Tag: کراچی

کےالیکٹرک نے بجلی مہنگی کرکے مزید مالی بوجھ ڈالنے کی تیاری کرلی، نیپرا کو بجلی 51 پیسے فی یونٹ مزید مہنگی کرنے کی درخواست دے دی گئی۔

باغی ٹی وی کے مطابق کراچی کے صارفین کے لیے بجلی 51 پیسے فی یونٹ مزید مہنگی کرنے کی درخواست دے دی گئی۔ نیشنل الیکٹرک پاور ریگولیٹری اتھارٹی کے تحت کے الیکٹرک نے درخواست نیپرا میں جمع کرا دی ہے جس کی سماعت 3 اکتوبر کو ہو گی۔نیپرا کے مطابق درخواست اگست کی فیول چارجز ایڈجسٹمنٹ کی مد میں جمع کرائی گئی ہے اور درخواست منظوری سے صارفین پر 100 کروڑ روپے سے زائد کا بوجھ پڑے گا۔ علاوہ ازیں کے الیکٹرک کی جولائی کی فیول چارجز ایڈجسٹمنٹ کا نیپرا سے فیصلہ آنا بھی باقی ہے۔کے الیکٹرک نے جولائی کی ایڈجسٹمنٹ کیلئے 3 روپے 9 پیسیفی یونٹ اضافہ مانگ رکھا ہے۔

سعید غنی کی زیر صدارت صوبائی اسٹیرنگ کمیٹی کا اجلاس ، اہم فیصلے

لانچوں کے ذریعہ ایرانی ڈیزل اسمگل کرنے کی کوشش ناکام

لانچوں کے ذریعہ ایرانی ڈیزل اسمگل کرنے کی کوشش ناکام

چیئرمین صوبائی اسٹیرنگ کمیٹی، سندھ سالڈ ویسٹ مینجمنٹ بورڈ سعید غنی کی زیر صدارت صوبائی اسٹیرنگ کمیٹی کا تیسرا اجلاس منعقد ہوا۔

باغی ٹی وی کی رپورٹ کے مطابق اجلاس میں کمیٹی کے ممبران، ایڈیشنل چیف سیکریٹری لوکل گورنمنٹ سندھ خالد حیدر شاہ، منیجنگ ڈائریکٹر سندھ سولڈ ویسٹ مینجمنٹ بورڈ امتیاز علی شاہ،ڈی ایس فنانس ڈیپارٹمنٹ، ایڈیشنل کمشنر کراچی ون، میئر شہید بے نظیرآباد، اے ڈی سی میرپورخاص، ایڈیشنل سیکریٹری لوکل گورنمنٹ، ایم سی میرپور خاص کے علاوہ میئر حیدرآباد،سکھر اور لاڑکانہ آن لائن موجود تھے.اس کے علاوہ ایس ایس ڈبلیوایم بی کے افسران ٹیکنیکل ولیگل کنسلٹنٹ بھی موجود تھے۔اجلاس میں اسٹیرنگ کمیٹی کے اجلاس میں اہم فیصلے کئے گئے۔ جس میں صفائی ستھرائی کے اینڈ ٹو اینڈ سلوشن کے لئے ضلع ملیر، غربی، کیماڑی کے معاہدے میں تین سال کی توسیع اور بلوں کی ادائیگی ڈالر کے بجائے پاکستانی روپے میں کرنے کی منظوری دی گئی، معاہدے سے صفائی ستھرائی کی مد میں ضلع ملیر میں 25 فیصد اور ضلع غربی اور کیماڑی میں 28 فیصد بچت ہوگی۔

جعلی میڈیکل ویزوں پرپاکستان آنے والے 9 افغان شہری گرفتار

وزیر بلدیات کو اس سلسلے میں تمام ڈیٹا کی تحقیقی رپورٹ پر تفصیلی بریفنگ دی گئی۔ نئے معاہدے کے مطابق صفائی ستھرائی کا کام زیادہ موثر اور بہتر انداز سے انجام دیا جا سکے گا، جبکہ مانیٹرنگ کا مربوط سسٹم بھی معاہدے میں شامل ہے۔اس کے علاوہ ضلع شرقی میں صفائی ستھرائی کے کام کے لئے نئے ٹینڈر کرنے کی منظوری دی گئی اور جب تک ٹینڈر کا عمل مکمل ہوگا دوسری کمپنی صفائی ستھرائی کا کام انجام دے گی۔

اجلاس میں ایس ایس ڈبلیو ایم بی کے اپنے ذرائع آمدنی سے اخراجات کے لئے صنعتی علاقوں، کمرشل ایریاز اور گھروں سے کچرا اٹھانے کی فیس مختص کرنے کے لئے ٹائون میونسپل کارپوریشن کی مشاورت لینے کی تجویز پیش کی گئی۔ ضلع شہید بے نظیرآباد اور میرپور خاص کی تشخیص اور تجزیاتی رپورٹ(Assessment & Analysis) تیار کرنے کی منظوری دی گئی، سکھر اور حیدرآباد کی لینڈ فل سائیٹ کی دیکھ بھال کا کام بھی متعلقہ صفائی کرنے والی کمپنی کو سنبھالنے کی منظوری دی گئی، اجلاس میں صوبائی وزیر بلدیات سندھ سعید غنی کو بتایا گیا کہ جام چاکرو اور گوند پاس کراچی کے لئے بھی نئے ٹینڈر کا عمل پروسیس میں ہے لہذا جب تک ٹینڈر کا عمل پروسیس میں ہے پرانی کمپنی کو کام کرنے کی اجازت دی گئی ہے۔

لانچوں کے ذریعہ ایرانی ڈیزل اسمگل کرنے کی کوشش ناکام

سربراہ پاکستان سنی تحریک محمد شاداب رضا نقشبندی نے کہا ہے کہ آئین وقانون کی بالادستی اور فوری انصاف کی فراہمی کو یقینی بنایا جائے.

باغی ٹی وی کی رپورٹ کے مطابق لیاقت آباد ڈاکخانہ تاریخی عظیم الشان میلاد ریلی کے شرکاء سے خطاب کرتے ہوئے محمد شاداب رضا نقشبندی کا کہنا تھا کہ نبی کریم ﷺ کا ذکر اللہ وحدہ لاشریک نے بلند کیامسلمانوں کے دلوں سے حب رسول کوئی طاقت ختم نہیں کرسکتی ،نبی کریم ﷺ کی شان میں ہرزہ سرائی کرنیوالوں کا انجام دنیا اور آخرت میں عبرتناک ہے ،ختم نبوت ﷺ ہمارا ریڈ زون ہے اس کے تحفظ کیلئے کسی قربانی سے دریغ نہیں کرینگے ،خاتم النبیین ﷺ کی توہین کرنے والوں کو سزا کی بجائے بیرون ملک بھیج دیا جاتا ہے ،عدالتوں کے توہین مذہب فیصلوں پر عمل درآمد نہ ہونے پر عوام میں مایوسی پائی جارہی ہے ،ملک میں عدالتوں نے سزا یافتہ گستاخی کرنیوالوں کو آج تک پھانسی دے کر عبرت کا نشان نہیں بنایا ،سلمان رشدی ،آسیہ ملعونہ اور ایسے کئی گستاخ رسول ہیں جنہیں منطقی انجام تک پہنچانے کی بجائے بیرون ممالک بھیج دیا گیا ،ہیومن رائٹس کی تنظیموں نے سلمان رشدی اور آسیہ ملعونہ اور پاکستانی شہریوں کو شہید کرنیوالے ریمنڈ ڈیوس کو قانونی طور پر منطقی انجام تک پہنچانے کیلئے آواز کیوں بلند نہیں کی ،گستاخ رسول کی فوری گرفتاری کیلئے سندھ پولیس کی پیشہ وارانہ صلاحیتوں کو سہراتے ہیں ،پولیس سے مقابلہ کرنے والے گستاخ رسول کا ہلاک ہوناجو بویا یہ اس کا انجام ہے ،تاجدار ختم نبوت ﷺ کا میلاد تاقیامت مناتے رہینگے ،اسلام وملک دشمن دہشتگرد ہمیں میلادمصطفی ﷺ منانے سے کسی طور بھی نہیں روک سکتے ،قادیانیوں کی سوشل میڈیا پر اسلام دشمن سرگرمیوں کو روکنے کیلئے اقدامات کئے جائیں ،شعائر اسلام کی توہین کرنیوالوں کو آئین کے مطابق سزائیں دی جائیں.

پاسپورٹ بنوانے والوں کے لیے خوشخبری آ گئی

اس موقع پر نائب سربراہ محمد شاہد غوری ،نائب سربراہ بلال عباس قادری نے بھی خطاب کیا جبکہ اس موقع پر مرکزی رہنما فہیم الدین شیخ ،محمد آفتاب قادری ،علامہ محمود قادری ،صاحبزادہ احمد رضا ،کراچی امیر محمد فرقان قادری ،نائب امیر فرحان راجپوت ،نائب امیر عارف منصوری اور کراچی رابطہ کمیٹی کے ارکان وعلماء کرام بھی موجود تھے ۔شاداب رضا نقشبندی کا کہنا تھا کہ ملک کو دہشتگردی کے خاتمے کیلئے ملک کے قومی اداروں کے ساتھ کھڑے ہیں ،ملک کو معاشی طور پر مستحکم اور پائیدار امن کیلئے اپنا کردار ادا کرتے رہینگے ،عید میلاد النبی ﷺ کے جلسے وجلوس اور میلاد ریلیوں کی سیکیورٹی کیلئے بہترین انتظامات کرنے پر آئی جی سندھ ،ڈی جی رینجرز،ایڈیشنل آئی جی کراچی ،کمشنر کراچی ،ڈپٹی کمشنرز کراچی ودیگر افسران کو خراج تحسین پیش کرتے ہیں ۔

وزیراعلیٰ سندھ مراد علی شاہ کی زیر صدارت بارشوں میں تباہ حال اسکولوں کی تعمیر سے متعلق اجلاس ہوا.

باغی ٹی وی کی رپورٹ کے مطابق اجلاس میں وزیر تعلیم سردار شاہ، چیف سیکریٹری آصف حیدر شاہ، سیکریٹری تعلیم زاہد عباسی، سیکریٹری خزانہ فیاض جتوئی، سیکریٹری ٹو سی ایم رحیم شیخ اور دیگر متعلقہ افسران شریک ہوئے،وزیر تعلیم سردار شاہ کی وزیراعلیٰ سندھ کو بارشوں سے متاثر اسکول عمارتوں کے حوالے بریفگ دی جس کے مطابق سندھ میں سنہ 2022ء میں 40978 اسکولوں میں سے 19808 اسکول بری طرح متاثر ہوئے،متاثر 19808 اسکولوں میں 7503 مکمل تباہ ہوئے اور 12305 جزوی طور پر متاثر ہوئے، تباہ شدہ اسکولوں میں 2.233 ملین بچے زیر تعلیم ہیں.اس موقع پر وزیر اعلی نے ہدایت کی کہ جو اسکول مکمل تباہ ہوئے ہیں وہ دوبارہ تعمیر کروائیں،بچوں کی تعلیم کسی صورت متاثر نہیں ہونی چاہی.

سوزوکی بولان کا پاکستان میں سفر اختتام

وزیراعلیٰ سندھ کو آگاہی دی گئی کہ سندھ میں 2608 الیمینٹری اسکولوں میں 1192 تباہ ہوئے،1192 تباہ الیمینٹری اسکولوں میں 338 مکمل تباہ اور 854 جزوی تباہ ہوئے،سندھ میں 1654 سیکنڈری اور 491 ہائیر سیکنڈری اسکول ہیں
928 سیکنڈری اور 278 ہائیر سینڈری اسکول بارشوں میں تباہ ہوگئے،صوبے کے 23 اضلاع میں 538 تباہ اسکولوں کی تعمیر اے ڈی پی پروگرام کے تحت جاری ہے.چین کی گرانٹ کے تحت 100 اسکولوں کی تعمیر کی اسکیم منظوری کے آخری مرحلے میں ہے.100 اسکولوں میں 20 حیدرآباد، 29 خیرپور، 29 لاڑکانو اور 22 سکھر ڈویژن میں شامل ہیں.

انٹرنیشنل کرکٹ کونسل (آئی سی سی) کے وفد نے آئی سی سی سیکیورٹی ریکی ٹیم کے سربراہ ڈیوڈ میسکر کی قیادت میں اسپیشل سیکیورٹی یونٹ (ایس ایس یو) ہیڈ کوارٹرز کا دورہ کیا۔

باغی ٹی وی کی رپورٹ کے مطابق یہ دورہ پاکستان میں آئندہ آئی سی سی کرکٹ چیمپئنز ٹرافی کے حوالے سے تیاریوں کا حصہ تھا، جس کا مقصد کھلاڑیوں، آفیشلز، اور شائقین کے لیے محفوظ اور پُرامن ماحول کی فراہمی کے لیے قانون نافذ کرنے والے اداروں اور آئی سی سی کے درمیان تعاون کو مضبوط بنانا تھا۔کمانڈنٹ ایس ایس یو انور کھیتران نے نیشنل بینک اسٹیڈیم کراچی میں ہونے والے میچز کے دوران سیکیورٹی انتظامات کے حوالے سے ایک تفصیلی بریفنگ دی۔ انہوں نے سیکیورٹی کے مربوط نظام کی اہمیت پر زور دیا، جس میں شائقین کا نظم و نسق، ایمرجنسی ریسپانس کا لائحہ عمل، اور مختلف اسٹیک ہولڈرز کے ساتھ تعاون شامل ہے۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے بھی وفد سے ملاقات کی اور تمام اسٹیک ہولڈرز کی حوصلہ افزائی کرتے ہوئے کہا کہ وہ کارکردگی کے اعلیٰ معیار کو برقرار رکھیں اور وسائل کی کسی بھی ضرورت کو فوری طور پر انتظامیہ کو آگاہ کریں تاکہ ایک کامیاب ٹورنامنٹ کے لیے تمام ضروری معاونت فراہم کی جا سکے۔

کراچی میں ٹریفک کے مسائل کا حل ڈھونڈ نکالا ہے،شرجیل میمن

آئی سی سی کے وفد کے سربراہ نے ایس ایس یو کی جانب سے کی جانے والی انتھک کوششوں کو سراہا اور مقامی حکام کے ساتھ قریبی تعاون جاری رکھنے کے عزم کا اعادہ کیا تاکہ ایونٹ کے لیے سیکیورٹی اقدامات کو مزید بہتر بنایا جا سکے۔
اس موقع پر ڈی آئی جی سیکیورٹی ڈاکٹر مقصود احمد نے کہا کہ آئی سی سی چیمپئنز ٹرافی بین الاقوامی کرکٹ کیلنڈر کا ایک اہم ایونٹ ہے۔ پاکستان ایک محفوظ ملک ہے اور ہم بین الاقوامی سطح کے ٹورنامنٹس کے لیے محفوظ اور خوشگوار ماحول فراہم کر سکتے ہیں۔ انہوں نے مزید کہا کہ آئی سی سی اور ایس ایس یو دونوں اس بات کے لیے پرعزم ہیں کہ جدید مواصلاتی آلات کے ذریعے تمام سیکیورٹی پروٹوکول پر سختی سے عمل کیا جائے