Tag: کراچی

کراچی :حافظ نعیم الرحمن نے کہا ہے کہ آج شہر میں تاریخ کا سب سے بڑا حقوق کراچی کارواں ہوگا۔اطلاعات کے مطابق امیر جماعت اسلامی کراچی حافظ نعیم الرحمن نے 29 مئی کے حقوق کراچی کارواں کے حوالے سےلیاقت آباد میں قائم استقبالیہ کیمپ کا دورہ و میڈیا سے گفتگو کرتے ہوئے کہا کہ لیاقت آباد کراچی کی وہ مارکیٹ ہے جو کراچی کے ٹیکس میں سب سے زیادہ ٹیکس دیتا ہے۔

انہوں نے کہا کہ اہل کراچی کئی برسوں سے نظر انداز ہورہا ہے، تمام تر مسائل کے باوجود یہ اجڑا ہوا اور لوٹا ہوا شہر پورے ملک خو چلاتا ہے۔امیر جماعت اسلامی کراچی کا کہنا تھا کہ کراچی کے عوام کو بنیادی حقوق سے محروم کیا گیا ہے اور اس میں تمام پارٹیاں ملوث ہیں۔

حافظ نعیم الرحمن نے کہا کہ کراچی کے عوام پر سب سے بڑا ظلم اس کی آبادی کو کم کرکے آدھی آبادی کردی گئی ہے، آدھی آبادی کے لحاظ سے وسائل اور اسمبلیوں میں نمائندگی دی جاتی ہے۔انہوں نے یہ بھی کہا کہ کراچی کی آبادی کو درست شمار کرلیا جائے تو وزیراعلیٰ کراچی اور حیدرآباد سے بھی منتخب ہوسکتا ہے۔

حافظ نعیم الرحمن کا کہنا تھا کہ پی ٹی آئی اور ایم کیو ایم کی متفقہ حکومت نے کراچی کی جعلی مردم شماری کو نوٹیفائی کروایا۔

ان کا یہ بھی کہنا تھا کہ آج 17 سال ہوگئے پانی کے ایک بوند کا بھی اضافہ نہیں کیا گیا، کے الیکٹرک نے لوٹ مار کا بازار گرم کیا ہوا ہے اور اووربلنگ کرکے ظلم ڈھایا ہوا ہے اور اس سب کے باوجود پرائیوٹ کمپنی کو تو گیس فراہم کی جاتی ہے لیکن گھروں میں گیس نہیں ملتی۔

امیر جماعت اسلامی کراچی نے کہا کہ کارکنان ڈور ٹو ڈور عوامی رابطہ مہم چلارہے ہیں اور حق دو کراچی تحریک کی دعوت دے رہے ہیں جبکہ اس وقت پورے کراچی میں حقوق کراچی کارواں کے حوالے سے کیمپس لگائے گئے ہیں،کل شہر میں تاریخ کا سب سے بڑا حقوق کراچی کارواں ہوگا۔

انہوں نے یہ بھی کہا کہ صوبے میں حکومت اور اپوزیشن جماعتیں بلدیاتی انتخابات سے فرار چاہتی ہے، جماعت اسلامی کا واضح موقف ہے کہ 24 جولائی خو حیدرآباد اور کراچی میں بلدیاتی انتخابات کروائے جائیں۔

حافظ نعیم الرحمن کا کہنا تھا کہ جماعت اسلامی اور سندھ حکومت کے درمیان ہونے والے معاہدے پر عمل درآمد کروایا جائے اور جن شقوں پر مذاکرات چل رہے ہیں اس پر بھی ایک ماہ میں عمل در آمد کیا جائے۔

امیر جماعت اسلامی کراچی حافظ نعیم الرحمن کا مزید کہنا تھا کہ کراچی منی پاکستان ہے ، پورے پاکستان کو چلاتا ہے۔ ہمیں ہمارا حق دیا جائے، کراچی کے عوام اپنی فیملیز کے ساتھ حقوق کراچی کارواں میں شرکت کریں۔

اس موقع پر سکریٹری کراچی منعم ظفر خان ،امیر جماعت اسلامی ضلع گلبرگ وسطی فاروق نعمت اللہ ، سکریٹری ضلع کامران سراج ، ،صدر رٶف کریانہ مارکیٹ شاہ زیب فاروقی،صدر جیولرز ایسوسی ایشن لیاقت آباد اکرم قریشی، فنانس سیکریٹری اسمال ٹریڈرز لیاقت آباد بابر بنگش،سکریٹری اطلاعات زاہد عسکری ودیگر بھی موجود تھے۔

کراچی : ناظم آباد نمبر5 میں غیرقانونی تعمیرات کے خلاف درخواست پرعدالت نے پولیس اورایس بی سی اے کوعمارت کے مالک کا پتا لگانے کا حکم دے دیا۔ تفصیلات کے مطابق سندھ ہائیکورٹ میں سماعت کے دوران عدالت کے حکم پربلڈرشاہد کوعدالت میں پیش کیا گیا۔ بلڈر نے عمارت کی ملکیت سے متعلق اظہارلاتعلقی کرتے ہوئے بیان دیا کہ میرا اس بلڈنگ سے کوئی تعلق نہیں ہے۔

وکیل ایس بی سی اے نے عدالت کو بتایا کہ ایس بی سی اے کے وکیل کا بھی اس بلڈنگ کی تعمیرات اور مالک کے بارے میں معلومات نہیں مل سکی ہیں۔جسٹس حسن اظہر رضوی نے کہا کہ کیا جنات نے ایک دم پانچ منزلہ عمارت کھڑی کردی ؟ نہ کسی کو عمارت کا پتہ ہے اور نہ مالک کا پتہ ہے۔ کیا اندھیرنگری مچا رکھی ہے۔عدالت نے وکیل ایس بی سی اے سے مکالمہ کرتے ہوئے کہا کہ شہر میں غیر قانونی تعمیرات ایس بی سی اے کے کرپٹ افسران کی نگرانی میں ہورہی ہیں۔ تم لوگ ہی غیر قانونی تعمیرات کراتے ہو شرم آنی چاہیے۔ غیر قانونی تعمیرات بھی کراتے ہو اس کی مارکیٹنگ بھی کراتے ہو۔

جسٹس حسن اظہر رضوی نے کہا کہ ہم نے ایس بی سی اے کو کہا تھا غیر قانونی تعمیرات میں ملوث افسران کے نام سامنے لائے جائیں۔وکیل ایس بی سی اے نے بتایا کہ ایس بی سی اے نے تحقیقات کے لیے کمیٹی بنادی ہے۔عدالت نے کہا کہ کمیٹی کیا خاک کام کرے گی جن کو شوکاز نوٹس بنانا تک نہیں آتا تماشا بنا رکھا ہے۔ ایس بی سی اے کے ڈائریکٹر چورہیں کیا یہ عمارت ایک دو دن میں بن گئی۔ ایس بی سی اے نے نااہل ترین وکلاء کو بھرتی کررکھا ہے۔ جن میں کوئی صلاحیت نہیں ہے وہ تحقیقات خاک کریں گے۔

جسٹس حسن اظہر رضوی نے ریمارکس دیے کہ غیرقانونی طور پر پورشںنز بنا کر ایک ایک کروڑ روپے میں بیچے جا رہے ہیں۔ توڑنے کا حکم دیں گے تو وہ غریب بیچارہ جس نے خریدا ہے زمین پر آ جائے گا۔عدالت نے پولیس اورایس بی سی اے کوعمارت کے مالک کا پتہ لگانے کا حکم دیتے ہوئے بلڈرشاہد سے عمارت کی ملکیت سے متعلق حلف نامہ طلب کرلیا۔درخواست کی مزید سماعت اگست کے آخری ہفتے تک ملتوی کردی گئی۔

کراچی :شہر قائد میں فائرنگ کرکے لوگوں کو جان سے مارنے والوں کے خلاف مقدمہ درج ہوگیاہے ،اس حوالے سے اطلاعات میں بتایا گیا ہے کہ عارف صابر کی طرف سے یہ درخواست دائرکی گئی ہےکہ وہ ایک پرائیویٹ کمپنی میں کام کرتا ہے اور اس کو فون پر یہ اطلاع دی جاتی ہے کہ شمیر اور جزلان دونوں ہسپتال میں آغا خان ہسپتال میں زخمی پڑے ہیں

عارف صابر کہتے ہیں کہ میرا بھتیجا جزلان اور شمیر دو دوست ہیں اور ان کو جان سے مارنے کی کوشش کی گئی ہے ، عارف صابر کہتےہیں کہ زرگام ، جزلان اور شمیر ایک کار پربحریہ ٹاون کی طرف سفر کررہے تھے کہ راستے میں ایک موٹرسائکل سوار سے ٹکر ہوگئی ، اس دوران موٹرسائیکل سواروں کو کہا گیاکہ آپ کواحتیاط سے موٹرسائیکل چلانی چاہیے تھی اس طرح کا یہ انداز لوگوں کے لیے بہت خطرناک ہوتا ہے

عارف صابر کہتے ہیں شمیر نے یہ واقع سنتے ہوئے کہاکہ اس کے بعد وہ موٹرسائیکل سوار غصے کے ساتھ ہماری طرف دیکھ رہے تھے اور انہوں نے اس دوران اپنے دوست احباب یا عزیزوں کو فون کیا ، شمیر کا کہنا تھا کہ جب ہم آئفل ٹاور بحریہ ٹاون کے قریب پہنچے تو ہماری کار پر فائرنگ کی گئی جس کی وجہ سے میں شمیر اور جزلان شدید زخمی ہوئگئے اس دوران لوگ بھی وہاں جمع ہوگئے تو ہمیں بتایا گیا ہے کہ یہ فائرنگ کرنےوالے محمد احسان عرف احسن ولد فیض ، محمد عرفان ولد محمد فیض اور محمد حسنین ولد فیض کے ساتھ کچھ نامعلوم بھی تھے فائرنگ کرکے فرار ہوگئے

محمد عارف صابر نے پولیس اسٹیشن میں‌درخواست جمع کرواتے ہوئےکہا کہ اس کا بھتیجا جزلان زخموں کی تاب نہ لاتے ہوئے وفات پا گیا ہے جبکہ شعمیر ابھی بھی بستر مرکپر ہسپتال میں زیرعلاج ہے ، لٰہذا ان مجرموں کے خلاف کارروائی کے ان کو قرارواقعی سزا دی جائے

کراچی : ریلویز پولیس کراچی نے کارروائی کرتے ہوئے 4 ریلوے مٹیریل چور گرفتار کر لیے ہیں۔تفصیلات کے مطابق ترجمان ریلویز پولیس کا کہنا ہے کہ ملزمان کو دو الگ واقعات میں گرفتار کیا گیا، ملزمان بہادر خان،سلمان، طاہر اور داؤد خان کو نقیب کباڑ خانہ واقع ٹائر کمپنی این ٹی آر کالونی سے اور ریلوے یارڈ کے بی ایکس نیٹی جیٹی پل سے گرفتار کیا گیا۔

ترجمان ریلویز پولیس نے کہا کہ ملزمان ریلوے مٹیریل چنگچی رکشہ میں لوڈ کر کے بھاگنے کی کوشش کر رہے تھے، ملزمان کو موقع پر گرفتار کر کے قبضہ سے بھاری مقدار میں قیمتی ریلوے مٹیریل برآمد کر لیا گیا۔

ترجمان ریلویز پولیس کے مطابق ملزمان کیخلاف تھانہ ریلویز پولیس کراچی سٹی میں دو مقدمات درج کرلئے گئے ہیں، ریلویز پولیس ریلوے مٹیریل چوری کی روک تھام کیلئے مؤثر اقدامات کر رہی ہے۔

ادھر کراچی پولیس کے مطابق شہر میں جرائم کی شرح میں مسلسل اضافہ ہورہا ہے اور زیادہ ترسٹریٹ کرائم میں شہری بہت زیادہ نقصان اٹھا رہے ہیں، یہ بھی کہا جارہا ہےکہ اس وقت کراچی وسطی اور دیگر علاقوں میں روزانہ سیکڑوں کی تعداد میں ڈاکوموبائل اورنقدی چھین کرفرار ہوجاتے ہیں ، یہ بھی بتایا جارہا ہےکہ موٹرسائیکلوں کے ساتھ ساتھ بڑی گاڑیوں کی چوری کے واقعات بھی بڑھ گئے ہیں،

ادھر سندھ ہائی کورٹ نے دعا زہرا کے حوالے سے دیئے گئے احکامات پرپھر انتظامیہ سے پوچھ لیا ہے اور کہا ہےدعا زہرا کو ہرصورت پیش کیا جائے ،اس حوالے سے پنجاب حکومت سے بھی سندھ پولیس کے رابطے جاری ہیں

کراچی :پی سی ہوٹل کراچی کی چھت گرگئی،لوگ ملبے تلے آگئے،اطلاعات کےمطابق کراچی کے پی سی ہوٹل کی چھت گرنےسے ایک شخص جانبحق جبکہ تین زخمی ہوگئے ہیں جن کو فوری طبی امداد کےلیے ہسپتال منتقل کردیا گیا ہے

ایک بڑے ہوٹل پی سی کی عمارت کی چھت گرگئی ہے اور یہ بھی اطلاعات ہیں کہ اس چھت کے ملبے تلے اور بھی لوگ دبے ہوئے ہیں، جن کو نکالا جارہا ہے

یہ بھی اطلاعات ہیں کہ پی سی ہوٹل کی چھت کے گرنے کے بعد ہرطرف آہ وبکا کی آوازیں بھی سُنی گئی ہیں ، دوسری طرف ریسکیو ٹیمیں بھی پہنچ رہی ہیں تاہم جو تازہ ترین نقصان کی تفصیلات دی گئی ہیں اس کے مطابق ایک شخص جانبحق جبکہ تین زخمی ہوئے ہیں

پی آئی ڈی سی کے قریب مشہور نجی ہوٹل میں ایک جگہ سے چھت کا ٹکڑا گر گیا، امدادی کارروائیاں جاری ہیں۔

ترجمان سندھ رینجرز کا کہنا ہے کہ ملبے تلے دب کر 2 افراد جاں بحق اور 2 افراد زخمی ہو گئے ہیں، سندھ رینجرز کے جوان جائے وقوعہ پر پہنچ گئے ہیں،ترجمان کا کہنا تھا کہ ملبے سے زخمیوں کو نکالا جا رہا ہے۔

سندھ رینجرز کے ترجمان کا یہ بھی کہنا تھا کہ رینجرز کے جوان ریسکیو اداروں کے ساتھ امدادی کاموں میں مصروف ہیں۔ایدھی ذرائع کے مطابق اس واقعے کے باعث 3 افراد زخمی ہو گئے ہیں۔

ادھر مقامی لوگوں‌ کا کہنا ہے کہ ملبے کو ہٹانے کا کام تیزی سے جاری ہے اور ہوٹل انتظامیہ کا کہنا ہے کہ بہت جلد ملبہ ہٹا لیا جائے گا ، ہوٹل انتظامیہ کی طرف سے اس حادثے میں ہونے والے نقصان کی تفصیلات وقفے وقفے کے ساتھ شیئر کی جائیں گی