Tag: کراچی

کراچی :ایم کیو ایم رہنما خالدمقبول صدیقی نے کہا کہ 15سال سےسندھ پرجمہوریت کےنام پر ایک جماعت کی حکومت ہے۔

باغی ٹی وی: خالدمقبول صدیقی نے ایم کیو ایم پاکستان کےرہنماؤں کے ہمراہ پریس کانفرنس کرتے ہوئے کہا ہے کہ چیئرمین پیپلز پار ٹی نےتاجروں کو دعوت دی تھی، ہمیں لگا بلاول بھٹوتاجروں کیلئےکوئی اقدامات کریں گے، 15سال سےسندھ پرجمہوریت کےنام پر ایک جماعت کی حکومت ہے۔

خالد مقبول صدیقی نے کہا کہ پورے پاکستان میں حکومتیں تبدیل ہوتی رہیں لیکن سندھ میں نہیں، ایک طرف لوگ صوبے کوچلانے کیلئے 100فیصدوسائل فراہم کرتےہیں، دوسری طرف لوگ ایک فیصدبھی اپناحصہ نہیں ڈالتے آپ نے کراچی کے تاجر و ں سے با ت کی، آپ کو تکلیف تھی انہوں نے گلہ کہیں اورکیا، کراچی میں روزانہ 2 سے 3 وارداتیں ہوتی ہیں، ڈکیتی مزاحمت پر شہر یوں کو مار دیا جاتاہے، لیاری گینگ وارکے ذریعے پورےشہرکویرغمال بنایاگیاتھا۔

پاکستانی ایئرلائنز بنگلہ دیش کیلیے پروازیں شروع کرنے میں دلچسپی رکھتی ہیں،سلیم مانڈوی والا

خالدمقبول صدیقی نے کہا کہ ایم کیوایم، سول سوسائٹی کی طرح تاجروں نےاحتجاج ریکارڈکرایا، سندھ حکومت نے تاجروں کو مدعو کیا، لگا شکا یتوں کاازالہ کریں گے، سندھ حکومت کالہجہ دھمکی سے کم نہیں تھا، تاجروں کی حب الوطنی کا ثبوت ٹیکس جمع کرانا تھا، لیاری گینگ وار سے آپ کے تعلقات سب کےسامنےہیں۔

انہوں نے کہا کہ اب ان کی طرف سے بھتہ سرکاری طورپروصول کیاجاتاہے، کراچی میں اسٹریٹ کرائم اور بچوں کےاغوا میں اضافہ ہوا ، کراچی میں روزکسی نہ کسی تاجرکوبھتہ نہ دینے پرماردیاجاتاہے، 2015تک کیا کراچی اس حالت میں تھا؟ کیا کراچی ایسا کھنڈر نظرآتاتھا؟ شہر ی علاقوں کوسوچی سمجھی سازش کےتحت برباد کیاجارہا ہے۔

شام میں بغاوت کے سربراہ احمد الشرع عبوری صدر مقرر

ایم کیو ایم رہنما نے کہا کہ آپ نے50سال پہلےکوٹہ سسٹم لگایاتھا، سندھ میں دیہی اورشہری کوٹہ سسٹم میں لسانی تقسیم ہے، آپ نے تعلیم پرنقب لگاکرملک دشمنی شروع کی ہے، آپ سےپہلےکراچی کی تعلیم بہت بہترتھی ، کراچی میں تعلیمی نتیجہ 30 فیصد اور لاڑکانہ کا90فیصدکردیا اب کہہ رہے ہیں تعلیمی اداروں میں بیوروکریٹ لگائیں گے، تعلیمی اداروں میں بیوروکریٹ بھی آپ کے ہوں گے۔

کراچی: پاکستان کے معروف اداکار، گلوکار اور میزبان فخر عالم کے کراچی میں واقع گھر میں چوری ہو گئی-

باغی ٹی وی : اداکار نے ایکس پر بتایا کہ کراچی میں میرے گھر کو لوٹ لیا گیا ہے، پولیس جائے وقوعہ پر موجود ہے اور واقعہ کی تحقیقات جاری ہیں، یہ انتہائی پریشان کن ہے، مجھے امید ہے کہ ملزمان جلد قانون کے شکنجے میں ہوں گے، میرے لیے چیزیں اہم نہیں ہیں لیکن ذہنی سکون کی کوئی قیمت نہیں ہوتی اور یہ ہی ضروری ہے،’یہ (ذہنی سکون) کا اصل نقصان ہوا ہے، برائے مہربانی تمام افراد چوکنا رہیں’۔

البتہ فخر عالم کی جانب سے یہ واضح نہیں کیا گیا کہ لوٹ مار کی واردات کے دوران وہ گھر میں موجود تھے یا نہیں یا چوروں نے کیا سامان چرایا،مداحوں کی جانب سے اداکار کے گھر ہوئی چوری کے واقعہ کی مذمت کی جارہی ہے۔

چیئرمین پی ٹی آئی نے پریکٹس اینڈ پروسیجر آرڈیننس کا فیصلہ چیلنج کر دیا

حماس نے مزید ایک اور اسرائیلی خاتون فوجی کو رہا کردیا

بھارتی کرکٹر محمد سراج اور اداکارہ ماہرہ شرما کی دوستی کے چرچے

کراچی: 19 سالہ نوجوان کی محبت میں گرفتار ہوکر پاکستان آنے والی امریکی خاتون کو ایک شخص نے شادی کی پیشکش کردی۔

باغی ٹی وی: اونیجا اینڈریو رابنس نامی خاتون کو کراچی کے علاقے گارڈن کے رہائشی 19 سالہ ندال احمد میمن سے سوشل میڈیا کے ذریعے محبت ہوئی تھی جس کے بعد 2 بچوں کی ماں طلاق لے کر 11 اکتوبر کو کراچی پہنچی تھی تاہم نوجوان نے امریکی خاتون سے شادی کے لیے راضی تھا مگر گھر والوں نے شادی سے انکار کردیا۔

خاتون کئی ماہ کراچی میں دربدر رہی اور پھر اس کا واپسی کا ٹکٹ ختم ہو گیا، وزٹ ویزے کی مدت ختم ہونے کے بعد اے ایس ایف نے امریکی خاتون کو ائیر پورٹ پولیس کے حوالے کر دیا تھاایک این جی او نے خاتون کی امریکا واپسی کے لیے ٹکٹ بھی دیا اور مالی مدد بھی کی تھی تاہم اس نے واپسی سے انکار کردیا اور نوجوان کے گھر پہنچ کر بلڈنگ میں ڈیرے ڈال لیے۔

حماس نے مزید ایک اور اسرائیلی خاتون فوجی کو رہا کردیا

تاہم اب امریکی خاتون سے شادی کرنے کیلئے کراچی کے شہری نے مشروط رضا مندی ظاہر کی ہے۔

سوشل میڈیا پر سامنے آنے والی ویڈیو میں شہری نے اپنا تعارف کروایا اور بتایا کہ ‘میرا نام عبدالرحیم ہے، پیشے کے اعتبار سے اس وقت ڈرائیو ہوں لیکن ایک ریٹائرڈ ملازم بھی ہوں، میں نے اپنی بیوی کو بھی میسج کردیا ہے کہ میں شادی کرلوں گا اگر مجھے اجازت مل گئی، ویسے اسلام میں بیوی سے دوسری شادی کا پوچھنا ضروری نہیں ہے لیکن میں نے پھر بھی اہلیہ کو بتادیا ہے کہ میں خاتون سے شادی کرنے کیلئے تیار ہوں۔

کرن جوہر نے ابراہیم علی خان کے فلمی ڈیبیو کی تصدیق کردی

عبدالرحیم نے امریکی خاتون سے شادی کیلئے اپنی شرط بھی بتائی اور کہا کہ میری شرط صرف اتنی سی ہے کہ اگر وہ ہندو یا عیسائی ہیں تو مسلمان ہوجائیں۔

سندھ ہائیکورٹ کے آئینی بینچ نے شہر بھر کے ٹریفک سگنلز پر بھکاریوں اور خواجہ سراؤں کے خلاف کارروائی کے حوالے سے پولیس کو سخت احکامات جاری کر دیے ہیں۔ یہ حکم عدالت میں دائر ایک درخواست پر سنایا گیا جس میں ٹریفک سگنلز پر بھیک مانگنے والے افراد کی موجودگی پر تشویش کا اظہار کیا گیا تھا۔

عدالتی حکم میں کہا گیا کہ شہر کے کسی بھی سگنل پر خواجہ سرا، مرد، خواتین یا بچے نہیں ہونے چاہئیں۔ عدالت نے واضح طور پر کہا کہ ٹریفک سگنلز پر بھیک مانگنے والے افراد نہ صرف شہریوں کو پریشان کرتے ہیں بلکہ انہیں ہراساں بھی کرتے ہیں۔ اس پر فوری طور پر پولیس کو حکم دیا گیا کہ وہ ایسے افراد کے خلاف کارروائی کرے جو شہریوں کو ذہنی اذیت کا سامنا کروا رہے ہیں۔عدالت نے اپنے حکم میں مزید کہا کہ بھکاریوں کی بڑھتی ہوئی تعداد اور ان کی طرف سے شہریوں کو ہراساں کرنے کے واقعات کو روکنے کے لیے فوری اقدامات کیے جائیں۔ یہ فیصلہ شہر میں عوامی سہولت کو بہتر بنانے اور شہریوں کے تحفظ کو یقینی بنانے کے لیے اہم سمجھا جا رہا ہے۔

پولیس کو تاکید کی گئی کہ وہ اس سلسلے میں متعلقہ قوانین کے تحت کارروائی کرے اور ایسے افراد کو قانون کے دائرے میں لائے۔ اس حکم کے بعد پولیس نے کارروائی شروع کر دی ہے اور امید کی جا رہی ہے کہ ٹریفک سگنلز پر بھیک مانگنے والوں کی تعداد میں کمی واقع ہوگی، جس سے شہریوں کو راحت ملے گی۔

کرم میں کھانے پینے کی اشیاء کی قلت کا مسئلہ برقرار

کراچی:شادی کیلئے کراچی پہنچنے والی امریکی خاتون کو پاکستانی نوجوان نے دھوکا دیدیا-

باغی ٹی وی : کراچی کے علاقے گارڈن ویسٹ سے تعلق رکھنے والے 19 سال کے لڑکے نے امریکی خاتون کو اپنی محبت کے جال میں پھنسایا اور پاکستان بلالیا،تینتیس سالہ امریکی خاتون کا نام اونیا اینڈریو رابنسن ہے اور ان کا تعلق امریکا کی ریاست نیویارک سے ہے۔

خاتون کراچی سے تعلق رکھنے والے نوجوان کی محبت میں گرفتار ہوکر پاکستانی آئی تھیں، خاتون جب کراچی پہنچیں تو لڑکے کے والدین یہ جان کر حیران رہ گئے کہ ان کے بیٹے نے جسے پسند کیا ہے وہ ان کے بیٹے سے عمر میں تقریباً دو گنا بڑی ہے، شوہر سے طلاق لے کر آئی ہے اور دو بچوں کی ماں بھی ہے،والدین کی ناراضی پر نوجوان خاتون کو چکمہ دے کر غائب ہوگیا، جس سے خاتون سکتے کی حالت میں آگئی اور کراچی ائیرپورٹ پر پھنس کر رہ گئیں۔

سندھ ہائیکورٹ کے 12 نئے ججز کل حلف اٹھائیں گے

پولیس کے مطابق سات روز سے خاتون کراچی ائیرپورٹ پر بے آسرا موجود تھیں اور ویزہ ایکسپائر ہوجانے کی وجہ سے کراچی میں پھنس گئی تھیں خاتون کو سیکیورٹی اداروں کی مدد سے پندرہ دن کا ویزہ فراہم کرکے دوبارہ امریکا بھیجنے کی تیاری مکمل کرلی گئی ہے امریکی خاتون کو ٹکٹ فراہم کرنے کے بعد امریکا روانہ کردیا جائے گا خاتون کی جانب سے لڑکے کے خلاف کارروائی کیلئے کوئی درخواست نہیں دی گئی۔

معمر رانا کی حفاظت اور دیکھ بھال ہم سب کی ذمہ داری ہے،میرا

کراچی کے تاجر رہنماؤں نے وزیراعلیٰ پنجاب مریم نواز کی کارکردگی سے متاثر ہو کر دلچسپ مطالبہ پیش کر دیا۔

باغی ٹی وی : یہ مطالبہ وفاقی وزیر احسن اقبال کے ساتھ ایک میٹنگ میں کیا گیا، جہاں کراچی کے تاجروں نے مریم نواز کو وزیراعلیٰ سندھ بنانے کی حمایت کی،سوشل میڈیا پر وائرل ویڈیو میں تاجروں نے احسن اقبال سے کہا کہ کچھ عرصے کے لیے مریم نواز ہمیں دے دیں اور مراد علی شاہ آپ رکھ لیں، مریم نواز کی کارکردگی نے ہمیں بے حد متاثر کیا ہے،تاجروں کے اس دلچسپ مطالبے پر وفاقی وزیر احسن اقبال بے ساختہ مسکرا دیئے۔

دوسری جانب اجلاس میں وزیر اعلیٰ پنجاب مریم نواز نے اپنی چھت اپنا گھر پروگرام کی کامیابی کا ذکر کرتے ہوئے کہا کہ پروگرام کے تحت 9 ہزار سے زیادہ افراد کو ساڑھے 8 ارب روپے کے بلاسود قرضے جاری کیے گئے ہیں اور اپنی چھت اپنا گھر کے پورٹل پر 4 لاکھ سے زائد ریکارڈ درخواستیں موصول ہوئیں۔

سیف علی خان کیس : ممبئی پولیس کی تحقیقات ایک نئے موڑ میں داخل

بریفنگ میں بتایا گیا کہ اپنی چھت، اپنا گھر پروگرام کے فیز ون میں 5 ہزار افراد کو قرضے جاری کیے گئے۔ اور فیز 2 میں ملنے والے 3 ہزار قرض سے بھی گھروں کی تعمیر کا آغاز ہو سکتا ہے،مریم نواز نے اپنی چھت اپنا گھر پراجیکٹ کے اہداف حاصل کرنے کی ضرورت پر زور دیتے ہوئے کہا کہ ریاست ماں کے جیسی ہے اور ماں کو بے گھر بچوں کا زیادہ احساس ہوتا ہے۔

مسلم لیگ ق کے مرکزی سیکرٹری اطلاعات کو حکومت میں اہم ذمہ داریاں مل گئیں

انہوں نے کہا کہ اپنی چھت اپنا گھر پاکستان کا سب سے بہترین ہاؤسنگ پراجیکٹ ثابت ہو گا۔ دل چاہتا ہے کہ پنجاب میں کوئی بھی بے گھر نہ رہے اور میں چاہتی ہوں سب کے پاس اپنی چھت کا سکھ ہو، اپنی چھت اپنا گھر میں سفارش نہیں میرٹ پر قرض ملے گا-

کورونا وبا کے پھیلاؤ سے متعلق امریکی سینٹرل انٹیلی جنس نے موقف بدل لیا

پاکستان کی قومی ایئر لائن پاکستان انٹرنیشنل ایئرلائنز (پی آئی اے) کی دبئی سے ملتان جانے والی پرواز کے عملے کے ارکان سے 78 آئی فونز برآمد کیے گئے ہیں۔ ذرائع کے مطابق یہ موبائل فونز پرواز پر تعینات فضائی عملے کے پانچ ارکان سے برآمد ہوئے۔

اس اسمگلنگ میں پی آئی اے کی ائرہوسٹسز نشاط اور صدف ناصر، فلائٹ اسٹیورڈ محمد عمران اور خالد خان شامل تھے۔ ذرائع نے بتایا کہ پی آئی اے کے سینئر پرسنل فیصل پرویز بھی اس اسمگلنگ میں ملوث ہیں۔کسٹمز حکام نے پیشگی اطلاع پر کارروائی کرتے ہوئے دونوں ائرہوسٹسز سے 24 آئی فونز برآمد کیے۔ 16 پرو میکس موبائل فونز برآمد ہوئے، خواتین کی نشاندہی پر حکام نے تینوں مرد میزبانوں کو ہوٹل سے واپس بلوا کر ان سے مزید 54 آئی فونز برآمد کیے۔تمام ملوث فضائی عملے کو حراست میں لے کر تحقیقات کا آغاز کر دیا گیا ہے۔ حکام نے اس بات کی تصدیق کی ہے کہ مزید کارروائی کی جا رہی ہے اور اسمگلنگ میں ملوث افراد کے خلاف سخت قانونی کارروائی کی جائے گی۔

کسٹمز کے عملے نے تمام آئی فون موبائل فونز کو ضبط کر لیا ہے اور ان پر مزید قانونی کارروائی عمل میں لائی جائے گی۔ سینئر ایئر ہوسٹس نشاط کا تعلق پشاور سے ہے جبکہ سینئر ایئر ہوسٹس صدف نصیر کا تعلق بھی پشاور سے ہی ہے،یہ کارروائی کسٹمز کے حکام کی جانب سے کئے گئے مؤثر چیکنگ کے دوران کی گئی ہے ،یہ واقعہ پی آئی اے میں اسمگلنگ کی ایک اور شرمناک مثال بن گیا ہے جس نے ایئرلائن کی ساکھ کو نقصان پہنچایا ہے۔ماضی میں بھی پی آئی اے عملہ سمگلنگ میں ملوث رہا ہے اور ان کے خلاف کاروائی کی گئی ہے

کراچی: ایمریٹس ائیر لائن نے کراچی ایئرپورٹ پر کارگو بزنس حب بنانے کے حوالے سے ایئرپورٹس اتھارٹی سے رابطہ کیا ہے۔

باغی ٹی وی: رپورٹ کے مطابق ایمریٹس ائیرلائن نے کراچی ائیرپورٹ پر کارگو ٹرمینل پر 90 ہزار اسکوائر فٹ کی جگہ مانگ لی، کارگو بزنس کی بڑھتی طلب کے پیش نظر ایمریٹس بے اپنا کارگو حب کراچی میں بنانے کا فیصلہ کیا ہےاس وقت کراچی میں سب سے زیادہ کارگو بزنس ایمریٹس ائیرکا ہے، صرف کراچی سے 2024 کے دوران سب سے زیادہ 27 ہزار ٹن سے زائد کارگو ایمریٹس ائیرلائن نے اٹھایا-

پی آئی اے کی عدم توجہی اور درست منصوبہ بندی نہ ہونے سے 2024 کے دوران کراچی سے صرف 2 ہزار ٹن کارگو کا بزنس حاصل کرسکی،ایمریٹس ائیر لائن کی درخواست پر ائیرپورٹ اتھارٹی نے کارگو ٹرمینل پر جگہ دینے کے لئے کام شروع کردیا۔

جنگ بندی معاہدے کے باوجود مقبوضہ مغربی کنارے اسرائیل کا فوجی آپریشن،9 فلسطینی شہید 40 زخمی

بگ میک اور ڈائیٹ کوک کے عادی ٹرمپ 78 سال کی عمر میں کیسے لڑ رہے ہیں؟

مختلف ممالک سے 200 سے زائد پاکستانی بے دخل