Tag: کراچی

کراچی: شہرقائد میں درندہ صفت نوجوان نےایک اورذہنی معذورلڑکی کو زیادتی کا نشانہ بناڈالا،پولیس نےملزم کوگرفتارکرلیا۔اطلاعات کےمطابق کراچی کےعلاقےمحمود آباد کشمیرکالونی میں ذہنی معذورلڑکی کو گھرمیں زیادتی کا نشانہ بنانےکا شرم ناک واقعہ پیش آیا ہے۔

ایس ایچ او اعجاز پٹھان نے ایکسپریس کو بتایا کہ متاثرہ لڑکی (ن) کواس کی والدہ تھانے لیکر آئیں اور انھوں نے پولیس کو بتایا کہ ان کی ذہنی معذور بیٹی کو زیادتی کا نشانہ بنایا گیا ہے۔

ایس ایچ او نے بتایا کہ متاثرہ لڑکی کو اس وقت زیادتی کا نشانہ بنایا گیا جب وہ اپنے گھرمیں اکیلی تھی اور چھوٹا بھائی مدرسے گیا تھا جب کہ والدہ ڈیفنس میں بنگلے میں کام پر گئی ہوئی تھی، متاثرہ لڑکی عمر 18 سے 19 سال کے درمیان ہے۔

اطلاعات ہیں کہ ابتدائی طور پر زیادتی کے شواہد ملے ہیں جس پر پولیس نے فوری طور پر بچی کو جناح اسپتال منتقل کیا تاکہ بچی کا میڈیکل ہوسکے، پولیس حتمی رپورٹ کا انتظار کررہی ہے بعدازاں پولیس نے متاثرہ لڑکی کی والدہ کی مدعیت میں واردات کا مقدمہ الزام نمبر2022/385 بجرم دفعہ 376 کے تحت درج کر لیا گیا۔

ایف آئی آرکے متن مطابق پینٹ شرٹ اورٹوپی پہنے لڑکے کواہل محلہ نے گھرسے نکل کربھاگتے ہوئے دیکھا ہے، مذکورہ لڑکا اس سے قبل بھی متاثرہ لڑکی کے گھرکے اطراف دیکھا گیا ہے۔

دریں اثنا محمود آباد پولیس نے کارروائی کرتے ہوئے 19 سالہ لڑکی سے زیادتی کرنے والے 16 سالہ ملزم محمد حسین کو گرفتار کرلیا ہے۔ اس حوالے سے ایس ایچ او محمود آباد اعجاز پٹھان نے بتایا کہ ملزم حسین اسی علاقے کا رہائشی ہے اور اس کا آبائی تعلق ملتان سے ہے، ملزم نے لڑکی سے زیادتی کا اعتراف کرلیا ہے۔

ایس ایچ او محمود آباد اعجاز پٹھان نے بتایا کہ گرفتار ملزم اکثر گلی سے گزرتے ہوئے متاثرہ لڑکی کو دیکھتا تھا، متاثرہ لڑکی گھر میں اکیلی تھی، گرفتار ملزم گھر کا دروازہ کھلا دیکھ کر اندر داخل ہو گیا اور ذہنی معذور لڑکی کو زیادتی کا نشانہ بنانے کے بعد فرار ہو گیا، گرفتار ملزم سے مزید تفتیش جاری ہے۔

دوسری جانب دوسری جانب شاہ لطیف ٹاؤن میں 6 سالہ معصوم بچی (ک) کوزیادتی کانشانہ بنائے جان کی تصدیق ہوگئی ہے۔ پولیس سرجن ڈاکٹر سمیہ سید کے مطابق متاثرہ بچی شدید نفسیاتی صدمے سے دوچار ہے۔متاثرہ بچی کے ڈی این اے سمیت لیبارٹری ٹیسٹ کے لیے نمونے جمع کیے گئے ہیں جبکہ جناح اسپتال منتقل کرکے مزید طبی امداد فراہم کی جا رہی ہے۔

شاہ لطیف ٹاؤن میں پیش آنے والے واقعے میں متاثرہ بچی کے سگے ماموں اور ممانی کو گرفتار کررکھا ہے تیسرا ملزم غفار فرار ہے جس کی گرفتاری کے لیے کوششیں کی جارہی ہیں۔

کراچی کے علاقے شاہ فیصل کالونی کی رہائشی خاتون شوہر کے مبینہ تشدد سے جاں بحق ہوگئی۔

باغی ٹی وی : مقتولہ کے بھائی نے میڈیا سےبات کرتے ہوئے بتایا کہ ان کی بہن حاملہ تھی، 30 سالہ بشریٰ پروین 3 بچوں کی ماں تھی، جن میں 2 لڑکے اور ایک لڑکی شامل ہیں۔بچوں میں ایک 14 سالہ لڑکا ذہنی اور جسمانی طور پر معذور ہے شوہر محمد علی نشےکا عادی ہے، کچھ عرصے قبل تک فیکٹری میں ملازمت کرتا تھا، تاہم نشے کے باعث فیکٹری سے نکال دیا گیا۔

مقتولہ کے بھائی شان کے مطابق پیر کی صبح بشریٰ اور محمد علی میں کسی بات پر جھگڑا ہوا ، اس دوران محمد علی نے تشدد کرتے ہوئے اس کے پیٹ پر لات ماری، جس سے اس کی حالت بگڑ گئی۔

بشریٰ کو فوری طور پر گھر کے قریب نجی کلینک لے جایا گیا جہاں لیڈی ڈاکٹر نے جان بچانے کی کوشش کی، تاہم حالت زیادہ بگڑنے پر جناح اسپتال لے جانے کا مشورہ دیا، جہاں جاتے ہوئے بشریٰ راستے ہی میں دم توڑ گئی۔

جناح اسپتال پہنچنے پر ڈاکٹروں نے موت کی تصدیق کر دی۔واقعے کی اطلاع ملتے ہی پولیس موقع پر پہنچ گئی تھی اور مقتولہ کے شوہر ملزم محمد علی کو حراست میں لے لیا ۔

دوسری جانب اورنگی ٹاؤن میں گیس لیکج سے ہونے والے دھماکے میں جھلسنے والے خاندان کا سربراہ اور اس کی اہلیہ اسپتال میں دم توڑ گئے جب کہ دو بیٹوں کی حالت تشویش ناک بتائی جارہی ہے –

حیدر آباد:پلازہ کی چھت سے 6 سالہ بچی کی تشدد شدہ لاش برآمد

سیکٹر ساڑھے گیارہ ملت کالونی بلاک جے قبا مسجد کے قریب گھر میں اتوار اور پیر کی درمیانی شب گیس لیکج کے باعث ہونے والے دھماکے اور اس کے بعد لگنے والی آگ میں جھلس کر شدید زخمی ہونے والے گھر کے سربراہ 50 سالہ ریاض ولد امیر الدین نے پیر کی شب سول اسپتال کے برنس وارڈ میں دوران علاج زخموں کی تاب نہ لاتے ہوئے دم توڑ دیا ۔

اسپتال ذرائع کے مطابق متوفی دھماکے میں 80 فیصد تک جھلس گیا تھا۔ ریاض کے جاں بحق ہونے کے تقریباً ایک گھنٹے بعد اس کی اہلیہ حسن آرا بھی زخموں کی تاب نہ لاتے ہوئے زندگی کی بازہ ہار گئیں جبکہ 2 بیٹوں 26 سالہ علی رضا اور 16 سالہ انس رضا کی حالت بھی انتہائی تشوشناک بتائی جاتی۔ایک بیٹا اور 2 بیٹیوں کی حالت خطرے سے باہر ہے۔

رشتے سے انکار، نوجوان نے لڑکی، اسکی والدہ ،والد اور بھائی پر تیزاب پھینک دیا

باغی ٹی وی کی رپورٹ کے مطابق شہر قائد کراچی میں پولیس کی جرائم پیشہ عناصر کیخلاف کاروائیاں جاری ہیں

یوسف پلازہ تھانہ کی حدود میں ڈی ایم سی آفس میں چائنیز کنٹریکٹر کے لاکر سے چوری کا ڈراپ سین ہو گیا،یوسف پلازہ پولیس نے صرف 24 گھنٹوں کے اندر لاکر سے 5 لاکھ 45 ہزار چوری کرنے والے ملزم کو گرفتار کر لیا ،ملزم چائنیز کنٹریکٹر کا آفس بوائے ہی نکلا ،آفس بوائے پچھلے 3 ماہ سے کام کر رہا تھا اور کمرے کی ایک چابی اسکے پاس جبکہ دو مزید چابیاں دو دیگر چائنیز نشنلز کے پاس تھی کمرے کے ڈیجیٹل لاکر میں 10 لاکھ سے زائد رقم رکھی تھی جسکا پاسورڈ صرف ایک چائنیز نیشنل کے پاس تھا یوسف پلازہ پولیس نے قوی شبہ ہونے پر آفس بوائے محمد محسن ولد محمد اسرار کو انٹیروگیٹ کیا تو محسن نے سب کچھ سچ بتا دیا ملزم نے انکشاف کیا کہ آفس کی ایک چابی اسکے پاس ہے صبح جب وہ صفائی کرنے آیا تو ڈیجیٹل لاکر کھلا ہوا تھا ملزم نے نہایت ہوشیاری سے 5 لاکھ 45 ہزار نکال کر لاکر بند کردیا اور وہاں سے چلا گیا پولیس نے ملزم محسن کو حراست میں لے لیا ہے

دوسری جانب رضویہ سوسائٹی پولیس نے فروٹ کے ٹھیلے کو لوٹنے والے ڈکیتوں کو رنگے ہاتھوں گرفتار کر لیا ملزمان ذیشان پارک ناظم آباد نمبر 1 کے سامنے ایک فروٹ کے ٹھیلے والے سے اسکی فروختگی رقم اور موبائل فون چھین کر فرار ہورہے تھے فروٹ والے محمد قدیر کے شور مچانے پر گشت پر مامور پولیس موبائل نے ملزمان کا تعاقب کیا اور رنگے ہاتھوں گرفتار کر لیا گرفتار ملزمان کی شناخت وقاص اور دانش کے ناموں سے ہوئی ملزمان کے قبضے سے 1 TT پسٹل 30 بور لوڈ میگزین بمعہ راؤنڈ، 2 عدد پرس، 2 عدد موبائل فون کیپیڈ اور محمد قدیر سے لوٹی ہوئی رقم اور موبائل فون برآمد ہوئے، ملزمان سابقہ ریکارڈ یافتہ ہیں اور پہلے بھی ڈکیتی اور ناجائز اسلحہ کے مقدمات میں رضویہ سوسائٹی سے ہی گرفتار ہوچکے ہیں ملزمان رضویہ سوسائٹی،ناظم آباد کی حدود سمیت مختلف علاقوں میں لوٹ مار کی وارداتوں میں ملوث تھے اور رضویہ پولیس کو مطلوب تھے گرفتار ملزمان کے خلاف مقدمات درج کر کے تفتیش کا آغاز کردیا گیا ہے

ٹی وی دیکھا تو بیٹی صدف کی تصویر دیکھ کر کلیجہ پھٹ گیا۔ صدف کی ماں کی گفتگو

 صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

عمران خان کی تعزیت کیلئے صحافی صدف نعیم کے گھر آمد 

کامونکی،لانگ مارچ کی کوریج کرنیوالے صحافیوں پر پولیس کا تشدد

پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

نارتھ کراچی بلال کالونی میں مبینہ پولیس مقابلے میں ڈاکوؤں کی فائرنگ سے ایس ایچ او سرسید زخمی ہوگئے جبکہ پولیس کی جوابی فائرنگ سے ایک ڈاکو مارا گیا اور دوسرا فرار ہونے میں کامیاب ہوگیا۔

باغی ٹی وی : تفصیلات کے مطابق سرسید پولیس کا نارتھ کراچی سیکٹر 7-A بلال کالونی میں مبینہ مقابلہ ہوا، فائرنگ کے تبادلے میں ایس ایچ او سرسید کی کلائی پر گولی لگنے سے زخمی ہوگئے، پولیس کی جوابی فائرنگ سے ایک ملزم مارا گیا جبکہ دوسرا ملزم رات کی تاریکی کا فائدہ اٹھاتے ہوئے فرار ہونے میں کامیاب ہوگیا۔

کندھ کوٹ : ضلع بھر میں ڈاکو راج ،مبینہ طور پر ایس ایچ او اغواء ،پولیس نے علاقے کا محاصرہ کر لیا

ہلاک ہونے والے ملزم کو چھیپا ایمبولینس اور زخمی ایس ایچ او کو پولیس موبائل میں عباسی شہید اسپتال لے جایا گیا۔

زخمی ہونے والے ایس ایچ او سرسید سب انسپکٹر شاہد تاج نے بتایا کہ وہ نیو کراچی انڈسٹریل ایریا کی پولیس پارٹی کے ہمراہ علاقے میں کومبنگ آپریشن میں مصروف تھے کہ اطلاع ملی کہ بلال کالونی میں ایک گھر کی چھت پر ڈاکو بیھٹے منصوبہ بندی کر رہے ہیں جس پر انہوں نے پولیس پارٹی کے ہمراہ اس گھر کا محاصرہ کر لیا۔

جس کے بعد ملزم نے ایس ایچ او پر فائر کیا جس کے نتیجے میں گولی ان کی کلائی پر لگی اور زخمی ہوگئے جبکہ انہوں نے اسی حالت میں ملزم کا تعاقب جاری رکھتے ہوئے جوابی فائرنگ کی جس کے نتیجے میں ایک ڈاکو مارا گیا جبکہ اس کا ایک ساتھی تنگ گلیوں اور رات کی تاریکی کا فائدہ اٹھاتے ہوئے فرار ہونے میں کامیاب ہوگیا۔

ہلاک ہونے والے ڈاکو کی شناخت بائیو میٹرک کے ذریعے 28 سالہ آدم خان ولد اکبر خان کے نام سے کی گئی، ہلاک ہونے والے ملزم سے ایک نائن ایم ایم پستول بمعہ ایمونیشن برآمد کیا گیا۔ ہلاک ملزم ڈسٹرک سینٹرل کے مختلف تھانوں سرسید، نیو کراچی انڈسٹریل ایریا، گبول ٹاؤن اوردیگرتھانوں کی پولیس کو اسٹریٹ کرائم، گھروں میں ڈکیتی اور بینک سے رقم لےکرآنےوالے افراد سے لوٹ مار کی متعدد وارداتوں میں مطلوب تھا، پولیس واقعے کی مزید تفتیش کر رہی ہے۔

ترجمان کراچی پولیس نے کہا ہے کہ کراچی پولیس چیف جاوید عالم اوڈھو نے بہادری سے ڈاکوؤں سے مقابلے میں زخمی ایس ایچ او سرسید ٹاؤن اور سب انسپکٹر سید شاہد تاج کے لیے 20 ہزار روپے نقد اور تعریفی اسناد کا دینے اعلان کیا ہے۔

ترجمان کے مطابق اتوار اور پیر کی درمیانی شب نارتھ کراچی سیکٹر سیون اے میں ڈاکوؤں سے مقابلے کے دوران ایس ایچ او سرسید ہاتھ پر گولی لگنے سے زخمی ہوئے تھے جب کہ پولیس کی جوابی فائرنگ سے ایک ڈاکو مارا گیا تھا ، ترجمان کے مطابق پولیس نے ہلاک ڈاکو کے ساتھی کو بھی گرفتار کر کے اسلحہ اور گولیاں برآمد کی ہیں ۔

جعلی بریگیڈیئر بھتہ خور اپنے کارندوں سمیت گرفتار