Baaghi TV

Tag: چین

  • بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    باغی ٹی وی کی رپورٹ کے مطابق بھارت نے پاکستان کے ساتھ بارڈر سے بھارتی فوج کی چھ ڈویژن ہٹا کر چین کی سرحد پر تعینات کر دی ہیں

    یہ انکشاف بھارتی اخبار انڈیا ٹوڈے نے کیا، بھارتی اخبار کی رپورٹ کے مطابق چین کے ساتھ جاری فوجی تعطل کے درمیان، بھارتی فوج نے لداخ سیکٹر سے اروناچل پردیش میں اپنے چھ ڈویژنوں کے آپریشنل کاموں کو تبدیل کر دیا ہے اور اپنی توجہ پاکستان کے بارڈر سے ہٹا کر چین کی طرف مرکوز کر دی ہے۔

    بھارتی فوج اپنی فوج کی تعیناتیوں کا از سر نو جائزہ لے رہی ہے، بھارتی آرمی چیف جنرل منوج پانڈے نے چین کے ساتھ سرحد پر بھارتی فوج کے دستوں کی صورتحال اور تعیناتی کا جائزہ لیا۔ چین کے ساتھ فوجی تعطل دو سال سے جاری ہے جب چین نے بڑی تعداد میں فوجیوں کو بھارتی پوزیشن پر تعینات کر دیا تھا،

    اعلیٰ سرکاری ذرائع نے انڈیا ٹوڈے کو بتایا کہ راشٹریہ رائفلز کی ایک ڈویژن کو جموں کشمیر سے ہٹا کر اب اسے مشرقی لداخ سیکٹر میں تعینات کر دیا گیا ہے اور وہ وہاں پہلے سے موجود 3 ڈویژن کے ساتھ رہے گی،  ہریانہ میں اسٹرائیک کور کے ایک ڈویژن کو سنٹرل کمان کو دوبارہ سونپا گیا ہے تاکہ وہ سنٹرل سیکٹر پربھی مامور رہے،

    بھارتی فوج نے ون اسٹرائیک کور کے دو ڈویژنوں کو اضافی یا ریزرو فورسز کے طور پر لداخ سیکٹر کی دیکھ بھال کے لیے بھی تفویض کیا ہے۔ ون اسٹرائیک کور پہلے مکمل طور پر پاکستان کے بارڈر پر تعینات تھی لیکن اب اس کی توجہ شمالی سرحدوں کی طرف ہو گی۔

    17 ماؤنٹین اسٹرائیک کور اب اصل کنٹرول لائن کے ساتھ مشرقی علاقوں کے لیے پوری طرح سے تعینات ہو چکی ہے اسے جھارکھنڈ سے باہر ایک اضافی ڈویژن بھی دیا گیا ہے۔

    فوج نے آسام میں انسداد دہشت گردی کی کارروائیوں میں مصروف ڈویژن کوہٹا دیا ہے اور اسے صرف چین کی سرحد پر تعینات کر دیا ہے،

    انڈیا ٹوڈے کے مطابق بھارتی فوج نے چینی افواج کو یہ پیغام بھیجا ہے کہ وہ اسٹیٹس کو کو تبدیل کرنے کی کوئی اور یکطرفہ کوشش کبھی نہیں کر پائیں گے کیونکہ بھارت "وہاں پہلے سے کہیں بہترپوزیشن میں ہے،

    انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

    افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

    وطن کی مٹی گواہ رہنا، کے نام سے یوم دفاع وشہداء منانے کا اعلان

    شُہداء، غازیوں اوراُن سے جُڑے تمام رِشتوں کو سَلام،آئی ایس پی آر کی نئی ویڈیو جاری

    بھارت کی پاکستانی فضائی حدود کی خلاف ورزی،ترجمان پاک فوج کا بڑا اعلان

    فضائی حدود کی بلااشتعال خلاف ورزی پر بھارتی ناظم الامور کی دفتر خارجہ طلبی

    بھارت مان گیا، میزائل ہم سے فائر ہوا، بھارتی وزارت دفاع

  • چین، ایئر پورٹ پر کھڑے طیارے میں لگی آگ،119 مسافر تھے سوار

    چین، ایئر پورٹ پر کھڑے طیارے میں لگی آگ،119 مسافر تھے سوار

    باغی ٹی وی کی رپورٹ کے مطابق چین میں ایئر پورٹ پر کھڑے جہاز میں آگ لگ گئی

    آگ لگنے کے واقعہ میں کچھ مسافر زخمی بھی ہوئے ہیں، جنہیں طبی امداد کے لئے ہسپتال منتقل کر دیا گیا ہے، آگ کیسے لگی اس کا معلوم نہیں ہو سکا ، چینی میڈیا کے مطابق واقعہ چونگ کنگ ایئر پورٹ پر پیش آیا جہاں تبت ایئر لائن کے جہاز میں اچانک آگ بھڑک اٹھی، جب آگ لگی تو اس وقت طیارے میں مسافر اور عملہ سوار ہو چکا تھا، طیارے میں سوار 113 مسافروں اور عملے کے نو اراکین کو محفوظ نکال لیا گیا ہے، کچھ لوگ زخمی ہوئے انہیں طبی امداد دی گئی،

    آگ لگنے کی ویڈیو سامنے آئی ہے جس میں دیکھا جا سکتا ہے کہ طیارے کو آگ لگی ہوئی ہے اور دھواں نکل رہا ہے ،آگ لگنے کی اطلاع پر قریبی ہسپتال میں ایمرجنسی نافذ کر دی گئی اور ریسکیو ادارے ایئر پورٹ پہنچے، اور آگ کو بجھایا

    تبت ایئر لائن کی جانب سے جاری بیان میں کہا گیا ہے کہ جہاز میں سوار تمام مسافروں اور عملے کو نکال لیا گیا ہے، تمام لوگ محفوظ ہیں،

    قبل ازیں مارچ کے مہینے میں کنمنگ سے گوانگزو جانے والی چائنا ایسٹرن کی فلائٹ جو تقریباً 29 ہزار فٹ کی بلندی پر پہاڑی علاقے میں تھی میں آگ لگ گئی تھی، جس کے نتیجے میں جہاز پر سوار 132 افراد ہلاک ہو گئے تھے

    اسے چین کی 30 سالہ تاریخ کا سب سے بڑا حادثہ قرار دیا گیا۔ اس کی کوئی خاص وجہ نہیں بتائی گئی۔ اس طیارے سے دو بلیک باکس ملنے کے بعد امریکہ میں اس کا تجزیہ کیا جا رہا ہے تاکہ چائنا ایسٹرن فلائٹ میں ہونے والے اس حادثے کا راز کھل سکے

    تین دفعہ شریفوں نے وعدے لئے جو کبھی پورے نہ ہوئے،پرویز الہیٰ پھٹ پڑے

    ہماری آفر پرویز الہیٰ نے مانی،دعا خیر کی پھر عمران کی چوکھٹ پر سجدہ ریز ہو گئے،خواجہ آصف

    پنجاب اسمبلی میں دوبارہ جھگڑا ،پرویز الہیٰ بھی زخمی ہو گئے

    پنجاب اسمبلی اجلاس، تصادم کے بعد پی ٹی آئی کا بائیکاٹ

    زخمی ہونے کے بعد پرویز الہیٰ کی ہاتھ اٹھا کر بددعا، ویڈیو وائرل

    حکومت کے ہاتھ پاؤں پھول گئے، شہزاد اکبر کو کیوں نکالا؟

    عمران خان کے مشیر بیرون ملک روانہ

  • دنیا کی90بندرگاہوں پرچین کا قبضہ

    دنیا کی90بندرگاہوں پرچین کا قبضہ

    نئی دہلی : دنیا کی 90 بندرگاہوں پر چین کا قبضہ:بھارت اوردیگرمخالفین پریشان،اطلاعات کے مطابق چین کے مخالف ملکو‌ں پر اس وقت ایک خوف طاری ہے جس سے صاف ظاہر ہوتا ہے کہ یہ ممالک اب چین کی بالادستی قبول کرنے کےلیے تیار بھی نہیں اور اس بالادستی کوچیلنج کرنے کےلیے خفیہ منصوبے بھی تشکیل پارہےہیں‌،

    اس حوالے سے چین کے مخالف ملکوں نے یہ انکشاف کیا ہے کہ اس وقت چین ایشیا سمیت دنیا کے دیگر حصوں میں تیزی سے اپنی فوجی طاقت بڑھا رہا ہے۔ بحرالکاہل کے ایک چھوٹے سے جزیرے ملک سولومن میں چینی فوجی اڈے کے قیام کی حالیہ خبروں نے امریکہ، آسٹریلیا اور نیوزی لینڈ کے درمیان تناؤ بڑھا دیا ہے۔ جزائر سولومن سے گواڈیلوپ کی ایک نہر بحر الکاہل سے ہوتی ہوئی آسٹریلیا کے راستے نیوزی لینڈ تک جاتی ہے، اس لیے امریکہ اور برطانیہ نے آسٹریلیا کو جوہری آبدوزیں بھیجنے کا اعلان کیا ہے۔ دریں اثنا، آسٹریلیا کے وزیر اعظم سکاٹ موریسن نے پیر کو کہا کہ وہ جنوب مغربی بحرالکاہل کے علاقے میں چین کے عزائم سے آگاہ ہیں اور چین کے خطرناک عزائم سے بھی آگاہ ہیں۔

    چین مخالف قوتوں کا کہنا ہے کہ درحقیقت چین اپنے عالمی مفادات کی آڑ میں ایشیا اور امریکی فوجی تسلط کو چیلنج کرنا چاہتا ہے۔ دنیا پر حکمرانی کرنے کے ارادے کی وجہ سے چین نے دنیا کی 90 سے زائد بندرگاہوں پر قبضہ کر رکھا ہے۔ چین کا کہنا ہے کہ وہ جہازوں کی رہائش اور تجارت کے لیے انھیں استعمال کرتا ہے لیکن چین انھیں کسی بھی وقت فوجی اڈے کے طور پر استعمال کر سکتا ہے۔ سولومن چین معاہدے کے بعد آسٹریلیا کو خدشہ ہے کہ چین نے جزائر سولومن پر فوجی اڈہ بنانے کا منصوبہ بنایا ہے۔ جزائر سولومن کی آبادی 6.87 ملین ہے۔

    یہ بھی انکشاف ہوا ہے کہ اس میں افریقہ کے جبوتی میںچین کا ایک اعلان کردہ فوجی اڈہ ہے۔ اسے 2017 میں بحریہ کی سہولت کے طور پر بنایا گیا تھا۔ چین کا دعویٰ ہے کہ وہ جزائر سولومن میں امن و استحکام اور تجارت کو فروغ دینے کے لیے ایسا کر رہا ہے۔ لیکن اس امکان کو رد نہیں کیا جا سکتا کہ چین اپنے عالمی مفادات کے نام پر ایشیا میں امریکی فوجی تسلط کو چیلنج کرنا چاہتا ہے۔

    ارجنٹائن سے سری لنکا تک چین کے یہ ہیں اہم فوجی اڈے ہیں ، جن میں سے چند بڑے یہ ہیں پیٹاگونیا، ارجنٹائن میں فوجی اڈہ افریقہ میں جبوتی بیسمیانمار میں عظیم کوکو جزیرے پر بحری اڈہگورن بدخشاں، تاجکستان میں نیول بیس مالدیپ، میانمار اور کیاوپو بندرگاہوں پر قبضہ کر لیا گیا۔جزائر انڈمان اور نکوبار کے قریب کوکو جزیرہسری لنکا میں ہمبنٹوٹا بندرگاہ 99 سال کے لیے لیز پر ہے پاکستان کی گوادر بندرگاہ ایک طرح سے چین کی ملکیت ہے۔

    آسٹریلوی وزیر اعظم سکاٹ موریسن نے پیر کے روز کہا کہ امریکہ اور اس کے اتحادیوں کو خدشہ ہے کہ اس معاہدے سے آسٹریلیا کے ساحل سے 2000 کلومیٹر سے بھی کم فاصلے پر چینی بحری اڈہ بن سکتا ہے۔ وزیر اعظم موریسن نے کہا کہ ان کی حکومت بندرگاہ کی فیریز، سب میرین آپٹیکل کیبلز، جہاز رانی اور جہاز کی مرمت سے متعلق مبینہ معاہدے کے مسودے سے حیران نہیں ہے۔

    انہوں نے نامہ نگاروں کو بتایا کہ ہم بخوبی جانتے ہیں کہ بحرالکاہل میں چینی حکومت کے عزائم کیا ہیں، چاہے وہ ایسی سہولیات کے حوالے سے ہو یا بحری اڈوں یا بحرالکاہل میں فوجی موجودگی کے حوالے سے”۔موریسن نے کہا، "بحرالکاہل کے بہت سے دوسرے رہنماؤں کی طرح، میں بھی ایسے انتظامات میں چینی حکومت کی مداخلت اور دخل اندازی پر گہری تشویش میں ہوں اور اس کا جنوب مغربی بحرالکاہل کے امن، استحکام اور سلامتی کے لیے کیا مطلب ہو سکتا ہے۔

    قبل ازیں آسٹریلوی اخبار نے جزائر سولومن میں گودی، گھاٹ اور پانی کے اندر کیبل بچھانے کے چین کے منصوبوں کی خبر شائع کی تھی۔ آسٹریلوی اخبار نے چین اور جزائر سولومن کے درمیان اس سال کے سمندری تعاون کے معاہدے کو شائع کیا۔ اخبار نے چار صفحات پر مشتمل ایک دستاویز شائع کی تھی۔ چین اور سولومن نے حال ہی میں اس بات کی تصدیق کی ہے کہ انہوں نے ایک علیحدہ سیکورٹی معاہدے پر دستخط کیے ہیں۔

  • چین کے ساتھ پاکستان کے تعاون کو مزید بلندی پر لے جائیں گے،وزیر خارجہ بلاول بھٹو

    چین کے ساتھ پاکستان کے تعاون کو مزید بلندی پر لے جائیں گے،وزیر خارجہ بلاول بھٹو

    وزیر خارجہ بلاول بھٹو نے گلوبل ڈویلپمنٹ انیشیٹوکے گروپ آف فرینڈز کے ورچوئل اجلاس سے خطاب کرتے ہوئے کہا کہ چین نے گلوبل ڈویلپمنٹ انیشیٹو کا سلسلہ شروع کیا ہے-

    باغی ٹی وی: ترجمان دفتر خارجہ عاصم افتخار احمد کی جانب سے جاری کردہ بیان کے مطابق وزیر خارجہ بلاول بھٹو زرداری نے گلوبل ڈویلپمنٹ انیشیٹو (جی ڈی آئی ) کے گروپ آف فرینڈز کےاعلیٰ سطحی ورچوئل اجلاس سے خطاب کیا-

    وزیر اعظم کی قومی اسمبلی میں تقریر کاجواب کل جلسے میں دوں گا،عمران خان

    ترجمان دفتر خارجہ کا کہنا ہے کہ بلاول بھٹو نے چین کی جانب سے گلوبل ڈویلپمنٹ انیشیٹو (جی ڈی آئی ) کا عمل شروع کے عمل کو سراہا جبکہ بلاول بھٹو نے جی ڈی آئی کو عالمی سطح پر پائیدار ترقی کے اہداف پر عمل درآمد کے لیے کوششوں کو تیز کرنے کے لیے ایک مفید پلیٹ فارم قرار دیا۔

    وزیرخارجہ بلاول بھٹو نے ورچوئل خطاب میں کہا کہ چین کے اس اقدام سے ترقی کا سفر تیز ہوگا وبائی امراض، موسمیاتی اور جغرافیائی تبدیلیوں کے دنیا پر تباہ کن اثرات مرتب ہوئےبلاول بھٹو نے جی ڈی آئی گروپ آف فرینڈز پر زور دیا کہ وہ ترقی پذیر دنیا کو درپیش چیلنجز سے نمٹنے اور صحت عامہ اور ویکسین ایکویٹی میں تعاون بڑھانے کے لیے اپنا کردار ادا کریں۔

    دشمن ممالک کو خوش کرنے کیلئےعمران نیازی ایک خطرناک ایجنڈے پر گامزن ہیں،شرجیل میمن

    ترجمان دفتر خارجہ کے مطابق وزیر خارجہ نے جی ڈی آئی پر زور دیا ہے کہ خوراک کی حفاظت کو یقینی بنانے، توانائی کی پیداوار بڑھانے، عالمی سبز معیشت کو فروغ دینے کے لیے کردار ادا کرے تجارت اور صنعت کاری کو فروغ دینے کے لیے ہنگامی اقدامات کی حمایت کرے متعدد بحرانوں نے ترقی کے لیے فنانسنگ کے فرق کو بڑھا دیا ہے، بین الاقوامی برادری ایس ڈی جیز کے لیے مناسب وسائل کو متحرک کرے عالمی برادری پر زور دیا ہے کہ وہ موسمیاتی فنانسنگ میں سالانہ کم از کم ایک سو ارب ڈالر فراہم کرنے کے عزم کو پورا کرے۔

    لاہور ہائیکورٹ : پنجاب کی ماتحت عدالتوں کے ججز کے تقرر و تبادلے

    وزیر خارجہ نے چین کے ساتھ سٹریٹجک کوآپریٹو پارٹنرشپ کو مزید مضبوط بنانے کے پاکستان کے عزم کا اعادہ کیا جبکہ وزیر خارجہ بلاول بھٹو نے چین پاکستان اقتصادی راہداری (سی پیک) جو بیلٹ اینڈ روڈ انیشیٹو کا ایک اہم منصوبہ ہے پر تیزی سے عمل درآمد کے عزم کو دوہرایا اور بنی نوع انسان کے لیے پرامن، خوشحال اور مشترکہ مستقبل کی مشترکہ خواہش کو فروغ دینے کے لیے جی ڈی آئی گروپ آف فرینڈز کے کام میں فعال طور پر حصہ لینے کے عزم کا اعادہ کیا۔

    بلاول بھٹو نے کہا کہ عالمی برادری نے دنیا کی ترقی کے جن اہداف کے حصول کی کوشش کی وہ کامیاب نہ ہو سکی چین کے ساتھ پاکستان کے تعاون کو مزید بلندی پر لے جائیں گے سی پیک منصوبے کی تکمیل کے لیے چین کے ساتھ تعاون کو بڑھانے، SDGsایس ڈی جیز کے قومی نفاذ کو آگے بڑھانے کے لیے اپنی کوششیں جاری رکھیں گے۔

    مولانا فضل الرحمان عمران خان کے ساڑھے تین سالہ دور اقتدار کی چارج شیٹ جاری کردی

  • ایشین گیمز 2022 ملتوی

    ایشین گیمز 2022 ملتوی

    ایشین گیمز 2022 ملتوی کر دی گئی ہیں

    چین میں ہونے والی ایشین گیمزکورونا کے باعث ملتوی ہوئیں ایشین گیمز دس سے پچیس ستمبر تک Hangzhou میں منعقد ہونا تھیں ۔ رواں برس کے آخری مہینوں میں ایشین گیمز ہونا تھا تا ہم شائقین کے لئے مایوس کن خبر آئی ہے کہ اس سال ایشین گیمز نہیں ہوں گی، ایشین گیمز ملتوی ہونے کے فیصلے سے ظاہر ہوتا ہے کہ چین میں ابھی تک کرونا چل رہا ہے اور کرونا سے بچاؤ کے پیش نظر چین نے ایسا فیصلہ کیا ہے،

    کامن ویلتھ اور ایشین گیمز کی تیاریوں کے لیے پاکستانی اتھلیٹس کے مختلف کیمپس اسلام آباد، لاہور سمیت دوسرے شہروں میں جاری ہیں

  • صدر ڈاکٹر عارف علوی کا چین کے سفارت خانے کا دورہ

    صدر ڈاکٹر عارف علوی کا چین کے سفارت خانے کا دورہ

    اسلام آباد:صدر ڈاکٹر عارف علوی کا چین کے سفارت خانے کا دورہ ،اطلاعات کے مطابق چین کے عوام اور حکومت سے اظہار یکجہتی کے لیے صدر مملکت ڈاکٹر عارف علوی نے چین کے سفارت خانے کا دورہ کا دورہ کیا۔

    صدر مملکت نے 26 اپریل 2022ء کو کراچی میں ہونے والے دہشت گرد حملے میں چینی شہریوں کی قیمتی جانوں کے ضیاع پر دلی تعزیت کا اظہار کیا۔

    چین کی ناظم الامور نے سفارت خانے کا دورہ کرنے اور چین کے عوام اور حکومت کے ساتھ اظہار یکجہتی پر صدر مملکت کا شکریہ ادا کیا بعد ازاں صدر مملکت نے سفارت خانے کی وزیٹر بک میں تاثرات بھی تحریر کیے۔

    اس موقع پر عارف علوی نے کہا کہ قوم اس افسوس ناک واقعے پر گہرے دکھ اور صدمے میں ہے، ہم چینی بھائیوں اور بہنوں کے غم میں برابر کی شریک ہے، پاکستان چینی شہریوں کے تحفظ کو ہر صورت یقینی بنائے گا اس گھناؤنے جرم میں ملوث عناصر کو انصاف کے کٹہرے میں لایا جائے گا۔

    انہوں نے کہا کہ اس واقعے کے پیچھے کچھ ایسے ممالک ہیں جو پاک چین دوستی اور سی پیک منصوبے کو نقصان پہنچانا چاہتے ہیں وہ ممالک اپنے عزائم میں کامیاب نہیں ہوں گے۔

    انہوں نے چینی ناظم الامور کو یہ جذبات چینی عوام، کمیونسٹ پارٹی اور صدر شی جن پنگ کے تک چانے کا بھی کہا۔

  • چین اورپاکستان یک قلب دوجان:ہم چین کی عوام کے دکھ میں برابر کے شریک ہیں: شہزاد وسیم

    چین اورپاکستان یک قلب دوجان:ہم چین کی عوام کے دکھ میں برابر کے شریک ہیں: شہزاد وسیم

    اسلام آباد:چین اورپاکستان یک قلب دوجان ،چین اورچینیوں کودُکھ میں نہیں دیکھ سکتے ،اس حوالے سے سینیٹر شہزاد وسیم نے کہا ہے کہ ہم چین کی عوام کے دکھ میں برابر کے شریک ہیں۔

    سینیٹر ڈاکٹر شہزاد وسیم نے چین کے سفارتخانے کی ناظم الاامور سے چینی اساتذہ کی ہلاکت پر اظہار افسوس کیا اور تعزیتی کتاب میں تاثرات درج کیے۔

    انہوں نے کہا کہ ہم چین کی عوام کے اس دکھ میں برابر کے شریک ہیں، اس دلخراش واقعے کی جتنی بھی مذمت کی جائے وہ کم ہے، اس طرح کے بزدلانہ اقدامات پاک چین دوستی کو سبوتاژ کرنے کی نا کام کوشش ہے۔

    شہزاد وسیم نے کہا ہے کہ اس طرح کی تخریبی کارروائیوں سے شرپسند عناصرپاک چین باہمی تعاون کو نقصان پہنچانا چاہتے ہیں، پاک چین دوستی ایک آہنی دوستی ہے اور یہ شر پسند عناصر اپنے مذموم مقاصد میں کبھی کامیاب نہیں ہونگے۔

    ادھر جامعہ کراچی حملے میں خود کش بمبار کو لانے والے رکشہ ڈرائیور بھی قانون نافذ کرنے والے اداروں کو مل گیا، تحقیقاتی اداروں نے رکشہ ڈرائیور کا بیان ریکارڈ کرلیا۔

    تفصیلات کے مطابق جامعہ کراچی حملے کی تحقیقات میں اہم پیش رفت ہوئی ، حملہ آور خاتون کو یونیورسٹی پہنچانے والا رکشہ ڈرائیور مل گیا۔تحقیقاتی اداروں نے بتایا کہ رکشہ ڈرائیور سے خاتون کے متعلق پوچھ گچھ کی گئی اور بیان ریکارڈ کرلیا گیا۔تحقیقاتی اداروں کا کہنا تھا کہ خودکش دھماکے میں سی فور جیسا بارودی مواد استعمال کیا گیا جو دھماکے کے ساتھ ہی جل جاتا ہے، اس بارودی مواد کو آسانی سے بجھایا نہیں جاسکتا۔

    دوسری جانب جامعہ کراچی میں خودکش دھماکے کا مقدمہ سی ٹی ڈی سول لائن میں درج کرلیا گیا ہے ، پولیس کا کہنا ہے کہ جامعہ کراچی میں جائے وقوع سے2ٹانگیں ملی ہیں، ملنے والے ایک پیر میں لیڈیز جوتا تھا ، جو خودکش کا تھا۔پولیس کی تحقیقات جاری ہے اور 17 ڈی این اے سیمپلز لیے گئے ہیں ، سوشل میڈیا پر علیحدگی پسند کالعدم بی ایل اے نےذمہ داری قبول کی اور خودکش دہشت گرد کی شناخت شاری بلوچ کے نام سےہوئی۔

    پولیس کا کہنا تھا کہ ممکنہ طورپرپاکستان کےخلاف غیرملکی ایجنسی بھی ملوث ہوسکتی ہے۔

  • دہشتگرد پاک چین دوستی کو سبوتاژ نہیں کرسکتے:بلاول بھٹوکی چینی سفیر سے ملاقات

    دہشتگرد پاک چین دوستی کو سبوتاژ نہیں کرسکتے:بلاول بھٹوکی چینی سفیر سے ملاقات

    اسلام آباد: پاکستان پیپلزپارٹی کے چیئرمین و وزیر خارجہ بلاول بھٹو زرداری نے چینی سفارت خانے کا دورہ کیا ، وزیر خارجہ بلاول بھٹو زرداری نے چینی سفارت خانے میں مہمانوں کی کتاب میں اپنے تاثرات بھی قلمبند کئے۔

    اس موقع پر بلاول بھٹو نے کراچی میں چینی باشندوں پر دہشت گردی کے حملے میں جانی نقصان پر چینی حکام سے افسوس کا اظہار کیا۔

     

    چینی سفارت خانہ آمد کے موقع پر وزیر خارجہ بلاول بھٹو نے جانی نقصان پر چینی حکام سے افسوس کا اظہار کرتے ہوئے کہا کہ پاکستان اور چین کا رشتہ نسل در نسل وفاؤں کا ایک سلسلہ ہے، دہشت گردوں نے پاک چین دوستی کی اساس پر ضرب لگانے کی ایک ناکام کوشش کی، دہشت گردوں کے مذموم ارادے، پاک چین دوستی کو سبوتاژنہیں کرسکتے۔

    وزیر خارجہ بلاول بھٹو زرداری اور حنا ربانی کھر نے چینی سفارت خانے میں مہمانوں کی کتاب میں اپنے تاثرات بھی قلمبند کئے۔

    شہباز حکومت کی کابینہ میں مزید توسیع ہوگئی۔ پیپلز پارٹی کے چیئرمین بلاول بھٹو زرداری نے وفاقی وزیر کے عہدے کا حلف اٹھالیا۔ بلاول بھٹو وزیر خارجہ کا قلمدان سنبھالیں گے۔

    پیپلزپارٹی کے چیئرمین بلاول بھٹو زرداری کی حلف برداری کی تقریب ایوان صدر میں ہوئی جہاں صدر مملکت عارف علوی نے بلاول بھٹو سے حلف لیا۔

    تقریب میں وزیراعظم شہباز شریف، سابق صدر آصف زرداری، راجہ پرویز اشرف اور پی پی قیادت سمیت دیگر حکومتی اراکین نے بھی شرکت کی جب کہ اس موقع پر بلاول بھٹو کی بہن آصفہ بھٹو زرداری بھی موجود تھیں۔

    تقریب حلف برداری کے بعد صدر مملکت عارف علوی نے بلاول بھٹو سے مصافحہ کیا اور انہیں مبارکباد دی جب کہ وزیراعظم شہباز شریف نے بلاول بھٹو سے گلے مل کر انہیں مبارکباد دی۔

    واضح رہےکہ وزیراعظم شہباز شریف کی کابینہ میں حنا ربانی کھر وزیر مملکت برائے خارجہ امور ہیں۔

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

  • جامعہ کراچی دھماکے میں ملوث دہشتگردوں کوقیمت چکانا پڑے گی، چین

    جامعہ کراچی دھماکے میں ملوث دہشتگردوں کوقیمت چکانا پڑے گی، چین

    بیجنگ: چین نے جامعہ کراچی دھماکے میں ہلاک افراد کے اہل خانہ سے تعزیت اورہمدردی کا اظہارکیا اور کہا کہ ملوث دہشتگردوں کوقیمت چکانا پڑے گی۔

    باغی ٹی وی : چین کی وزارت خارجہ کے ترجمان کی جانب سے جاری بیان میں جامعہ کراچی دھماکے میں ہلاک افراد کے اہل خانہ سے تعزیت اورہمدردی کا اظہارکیا گیا ۔

    جامعہ کراچی دھماکا پاک چین دوستی پر حملہ ہےاس سے پوری قوت سے نمٹیں گے،رانا ثنا…

    چینی وزارت خارجہ کے ترجمان کا کہنا تھا کہ کراچی میں چینی شہریوں کونشانہ بنانے والے دہشتگردوں کوقیمت چکانا پڑے گی۔ چینی شہریوں کا خون رائیگاں نہیں جانا چاہئیے-


    انہوں نے کہا کہ چین کے اسسٹنٹ وزیرخارجہ نے چین میں پاکستان کے سفیرکوہنگامی فون کال میں کراچی دھماکے پرشدید تشویش کا اظہارکرتے ہوئے دھماکے میں ملوث دہشتگردوں کی فوری گرفتاری اورپاکستان میں چینی شہریوں کی حفاظت یقینی بنانے کا مطالبہ کیا مستقبل میں ایسے واقعات کو روکنے کے لئے ہرممکن اقدامات کئے جائیں۔

    اقوام متحدہ کے سیکریٹری جنرل انتونیوگوتریس نے بھی جامعہ کراچی دھماکے کی مذمت کرتے ہوئے ہلاک افراد کے لواحقین سے ہمدردی اورافسوس کا اظہارکیا۔

    واضح رہے کہ گزشتہ روز ہونے والے دھماکے میں تین چینی شہری اور پاکستانی وین ڈرائیور جان سے گئے، حملے میں تین سے چار کلو گرام دھماکہ خیز مواد اور اسٹیل کے بال بیرنگ استعمال کیے گئے۔

    خاتون کو دھماکا خیزمواد یونیورسٹی کے اندر ہی فراہم کیا گیا،ایڈیشنل آئی جی کا…

    دوسری جانب پاکستان میں کراچی یونیورسٹی میں گزشتہ روز ہونے والے بم دھماکے کی تحقیقات کے لئے ٹیم تشکیل دے دی گئی ہے،کراچی یونیورسٹی میں دھماکے کی تحقیقاتی ٹیم کا سربراہ ڈی آئی جی سی آئی اے کو بنایا گیا ہے ، ایس ایس پی ملیر، ایس ایس پی ایسٹ،ایس ایس پی اے وی سی سی بھی تحقیقاتی ٹیم میں شامل ہیں تحقیقاتی ٹیم کی تشکیل کانوٹیفکیشن جاری کر دیا گیا ہے-

    دوسری جانب بم ڈسپوزل سکواڈ کی جانب سے بم دھماکے کے حوالہ سے تیار کی گئی رپورٹ میں کہا گیا ہے کہ دھماکہ خود کش تھا جس میں تین سے چار کلو گرام دھماکہ خیز مواد استعمال کیا گیا دھماکے کی جگہ سے بال بیرنگ ملے ہیں۔ دھماکے کی جگہ سے حملہ آور خاتون کے برقعے کے ٹکڑے بھی حاصل کرلیے گئے ہیں

    ایڈیشنل آئی جی کراچی غلام نبی میمن کا کہنا ہے کہ جامعہ کراچی حملے میں دھماکا خیزمواد ممکنہ طور پر یونیورسٹی کے اندر ہی فراہم کیا گیا،جامعہ کراچی میں خودکش دھماکا کرنے والی خاتون کی شناخت کرلی گئی ہے خاتون جامعہ کراچی کی طالبہ اور ہاسٹل میں ہی رہتی تھی اور خاتون نے ایجوکیشن میں ماسٹرزکیا اور ایم فل فرسٹ ائیر میں تھی-

    کراچی یونیورسٹی کے کنفیوشس انسٹی ٹیوٹ کے قریب منگل کو ہونے والے خودکش دھماکے کے بعد جامعہ کے دروازے پر سخت سیکیورٹی تعینات ہے رینجرز اہلکار یونیورسٹی آنے والے عملے کی چیکنگ کر رہے ہیں۔ جامعہ کراچی میں بدھ کو تدریسی عمل معطل ہے۔

    جامعہ کراچی: خودکش حملہ آور خاتون کون تھی؟ اہم انکشافات سامنے آگئے

    یاد رہے کہ گزشتہ روز خاتون خود کش بمبار نے کیا، کالعدم تنظیم نے ذمہ داری قبول کر لی کراچی پولیس کے خدشات درست نکلے، کراچی یونیورسٹی وین پر حملہ خاتون نے کیا، سماجی رابطے کی ویب سائٹ ٹویٹر پر کالعدم تنظیم کے پیغامات سامنے آئے ہیں جس میں کہا گیا ہے کہ دہشت گرد تنظیم نے حملے کی ذمہ داری قبول کی ہے ،کالعدم بلوچ لبریشن آرمی کی جانب سے جاری بیان میں کہا گیا ہے کہ بلوچ لبریشن آرمی کی مجید بریگیڈ کراچی میں چینیوں پر فدائی حملے کی ذمہ داری قبول کرتی ہے۔ فدائی حملہ پہلی بلوچ خاتون فدائی شاری بلوچ عرف برمش نے سر انجام دیکر بلوچ مزاحمت میں ایک نئی تاریخ رقم کردی۔

    وزیراعظم شہباز شریف نے جامعہ کراچی وین دھماکے کی مذمت کی ہے اور ہلاکتوں پر اظہار افسوس کیا ہے ،وزیراعظم شہباز شریف کا کہنا تھا کہ انتہائی قابل مذمت واقعےمیں متاثرہ خاندانوں کے غم میں شریک ہیں

    کراچی یونیورسٹی میں ایک خاتون کا خودکش حملہ:کئی سوالات چھوڑگیا

  • کراچی یونیورسٹی میں ایک خاتون کا خودکش حملہ:کئی سوالات چھوڑگیا

    کراچی یونیورسٹی میں ایک خاتون کا خودکش حملہ:کئی سوالات چھوڑگیا

    لاہور:کراچی یونیورسٹی میں ایک خاتون کا خودکش حملہ:کئی سوالات چھوڑگیا،اطلاعات کے مطابق کراچی یونیورسٹی میں ہونے والے حملے کے بارے میں جہاں مختلف قسم کی قیاس آرائیاں جاری ہیں وہاں کچھ خطرناک حقائق نے پریشان کردیا ہے

    اس حوالے سے اس حساس معاملے پرسب سے پہلے توجہ مبذول کروانے والے پاکستان کے سینیئر صحافی مبشرلقمان ہیں جنہوں نے ایک انتہائی حساس پہلوکوبیان کرکے واقعہ کی سنگینی سے آگاہ کیا

    مبشرلقمان جو کہ کھرا سچ پروگرام کے میزبان ہیں انہوں نے ایک نجی ٹی وی میں اس حوالے سے اینکرصابرشاہ سے پوچھا کہ ایک خاتون کا اس طرح حملہ کرنا اس کے پیچھے کیا مقاصد ہیں

    مبشرلقمان نے مثال دیتے ہوئے کہاکہ اس طرح کسی خاتون کی طرف سے خودکُش حملہ دنیا میں کہیں دیکھنے میں نہیں آیا سوائے فلسطین میں

    اس کے جواب میں صابر شاہ نے کہا کہ سی پیک پاکستان اور چین کے درمیان ایک انتہائی حساس پروجیکٹ ہے جس کوامریکہ ،بھارت اور چین اور پاکستان کے دیگرمخالف ملک پسند نہیں کرتے وہ اس بڑے منصوبے کوبرداشت بھی نہیں کرتے ، صابر شاہ کا کہنا تھا کہ ان حالات میں یقینا یہ قوتیں اس منصوبے کوثبوتاژکرنے میں کوشاں ہیں

    انہوں نے کہا کہ عمران خان کے دور حکومت میں اس منصوبے پراس لیے کام کی رفتار کم کردی گئی تھی کہ سیکورٹی خدشات لاحق تھے اور پھر ہوا بھی ایسے ہی تھا

    اب معاملہ تو ویسے ہی بہت عجیب سا ہوگیا ہے کہ احسن اقبال کے سپرد سی پیک کو کردیا گیا ہے وہ اس کو دشمن سے کس طرح پروٹیکٹ کرسکتے ہیں ، اس کے لیے سی پیک اتھارٹی ہے اس کو فعال کرنا چاہیے ،

     

    خودکش حملہ آور خاتون کون تھی؟ اہم انکشافات سامنے آگئے، اطلاعات میں اس حوالےسے جامعہ کراچی میں خودکش دھماکا کرنے والی خاتون کی تفصیلات سامنے آگئیں۔

    تفتیشی حکام کے مطابق خاتون کی شناخت شیری بلوچ کے نام سےکرلی گئی ہے جو دوسرے صوبے سے زولوجی میں ایم ایس کرچکی ہے۔

    تفتیشی ذرائع کا کہنا ہے کہ حملہ آور زولوجی ڈیپارٹمنٹ سے ایم فل کر رہی تھی خاتون حملہ آور کا شوہر بھی ڈاکٹر ہے خاتون حملہ آور 6 ماہ سےکراچی میں رہائش پذیرتھی۔

    دوسری جانب جامعہ کراچی خودکش بم دھماکےسےمتعلق رپورٹ پولیس چیف کوارسال کر دی گئی ہے۔ خودکش دھماکےسےمتعلق رپورٹ ڈی آئی جی ایسٹ کی جانب سےبھیجی گئی۔

    رپورٹ کے مطابق وین کو دوپہر01:55 پر انسٹیٹیوٹ جامعہ کراچی میں نشانہ بنایا گیا دھماکےمیں 3چینی شہری اورپاکستانی ڈرائیورخالدنوازجان سےگئے جب کہ ایک غیرملکی، 2رینجرز اہلکاروں سمیت5 افراد زخمی بھی ہوئے۔

    رپورٹ میں کہا گیا ہے کہ عینی شاہدین اور تکنیکی شواہد سے واقعہ خودکش دھماکامعلوم ہوتاہے۔

    ادھر انچارج سی ٹی ڈی راجہ عمر خطاب کا کہنا ہے کہ جامعہ کراچی کی وین میں ہونے والا دھماکا خودکش تھا جو ایک خاتون نے کیا۔

    انچارج سی ٹی ڈی راجہ عمر خطاب کا کہنا ہے کہ جامعہ کراچی میں دھماکا دیکی کے بعد کیا گیا، بارودی مواد لوکل نہیں لگ رہا، اسکول بیگ کی طرح کوئی ڈیوائس بنائی گئی تھی جسے خودکش بمبار نے اپنی بیک پر لگایا ہوا تھا۔

    کراچی پولیس کے سربراہ ایڈیشنل آئی جی غلام نبی میمن کا کہنا ہے کہ دھماکے میں 5 افراد جاں بحق اور چار افراد زخمی ہوئے ہیں۔

    غلام نبی میمن نے کہا کہ دھماکے میں زخمی ہونے والے افراد کو فوری طور پر طبی امداد کے لیے اسپتال منتقل کردیا گیا ہے۔ انہوں ںے بتایا کہ زخمیوں میں ایک غیر ملکی اور ایک رینجرز اہلکار شامل ہے۔

    بی ڈی ایس حکام کا کہنا ہے کہ دھماکے میں تین سے چار کلو بارودی مواد استعمال کیا گیا، بھاری مقدار میں اسٹیل بال بیرنگ کا استعمال کیا گیا۔

    بی ڈی ایس حکام کے مطابق ایک میٹر کے فاصلے سے خودکش حملہ کیا گیا، جسم کے اور برقع کے ٹکڑے حاصل کرلیے گئے ہیں۔