Tag: کراچی

ے الیکٹرک نے حکومت سندھ ، کمشنر کراچی ، سیا سی جماعتوں سے کی گئی یقین دہانی ردی کی ٹوکری میں ڈالتے ہوئے رات کے اوقات میں بھی لوڈشیڈنگ جاری رکھی ہوئی ہے.

باغی ٹی وی کی رپورٹ کے مطابق کراچی میں گرمی کی شدت میں اضافے کے ساتھ بدترین لوڈشیڈنگ کا سلسلہ جا ری ہے، شہر کے مختلف علاقوں میں لوڈشیڈنگ کا دورانیہ 10 سے 12 گھنٹے تک پہنچ گیا ہے جبکہ مرمت کے نام پر پورا پورا دن بجلی کی فراہمی معطل رہتی ہے جس کی وجہ سے شہریوں کو شدید مشکلا ت کا سامنا کرنا پڑرہا ہے۔لوڈ شیڈنگ سے متاثرہ علاقوں میں کورنگی ، لانڈھی، پی آئی بی کالونی ، ملیر، بھینس کالونی ، سرجانی ٹائون، اورنگی ٹائون، لیاقت آباد، سائٹ ایریا، بلدیہ ٹاون، کیماڑی، گڈاپ، گولیمار، محمود آباد، منظورکالونی، اعظم بستی ،نیوکراچی،گلشن معمار، احسن آباد سمیت دیگر شامل ہیں۔

کراچی میں مون سون کا اختتام، اکتوبر کا مہینہ گرم رہنے کی توقع

کے الیکٹرک نے حکومت سندھ ، کمشنرکراچی ، ایم کیوایم پاکستان اور جماعت اسلامی کویقین دہانی کرائی گئی تھی کہ رات 12 بجے سے صبح 6 بجے تک لوڈشیڈنگ نہیں کی جائے گی لیکن کے الیکٹرک نے تمام یقین دہانیوں کو پس پشت ڈالتے ہو ئے رات کے اوقات میں بھی لوڈشیڈنگ جاری رکھی ہوئی ہے۔رات 12 بجے سے رات 2 بجے تک بھی لوڈشیڈنگ کی جا تی ہے، شہر کے مختلف علاقوں میں 2 بارتین تین گھنٹے کی،دو بار ڈھائی ڈھائی گھنٹے کی لوڈشیڈنگ کی جا رہی ہے جس کی وجہ سے شہری اذیت میں مبتلا ہیں۔

ڈکیتی کے دوران قتل کیے گئے گولڈ میڈلسٹ اتقا معین کا قاتل دوبارہ گرفتار

شہریوں کے مطابق ہم تاریخ کی مہنگی ترین بجلی حاصل کرر ہے ہیں، چند سو یونٹ کا بل 10،10 ہزار روپے ہے جو ماضی دو سے تین ہزار ہوا کرتا تھا لیکن دن رات بجلی کی فراہمی معطل ہے اور اس کے ساتھ مینٹینس (مرمتی)کام کی وجہ سے صبح نو بجے سے شام سات بجے تک بجلی کی فراہمی بند کرنا معمول بن گیا ہے۔کورنگی نمبر 6 سیکٹر 44 سی کے رہائیشیوں نے بتا یا کہ ہما رے یہاں 11 گھنٹے کی لوڈشیڈنگ کی جا رہی ہے اور گذشتہ دو دن سے صبح 9 بجے سے رات 10 بجے مرمت کے نام پر بجلی کی گئی۔انہوں نے کہاکہ ہما ری زندگی اجیرن ہو گئی ہے ایک تو بھاری بھرکم بل کی ادائیگی کرر ہے ہیں اور دوسری جانب سے اذیت ناک لوڈشیڈنگ برداشت کرر ہے ہیں۔اس حوالے سے ترجمان کے الیکٹرک نے بتایاکہ شہر میں غیراعلانیہ لوڈشیڈنگ نہیں کی جا رہی، حد دورانیہ لوڈشیڈنگ کا 10 گھنٹے ہے جبکہ سسٹم کے استحکام کے لیے مینٹیننس ضروری ہوتی ہے، مرمتی کام دوران بجلی بند ہونے کو لوڈشیڈنگ سے تشبیہ دینا مناسب نہیں ہے۔

شہر قائد میں مون سون کے تحت ہونے والی بارشوں کا امکان ختم ہوگیا جبکہ دیہی سندھ کے اضلاع اور بلوچستان میں بھی بارشوں کا امکان نہیں ہے۔

باغی ٹی کراچی کی رپورٹ کے مطابق محکمہ موسمیات کے ذرائع نے بتایا کہ گزشتہ دنوں مغربی ہواں کے سبب شہر میں حدت محسوس کی گئی تاہم آئندہ چند روز کے دوران شہر کا موسم قدرے تیز ہواوں کے سبب بہتر رہنے کی توقع ہے۔چیف میٹرولوجسٹ کراچی سردار سرفراز کے مطابق اکتوبر کا مہینہ گرم رہنے کی توقع ہے اور ہرسال اکتوبر کا اوسط درجہ حرارت 35.6 ڈگری سینٹی گریڈ رہتا ہے۔کراچی میں نومبر کے وسط سے خنک موسم کا آغاز ہوگا۔

ڈکیتی کے دوران قتل کیے گئے گولڈ میڈلسٹ اتقا معین کا قاتل دوبارہ گرفتار

ڈاکٹر شاہنواز قتل کیس کی انکوائری رپورٹ منظر عام پر آگئی

کراچی کے میئر مرتضی وہاب نے کہا ہے کہ ہم روزگار دینا چاہتے ہیں نوکریوں کا اعلان کیا ہے، 70 ارب روپے کی لاگت سے شہر میں نیا انفرااسٹرکچر بنایا جائے گا.

باغی ٹی وی کراچی کی رپورٹ کے مطابق میئر کراچی مرتضی وہاب کراچی واٹر کارپوریشن آفس پہنچے، جہاں انہوں نے سینٹر آف ریفارم ریسرچ اینڈ انوویشن کا سنگِ بنیاد رکھا۔اس موقع پر میڈیا سے گفتگو میں انہوں نے کہا کہ پارٹی چیئرمین نے وعدہ کیا تھا کہ پانی و سیوریج کے مسائل حل کریں گے، ناصرف پائپ ڈالے جائیں گے بلکہ سڑکیں بھی تعمیر کریں گے، حب ڈیم سے نئی کنال پر 13 ارب روپے کی لاگت سے کام شروع کر دیا ہے، 12 ماہ میں حب ڈیم سے دو سو ملین گیلن پانی آئے گا۔آئین کو تبدیل کرنے کا حق پارلیمان کا ہے، مجھے لگ رہا ہے کہ معاملے کو سیاسی بنایا جا رہا ہے، امید کرتا ہوں کہ پارلیمان قانون سازی کرتی رہے گی، ایم کیو ایم عدالت گئی، جسے عدالت نے اسٹے دے دیا، مولانا فضل الرحمن بھی آئینی عدالت پر اتفاق کرتے ہیں، مولانا صاحب کے ساتھ خدوخال پر بات چل رہی ہے۔

بلوچستان سےہزاروں کلو چھالیہ کراچی اسمگل کرنے کی کوشش ناکام

مرتضی وہاب نے کہا کہ کراچی واٹر اینڈ سیوریج ایمپرومنٹ پروجیکٹ میں سنگِ میل عبور کیے ہیں، یہ کراچی کے پانی اور سیوریج کو بہتر کرنے کا پہلا منصوبہ ہو گا، ریسرچ سینٹر سے ادارے کو بہتری لانے کا مزید موقع ملے گا۔انہوں نے کہا کہ کراچی میں 29 کلورینیشن سینٹر ہیں،31 دسمبر تک یہ سینٹر کام کرتے دکھائی دیں گے، شہر میں پانی کی کمی ہے، لائنوں میں لیکیج تھی، پمپنگ اسٹیشنز پر بجلی کی لوڈ شیڈنگ بھی کی جا رہی ہے۔ دھابیجی اور پپری میں کام چل رہا ہے، مارچ 2025 تک ہو جائے گا، پہلے فیز میں 4333 رہائشی اور کمرشل کسٹمرز کے لیے میٹرز نصب کریں گے، کے فور اوگمینٹیشن کا لیٹر جاری ہو گیا ہے۔انہوں نے کہا کہ ضلع غربی، وسطی، اورنگی اور کیماڑی کے عوام مستفید ہوں گے، ساڑھے 2 کروڑ گیلن سیوریج کو صاف کر کے سمندر برد کر رہے ہیں، سیوریج کے مسائل کو حل کرنے کے لیے سڑکوں کی بھی مرمت ہو رہی ہے، شہر کی 106 شاہراہوں کا ذمے دار ہوں اور ان پر کام ہو رہا ہے۔

میئر کراچی نے کہا کہ وزیرِ اعلی سندھ کو بتایا ہے کہ ٹائون کو کام کرنے کی ضرورت ہے، ملیر مرغی خانے کے پل کی وسعت اور مرمت ہو گی، دو ارب کی لاگت سے ایک نیا پل بنے گا اور پرانے پل کی بھی مرمت ہو گی، پارلیمانی سیاسی جماعتوں کے مابین بات چل رہی ہے۔مرتضی وہاب نے کہا کہ آئین کو تبدیل کرنے کا حق پارلیمان کا ہے، مجھے لگ رہا ہے کہ معاملے کو سیاسی بنایا جا رہا ہے، امید کرتا ہوں کہ پارلیمان قانون سازی کرتی رہے گی۔انہوں نے یہ بھی کہا کہ ایم کیو ایم عدالت گئی، جسے عدالت نے اسٹے دے دیا، مولانا فضل الرحمن بھی آئینی عدالت پر اتفاق کرتے ہیں، مولانا صاحب کے ساتھ خدوخال پر بات چل رہی ہے۔

بلوچستان سے 4 ہزار کلو چھالیہ کراچی اسمگل کرنے کی کوشش ناکام بنا دی گئی۔

باغی ٹی وی کی رپورٹ کے مطابق پاکستان کسٹمز انفورسمنٹ کراچی کی انسداد اسمگلنگ مہم کے تحت یومیہ بنیادوں پر کارروائیاں جاری ہیں، اسی سلسلے میں خفیہ اطلاع ملنے پر بھوسے سے لدے ٹرک سے اسمگل شدہ 4ہزار کلو گرام چھالیہ برآمد کرلی گئی۔کلکٹر کسٹمز باسط عباسی کے مطابق 40لاکھ روپے مالیت کی اسمگل شدہ چھالیہ بلوچستان سے کراچی منتقل کی جارہی تھی۔ ہمدرد چیک پوسٹ کے عملے نے ٹرک رجسٹریشن نمبر TKC012 کی تلاشی لی، جس میں سے چھالیہ برآمد ہوئی۔اسمگلنگ میں استعمال ہونے والے ٹرک کو ضبط کرکے مقدمہ درج کرلیا گیا ہے اور بشمول چھالیہ اے ایس او گودام منتقل کرکے تحقیقات شروع کردی گئی ہے۔’

پاکستان کو آئی ایم ایف سے 7 ارب ڈالرز کے بیل آؤٹ پیکیج کی پہلی قسط موصول

جمعیت علمائے اسلام صوبہ سندھ کے انٹرا پارٹی الیکشن کیلئے صوبائی جنرل کونسل کا اجلاس یہاں جامعہ حمادیہ منزل گاہ سکھر میں مرکزی ناظم انتخابات مولانا عطاء الحق درویش کی نگرانی میں منقعد ہوا۔

باغی ٹی وی کی رپورٹ کے مطابق اجلاس میں اتفاق رائے سے اگلے پانچ سال کیلئے مولانا سائیں عبدالقیوم ہالیجوی امیر اور علامہ راشد محمود سومرو دوبارہ جنرل سیکریٹری منتخب ہوگئے۔جے یوآئی کے مرکزی ڈیجیٹل میڈیا سیل کے رکن مولانا سمیع الحق سواتی کے مطابق انٹرا پارٹی الیکشن انتہائی پرسکون ماحول میں منعقد ہوا اجلاس کا کورم مکمل تھا ، قبل ازیں سندھ کے تیس اضلاع میں ریکارڈ ممبر سازی ہوئی ، سندھ بھر میں چھ لاکھ ساٹھ ہزار مرد وخواتین نے جے یوآئی کے رکنیت فارم حاصل کئے ،سمیع سواتی کے مطابق صوبائی جنرل کونسل کے مجموعی ممبران کی تعداد 1100 تھی جن میں سے 965 اراکین جنرل کونسل نے اجلاس میں شرکت کی۔

کراچی پولیس چیف کی صنعتکاروں کو سیکورٹی بہتر بنانے کی یقین دہانی

علاوہ ازیں جے یوآئی کے اراکین نے الیکشن ہال میں پارٹی الیکشن عملے کے سامنے اتفاق رائے سے امیر و جنرل سیکریٹری کیلئے ووٹنگ کے عمل میں حصہ لیا اور مولانا عبدالقیوم ہالیجوی ، اور علامہ راشد محمود سومرو کو اگلے پانچ سال کیلئے اتفاق رائے سے امیر و جنرل سیکریٹری منتخب کرلیا۔ واضح رہے کے دونوں امیدواروں کے مقابلے میں ایوان سے کوئی نام پیش نہیں کیا گیا۔جس کے بعد مرکزی چیف الیکشن کمشنر مولانا عطاء الحق درویش نے اپنے معاونین محمد اسلم غوری، مولانا ناصر محمود ہزاروی ، مولانا ناصر محمود سومرو اور مولانا محمد صالح اندھڑ کے مشورے سے دونوں امیدواروں کی کامیاب کا اعلان کردیا۔

بعد ازاں اراکین جنرل کونسل کا شکریہ ادا کرتے ہوئے نومنتخب امیر مولانا سائیں عبدالقیوم ہالیجوی اور علامہ راشد محمود سومرو کا اپنے خطاب میں کہنا تھا پارٹی کو دستور کے مطابق فعال کیا جائے گا اور تمام اضلاع کے دورے کرکے ازسرنو پارٹی کو منظم کریں گے۔ انہوں نے اپنے خطاب میں کہا کہ سندھ کو باب الاسلام بناکر رہیں گے ، لبرل ، سیکولر اور لادین قوتوں کو سندھ میں سذاشی عناصر کی آلہ کار بننے نہیں دیں گے۔

سنی تحریک کے مرکزی صدر محمد ثروت اعجاز قادری کا کہنا ہے کہ حکمران ملک کی تعمیر و ترقی کے لیے اقدامات کریں۔ملک کے حالات بس سے بدتر ہوتے جا رہے ہیں۔

مرکز اہلسنت پاکستان سنی تحریک سے جاری بیان میں محمد ثروت اعجاز قادری کا کہنا تھا کہ پاکستان میں انڈسٹریاں بند ہو رہی ہیں فصلیں بارش اور سیلاب سے تباہ ہو گئی ہیں۔قوم حکمرانوں کی طرف پر امید نظروں سے دیکھ رہی ہے کے آئی ایم ایف سے ملنے والا فنڈ قوم کے فلاؤ بہبود پر ہی خرچ ہوگا۔ملک کی معیشت حکمرانوں کی باتوں اور تقریروں سے نہیں چل سکتی عملی اقدامات کرنے ہوں گے۔معاشی حالات اس حد تک خراب ہو چکے ہیں کہ سرمایہ دار طبقہ ہو یا ملازمت پیشہ ہر کسی کے سر پر خطرے کی گھنٹی بج رہی ہے۔ثروت اعجاز قادری نے اپنے جاری بیان میں مزید کہا کہ آئی ایم سے ملنے والے فنڈ سے حکومت عوام کے لیے روزگار کے مواقع پیدا کرے جب ملک میں چھوٹی چھوٹی انڈسٹریاں لگیں گی تو عوام کو روزگار کے مواقع بھی ملیں گے اور افراط زر کی کمی بھی پوری ہوگی۔

معاہدے پر عمل نہ کرکے حکومت نے وعدہ خلافی کی، محمد حسین محنتی

انکا کہنا تھا کہ بیرونی سرمایہ کاروں کو مدعو کیا جائے تاکہ ملک کے حالات میں بہتری آئے۔ملک دشمن عناصر قوم کو افواؤں کے ذریعے پریشان کیے ہوئے ہیں آج یہ حکومت جائے گی تو کل وہ حکومت آئے گی۔ملک کے اندرونی حالات کو بہتر کرنے کے لیے اس طرح کی افواہیں پھیلانے والوں کے خلاف بھرپور ایکشن ہونا چاہیے۔پاکستان کو اس وقت بیرونی طاقتوں سے کم ملک کے اندر سازشیں کرنے والوں سے زیادہ خطرات لاحق ہیں۔تمام سیاسی و مذہبی قوتوں کو ایک پلیٹ فارم پر جمع ہو کر اپنے مفادات کو بالائے طاقت رکھ کر ملک اور قوم کے مفادات کے لیے کام کرنا ہوگا۔#

جماعت اسلامی سندھ کے امیر محمد حسین محنتی نے کہا ہے کہ مہنگی بجلی وظالمانہ ٹیکسز کے خلاف دھرنے کے معاہدے پر عمل نہ کرکے حکومت نے وعدہ خلافی کی۔

باغی ٹی وی کی رپورٹ کے مطابق قباء آڈیٹوریم میں ملاقات کرنے والے وفود سے بات چیت کرتے ہوئے محمد حسین محنتی ن کا کہنا تھا کہ حکومت کی آمرانہ وعام دشمن فیصلوں کی وجہ سے ملک میں مہنگائی کاطوفان،کاروبارتباہ،بجلی وگیس کے بلوں میں ظالمانہ ٹیکسز نے عوام کی کمرتوڑ کررکھ دی ہے۔جماعت اسلامی انارکی نہیں چاہتی اسی لیے عوام کو منظم کرکے پرامن احتجاج کا راستہ اختیار کیا ہے۔حکومت کے ظالمانہ اقدامات اورعوام کے جائز حقوق کی خاطرپرامن وآئینی جدوجہد جاری رہے گی۔

ڈاکٹر شاہ نواز کو جعلی پولیس مقابلے میں مارا گیا، وزیر داخلہ سندھ

صوبائی امیرنے عوام سے اپیل کی کہ وہ 29ستمبر کو حکومت کے عوام دشمن اقدامات کے خلاف ہونے والے احتجاج میں بھرپورشرکت کرکے بیداری کا ثبوت دیں.امیرجماعت اسلامی حافظ نعیم کی اپیل پر29ستمبر کو سندھ میں بھی کراچی تاء کشمور احتجاج ہوگا۔ضلعی ہیڈکوارٹرز اورشاہراہوں پراحتجاجی دھرنے دیئے جائیں گے۔جماعت اسلامی حافظ نعیم الرحمان کی قیادت میں پچیس کروڑ عوام کا مقدمہ لڑرہی ہے۔

وزیر داخلہ سندھ ضیاالحسن نے کہا ہے کہ عمر کوٹ میں ڈاکٹر شاہ نواز کو جعلی پولیس مقابلہ میں مارا گیا، مقابلے میں ملوث اہلکاروں کو معطل کردیا گیا ہے۔

باغی ٹی وی کی رپورٹ کے مطابق کراچی میں پریس کانفرنس کرتے ہوئے انہوں نے کہا کہ عمر کوٹ میں ہونے والے واقعے کی انکوائری کے لیے سی سی ٹی وی سے مدد لی گئی، متاثرین جسے ذمہ دار قرار دیں گے اس کے خلاف ایف آئی آر درج کی جائیگی۔ان کا کہنا تھا کہ انکوائری میں الزام درست ثابت ہونے پر اہلکاروں کو معطل کیا گیا اور یہ ایک جعلی پولیس مقابلہ تھا۔انہوں نے کہا کہ عمرکوٹ میں پولیس اہلکاروں پر جعلی پولیس مقابلے کا الزام تھا، وزیراعلیٰ سندھ کی ہدایت پر انکوائری کمیٹی تشکیل دی گئی تھی۔صوبائی وزیر داخلہ نے کہا کہ ان کے اہلخانہ کو آزادی حاصل ہے کہ وہ ذمہ داروں کے خلاف فرسٹ انفارمیشن رپورٹ (ایف آئی آر) درج کراسکتے ہیں، ذمہ داران کے خلاف ایف آئی آر درج کی جائی گی۔

جب تک منافقت ختم نہیں کریں گے نظام اور حالات بہتر نہیں ہونگے،مصطفیٰ کمال

ان کا کہنا تھا کہ انکوائری کمیٹی نے میرپور خاص پولیس اور سی آئی اے میرپور خاص کو واقعے کا ذمہ دار ٹھہرایا گیا ہے اور سب کے خلاف ایف آئی آر کا اندارج کیا جائے گا۔انہوں نے کہا کہ اگر مقتول کے اہلخانہ نے ایف آئی آر نہ کٹوائی تو ریاست مقدمہ درج کروائے گی، تحقیقات کے مطابق پولیس نے عمرکوٹ میں جعلی پولیس مقابلہ کیا تھا، عوام کے جان و مال کا تحفظ کرنا ہماری ذمہ داری ہے، درج ہونے والی 6 ایف آئی آرز کی تحقیقات کی جائیں گی۔ضیاالحسن لنجار نے کہا کہ میر پور خاص کے نئے ڈی آئی جی بطور چیئرمین کمیٹی ان ایف آئی آرز کی تحقیقات کریں گے۔انہوں نے کہا کہ یہ بات ابھی زیر تحقیق ہے کہ ڈاکٹر شاہ نواز ملزم تھے یا مجرم اور اس کا فیصلہ ان کے موبائل فون کے پنجاب سے فارنزک کے بعد کیا جائے گا۔یاد رہے کہ عمرکوٹ سے تعلق رکھنے والے ڈاکٹر شاہ نواز کنبھر کا میرپورخاص میں پولیس نے گولی مار کر مبینہ طور پر ماورائے عدالت قتل کردیا تھا۔

ایم کیو ایم پاکستان کے سینئر رہنما مصطفیٰ کمال کا کہنا ہے کہ جب تک منافقت ختم نہیں کریں گے نظام اور حالات بہتر نہیں ہونگے.

باغی ٹی وی کراچی کی رپورٹ کےمطابق جامعہ کراچی میں آل پاکستان متحدہ اسٹوڈنٹس آرگنائزیشن کے زیر اہتمام "جشنِ اُردو” کے سلسلے میں منقعدہ مشاعرے کے شرکاء سے خطاب کرتے ہوئے مصطفیٰ کمال کا کہنا تھا کہ پاکستان میں بے تحاشہ مواقع ہیں جنہیں ہم ضائع کر رہے ہیں، یہ ہماری بدنظمی کی نظر ہو رہے ہیں، ہم نے سب کچھ تباہ و برباد کر دیا ہے، ہمیں اس کی زمہ داری لینی ہوگی۔ ہمارے حالات بدلنے کیلئے آسمان سے فرشتے نہیں آئیں گے۔ طلباء وطالبات کو دیکھ کر امید بڑھتی ہے کہ ہمارا مستقبل روشن ہے لیکن آج ہر طرف اور ہر شعبے میں خرابی عیاں ہے جس سے پاکستان کی معیشت بھی متاثر ہے۔ ہم کئی ہزار ارب کے قرض دار ہیں۔ اربوں روپے کے قرض پر صرف اس سال جو ہم سود دے رہے ہیں وہ تقریبا ساڑھے نو ہزار ارب روپے ہے جو کہ ہمارے پورے بجٹ کا 52 فیصد بنتا ہے۔ ڈرائیونگ سیٹ آئے گی تو اس شہر سمیت ملک کو ٹھیک کردیں گے، انکا کہنا تھا کہ وہ سینیٹر بنے، وزیر رہے، میئر کراچی منتخب ہوئے لیکن ایک روپیہ کبھی حرام نہیں کمایا۔

اسٹاک ایکسچینج میں نیا ریکارڈ، روپے کے مقابلے میں ڈالر کو جھٹکا

مشاعرے میں مصطفیٰ کمال، فاروق ستار اور امین الحق، انچارج اے پی ایم ایس او حافظ شہریار سمیت ایم کیو ایم پاکستان کے دیگر رہنماؤں نے شرکت کی۔ اس موقع پر شرکاء سے خطاب کرتے ہوئے مصطفیٰ کمال کا مزید کہنا تھا کہ آل پاکستان متحدہ اسٹوڈنٹ آرگنائزیشن کے زیر اہتمام یہ جشن اردو ایک سوشل گیدرنگ ہے، یہاں ماحول اچھا ہے لیکن جب یہاں سے جائیں گے تو لوڈ شیڈنگ ملے گی، پینے کا پانی، گیس نہیں ہوگی، جس سڑک سے جائیں گے وہ سلامت نہیں ہوگی۔ لوگ کہتے ہیں صرف اس نے چوری نہیں کی جسے موقع نہیں ملا لیکن ہمیں ڈکیتی کا موقع ملا اور ہم مے ایک روپیہ حرام نہیں کمایا۔ ایماندار اور باکردار لیڈرز ہی تمام مسائل کا حل ہیں۔

وزیر تعلیم سندھ سید سردار علی شاہ اور وزیر یونیورسٹیز اینڈ بورڈ سندھ محمد علی ملکانی نے پلاننگ کمیشن آف پاکستان کی ڈسٹرکٹ ایجوکیشن پروگرام انڈیکس رپورٹ پر شدید تحفظات کا اظہار کرتے ہوۓ کہا ہے کہ اسلام آباد کے ادارے زمینی حقائق جانے بنا “ڈیسک انالسٹ” کا کردار ادا کر رہے ہیں جبکہ حقیقت جانے بنا سندھ کے تعلیم معیار کو نیچا دکھانے کی کوشش کی گئی ہے۔

صوبائی وزیر تعلیم سید سردار علی شاہ نے پریس کانفرنس کے دوران کہا کہ پلاننگ کمیشن نے یکطرفہ رپورٹ جاری کی ہے کہ سندھ میں اسکول خستہ حال ہیں، ہم یہ بات خود پہلے سے کہہ رہے ہیں کہ سندھ میں شدید برساتوں اور سیلاب کی وجہ سے 20 ہزار اسکولز متاثر ہو چکے ہیں، قدرتی آفات کی وجہ سے ہمارا تعلیمی انفراسٹرکچر متاثر ہوا ہے، سیلاب صورتحال کا جائزہ لینے کے لیے اقوام متحدہ کے جنرل سیکریٹری نے بھی دورہ کیا، انفرا اسٹرکچر کے سیلاب سے متاثر ہونے کے معاملے کو کارکردگی ہیں شامل کرنا بے بنیاد ہے، انہوں نے کہا کہ پلاننگ کمیشن والوں کو پتا ہی نہیں ہے، سندھ پاکستان کا واحد صوبہ ہے کہ جس کے نصاب کے بارے میں یونیسیف کے غیر جانبدار تجزیہ میں کہا گیا ہے کہ سندھ کا نصاب پورے ملک کے نصاب سے بہتر اور جامع ہے، ہم نے اپنے نصاب میں ثقافتی پہلو کو شامل کیا جبکہ بچوں کو مادری زبان میں تعلیم کے حوالے سے اقدامات کیے، سندھ میں تمام مذاہب کے بچوں کو ان کے مذہب کی تعلیم دینے نصاب تشکیل دیا، سندھ میں ٹرانس جینڈر ایجوکیشن پالیسی بنانے والا پہلا صوبہ ہے، صوبائی وزیر سید سردار علی شاہ نے مزید کہا کہ سندھ میں میرٹ پر 60 ہزار اساتذہ بھرتی کرنے کے عمل میں مکمل شفافیت کے پہلو نظر انداز ہونے نہیں دیا، پنجاب کے اسکولز میں اساتذہ کی کمی ہے، خیبرپختونخواہ کے اسکولز خالی ہیں اس پر کوئی واضح بات نہیں کی گئی۔ ابھی کچھ دن پہلے یونیسکو کی جانب سے پچاس ممالک کے اساتذہ کے ٹیسٹ کا انعقاد کیا، ان میں پاکستان کے آٹھ اساتذہ کامیاب ہوئے ان میں پہلے نمبر پر سندھ کے ضلع سجاول کی ٹیچر پہلے نمبر پر آئیں، جبکہ ٹاپ ٹین میں 2 دیگر اساتذہ کا تعلق بھی سندھ سے ہے، سندھ میں اساتذہ بھرتی ہونے کے بعد معیار بھتر ہوا ہے اور داخلا کا تناسب بھی بڑھا ہے.

اسٹاک ایکسچینج میں نیا ریکارڈ، روپے کے مقابلے میں ڈالر کو جھٹکا

پلاننگ کمیشن کے شمولیت کے انڈیکس کے پہلو ٹیکنالوجی کے حوالے سے بات کرتے ہوۓ صوبائی وزیر سید سردار علی شاہ نے کہا کہ سندھ میں ایک لاکھ اسکوائر کلومیٹر ایراضی پر ریگستان، کوہستان، کوسٹل ایریا اور پہاڑ ہیں جہاں نیٹ ورک کا مسئلہ ہے، ظاہر ہے نیٹ ورک مہیا کرنے کا کام محکمہ تعلیم تو نہیں کر سکتا، ٹیکنالاجی کا معاملہ براہ راست ہم پر لاگو نہیں ہوتا، ہمارے سسٹم کی جائز خامیاں ہم نے کبھی بھی چھپائی نہیں ہیں۔ سید سردار علی شاہ نے کہا کہ اساتذہ بھرتی کے بعد ان کی پروفیشنسی ڈولپمینٹ کو آگے بڑھاتے ہوۓ سندھ میں پہل کرتے ہوۓ ٹیچرز لاسنس پالیسی متعارف کروائی گئی، انتظامات کو مزید بہتر کرنے کے لئے ایجوکیشن مینجمینٹ کیڈر متعارف کروا رہے ہیں۔

صوبائی وزیر تعلیم سندھ نے کہا کہ پلاننگ کمیشن کی اپنی رپورٹ یہ کہتی ہے کہ سندھ کے نوشہروفیروز ضلع نے پنجاب کے نصف سے زائد اضلاع اور خیبرپختونخواہ کے تمام اضلاع کو پیچھے چھوڑ کر بھی کاکردگی کے لحاظ سے 69 نمبر حاصل کیا ہے، نوشہروفیروز پنجاب کے 70 فیصد اضلاع سے لرننگ آئوٹ کم میں آگے ہے۔ صوبائی وزیر نے کہا کہ ہم نے اپنی خامیوں کو کبھی چھپایا نہیں، لیکن وفاقی ادارے رپورٹ بنانے سے پہلے ہم سے بھی پوچھنے کی اگر زحمت کریں کے تو یہ سوئیمنگ اسٹیٹمینٹ سے بچ سکتے ہیں، ڈیٹا سائنس کا دور ہے درست اعداد و شمار بتانے سے ہی مسائل حل کرنے میں مدد مل سکے گی۔ ایک سوال پر صوبائی وزیر سید سردار شاہ نے کہا کہ رپورٹ میں بتایا جاتا ہے کہ سندھ میں بوڈرز کو او ایم آر مشینیں نہیں دی گئیں، حالانکہ محکمہ تعلیم نے او ایم آر مشینیں بورڈ کے حوالے کردی تھیں۔ اس موقع پر وزیر جامعات محمد علی ملکانی نے کہا کہ اس سال کے پیپرز پرانے مبنوئل طریقے سے ہی چیک کیے گئے ہیں, ہماری کوشش ہوگی کہ آئندہ امتحانات مارچ یا اپریل میں منعقد کراوئے جائیں اور اگلے سال ہم تین یار چار پیپرز میں ای مارکنگ اور او ایم آر شیٹس لاگو کرینگے، ایک سوال کے جواب میں انہوں نے کہا کہ بورڈز چیئرمین کے کیسز کورٹ میں چل رہے ہیں اور آج بھی سیکریٹری عباس بلوچ کورٹ میں تھے, ان کو دس اکتوبر کی تاریخ ملی ہے امید ہے کہ کورٹ کیسز جلد ہی ختم ہوجائینگے۔