ڈھاکا: بنگلادیش کرکٹ بورڈ نے ٹی ٹوئنٹی ورلڈکپ کے لیے 15 رکنی اسکواڈ کا اعلان کردیا۔
باغی ٹی وی : بنگلادیش کرکٹ بورڈ کی جانب سے ٹی ٹوئنٹی ورلڈکپ کیلئے نجم الحسین ہی کپتان ہوں گے،جب کہ تسکین احمد نائب کپتان ہوں گے،اس کے علاوہ اسکواڈ میں شکیب الحسن، لٹن داس، سومیا سرکار، تنزید حسن، توحید ہردوئے، محمود اللہ ریاض، جاکرعلی، تنویراسلام ، شک مہدی حسن، ارشاد حسین، مستفیض الرحمان، شرف الاسلام اور تنظیم حسن شامل ہیں۔
واضح رہے کہ ٹی ٹوئنٹی ورلڈکپ 2 جون سے امریکا اور ویسٹ انڈیز میں شروع ہوگا۔
دبئی: انٹرنیشنل کرکٹ کونسل نے مینز اور ویمنز پلیئر آف دی منتھ کا اعلان کر دیا۔
باغی ٹی وی : متحدہ عرب امارات کے بیٹسمین محمد وسیم پلیئر آف دی منتھ قرار پائے ہیں، وہ یو اے ای کے پہلے کھلاڑی ہیں جنہیں یہ اعزاز حاصل ہوا ہے محمد وسیم نے اپریل میں اے سی سی پریمیئر کپ کے دوران مجموعی طور پر 269 رنز بنائے جس میں عمان کے خلاف فائنل میچ میں 56 گیندوں پر شاندار سنچری بھی شامل تھی۔
خواتین کی کیٹیگری میں ویسٹ انڈیز کی کپتان ہیلی میتھیوز کو پلیئر آف دی منتھ قرار دیا گیا، ان کی قیادت میں ویسٹ انڈیز کی ٹیم اپنے دورہ پاکستان کے دوران میزبان ٹیم کیخلاف ٹی ٹوئنٹی اور ون ڈے سیریز جیتنے میں کامیاب ہوئی، ہیلی میتھیوز نے پہلے اور تیسرے ون ڈے میں سنچریاں اسکور کیں جبکہ ایک میچ میں 44 رنز بنائے، پانچ میچوں کی ٹی ٹوئنٹی سیریز میں انہوں نے مجموعی طور پر 205 رنز اسکور کیے۔
چنئی: بھارت میں سابق کرکٹر اور کپتان ایم ایس دھونی کا مندر بنایا جائے گا-
باغی ٹی وی : بھارت میں دیوی دیوتاؤن کے علاوہ جو چیز یا انسان پسند آجائے اسے ”بھگوان“ مان لیا جاتا ہے، بھارت میں کہیں بالی ووڈ سپر اسٹار رجنی کانت کا مندر ہت تو کہیں سابق امریکی صدر ڈونلڈ ٹرمپ کی پوجا کی جاتی ہے تاہم اب سیاستدانوں، بالی ووڈ شخصیات اور دیگر کے ساتھ ساتھ کرکٹرز کے مندر بھی بنائے جانے کی گونج ہے-
بھارتی چینل ”اسٹار اسپورٹس“ کو دیے گئے ایک انٹرویو میں سابق بھارتی کرکٹر امباتی رائیڈو نے کہا ہے کہ بھارتی ٹیم اور چنئی سپر کنگز کےسابق کپتان مہیندرا سنگھ دھونی کے نام پر چنئی میں مندر بنائے جائیںگے،دھونی کے لیےمندر بنایا جائےگا کیونکہ وہ چنئی ریاست کے بھگوان ہیں،دھونی بھارت اور چنئی کے شائقین کے لیے خوشی لے کر آئے ہیں، وہ چنئی کے بھگوان ہیں اور مجھے امید ہے کہ چنئی میں آئندہ سالوں میں ایم ایس دھونی کے بھی مندر بنائے جائیں گے۔
برن:انٹرنیشنل ہاکی فیڈریشن (آئی ایچ ایف ) نے نئی رینکنگ جاری کر دی۔
باغی ٹی وی : عالمی رینکنگ میں ہالینڈ پہلے، بیلجیم دوسرے اور آسٹریلیا تیسرے نمبر پر ہے، اذلان شاہ کپ کا فائنل ہارنے کے بعد پاکستان کی ایک درجہ تنزلی، پاکستانی ٹیم ریکنگ میں 15ویں سے 16 ویں نمبر پر آگئی،دوسری جانب اذلان شاہ ہاکی کپ جیتنے پر جاپان عالمی رینکنگ میں 16ویں سے 15 ویں پوزیشن پر آگئی۔
واضح رہے کہ گزشتہ روز جاپان نے پاکستان کو اذلان شاہ ہاکی کپ کے فائنل میچ میں شکست دیتے ہوئے ٹرافی جیت لی، جاپان نے پاکستان کے خلاف 5 میں سے 4 گول داغے جبکہ پاکستان 5 پینلٹی شاٹس میں سے صرف ایک ہی گول کر سکا اور جاپانی کیپر نے اپنی ٹیم کو بھاری مارجن سے جیت دلوائی، پاکستان پول راؤنڈ میں ناقابل شکست رہا پورے ایونٹ میں ٹیم نے تین میچ میں کامیابی اور دو ڈرا کرتے ہوئے تیرہ سال بعد فائنل کیلئے کوالیفائی کیا تھا،فائنل میں جاپان کے ہاتھوں پنالٹی شوٹ پر شکست کے بعد پاکستان نے سلور میڈل اپنے نام کیا۔
دوسری جانب اذلان شاہ ہاکی کپ میں شاندار کارکردگی دکھانے کے بعد قومی ہاکی ٹیم ملائیشیا سے وطن واپسی کیلئے روانہ ہوگئی۔ قومی ٹیم آج وزیر اعظم سے بھی ملاقات کرے گی،قومی ہاکی ٹیم کے کھلاڑی اور آفیشل قومی ائیر لائن سے آج شام لاہور پہنچے گے،لاہور پہنچنے کے فوری بعد قومی ہاکی ٹیم وزیر اعظم شہبازشریف سے ملاقات کرےگی۔
ڈبلن : پاکستان اور آئرلینڈ کے درمیان 3 ٹی ٹوئنٹی میچز کی سیریز کا دوسرا میچ آج کھیلا جائے گا۔
باغی ٹی وی : دونوں ٹیمیں آئرلینڈ کے شہر ڈبلن میں پاکستانی وقت کے مطابق شام 7 بجے میدان میں اتریں گی،ذرائع کے مطابق آئرلینڈ کیخلاف دوسرے ٹی ٹوئنٹی میچ کیلئے قومی ٹیم میں دو تبدیلیاں متوقع ہیں، آج کے میچ میں اعظم خان اور ابرار احمد کو موقع دیئے جانے کا امکان ہے جبکہ فاسٹ باؤلر محمد عامر کی بھی پلیئنگ الیون میں شمولیت متوقع ہے۔
واضح رہے کہ ٹی 20 میچز پر مشتمل سیریز میں آئرلینڈ کو 0-1 کی برتری حاصل ہے، سیریز کے پہلے میچ میں آئرش ٹیم نے شاہینوں کو 5 وکٹوں سے شکست دی تھی، چئیرمین پاکستان کرکٹ بورڈ محسن نقوی نے کہا ہے کہ آئرلینڈ سے پہلے میچ میں شکست کو کوئی بھی قبول نہیں کر رہا۔
محسن نقوی نے ڈبلن میں قومی کھلاڑیوں سے ملاقات کی دو گھنٹے طویل ملاقات میں آئندہ کی حکمت عملی پر تفصیلی مشاورت کی گئی، چئیرمین پی سی بی محسن نقوی نے کھلاڑیوں کا حوصلہ بڑھایا،چئیرمین پی سی بی محسن نقوی نے کھلاڑیوں کو محنت، جذبے اور پروفیشنل اپروچ کے ساتھ کھیلنے کی تلقین کی اور کہا کہ ٹی ٹوئنٹی کرکٹ یکسر مختلف اور جارحانہ اپروچ کی حامل ہے، ٹی ٹوئنٹی کرکٹ کے جدید و نئے انداز کے مطابق کھیل کر ہی جیت ممکن ہو گی۔ کمرے میں بیٹھ کر حکمت عملی ترتیب دی جا سکتی ہے لیکن اصل امتحان میدان میں ہوتا ہے۔ جہاں پرفارمنس نظر آنی چاہیے۔
انہوں نے کہا کہ بلاشبہ تمام کھلاڑی باصلاحیت ، پروفیشنل اور بہترین ہیں اورقومی ٹیم کا باؤلنگ اٹیک شاندار ہے تاہم فیلڈنگ پر بہت توجہ کی ضرورت ہے تاکہ مخالف ٹیم کو کوئی چانس نہ مل سکے کھلاڑی پاکستان کیلئے امید ہیں اور آپ نے قوم کی توقعات پر پورا اترناہے، فتح کے لیے ٹیم ورک بنیادی چیز ہے۔11 کھلاڑی ایک ہوکرپاکستان کے لئے جان لڑا دیں گے تو کامیابی قدم چومے گی، پاکستانی قوم کرکٹ سے محبت کرتی ہے اور قوم کو اپنے کھلاڑیوں سے امیدیں ہیں، محسن نقوی نے کھلاڑیوں پر زور دیا کہ وہ آخری بال تک فائٹ کریں اور مقابلہ ہوتا دکھائی دینا چاہیے، آئرلینڈ سے پہلے میچ میں شکست کو کوئی بھی قبول نہیں کر رہا، آئرلینڈ اور انگلینڈ کے بعد اصل امتحان ورلڈکپ ہے۔
ایپوہ : ملائشیا میں جاری 30ویں سلطان اذلان شاہ کپ میں پاکستان اور جاپان کے درمیان میچ سنسنی خیز مقابلے کے بعد 1-1 گول سے برابر رہا، میچ کے آخری لمحات میں گول کی بدولت گرین شرٹس پہلی پوزیشن پر برقرار ہے۔
باغی ٹی وی : ملائشیا کے شہر ایپوہ میں جاری اذلان شاہ کپ کے اپنے تیسرے میچ میں پاکستان کو میچ کے 59 ویں منٹ تک ایک گول کے خسارے کا سامنا تھا جو کہ جاپان کی جانب سے کھیل کے 33ویں منٹ میں کین ناگا یوشی نے اسکور کیا تھاپاکستان کی جانب سے کھیل کے آخری منٹ میں پینلٹی کارنر کے ذریعے رانا وحید اشرف نے گول کرکے جاپان کی برتری کا خاتمہ کیا اور میچ 1-1 گول سے برابر کردیا، ۔
پاکستان اپنے پول کا چوتھا میچ کل کینیڈا کے خلاف پاکستانی وقت کے مطابق دوپہر ایک بجے کھیلے گا قبل ازیں پاکستان نے ٹورنامنٹ میں اپنے پہلے میچ میں میزبان ملائیشیا کو 4-5 کے اسکور سے مات دی تھی جبکہ دوسرے میچ میں جنوبی کوریا کو 0-4 سے شکست دی تھی۔
لاہور: پاکستان کرکٹ ٹیم کی ٹی ٹوئنٹی ورلڈکپ 2024 کیلئے کِٹ کی رونمائی کر دی گئی۔
باغی ٹی وی : جون میں ویسٹ انڈیز اور امریکا میں ہونے والے ٹی ٹوئنٹی ورلڈکپ کیلئے قومی ٹیم کی کٹ کی رہنمائی کی تقریب لاہور میں منعقد ہوئی، تقریب میں چیئرمین پی سی بی محسن نقوی اور پی سی بی عہدیدران نے شرکت کی۔
قومی ٹیم کےکپتان بابراعظم اور فاسٹ بولر شاہین آفریدی کٹ پہن کر آئے، اس کے علاوہ پی سی بی کی جانب جاری ویڈیو میں نسیم شاہ، وکٹ کیپرمحمد رضوان اور صائم ایوب بھی کِٹ میں نظر آئے، پاکستان کرکٹ ٹیم کی ٹی ٹوئنٹی ورلڈکپ کِٹ کا نام ‘میٹرکس’ رکھا گیا ہے۔
واضح رہے کہ ٹی ٹوئنٹی ورلڈکپ 2 جون سے امریکا اور ویسٹ انڈیز میں کھیلا جائے گا جبکہ اس سے قبل قومی ٹیم آئرلینڈ اور انگلینڈ کے خلاف سیریز کھیلے گی،ٹی ٹوئنٹی ورلڈکپ کے لیے قومی ٹیم کا اعلان انگلینڈ کے خلاف سیریز کے دوران کیا جائے گا، قومی ٹیم ٹی ٹوئنٹی ورلڈکپ کے لیے انگلینڈ سے امریکا روانہ ہوگی-
دوسری جانب پاکستان کرکٹ ٹیم کے کپتان بابر اعظم ورلڈ کپ کے لیے پُر عزم دکھائی دے رہے ہیں، ان کا کہنا ہے کہ پوری توجہ ورلڈ کپ پر ہے، سب کھلاڑیوں کی توجہ جیت پر ہے،لاہور میں پریس کانفرنس کرتے ہوئے بابر اعظم نے کہا کہ ماضی میں یہی گول تھا کہ ٹرافی لانی ہے، بدقسمتی سے نہیں لاسکے، ذاتی فیصلے نہیں ہو رہے، سات سلیکٹرز ہیں، سب کی مشاورت سے فیصلے ہوئے ہیں۔ان کا کہنا تھا کہ جو ٹیم کے لیے بہترین ہو گا وہ فیصلہ ہو گا، ٹیم کی ترجیح پہلے ہوتی ہے، یہ میرا، رضوان، صائم اور فخر کے ٹاپ آرڈر کا معاملہ نہیں۔انہوں نے کہا کہ گیری کرسٹن بہت تجربہ کار ہیں، وہ ابھی سے ٹیم کے معاملات میں دلچسپی لے رہے ہیں، ہر ٹیم کے لیے پلان ہوتا ہے کسی ایک کھلاڑی یا ٹیم کا پلان نہیں ہوتا۔
سلطان اذلان شاہ ہاکی ٹورنامنٹ میں پاکستان نے جنوبی کوریا کو 0-4 سے ہرا کر مسلسل دوسری فتح حاصل کرلی۔
باغی ٹی وی: ملائیشیا کے شہر اپوہ میں جاری ٹورنامنٹ کے دوسرے روز پاکستان کا مقابلہ جنوبی کوریا سے تھا جس میں پاکستانی کھلاڑیوں نے عمدہ کھیل پیش کیا اور حریف ٹیم کے خلاف عمدہ مووز بنائے اور اچھے اٹیک کیےپاکستان نے کھیل کے تیسرے ہی منٹ میں حنان شاہد کے فیلڈ گول کے ذریعے برتری حاصل کی، دوسرے کوارٹر میں پاکستان نے 2 گول بنائے، 24 ویں منٹ میں ارشد لیاقت اور 27 ویں منٹ میں غضنفر علی نےگول کیے، تیسرے کوارٹر میں کوئی ٹیم بھی گول نہ کرسکی۔
پاکستان نے میچ کا چوتھا اور آخری گول چوتھے کوارٹر میں کیا جو سفیان نے پنالٹی کارنر پر بنایا،ایونٹ میں پاکستان کی یہ مسلسل دوسری فتح ہے، پاکستانی ٹیم اپنا تیسرا میچ 7 مئی کو جاپان کے خلاف کھیلےگی ، پاکستان نے اپنے پہلے میچ میں میزبان ملائیشیا کو 4-5 کے اسکور سے مات دی تھی۔
لاہور:وزیر اعلیٰ پنجاب مریم نواز شریف لاہور قذافی سٹیڈیم پہنچ گئیں –
باغی ٹی وی: پلئیرز نے خیر مقدمی نعرے لگا کر وزیر اعلیٰ مریم نوا زشریف کا استقبال کیا، وزیر اعلیٰ مریم نواز شریف نے ہاتھ ہلاکر کھلاڑیوں کا شکریہ ادا کیا اور انہیں سلام کیاوزیر اعلیٰ مریم نوازشریف نے سی ایم پنک گیمز کی ونر لاہور کالج فار وویمن یونیورسٹی کو ٹرافی پیش کی، وزیر اعلی مریم نواز نے کامیاب ٹیموں میں انعامات تقسیم کیے-
مریم نواز نے 321 وونر ٹیموں کو کیش پرائز چیک بھی دیئے، اتھلیٹکس اورباسکٹ بال کے مقابلے لاہور کالج فار ویمن یونیورسٹی کی ٹیموں نے جیتے،وزیر اعلیٰ مریم نواز شریف نے اظہار مسرت کیا او ر پنجاب یونیورسٹی ٹیم تیر اندازی،بیڈمنٹن، ٹیبل ٹینس اور کرکٹ کی فاتح ٹیموں کو مبارکباد دی، سپیئریر یونیورسٹی لاہور کی ٹیم کو ہاکی کا فائنل جیتنے پر مبارکباد دی-
وزیر اعلیٰ پنک گیمز میں دوسری اور تیسری پوزیشن حاصل کرنے والی ٹیموں کو بھی انعامات دیئے گئے، وزیر اعلیٰ مریم نوازشریف نے پہلی چیف منسٹر پنک گیمز 2024کے مقابلوں کی ویڈیو جھلکیاں دیکھیں، سپورٹس منسٹر فیصل ایوب کھوکھر نے اپنے خطاب میں وزیر اعلیٰ مریم نواز شریف کا شکریہ ادا کیا، وزیر اعلیٰ مریم نواز کھلاڑیوں کے پاس پہنچ کر گھل مل گئیں ، وزیر اعلیٰ مریم نواز نے ننھی بچی کا ہاتھ پکڑ کر ساتھ بیٹھا لیا،وزیر اعلیٰ مریم نواز شریف نے کھلاڑیوں کے ساتھ فوٹو بھی بنوائے-
ٹورنامنٹ کی ونر پلیئر امتل الرحمان نے اپنے خطاب میں وزیر اعلیٰ مریم نواز کی سپورٹس کے لئے خدمات کو سراہا ، سینیٹر پرویز رشید، صوبائی وزیر اطلاعات عظمیٰ زاہد بخاری،ایم این اے افضل کھوکھر،ایم پی اے ثانیہ عاشق، چیف سیکرٹری، سیکرٹریز اور دیگر حکام بھی موجود تھے-
دبئی:انٹرنیشنل کرکٹ کونسل نے ویمنز ٹی ٹوئنٹی ورلڈ کپ 2024 کے شیڈول کا اعلان کر دیا۔
باغی ٹی وی : ویمنز ٹی ٹوئنٹی ورلڈ کپ کا آغاز 3 اکتوبر سے ڈھاکا میں ہو گا اور فائنل 20 اکتوبر کو ڈھاکا میں ہی کھیلا جائے گا آئی سی سی کی جانب سے جاری کیے شیڈول میں مینز کے بعد پاکستان اور بھارت کی ویمنز ٹیموں کو بھی ایک ہی گروپ میں رکھا گیا ہے-
پاکستان کرکٹ ٹیم گروپ اے میں آسٹریلیا، بھارت، نیوزی لینڈ اور کوالیفائر ون کے ساتھ شامل ہے جبکہ گروپ بی میں جنوبی افریقا، انگلینڈ، ویسٹ انڈیز، بنگلا دیش اور کوالیفائر ٹو شامل ہیں، پاکستان ٹیم 6 اکتوبر کو روایتی حریف بھارت کے خلاف میچ سلہٹ میں کھیلے گی، علاوہ ازیں پاکستان کا 8 اکتوبر کو آسٹریلیا، 11 کو کوالیفائر ون اور 13 اکتوبر کو نیوزی لینڈ کیخلاف میچ شیڈول ہے۔