارت خارجہ کے ذرائع کا کہنا ہے کہ ملزمان کو قرار واقعی سزا دلوانے کے لیے قانونی راستہ اختیار کیا جائے گا۔

    پاکستانی وزیر داخلہ محسن نقوی نے واقعے پر سخت ردعمل کا اظہار کرتے ہوئے حملہ آوروں کے خلاف قانونی کارروائی کے احکامات جاری کیے تھے۔ انہوں نے نادرا کو فوری طور پر حملہ آوروں کی شناخت کرنے کا حکم دیتے ہوئے کہا کہ فوٹیجز کے ذریعے ان کی شناخت کی جائے اور ان کے شناختی کارڈ اور پاسپورٹ کو فوری طور پر منسوخ کرنے کے اقدامات کیے جائیں۔ محسن نقوی کا کہنا تھا کہ حملے میں ملوث افراد کی پاکستانی شہریت بھی منسوخ کرنے کی کاروائی شروع کی جائے گی اور اس حوالے سے معاملہ وفاقی کابینہ کو بھیجا جائے گا۔

    ٹرمپ کے دوبارہ صدر منتخب ہونے پر روس،ایران کا ردعمل

    ٹرمپ کو برطانوی،بھارتی وزیراعظم،فرانسیسی،یوکرینی صدر و دیگر کی مبارکباد

    امریکی انتخابات،سیاسی منظر نامے میں اہم تبدیلیاں

    وزیراعظم کی ٹرمپ کو مبارکباد،پاک امریکا تعلقات مزید مضبوط کرنے کا عزم

    اپریل 2022 میں عمران خان سے ملاقات کرنیوالی الہان عمر چوتھی بار کامیاب

    ٹرمپ کی وائٹ ہاؤس میں واپسی امریکہ کے لیے ایک نیا آغاز،اسرائیلی وزیراعظم

  • ہماری پارٹی کی لیڈرشپ نے ہمارا سودا کیا ہے،اورنگزیب کھچی

    ہماری پارٹی کی لیڈرشپ نے ہمارا سودا کیا ہے،اورنگزیب کھچی

    اسلام آباد: پاکستان تحریک انصاف کے حمایت یافتہ آزاد رکن قومی اسمبلی اورنگزیب کھچی نے کہا ہے کہ ہماری پارٹی کا فارورڈ بلاک بن رہا تھا جسے میں نے رکوایا-

    باغی ٹی وی : تحریک انصاف کے حمایت یافتہ آزاد رکن قومی اسمبلی اورنگزیب کھچی نے کہا کہ ایوان میں وضاحت پیش کرتے کہاکہ یہاں کہا گیا کہ میں نے پیسے وصول کیے ہیں، اللہ تعالیٰ مجھے تباہ و برباد کرے اگر میں نے ایک روپیہ بھی لیا ہو-

    اورنگزیب کھچی نے کہا کہ اپوزیشن لیڈر نے کہا ہمارے لوگو ں کے ساتھ یہ ہو رہا ہے، ہماری پارٹی کی لیڈرشپ نے ہمارا سودا کیا ہے، یہ مجھے داد دیں اس دن ہماری پارٹی کا فارورڈ بلاک بن رہا تھا جسے میں نے رکوایا پی ٹی آئی ایک بہت بڑی جماعت ہے، آنے والے وقت میں پھر ہمارے حلقے کی عوام جو فیصلہ کرے گی ہمیں قبول ہے۔

    کوشش ہے کہ صحت کے شعبے کو ترجیحی بنیادوں پر آگے بڑھا سکیں،قائم …

    اورنگزیب کھچی کے خطاب کے دوران پی ٹی آئی ارکان شور شرابا کرتے رہے تاہم ڈپٹی اسپیکر نے شور شرابے کے دوران قومی اسمبلی کا اجلاس غیر معینہ مدت کے لیے ملتوی کردیا۔

    قبل ازیں وزیر اعظم شہباز شریف سے ارکان قومی اسمبلی مبارک زیب اور اورنگزیب کھچی نےپارلیمنٹ ہاؤ س میں الگ الگ ملاقاتیں کیں، دونوں ارکان نے حکومت کی پالیسیوں پر مکمل اعتماد کا اظہار کیاملاقات میں دونوں ارکان نے حکومت کی حمایت جاری رکھنے کے عزم کا اظہار کیا، وزیر اقتصادی امور احد خان چیمہ اور وزیر اطلاعات و نشریات عطاء اللہ تارڑ بھی اس موقع پر موجود تھے۔

    نوجوان خود پر یقین رکھنا سیکھیں اور ہمیشہ اللہ سے امیدیں رکھیں،نعمان اعجاز

  • اعظم سواتی جیل سے رہا ہوتے ہی دوبارہ گرفتار

    اعظم سواتی جیل سے رہا ہوتے ہی دوبارہ گرفتار

    راولپنڈی: پی ٹی آئی رہنما اعظم خان سواتی کوٹیکسلا پولیس نے گرفتار کر لیا،

    اعظم خان سواتی اٹک جیل سے رہا ہوئے تھے، اعظم خان سواتی کا جسمانی ریمانڈ اسلام آباد ہائی کورٹ نے کالعدم قرار دیا تھا، اعظم خان سواتی کو جیل سے رہا ہوتے ہی دوبارہ گرفتار کر لیا تھا،اعظم خان سواتی ٹیکسلا میں درج مقدمے میں مطلوب تھے،

    انسداد دہشت گردی عدالت اسلام آباد نے پی ٹی آئی رہنما اعظم سواتی کی 8 مقدمات میں ضمانت بعد از گرفتاری منظور کی تھی،جس کے بعد اعظم سواتی کے مچلکے جمع ہونے کے بعد روبکار جاری کی گئی تھی، 4 اکتوبر کو اسلام آباد میں احتجاج کے بعد پاکستان تحریک انصاف کے بانی چیئرمین اور سابق وزیر اعظم عمران خان کی ہمشیرہ علیمہ خان، عظمی خان، رہنما اعظم سواتی سمیت کئی کارکنان کو گرفتار کیا گیا تھا۔

  • ڈی چوک احتجاج میں اراکین اسمبلی کیوں نہیں آئے، زرتاج گل نے کیا پردہ فاش

    ڈی چوک احتجاج میں اراکین اسمبلی کیوں نہیں آئے، زرتاج گل نے کیا پردہ فاش

    رہنما تحریک انصاف و رکن قومی اسمبلی زرتاج گل نے کہا ہے کہ جیل میں عمران خان سے غیر انسانی سلوک روا رکھا جارہا ہے۔

    فیصل آباد میں عدالت پیشی کے بعد میڈیا سے گفتگو کرتے ہوئے پی ٹی آئی رہنما زرتاج گل کا کہنا تھا کہ کورٹ ٹرائل میں آج پہلی پیشی ہوئی اور تاریخ ملی ہے، انسداد دہشت گردی کی عدالت میں کوئی دہشت گرد پیش نہیں ہوتا البتہ پی ٹی آئی قیادت و کارکن پیش ہو رہے ہیں،پی ٹی آئی ورکرز کو دہشت گرد بنا کر پیش کیا جاتا ہے تاکہ وہ بانی پی ٹی آئی کا ساتھ چھوڑ دیں، چار روز قبل بانی پی ٹی آئی نے خود میرا نام ملاقات کیلئے دیا، چار گھنٹے طویل انتظار کے بعد ملاقات نہیں کروائی گئی، جیل میں ان سے غیر انسانی سلوک روا رکھا جا رہا ہے،شہباز شریف نے خود اعتراف کیا تھا یہ بجٹ آئی ایم ایف کا بجٹ ہے، اب انہوں نے گھر کا سامان بیچنا شروع کر دیا ہے، 26 ویں غیر آئینی ترمیم کر کے آئین پر شب خون مارا گیا۔

    زرتاج گل کا مزید کہنا تھا کہ انتظار پنجوتھا کو اغوا کیا گیا رہائی کے وقت انکی ویڈیو ریلیز کی گئی،ایک معزز شخص، وکیل کی اس طرح ویڈیو جاری کرنا انسانیت کی بھی تذلیل ہے، انسانی حقوق کی پامالی ہو رہی ہے، پی ڈی ایم حکومت نے ٹھیکہ لے رکھا ہے، وکلا، خواتین ان کی زد میں ہیں، کوئی محفوظ نہیں، اس بار جو بجٹ کا ویژن دیا گیا تھا شہباز شریف نے کہا تھا کہ آئی ایم ایف کی طرف سے دیا گیا ہے اب پی آئی اے،اداروں کو بیچ کر یہ سرمایہ کاری لانا چاہتے ہیں، پانامہ میں انہی دو تین خاندانوں کی جائیدادیں نکلی تھیں،پھر ملک میں کون سرمایہ کرے گا، ضمیر فروشی کے لئے ایک ایک ارب دیا جاتا ہے لیکن پی آئی اے کے لئے کہتے ہیں پیسے نہیں ہیں، نواز شریف تو پی آئی اے کو بھی اپنی جیب میں رکھنا چاہتے ہیں،مریم نواز سے کارکنان پوچھیں کہ گلے کی سرجری کے لئے پاکستان بنا جا رہی ہیں، چالیس سال ان کی حکومت رہی لیکن ان کا علاج یہاں نہیں ہو سکتا، نواز شریف کا بھی نہیں، جائیدادیں ان کی باہر ہیں،ہمارے اوپر تو پہلے ہی زندگی تنگ ہے، اب آ پ کی تنگ ہونی ہے، ہم کیا کر سکتے ہیں، ہم نے ضمیر فروشی نہیں کی، حق کے ساتھ کھڑے ہیں، انکی کچھ خواہشات پوری نہیں ہوئیں اس لئے ایک اور آئینی ترمیم لانا چاہتے ہیں، یہ غلط تاثر پھیلانے کی کوشش کی جا رہی ہے کہ کارکن مایوس ہو گئے ہیں یا پارٹی میں اختلافات ہیں، ہم تو 8 فروری کے الیکشن کے وقت نہیں ڈرے جب ظلم اور جبر کے پہاڑ توڑے گئے، صرف ڈی چوک احتجاج میں ہمارے ایم این ایز نہیں آئے کیونکہ 26 ویں ترمیم کی وجہ سے انھیں منع کیا گیا تھا، ورنہ ہمارے اراکین اسمبلی ہر احتجاج میں آتے تھے اور آئیں گے،

    قبل ازیں زرتاج گل پی ٹی آئی رہنما زین قریشی کے ہمراہ 9 مئی مقدمات کے سلسلے میں انسداد دہشتگردی عدالت پیش ہوئیں، عدالت نے کیس کی سماعت 7 نومبر تک ملتوی کردی،

  • اعظم سواتی کی 8 مقدمات میں ضمانت بعد از گرفتاری منظور

    اعظم سواتی کی 8 مقدمات میں ضمانت بعد از گرفتاری منظور

    اسلام آباد: انسداد دہشت گردی عدالت اسلام آباد نے پی ٹی آئی رہنما اعظم سواتی کی 8 مقدمات میں ضمانت بعد از گرفتاری منظور کرلی۔

    باغی ٹی وی : اعظم سواتی کے خلاف ڈی چوک احتجاج میں مالی معاونت پر درج مقدمات میں ضمانت کی درخواستوں پر سماعت ہوئی ، انسداد دہشت گردی عدالت کے جج ابو الحسنات ذولقرنین نے سماعت کی۔

    پراسکیوٹر راجہ نوید اور اعظم سواتی کے وکیل سہیل ایڈووکیٹ عدالت میں پیش ہوئے، پراسکیوٹر راجہ نوید کی جانب سے اعظم سواتی کی ضمانت کی مخالفت کی گئی،عدالت نے 20، 20 ہزار مچلکوں کے عوض 8 مقدمات میں اعظم سواتی کی ضمانت بعد از گرفتاری کی درخواست منظور کر لی۔

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر …

    واضح رہے کہ 4 اکتوبر کو اسلام آباد میں احتجاج کے بعد پاکستان تحریک انصاف کے بانی چیئرمین اور سابق وزیر اعظم عمران خان کی ہمشیرہ علیمہ خان، عظمی خان، رہنما اعظم سواتی سمیت کئی کارکنان کو گرفتار کیا گیا تھا۔

    7 اکتوبو کر انسداد دہشت گردی عدالت نے پی ٹی آئی رہنما اعظم سواتی کو 3 دن کے جسمانی ریمانڈ پر پولیس کے حوالے کردیا تھا۔

    پی ٹی آئی کے احتجاج اور تشدد سے متعلق اسلام آباد کے مختلف تھانوں میں 13 مقدمات درج ہیں، جن میں سیکرٹریٹ، سی ٹی ڈی، رمنا، سنگجانی، گولڑہ، کراچی کمپنی، ترنول، سنبل، نون، انڈسٹریل ایریا، کوہسار اور آبپارہ تھانے شامل ہیں۔

    پہلا ون ڈے:پاکستان کی آسٹریلیا کے خلاف بیٹنگ جاری, 2 کھلاڑی آؤٹ

    حسن ابدال کے تازہ مقدمے میں عمران خان، عظمیٰ خان، علیمہ خان، علی امین گنڈا پور، عمر ایوب، شیخ وقاص اکرم، شوکت بسرا، زین قریشی، نعیم حیدر، اعظم سواتی، بیرسٹر سلمان اکرم راجا، ڈپٹی اسپیکر خیبرپختونخوا اسمبلی صغریٰ بی بی، صوبائی وزیر عاقب خان، سابق وزیر زادہ، 11 ارکان صوبائی اسمبلی کے علاوہ 3 ہزار سے زائد کارکنان کے نام شامل ہیں۔

    ایف آئی آر میں یہ الزام بھی لگایا گیا کہ پی ٹی آئی کے رہنماؤں عمر ایوب اور بیرسٹر محمد سیف نے اپنی اشتعال انگیز تقاریر سے مظاہرین کو اکسایا، اعظم سواتی نے فنڈنگ ​​فراہم کی اور وزیر اعلیٰ علی امین گنڈا پور نے وفاقی دارالحکومت پر مارچ کے لیے اپنے صوبے کے عوامی وسائل فراہم کیے۔

    قصور میں سموگ کا راج،کنٹرول نا کیا گیا تو سموگ بڑھنے کا خدشہ

  • پی ٹی آئی میں اختلافات،لندن احتجا ج میں شہر یار آفریدی کو دھکے دے کر اسٹیج سے اتار دیا گیا

    پی ٹی آئی میں اختلافات،لندن احتجا ج میں شہر یار آفریدی کو دھکے دے کر اسٹیج سے اتار دیا گیا

    لندن: پاکستان تحریک انصاف (پی ٹی آئی) نے برطانوی وزیراعظم کی سرکاری رہائش گاہ کے سامنے ایک احتجاجی مظاہرہ کیا۔

    باغی ٹی وی : احتجاج پاکستان کے سیاسی حالات کے پس منظر میں منعقد کیا گیا،احتجاج میں شریک افراد کا کہنا تھا کہ پاکستان میں سیاسی استحکام کے لئے پی ٹی آئی کا چھینا گیا مینڈیٹ واپس کیا جانا چاہیے موجودہ حکومت کی پالیسیوں نے ملک میں عدم استحکام پیدا کیا ہے، اور اس کے اثرات عوام پر مرتب ہو رہے ہیں۔

    پی ٹی آئی کے مظاہرے سے خطاب کرتے ہوئے رہنما زلفی بخاری نے زور دیا کہ پارٹی کے بانی عمران خان کو جیل سے فوری طور پر رہا کیا جائے ”انتظار پنجوتھا“ کے ساتھ جو کچھ ہوا، وہ نہ صرف افسوسناک بلکہ قابل مذمت ہے، اور اس کا اثر پاکستان کی سیاسی صورتحال پر پڑ رہا ہے۔

    علاوہ ازیں احتجاج میں ، شہباز گل،شہزاد اکبر اور دیگر نے خطاب کیا لیکن شہریار آفریدی کے اسٹیج پر آتے ہی شہباز گل اسٹیج سے اترگئے،اس موقع پر میڈیا سے گفتگو میں شہریار آفریدی کا کہنا تھاکہ میں خان کا سپاہی ہوں، مجھے کہا گیا تھا میں آیا اور احتجاج میں رہا، مجھے نہیں سمجھ آئی مجھے جلسے میں بلا کر تقریر نہیں کرنے دی گئی۔

    پاکستان کو شکست،سری لنکا نے ہانگ کانگ سپر سکسز کا ٹائٹل جیت لیا

    واضح رہے کہ یہ احتجاج حالیہ دنوں میں پیش آنے والے واقعات کے تناظر میں بھی اہمیت رکھتا ہے چند دن قبل، سابق چیف جسٹس آف پاکستان قاضی فائز عیسیٰ کو مڈل ٹیمپل کا بینچر بنانے کی تقریب کے دوران بھی پی ٹی آئی کارکنوں نے احتجاج کیا اس موقع پر پی ٹی آئی ملیکہ بخاری، اظہر مشوانی، اور دیگر نے بھی مظاہرین سے خطاب کیا،تقریب سے باہر نکلتے ہوئے، پی ٹی آئی کے کارکنان نے جسٹس قاضی فائز عیسیٰ کی گاڑی پر حملہ کیا اور اس پر مکے برسانے کی کوشش کی۔

    قصور میں سموگ کا راج،کنٹرول نا کیا گیا تو سموگ بڑھنے کا خدشہ

  • پی ٹی آئی کارکنان کی جہالت،واقعی”فتنہ”،سعودی عرب میں جاہلانہ حرکتیں

    پی ٹی آئی کارکنان کی جہالت،واقعی”فتنہ”،سعودی عرب میں جاہلانہ حرکتیں

    تحریک انصاف کی جہالت،کارکنان کی غلطیاں، سعودی عرب میں پاکستانیوں کے لئے مشکلات کا باعث بننے لگیں

    سعودی عرب میں قوانین کی پابندی پر سختی سے عمل کروایا جاتا ہے اور عمل نہ کرنے والوں کو گرفتار و قانون کے مطابق سزا ہوتی ہے، چند روز قبل پی ٹی آئی رکن اسمبلی شیر افضل مروت نے سماجی رابطے کی ویب سائٹ ایکس پر ایک ٹویٹ میں کہا گیا تھاکہ انکے اسمبلی دفتر کے افسر کو سعودی عرب میں عمران خان کی تصویر لہرانے پر گرفتار کیا گیا ہے، شیر افضل مروت نے سعودی حکومت سے اپیل کی تھی کہ سعودی حکومت اس بندے کو رہا کرے ، تاہم یہ پہلا اور آخری واقعہ نہیں ہے، پی ٹی آئی کارکنان سعودی عرب ،عمرہ یا ملازمت کے لئے جاتے ہیں تو وہاں پی ٹی آئی پرچم، یا عمران خان کی تصویریں لہراتے ہیں جس پر انکے خلاف کاروائی ہوتی ہے، اسی وجہ سے سعودی عرب پاکستانیوں پر سختی کرتا ہے تو دیگر پاکستانی شہری بھی سعودی عرب میں مشکلات کا شکار ہو جاتے ہیں

    اب ایک تازہ ترین ویڈیو سامنے آئی ہے جس میں ایک پی ٹی آئی کارکن پرچم لئے دوڑ رہا ہے،کارکن نے احرام بھی پہنا ہوا ہے اور ساتھ چلنے والے دیگر افراد بھی احرام میں ہیں، پی ٹی آئی کارکن کی ویڈیو سوشل میڈیا پر وائرل ہو رہی ہے،ایک اور ویڈیو بھی سامنے آئی ہے جس میں پی ٹی آئی کارکنا ن نے غار حرا کے داخلی راستے پر ایک پتھر پر پی ٹی آئی اور گونواز گو لکھ دیا ہے

    پاکستان میں سیاسی جماعتیں کارکنان کو اپنے مقاصد کے لئے استعمال تو کرتی ہیں تا ہم اتنی جاہلانہ حرکات کے لئے پی ٹی آئی ہی اپنے کارکنان کو استعمال کر رہی ہے اور جب پی ٹی آئی کارکنان کسی مشکل میں آتے ہیں تو قیادت انکو لاوارث چھوڑدیتی ہے.انہی حرکات کی وجہ سے پی ٹی آئی کو "فتنہ” بھی کہا جاتا ہے،پاکستان میں تقریباً 150 سیاسی جماعتیں ہیں، مگر تحریک انصاف کی نوعیت ایسی ہے کہ اس کے حامیوں اور کارکنان کی حرکات نہ صرف اندرون ملک بلکہ بیرون ملک بھی پاکستان کی بدنامی کا باعث بن رہی ہیں، سعودی عرب میں پی ٹی آئی کارکنان جو حرکتیں کر رہے ہیں، کوئی بھی دوسری جماعت ایسی حرکتیں کرنے کا تصور بھی نہیں کر سکتی،

    سعودی عرب میں پی ٹی آئی کارکنان کی جانب سے پی ٹی آئی پرچم لہرانا، جہالت اور قانون کی خلاف ورزی قرار ہے، سعودی عرب میں عمرہ و ملازمت کے لئے جانے والے افراد کی جانب سے سیاسی سرگرمیاں اور غیر ملکی سیاسی جماعتوں کے علامتوں کا استعمال عموماً ممنوع ہے۔ اگر کسی نے یہ کام کیا تو یہ نہ صرف مقامی قوانین کی خلاف ورزی ہوسکتی ہے، بلکہ اس کے نتیجے میں قانونی کارروائی بھی ہوسکتی ہے۔ اس طرح کے واقعات سے یہ واضح ہوتا ہے کہ لوگوں کو مقامی قوانین کے بارے میں آگاہی ہونی چاہئے اور انہیں ان کا احترام کرنا چاہئے۔

    سعودی عرب میں پی ٹی آئی کارکنان کی جانب سے پرچم لہرانے کی وجہ سے گرفتاریاں بھی ہوئی تھیں، چند ماہ قبل پی ٹی آئی کے رہنما اور سابق ایم این اے فہیم خان کو سعودی عرب میں خانہ کعبہ پر 9 مئی کے جھوٹے بیانیے پر حلف لیتے ہوئے ویڈیو بنانے کے الزام میں گرفتار کر لیا گیا تھا۔ بعد ازاں انکی رہائی ہوئی تھی،

    اسلام آباد ایئر پورٹ نواز شریف کے قریبی دوست کو دیا جا رہا، مبشر لقمان

    پی آئی اے نجکاری،صرف 10 ارب کی بولی، کیوں؟سعد نذیر کا کھرا سچ میں جواب

    پی آئی اے نجکاری،خیبر پختونخوا حکومت کی بولی کا حصہ بننے کی خواہش

    پی آئی اےکی نجکاری کیلئے 6کمپنیوں نے پری کوالیفائی کرلیا

    پی آئی اے کا خسارہ 830 ارب روپے ہے، نجکاری ہی واحد راستہ ہے، علیم خان