Tag: کراچی

کراچی: پیپلزپارٹی کے رہنما سعید غنی کا کہنا ہے کہ حافظ نعیم دوسرا الطاف حسین بننے کی کوشش کر رہے ہیں۔

باغی ٹی وی : کراچی میں پریس کانفرنس کرتے ہوئے پیپلزپارٹی کے رہنما سعید غنی کا کہنا تھا کہ الیکشن ہوتا ہےتومقابلہ ہوتا ہے، ماضی میں حافظ نعیم کوجوسہولیات تھی وہ نہیں رہیں، حافظ نعیم الرحمان ہر بات سے مکر جاتے ہیں حافظ نعیم دوسرا الطاف حسین بننے کی کوشش کر رہے ہیں، ان کا طرز عمل کسی طور بھی ٹھیک نہیں ہے، ہمارے لوگ جیت جائیں توانہیں قبضہ لگتا ہے-

کامران ٹیسوری نےشہریوں کے مسائل سننےکیلئے گورنر ہاؤس کے باہر گھنٹی لگادی

سعید غنی کا مزید کہنا تھا کہ یہ جماعت اسلامی والے بہت جھوٹ بولتے ہیں، کہتے ہیں مردم شماری میں پیپلزپارٹی نے گڑبڑ کی ہے بلدیاتی الیکشن میں جماعت اسلامی کا نتیجہ حیرت ناک ہے، ان کی نشستوں میں اضافہ ہوا ہے انہیں شکر ادا کرنا چاہئے آپ الیکشن میں ہار گئے تو مان لیں کہ شکست ہوئی، ہمارا کراچی کا نتیجہ حیرت کن نہیں، کراچی ہمارا شہر ہے کسی کے باپ کا نہیں۔

عمران خان کی ملک دشمنی اور مسلح جتھے بے نقاب ہوگئے،مریم اورنگزیب

صوبائی وزیر نے کہا کہ عمران خان کی گرفتاری پر عوام کو ہنگاموں پر اکسایا گیا، اور پی ٹی آئی چیئرمین کہتے ہیں میں حراست میں تھا، مجھے کچھ نہیں پتا، پولیس اور عوام کی گاڑیوں کو جلایاگیا، کورکمانڈر کے گھر اور املاک کو نقصان پہنچانے والوں کووش یوآل دی بیسٹ کہا جاتا ہے عمران خان نے 2014 میں سول نافرمانی کی تحریک چلانے کا کہا تھا، وہ ملک دشمنوں کے ایجنڈے پر چل رہا ہے اور بھارت کی خواہش پرعمل پیرا ہے، جو کام ٹی ٹی پی نہیں کرسکی وہ اس نے کردیا۔

ترکیہ میں صدارتی اور پارلیمانی انتخابات کیلئے ووٹنگ کا عمل جاری

رہنما پی پی پی نے کہا کہ پی ٹی آئی نے دہشت گرد تنظیم سے زیادہ بڑی دہشت گردی کی، کوئی دہشت گرد تنظیم حملہ کرے تو آپریشن ہوگا، لاڈلہ جو مرضی ہو وہ کرے پر اس کو ہر سہولیات ملیں گے، سوچنا ہو گا کہ ملک کو بچائیں یا لاڈلے کو بچائیں۔

پاک فوج سے اظہارِ یکجہتی کےلیے کراچی میں عظیم الشان کار ریلی کا انعقاد کیا گیا،300 سے 350 گاڑیوں پر مشتمل اس ریلی میں 950 سے ایک ہزار افراد نے شرکت کی۔

باغی ٹی وی : سول سوسائٹی کی جانب سے ڈالمین مال سے لے کر سی ویو تک کار ریلی نکالی گئی،ریلی کی سربراہی لیاقت میڈیکل اینڈ ڈینٹل کالج کراچی کے وائس چیئرمین ڈاکٹر علی فرحان نے کی۔

شرجیل میمن نے چیف جسٹس کوکھلا چیلنج کردیا

ریلی میں شرکاء نے پاک آرمی کی چھاؤنیوں اور حساس تنصیبات پر حملوں کی سخت الفاظ میں مذمت کی اور شرپسندوں کو انصاف کے کٹہرے میں لانے کا مطالبہ کیا اس دوران پاکستان آرمی اور قانون نافذ کرنے والے اداروں کے حق میں نعرے بھی بلند کیے گئے۔

دوسری جانب پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے کہا کہ 9 مئی کومشتعل افراد، اس پر اکسانے اور عمل کرنےوالوں کوانصاف کےکٹہرےمیں لائیں گے،ورپاک افواج اپنی تنصیبات کوجلانےکی مزیدکسی کوشش کوبرداشت نہیں کریں گی –

نادرا نے جنسی مجرموں کی قومی رجسٹری کا اجرا کر دیا

ان کا کہنا تھا کہ ہم امن اور استحکام کی اپنی کوششیں جاری رکھیں گےآرمی چیف کا قومی سلامتی کو درپیش خطرات پرزوردیتے ہوئےکہنا تھاکہ امن و استحکام کےعمل کوخراب کرنےوالوں کیلئے کوئی جگہ نہیں ہوگی-

سندھ کے وزیراطلاعات شرجیل میمن کا کہنا ہے کہ ملک میں دو قانون چل رہے ہیں، آئين بنانے والے کو پھانسی اور جھوٹے شخص کو اتنی رعایتيں-

باغی ٹی وی: کراچی میں پریس کانفرنس کرتے ہوئے شرجیل میمن نے کہا کہ ملک میں دو قانون چل رہے ہیں، آئين بنانے والے کو پھانسی اور جھوٹے شخص کو اتنی رعایتيں، سوال تو اٹھیں گےگذشتہ دو دن آئینی و قانونی لحاظ سے سیاہ ترین دن تھے لوگ پریشان ہیں کہ کس پر اعتبار کریں، سب کے لیے یکساں حقوق کی بات دفن ہوگئی ہے، ہماری لیڈرشپ کو نشانہ بنایا گیاعدالتوں کی طرف سے جس پراب پیپلز پار ٹی کے ورکرز میں شدید غم و غصہ موجود ہے۔

کراچی سے تحریک انصاف کو خدا حافظ کہہ دیا ،ملک سے جلد ان سیاسی …

انہوں نے کہا کہ سپریم کورٹ نہیں،اگر بندیال بلائيں گے تو نہیں جاؤں گا، کرلو جو کرنا ہےاس پریس کانفرنس پر بھی اگر توہین عدالت کا نوٹس ہوگا تو نہیں جاؤں گا کیوں کہ آپ اپنی اخلاقی و قانونی اتھارٹی کھوچکے ہيں، قوم کااعتماد اٹھ چکاہے۔

شرجیل میمن نے کہا کہ عمران خان نے دھمکی دی کہ انہیں دوبارہ گرفتار کیا گیا تو ٹرینیں بسیں جلیں گی، تعلیمی نظام متاثرہوگا کاروبار بند ہوگاعمران خان اسرائیل اور بھارت سے مل کر سوشل میڈیا پر حاوی ہوا اگر غیرت ہے تو بتائے اس قادر ٹرسٹ کی تاریخ کیا ہےشوکت خانم اور توشہ خانہ کی حقیقت بتائے۔

نادرا نے جنسی مجرموں کی قومی رجسٹری کا اجرا کر دیا

دوسری جانب کراچی میں میڈیا سے گفتگو میں کامران ٹیسوری نے کہا کہ ہمارا اس وقت ملک میں فتنے سے مقابلہ ہے، فتنے سے جان چھڑانے پر بھی غور و فکر کیا جائے گاعمران خان نے افواج پاکستان کو نشانہ بنایا کیونکہ ایجنٹ کا کام ہی یہ ہے، پی ٹی آئی چیئرمین پاکستان کےلیے سیکورٹی رسک بن چکا ہے۔

گورنر سندھ نے مزید کہا کہ عمران خان سی پیک کو مکمل ہوتا ہوا نہیں دیکھنا چاہتے، اُن کے دور میں منصوبے پر کام رکا ہوا تھا عمران نے کل عدالت میں بیٹھ کر بھی آرمی چیف کےخلاف بات کی، اگر کچھ ثابت ہوتا ہے تو عمران خان پر پابندی لگنی چاہیے جو کچھ عمران خان کے کارکنوں نے کیا، اس طرح کراچی میں ہوتا تو سب پھانسی چڑھتے۔

نیب حراست میں بھی عمران خان ان سے رابطے میں تھے،بابر اعوان

انہوں نے کہا کہ کل رات 9 بجے استحکام پاکستان کےلیے دعا کا انعقاد کیا گیا ہے، 21 مئی کو افواج پاکستان اور قائداعظم سے اظہاریکجہتی کےلیے اجتماع ہوگامردم شماری ہماری ریڈلائن ہے، کراچی کی آبادی ڈیڑھ کروڑ دکھائی گئی تو میں مستعفی ہوجاؤں گا روزمرہ کی بنیاد پر مردم شماری کو دیکھ رہا ہوں، میں خالد مقبول سے بھی مسلسل رابطے میں ہوں چھوٹےصوبوں میں احساس کمتری جنم لے رہا ہے۔

باغی ٹی وی کی رپورٹ کے مطابق عمران خان کی گرفتاری کے بعد ہنگامہ آرائی، توڑ پھوڑ میں ملوث افراد کو 3 ایم پی او کے تحت ایک ماہ کے لئے نظر بند کر دیا گیا ہے

سندھ حکومت نے یہ قدم اٹھایا ، ہنگامہ آرائی میں گرفتار افراد کو ایک ماہ کے لئے نظر بند کیا گیا ہے ، دیگر ملوث افراد کو گرفتار کرنے کے لئے پولیس ٹیمیں تشکیل دی گئی ہیں،محکمہ داخلہ سندھ نے ایک ماہ کی نظر بندی کا نوٹفکیشن جاری کر دیا ہے،نوٹیفکیشن کے مطابق شہر قائد کراچی میں جلاؤ گھیراؤکے الزام میں گرفتار پی ٹی آئی کارکنان کو لاڑکانہ، سکھر اور جیکب آباد سمیت دیگر جیلوں میں رکھا جائے گا ،

شہر قائد کراچی میں احتجاج کے دوران گرفتار افراد کی تعداد 400 سے تجاوز کرگئی ہے ، محکمہ داخلہ کی طرف سے 263 سے زائد گرفتار افراد کو ایم پی او کے تحت نظر بند کیا گیا ہے

عمران خان کی گرفتاری کے بعد کور کمانڈر ہاؤس لاہور میں ہونیوالے ہنگامہ آرائی میں پی ٹی آئی ملوث نکلی

 بشریٰ بی بی کی گرفتاری کے بھی امکانات

نواز شریف کو سزا سنانے والے جج محمد بشیر کی عدالت میں عمران خان کی پیشی 

 مراد سعید کے گھر پر پولیس نے چھاپہ

اوریا مقبول جان کو رات گئے گرفتار 

دوسری جانب شہر قائد کراچی کے مختلف علاقوں میں پولیس نے رات گئے آپریشن کیا، آپریشن کے دوران ہوٹل، گھروں ، عمارتوں کو چیک کیا گیا ، پولیس حکام کے مطابق سرچ آپریشن کےد وران متعدد افراد کے کوائف چیک کئے گئے ،کئی مشکوک افراد کو گرفتار بھی کیا گیا جنہیں تھانے منتقل کر دیا گیا ہے،

باغی ٹی وی کی رپورٹ کے مطابق عمران خان کی گرفتاری کے بعد ملک بھر کی طرح کراچی میں بھی تحریک انصاف کے کارکنان نے احتجاج کیا،دوران احتجاج کارکنان نے جلاؤ گھیراؤ کیا جس کی تفصیلات سامنے آئیں تو پولیس نے کاروائی کرتے ہوئے گرفتاریاں شروع کر دیں وہیں وزیراعلیٰ سندھ کا کہنا ہے کہ احتجاج کی کال دینے والے یہاں آ کر دکھائیں،

وزیراعلیٰ سندھ سید مراد علی شاہ کا کہنا تھا کہ عمران خان سے میرا کوئی لینا دینا نہیں عمران خان بے قصور ہوں گے تو عدالت سے ریلیف مل جائے گا پولیس کو شرپسندوں کیخلاف کارروائی کی ہدایت دے دی ہے صوبے میں امن و امان کی حالت خراب نہیں کرنے دیں گے واٹر ٹینکر اور پولیس گاڑیوں کو جلانا افسوس ناک ہے ریاست مخالف کارروائیاں کرنے والوں کیخلاف قانون حرکت میں آئے گا

شہر قائد کراچی میں عمران خان کی گرفتاری کے خلاف ہونیوالے احتجاج میں پی ٹی آئی کارکنان نے مبینہ طور پر شدید ہنگامہ آرائی کی اور گاڑیوں کو آگ لگائی، پولیس حکام کے مطابق ایک پیپلز بس اور 2 واٹر ٹینکرز کو آگ لگائی گئی،2 درجن سے زائد موٹرسائیکلیں اورشارع فیصل پرپولیس قیدی گاڑی کوبھی آگ لگائی گئی، دوران احتجاج شرکاء نے کئی گاڑیوں کے شیشے بھی توڑے، مظاہرین کے پتھراؤ سے ایک ایس پی، ایک ڈی ایس پی اور دس پولیس اہلکار زخمی ہوئے ہیں،

پولیس نے کاروائی کرتے ہوئے جلاؤ گھیراؤ کرنیوالے 250 افراد کو گرفتار کیا ہے، پولیس کے مطابق گرفتار ملزمان میں تحریک انصاف کے کارکنان بھی شریک ہیں، گرفتار افراد کو سی سی ٹی وی فوٹیج کی مدد سے شناخت کیا جا رہا ہے،گرفتار افراد کے خلاف انسداد دہشتگردی کی دفعات کے تحت مقدمات درج کیے گئے ہیں، دیگر افراد کو بھی گرفتار کیا جائے گا

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

 لیگل ٹیم پولیس لائن گئی تو انہیں عدالت جانے سے روک دیا گیا

نواز شریف کو سزا سنانے والے جج محمد بشیر کی عدالت میں عمران خان کی پیشی 

سیاسی مفادات کے لئے ملک کونقصان نہیں پہنچانا چاہئے

 بشریٰ بی بی کی گرفتاری کے بھی امکانات

ملک بھر میں احتجاج کے دوران جلاؤ گھیراؤ 

اسد عمر  اسلام آباد ہائیکورٹ کے احاطے سے گرفتار 

کراچی اور حیدرآباد سمیت سندھ کے 24 اضلاع کی 63 نشستوں پر ضمنی بلدیاتی الیکشن کیلئے پولنگ جاری، پولنگ کا عمل صبح آٹھ بجے سے شام پانچ بجے تک بلاتعطل جاری رہے گا۔

باغی ٹی وی : کراچی کے 7 اضلاع میں 11 یوسیز اور 15 وارڈز کی 26 نشستوں پر جبکہ دیگر 17 اضلاع میں 37 نشستوں پر پولنگ جاری ہے،حیدر آباد میں ممبر ڈسٹرکٹ کونسل، چیئرمین، وائس چیئرمین اور جنرل کونسل کی نشستوں پر پولنگ ہو رہی ہے-

وادی ہنزہ میں زلزلے کے جھٹکے

کراچی کے ضلع وسطی میں نیو کراچی ٹاؤن کی 2 اور نارتھ ناظم آباد ٹاؤن کی 1 یوسی میں ضمنی انتخاب ہو رہا ہے، ضلع کورنگی، لانڈھی اور شاہ فیصل ٹاؤن کی ایک ایک یوسی پر بھی ضمنی انتخاب جاری ہےضلع غربی میں اورنگی کی 2 اور مومن آباد کی 1 یوسی میں ضمنی انتخاب ہو رہا ہے جبکہ کیماڑی میں بلدیہ ٹاؤن کی یوسی نمبر 2 اور جنوبی میں لیاری ٹاؤن کی یو سی نمبر 2 میں پولنگ جاری ہے۔

کراچی کے ضلع وسطی کی3 نشستوں پر 33، ضلع کورنگی کی 3 نشستوں پر 24 اور ضلع غربی کی 3 نشستوں پر41 امیدوار مدِ مقابل ہیں ضلع کیماڑی کی یو سی 2 بلدیہ پر9 اور ضلع جنوبی کی یو سی 2 لیاری پر 12 امیدوار مدِ مقابل ہیں ضلع سینٹرل کی 3 یوسیز میں 80 پولنگ اسٹیشن بنائے گئے ہیں جن میں سے 44 حساس قرار دیے گئے ہیں اور یہاں مجموعی ووٹرز کی تعداد 1 لاکھ 25 ہزار 995 ہے۔

ضلع کیماڑی کی یو سی 2 بلدیہ میں 14 پولنگ اسٹیشن قائم کیے گئے ہیں اور تمام کو حساس قرار دیا گیا ہے، یہاں مجموعی ووٹرز کی تعداد 17 ہزار 796 ہے۔

افغان وزیر خارجہ کا پاکستان کے سیاسی رہنماؤں کے اعزاز میں عشائیے کا اہتمام

جیکب آباد، کشمور، شکارپور، نواب شاہ، سانگھڑ، مٹیاری، ٹنڈوالہیار اور جامشورو میں ایک ایک نشست پر پولنگ جاری جبکہ گھوٹکی، سکھر، خیرپور، بدین اور سجاول میں دو، دو نشستوں پرنوشہروفیروز، دادو اورٹھٹہ میں تین، تین نشستوں جبکہ حیدرآباد میں ضمنی بلدیاتی الیکشن کے سلسلے میں دس نشستوں پر پولنگ جاری ہے-

اس موقع پر کراچی میں پولیس کے 7 ہزار سے زائد اہلکار سکیورٹی پر مامور ہیں جبکہ 24 اضلاع میں 292 پولنگ اسٹیشن انتہائی حساس اور 157 حساس قرار دیے گئے ہیں الیکشن کیلیے مجموعی طور پر449 پولنگ اسٹیشنز اور ایک ہزار 586 پولنگ بوتھ بنائے گئے ہیں 302 پولنگ اسٹیشنز پر 2 ہزار750 کے قریب پولیس اہلکار تعینات کئے جائیں گے۔

کوئیک رسپانس فورس میں 476 اہلکار شامل ہوں گے، ایک ہزار900 کے قریب پولیس اہلکار ریزرو پولیس کے طور پرموجود ہوں گے۔ مجموعی طور پر 172 مختلف عمارتوں میں انتخابات کا عمل ہوگا الیکش کمیشن دفاتر پر271 پولیس اہلکار تعینات کئے جائیں گے جبکہ شہر بھر میں 6 ہزار707 پولیس اہلکار الیکشن ڈیوٹی پر ہوں گے۔ 134 پولنگ اسٹیشنز کو حساس قرار دیا گیا ہے۔

کنگ چارلس کی تاجپوشی:ننھی گلوکارہ نوریمہ ریحان پاکستان کی نمائندگی کریں گی

یاد رہے کہ ممبر ڈسٹرکٹ کونسل، چیئرمین، وائس چیئرمین اور جنرل کونسل کی نشستوں پر امیدواروں کے انتقال سمیت دیگر وجوہات پر الیکشن نہیں ہوسکے تھے-