Tag: کراچی

جعلی میڈیکل اور کاروباری دستاویزات پر پاکستان آکر کراچی سے جرمنی جاتے ہوئے مزید 3افغان خواتین کو امیگریشن کے عملے نے گرفتار کر لیا ہے۔

ایف آئی اے امیگریشن حکام کے مطابق ایک مسافر خاتون عزیزہ محمدی علاج کرانے کا ویزا لے کر پاکستان آئی تھیں۔ پیش کردہ ریکارڈ کے مطابق ظاہر وہ 27اپریل سے 20مئی 2024کے درمیان اسلام آباد کے انٹرنیشنل اسپتال میں زیر علاج رہیں جبکہ پاسپورٹ کی چھان بین کے دوران پتہ چلا کہ وہ پاسپورٹ بننے کے بعد سے اب تک پہلے کبھی پاکستان نہیں آئی تھیں۔ اسی طرح ایک اور مہریہ رحمانی نامی افغان خاتون پاکستان میں بزنس ویزا پر آئی تھیں۔ دستاویزات کی بین کے دوران پتہ چلا کہ وہ اپنے شوہر اقبال حکیمی کے ساتھ پاکستان کے کاروباری سفر پر تھیں۔ شوہر کے بارے میں دریافت کیا گیا تو خاتون نے خود کو کنوارہ ظاہر کیا اور بتایا کہ وہ کسی اقبال حکیمی نامی شخص کو نہیں جانتی۔

بلوچستان پولیس کا سابق وزیر کے کراچی مٰیں گھر پر چھاپہ، 4 افراد گرفتار

اسی طرح زہرہ سلطانی نامی افغان خاتون کے پیش کردہ ریکارڈ کے مطابق وہ 2 ستمبر کو ایک مریض خاتون مرمن پروین سلطانی کی اٹینڈنس کے طور پر پاکستان پہنچی تھیں۔ امیگریشن حکام نے جب چھان بین کی تو ریکارڈ سے پتہ چلا کہ مرمن پروین سلطانی نامی افغان مریضہ آج تک پاکستان نہیں آئیں۔ تحقیقات کے دوران ثابت ہوا کہ اس نے مریض کی خدمت گزار کے بہانے دھوکہ دہی سے پاکستانی ویزا حاصل کیا۔ مذکورہ تینوں خواتین کو اینٹی ہیومن ٹریفکنگ سرکل کے حوالے کر دیا گیا ہے جہاں ان کے خلاف مقدمہ درج کیا جارہا ہے۔

وزیراعلیٰ سندھ سید مراد علی شاہ سے آج پاکستان پیپلزپارٹی کے منتخب نمائندوں اور پارٹی رہنماؤں نے ملاقات کی اور علاقے کے مسائل، تنظیمی معاملات پر تبادلہ خیال کیا۔

باغی ٹی وی کی رپورٹ کے مطابق وزیراعلیٰ سندھ مراد علی شاہ سے رکن قومی اسمبلی عبدالقادر پٹیل اور رکن صوبائی اسمبلی آصف خان نے ملاقات کی۔ دونوں رہنماؤں نے اپنے حلقے کے مسائل اور ترقیاتی کاموں کے حوالے سے وزیراعلیٰ سندھ کے ساتھ تبادلہ خیال کیا۔ مراد علی شاہ نے انہیں بتایا کہ کراچی میں سڑکوں کی تعمیر کےلیے فنڈز جاری کردیے گئے ہیں۔مراد علی شاہ سے رکن قومی اسمبلی پیر آفتاب جیلانی نے بھی وزیراعلیٰ ہاؤس میں ملاقات کی۔ اس موقع پر علاقے میں بارش کے بعد بحالی کی صورتحال اور ترقیاتی منصوبوں پر تبادلہ خیال کیا گیا۔ وزیراعلیٰ نے بتایا کہ انہوں نے متاثرہ علاقوں میں نقصانات کا سروے کرنے کا حکم جاری کردیا ہے۔

کار ساز حادثہ کیس کی ملزمہ نتاشہ بیمارپڑگئی

وزیراعلیٰ سندھ سے رکن صوبائی اسمبلی گیانچند ایسرانی نے ملاقات کی۔ اس موقع پر علاقے کے مسائل کے علاوہ اقلیتوں کے امور پر بھی تبادلہ خیال کیا گیا۔ وزیراعلیٰ سندھ سے رکن صوبائی اسمبلی ڈاکٹر سکندر شورو نے بھی ملاقات کی اور اپنے مسائل سے آگاہ کیا۔ وزیراعلیٰ سندھ نے موقع پر احکامات جاری کیے۔ مراد علی شاہ سے پیپلزپارٹی سندھ کے جنرل سیکریٹری وقار مہدی نے بھی ملاقات کی۔ سندھ میں تنظیمی سرگرمیوں اور سیاسی حکمت عملی پر تبادلہ خیال کیا گیا ۔

محکمہ ثقافت سندھ کی جانب سے فیرئیر ہال سے پینٹنگز چوری پر بنائی گئی تحقیقاتی کمیٹی نے رپورٹ جاری کر دی.

باغی ٹی وی کی رپورٹ کے مطابق آرٹسٹ سیفی سومرو کی پینٹنگز 2017 سے فیرئیر ہال میں ہی موجود ہیں غائب نہیں ہوئی،ڈرامے میں نظر آنے والی پینٹنگز یہی ہیں، ڈرامے کی شوٹنگ فیریئر ہال میں ہی کی گئی تھی، رپورٹ میں مزید کہا گیا ہے کہ مختلف ایگزیبیشن کے باعث پینٹگز کو ایک جگہ سے دوسری جگہ شفٹ کیا جاتا رہا ہے۔آرٹسٹ نے اپنی پینٹنگز واپس لینے میں کوئی دلچسپی ظاہر نہیں کی،پینٹگز مالک اور فیریئر ہال انتظامیہ کے درمیان غلط فہمی ہوئی۔

کار ساز حادثہ کیس کی ملزمہ نتاشہ بیمارپڑگئی

ڈاکٹر عافیہ کی رہائی کے لیے ٹیکساس جیل کے باہر مظاہرہ

ایم کیو ایم اور سنی تحریک نے شہر قائد کی بہتری کیلئے مل کر کام کرنے پر اتفاق کیا ہے

باغی ٹی وی کی رپورٹ کے مطابق ایم کیو ایم پاکستان کے سینئر رہنما و رکن مرکزی کمیٹی انیس قائم خانی نے سی او سی انچارج و رکن مرکزی کمیٹی فرقان اطیب کے ہمراہ قادری ہاؤس میں سنی تحریک کے سربراہ ثروت اعجاز قادری و دیگر رہنماؤں سے ملاقات کی۔ ملاقات میں شہر قائد کی بہتری کیلئے مل کر کام کرنے پر اتفاق کیا گیا۔ نیز امن و امان کی صورتحال بہتر بنانے کیلئے فرقہ وارانہ ہم آہنگی کو مزید فروغ دینے کیلئے بھی بات چیت کی گئی۔

آپریشن گولڈ سمتھ، اسرائیلی اخبار نے عمران خان کا "حقیقی چہرہ” دکھا دیا

واضح رہے ان دنوں ایم کیو ایم شہر کراچی میں اپنا کھویا مقام دوبارہ حاصل کرنے کے لیے خاصی فعال ہے اسی سلسلے میں عوامی رابطہ مہم اور شہریوں کے مسائل حل کرنے میں پیش پیش ہے.

صدرالخدمت فانڈیشن پاکستان پروفیسرڈاکٹرحفیظ الرحمن نے کراچی میں واقع الخدمت سندھ ریجن کے دفتر کا دورہ کیا۔

باغی ٹی وی کی رپورٹ کے مطابق اس موقع پر صدرالخدمت سندھ ڈاکٹرسیدتبسم جعفری، ڈاکٹراحمدسفیان ،عبدالرزاق سمیت دیگرذمہ داران موجودتھے۔صدرالخدمت پاکستان کو سندھ بھرمیں جاری صاف پانی اورطبی سہولیات کی فراہمی کیمنصوبوں سمیت تمام دیگرسرگرمیوں کے بارے میں بریفنگ دی گئی۔پروفیسرڈاکٹرحفیظ الرحمن نے الخدمت سندھ کی کارکردگی کو سراہتے ہوئے کہاکہ الخدمت کے ہر ایک کارکن کاجذبہ قابل ستائش ہے۔اللہ کی مدد اور کارکنان کی کاوشوں کے باعث اتنے بڑے پیمانے پر امدادی سرگرمیاں انجام دی جارہی ہیں۔

کراچی سیف سٹی پروجیکٹ کے پہلے مرحلے کا آغاز

ان کامزیدکہناتھاکہ الحمدللہ دنیابھرسے مخیرحضرات نے الخدمت پربھروسہ کیا جس کی بدولت فلسطین میں بڑے پیمانے پر امدادی سرگرمیاں عمل میں لائی جارہی ہیں۔ الخدمت کی جانب سے غزہ کے متاثرین کیلئے خوراک،پانی اور ادویات سمیت دیگرضروریات زندگی کی فراہمی کا عمل جاری ہے۔

کےالیکٹرک نے بجلی مہنگی کرنے کی تیاری کرلی

کراچی میں سیف سٹی پروجیکٹ کے پہلے مرحلے کا آغاز ہوگیا۔

باغی ٹی وی کی رپورٹ کے مطابق سیف سٹی پروجیکٹ کے پہلے مرحلے میں 5 پولز پر نصب 25 کیمروں نے کام شروع کر دیا۔ اب تک 43 پولز لگائے جا چکے ہیں۔ڈائریکٹر جنرل سندھ سیف سٹیز اتھارٹی آصف اعجاز شیخ نے کہا ہے کہ سیف سٹی پروجیکٹ کے پہلے مرحلے کا آغاز کر دیا گیا۔ ایس فور کنٹرول روم سے متصل سینٹرل پولیس آفس (سی پی او) کمانڈ اینڈ کنٹرول سینٹر میں لائیو فیڈ ڈسپلے کے ساتھ پول پر کیمروں کی تنصیب کا عمل شروع ہوگیا ہے۔ 5 پولز پر نصب 25 کیمروں نے کام شروع کر دیا جبکہ اب تک 43 پولز لگائے جا چکے ہیں۔

جعلی میڈیکل ویزوں پرپاکستان آنے والے 9 افغان شہری گرفتار

لانچوں کے ذریعہ ایرانی ڈیزل اسمگل کرنے کی کوشش ناکام