Tag: چین

چین کے وزیراعظم لی کیانگ سعودی عرب کے دورے پر پہنچ گئے، سعودی ولی عہد شہزادہ محمد بن سلمان نے چینی وزیراعظم کا استقبال کیا۔

باغی ٹی وی کو موصول اطلاعات کے مطابق چینی وزیراعظم سعودیہ چین مشترکا کمیٹی کے چوتھے اجلاس کی سربراہی کریں گے۔چینی میڈیا کے مطابق چینی رہنما سعودی عرب کے بعد متحدہ عرب امارات بھی جائیں گے۔سعودی عرب اور امارات کے دورے میں چین کے ان ممالک کے ساتھ توانائی، مالیات اور ٹیکنالوجی کے شعبوں میں تعاون بڑھانے پر بات ہوگی۔
اس سے قبل سعودی عرب میں چینی سفیر چانگ ہو نے کہا تھا کہ ’مغربی ایشیا اور شمالی افریقہ کے لیے چین کے لیے سعودی عرب ایک بڑا اور اہم تجارتی شریک ہے۔ گزشتہ دو برسوں میں دوطرفہ تجارت 100 ارب ڈالر سے سے تجاوز کر گئی ہے۔‘ان کا کہنا تھا کہ ’سعودی عرب اور چین کے مابین تمام امور میں تعاون جاری ہے جن میں سکیورٹی و فوجی شعبے شامل ہیں۔‘انہوں مزید کہا کہ ’پرامن ایٹمی توانائی سمیت صاف توانائی کے شعبے میں تعاون کو مضبوط بنانے کے حوالے سے بھی پرامید ہیں۔‘چینی سفیر نے کہا کہ بیجنگ جلد چین کی سرپرستی میں سعودی، ایرانی مصالحتی کمیٹی کے نئے اجلاس منعقد کرنے کا ارادرہ رکھتا ہے۔‘انہوں نے مزید کہا کہ ’بیجنگ معاہدے پرعمل درآمد کے لیے کمیٹی کا نیا سالانہ اجلاس منعقد کیا جانے والا ہے۔

بنگلہ دیش کی عبوری حکومت کے امور خارجہ کے مشیر محمد توحید حسین نے پیر کے روز کہا ہے کہ دو طرفہ تعلقات ایک بڑی چیز ہے اگر سابق وزیر اعظم حسینہ واجد بھارت میں رہی تو اس سے تعلقات بہتر نہیں بلکہ خراب ہوں گے.

عبوری حکومت کے امور خارجہ کے مشیر محمد توحید حسین سے ایک صحافی نے سوال کیا تھا کہ حسینہ کے ہندوستان میں قیام کے طویل ہونے سے ہندوستان کے ساتھ دو طرفہ تعلقات متاثر ہوں گے یا نہیں؟ اس پر عبوری حکومت کے امور خارجہ کے مشیر محمد توحید حسین نے جواب دیا تھا کہ بھارت کے ساتھ تعلقات کو نقصان پہنچے گا،بوری حکومت کے امور خارجہ کے مشیر محمد توحید حسین ریاستی گیسٹ ہاؤس پدما میں ڈھاکہ میں تعینات سفارت کاروں کو بریفنگ دینے کے بعد صحافیوں سے بات کر رہے تھے۔

نوبل انعام یافتہ پروفیسر محمد یونس کی سربراہی میں عبوری حکومت کے قیام کے بعد ڈھاکہ میں تعینات سفارت کاروں کے لیے یہ پہلی بریفنگ تھی۔عبوری حکومت کے امور خارجہ کے مشیر محمد توحید حسین نے بین الاقوامی برادری کو مناسب حفاظتی اقدامات کے ساتھ صورتحال میں بہتری کی یقین دہانی کرائی۔انہوں نے بین الاقوامی برادری سے دوطرفہ اور کثیر الجہتی مصروفیات کے حوالے سے تعاون بھی طلب کیا۔عبوری حکومت کے امور خارجہ کے مشیر محمد توحید حسین نے سفارت کاروں کو آگاہ کیا کہ عبوری حکومت انسانی حقوق کے مسائل پر بہت سنجیدہ ہے۔توحید حسین نے عبوری حکومت میں ایسے مشیروں کی شمولیت کا حوالہ دیا جن کے پاس انسانی حقوق کے مسائل پر کام کرنے کا ریکارڈ موجود ہے۔

بنگلہ دیش میں چین کے سفیر یاؤ وین نے بنگلہ دیش کی موجودہ صورتحال کو اس کا اندرونی معاملہ قرار دیا۔انہوں نے کہا کہ یہ بنگلہ دیش کا اندرونی معاملہ ہے۔انہوں نے یہ بھی بتایا کہ چین عبوری حکومت کے قیام کا خیر مقدم کرتا ہے۔سفیر نے ملاقات کے بعد صحافیوں کو بتایا کہ "چین بنگلہ دیش کے ساتھ کام جاری رکھے گا۔”

دوسری جانب بنگلہ دیش کے وزارت داخلہ امور کے مشیر بریگیڈیئر جنرل (ریٹائرڈ) محمد سخاوت حسین نے کہاہے کہ خ حسینہ واجد اپنی مرضی سےبنگلہ دیش چھوڑ کر گئی ہیں انہیں کسی کی جانب سے مجبور نہیں کیا گیا تھا،عوامی لیگ کی صدر شیخ حسینہ کو اپنی پارٹی کو نئے چہرے کے ساتھ دوبارہ منظم کرنا چاہیے، ہم نے انہیں واپس آنے کی دعوت دی لیکن بدامنی پیدا کرنے سے گریز کرنے کی تنبیہ بھی کی ہے،حسینہ واجد اگر بنگلہ دیش واپس آنا چاہتی ہیں تو پہلے اس سوال کا جواب دیں کہ انہوں نے بنگلہ دیش کیوں چھوڑا تھا، سخاوت حسین کا مزید کہنا تھا کہ بنگلہ دیش میں کسی سیاسی جماعت پر پابندی نہیں ہونی چاہئے،

حسینہ واجد کی پسندیدہ بلی 40 ہزار میں فروخت

امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف

پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا

میری ماں اب بھی بنگلہ دیش کی وزیراعظم ہے،حسینہ کے بیٹے کا دعویٰ

حسینہ کی بھارت میں 30 ہزار کی شاپنگ،پیسے ختم ہو گئے

در بدر کے ٹھوکرے: شیخ حسینہ واجد کی سیاسی سفر کا المناک انجام

حسینہ کی حکومت کا بد ترین خاتمہ،مودی کی سفارتی سطح پر ایک اور بڑی ناکامی

ہم پاکستان کے ساتھ جانا پسند کریں گے۔ بنگلہ دیشی شہریوں کا اعلان

بنگالی "حسینہ”مشکل میں،امریکی ویزہ منسوخ،سیاسی پناہ کیلیے لندن سے نہ ملا جواب

بنگلہ دیش،طلبا کی ڈیڈ لائن ختم ہونے سے قبل ہی پارلیمنٹ تحلیل

حسینہ واجد کی ساڑھی بیوی کو پہنا کر وزیراعظم بناؤں گا،شہری

چین نے فلسطین کے ناراض دھڑوں میں مصالحت کروا دی

مختلف فلسطینی دھڑوں نے چین میں بیجنگ اعلامیے پر دستخط کر کے اختلافات ختم کرنے اور فلسطینی اتحاد کو مضبوط کرنے پر اتفاق کیا ، چین کے سرکاری میڈیا سی سی ٹی وی کے مطابق فلسطینی دھڑوں کے درمیان بیجنگ میں 21 سے 23 جولائی تک جاری رہنے والے مصالحتی مذاکرات کی اختتامی تقریب کے دوران اعلامیے پردستخط کیے گئے، الفتح اور حماس کے رہنماؤں سمیت مجموعی طور پر 14 فلسطینی دھڑوں نے میڈیا کے نمائندوں سے ملاقات کی اور اس موقع پر چین کے وزیر خارجہ وانگ یی بھی موجود تھے،چین کے وزیر خارجہ وانگ یی نے 14 فلسطینی دھڑوں کی طرف سے جنگ کے بعد غزہ پر حکومت کرنے کے لیے عبوری قومی مفاہمتی حکومت کے قیام کے معاہدے کو سراہا ہے۔

حماس اور الفتح سمیت فلسطینی دھڑوں نے مصالحت کی نئی کوشش کے لیے رواں ہفتے بیجنگ میں ملاقات کی۔ چین کے اعلیٰ سفارت کار نے بتایا کہ فریقین نے مفاہمت کا عہد کیا ہے، بیجنگ اعلامیے پر دستخط کرنے کے بعد وانگ یی نے کہا کہ سب سے نمایاں بات جنگ کے بعد غزہ کی گورننس کے لیے ایک عبوری قومی مفاہمتی حکومت کی تشکیل کا معاہدہ ہے،مفاہمت فلسطینی دھڑوں کا اندرونی معاملہ ہے لیکن یہ بین الاقوامی برادری کے تعاون کے بغیر ممکن نہیں، چین مشرق وسطیٰ میں امن و استحکام کے تحفظ کے لیے تعمیری کردار ادا کرنے کا خواہاں ہے

2006 کے انتخابات میں حماس کی کامیابی کے بعد عسکریت پسندوں نے الفتح گروپ کو غزہ کی پٹی سے بے دخل کر دیا تھا جس کے بعد سے حماس اور الفتح بدترین حریف ہیں،2007 میں کنٹرول سنبھالنے کے بعد سے اسلامی تحریک حماس نے غزہ پر حکومت کی ہے،سیکولر تحریک فتح فلسطینی اتھارٹی کو کنٹرول کرتی ہے جس کا اسرائیل کے مقبوضہ مغربی کنارے میں جزوی انتظامی کنٹرول ہے