Baaghi TV

Tag: کھیل

  • پاکستان کرکٹ ٹیم اگلے سال نیوزی لینڈ سے اضافی ٹی ٹوئنٹی میچزکی سیریز کھیلے گی

    پاکستان کرکٹ ٹیم اگلے سال نیوزی لینڈ سے اضافی ٹی ٹوئنٹی میچزکی سیریز کھیلے گی

    پاکستان کرکٹ ٹیم اگلے سال نیوزی لینڈ سے 10 ٹی ٹوئنٹی میچز کھیلے گی،تاکہ سال 2024 میں ہونیوالے ٹی ٹوئنٹی ورلڈ کپ سے قبل پاکستان کرکٹ ٹیم کو بھرپور تیاری کا موقع فراہم ہو سکے۔

    باغی ٹی وی : پاکستان کرکٹ بورڈ (پی سی بی) کے مطابق دونوں بورڈز باہمی مشاورت سے 10 میچز کے انعقاد پر راضی ہوئے ان 10 میں سے 5 میچز جنوری میں نیوزی لینڈ اور 5 میچز اپریل میں پاکستان میں ہوں گے،پاکستان کرکٹ ٹیم آسٹریلیا میں سیریز کھیلنے کے بعد براہ راست نیوزی لینڈ پہنچے گی نیوزی لینڈ میں 5 ٹی ٹوئنٹی میچز 12 سے 21 جنوری کے درمیان ہوں گے 12 جون کو آکلینڈ، 14 جون کو ہملٹن ،17 جون کو ڈیونیڈن جبکہ 19 اور 21 جون کو کرائسٹ چرچ میں میچز ہوں گے، اپریل میں پاکستان میں ہونے والے 5 میچز کا شیڈول بعد میں جاری کیا جائے گا۔

    سابق کپتان شاہد افریدی کا شاہین آفریدی کے لئے پیار بھرا پیغام


    پی سی بی کا کہنا ہے کہ نیوزی لینڈ سے اضافی میچز کے انعقاد کے بعد پاکستان کرکٹ ٹیم اب ویسٹ انڈیز اور امریکا میں ہونے والے ٹی ٹوئنٹی ورلڈ کپ سے قبل 19 میچز کھیلے گی جس میں انگلینڈ سے 4، آئرلینڈ سے 2 اور نیدرلینڈز سے 3 میچز شامل ہیں ان اضافی ٹی ٹوئنٹی میچز کے انعقاد کو یقینی بنانے کیلئے فیوچر ٹور پروگرام میں معمولی تبدیلی کی گئی ہے جس کے مطابق پاکستان کے فروری 2024 میں ویسٹ انڈیز کے ساتھ طے دو ٹیسٹ اب جنوری 2025 میں ہوں گے جبکہ 2025 میں شیڈولڈ پاکستان کے دورہ نیوزی لینڈ کا شیڈول بھی تبدیل کیا گیا ہے جبکہ جنوری 2025 کے پاک نیوزی لینڈ میچز اب اپریل 2025 میں ہوں گے ۔ پاکستان نے 2025 میں نیوزی لینڈ کے خلاف 3 ون ڈے اور 5 ٹی ٹوئنٹی کھیلنے ہیں۔

    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟

  • ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟

    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟

    ایشیا کپ 2023 کے شیڈول کا اعلان رواں ہفتے جب کہ میگا ٹورنامنٹ کا آغاز پاکستان سے ہوگا۔

    باغی ٹی وی: پاکستان کرکٹ بورڈ کے مطابق 15 جولائی کو ایشیا کپ سے متعلق معاملات طے پا گئے ہیں۔ ٹورنامنٹ کے شیڈول ، انتظامی معاملات اور مارکیٹنگ امور پر بات چیت ہوئی ہے پی سی بی دنیا بھر کے کرکٹ کے شائقین کو خوش آمدید کہتا ہے، امید ہے فینز پاکستان کی روایتی مہمان نوازی سے لطف اندوز ہوں گے۔

    واضح رہے کہ گزشتہ روز ایشین کرکٹ کونسل کا دبئی میں غیر رسمی اجلاس ہوا جس میں براڈکاسٹرز، پاکستان، سری لنکا اور بھارتی کرکٹ بورڈز کے نمائندوں سمیت اے سی سی عہدیداروں نے شرکت کی اس موقع پر ایشین کرکٹ کونسل نے ایشیا کپ کو سری لنکا سے دبئی منتقل کرنے کی بھارتی میڈیا کی خبروں کی تردید کرتے ہوئے فیصلہ کیا کہ پاکستان میں ایشیا کپ کے میچز 2 وینیوز پر کھیلے جائیں گے۔
    اے سی سی کی ہنگامی میٹنگ میں ایشیا کپ سے متعلق تمام معاملات کو حتمی شکل دے دی گئی۔ رواں سال ایشیا کپ ہائبرڈ ماڈل کے تحت ہی کھیلا جائے گا ایونٹ کے چار میچز پاکستان میں جبکہ سیمی فائنل اور فائنل سمیت 9 میچز سری لنکا میں کھیلے جائیں گے، اے سی سی اجلاس میں ایشیا کپ کے شیڈول پر تبادلہ خیال کرتے ہوئے شیڈول میں کوئی بڑی تبدیلی نہیں کی گئی۔ لاہور اور ملتان کو ایشیا کپ کے مقابلوں کے لیے چنا گیا ہے۔

  • گال ٹیسٹ:دوسرے روزسری لنکا کی بیٹنگ جاری

    گال ٹیسٹ:دوسرے روزسری لنکا کی بیٹنگ جاری

    پاکستان اور سری لنکا کے درمیان کھیلے جا رہے گال ٹیسٹ کے دوسرے روز سری لنکا کی بیٹنگ جاری ہے۔

    باغی ٹی وی: پہلے روز کے کھیل کے اختتام پر سری لنکا نے 6 وکٹوں کے نقصان پر 242 رنز اسکور کر لیے تھے کریز پر اس وقت دھننجیا ڈی سلوا اور رمیش مینڈس موجود ہیں،پہلے روز کھیل کے اختتامی اوور میں سدیرا سمارا وکرما آغا سلمان کی گیند پر امام الحق کو کیچ دے بیٹھے تھے، انہوں نے 36 رنز کی اننگز کھیلی تھی۔

    پاکستان کی جانب سے شاہین شاہ آفریدی نے 3 جبکہ نسیم شاہ، ابرار احمد اور آغا سلمان نے ایک، ایک کھلاڑی کو آؤٹ کیا تھا،سری لنکا نے اننگز کا آغاز کیا تو شاہین شاہ آفریدی نے اپنے دوسرے ہی اوور میں نشان مدھشکا چار رنز بنانے کے بعد پویلین لوٹ گئے اور اس کامیابی کے ساتھ ہی شاہین نے ٹیسٹ کرکٹ میں 100 وکٹوں کا سنگ میل بھی عبور کر لیا۔

    کپتان دمتھ کرونارتنے اور کوشل مینڈس نے اسکور کو 22 تک پہنچایا ہی تھا کہ شاہین نے ایک اور شکار کرتے ہوئے مینڈس کی 12 رنز کی اننگز کا خاتمہ کردیا جبکہ 53 کے مجموعی اسکور پر کرونارتنے بھی 29 رنز بنا کر چلتے بنے۔

    ابھی سری لنکن ٹیم اس نقصان سے سنبھلی بھی نہ تھی کہ نسیم شاہ نے بھی ٹیم کو اہم کامیابی دلاتے ہوئے تجربہ کار دنیش چندیمل کو کپتان بابر اعظم کی مدد سے قابو کر لیا۔

    پہلے ہی سیشن میں 54 رنز پر چار وکٹیں گرنے کے بعد سری لنکن ٹیم شدید مشکلات سے دوچار تھی اور اس مرحلے پر میدان میں میتھیوز کا ساتھ دینے دھننجیا ڈی سلوا آئے،دونوں کھلاڑیوں نے پانچویں وکٹ کے لیے 131 رنز جوڑے لیکن چائے کے وقفے سے چند لمحے قبل میتھیوز 64 رنز بنانے کے بعد ابرار احمد کو وکٹ دے بیٹھے۔

    دوسرے اینڈ سے ڈی سلوا نے بھی بہترین کھیل پیش کرتے ہوئے اپنی نصف سنچری مکمل کی اور نئے بلے باز سدیرا سماراوکراما کے ساتھ مل کر اسکور کو 226 تک پہنچا دیا، لیکن اس مرحلے پر میچ میں پھر بارش نے مداخلت کردی جس کے باعث میچ کو روکنا پڑا گیا۔

    میچ بارش کے بعد دوبارہ شروع ہوا تو دونوں کھلاڑیوں نے اپنی ساجھے داری کو مزید بڑھاتے ہوئے اسکور کو 242 تک پہنچا لیکن 57 رنز کی یہ شراکت اس وقت اختتام کو پہنچی جب سماراوکراما 36 رنز بنانے کے بعد آغا سلمان کی وکٹ بن گئے۔

    چھٹی وکٹ گرنے کے ساتھ ہی امپائرز نے پہلے دن کے کھیل کے اختتام کا اعلان کردیا اور 65.4 اوورز کے کھیل میں سری لنکا نے 6 وکٹوں کے نقصان پر 242 رنز بنائے، دھننجیا ڈی سلوا 94 رنز کے ساتھ وکٹ پر موجود ہیں۔

    پاکستان کی جانب سے شاہین شاہ آفریدی نے 3 جبکہ نسیم شاہ، ابرار اور آغا سلمان نے ایک، ایک وکٹ اپنے نام کی۔

  • باکسر عامر خان کا خواتین کو نا مناسب پیغامات بھیجنے پر معافی

    باکسر عامر خان کا خواتین کو نا مناسب پیغامات بھیجنے پر معافی

    پاکستان نژاد برطانوی باکسر عامر خان نے خواتین کو نازیبا میسج بھیجنے پر اپنی اہلیہ فریال سے معافی مانگنے کے ساتھ علاج کرانے کا اعلان کر دیا ،
    سابق چیمپئن فائٹر عامر خان ماڈل سمیرا سمیت خواتین کو غلط میسج کرتے ہوئے پکڑے گئے، پچیس سالہ ماڈل کو تصاویر بھیجنے کا ساتھ ساتھ پیغامات بھی بھجوائے اور ٹیٹو کی تعریف بھی کی ، صرف اتنا ہی نہیں بلکہ فریال سے اپنی شادی اور ان سے ہونے والی تین بیٹیوں سمیت ازدواجی زندگی کو مجبوری ظاہر کیا اسکینڈل کے میڈیا میں آنے اور تحقیقات پر عامر خان نے اعتراف جرم بھی کر لیا ساتھ ہی انہوں نے اپنی اہلیہ فریال سے معافی ما نگی غیر ملکی میڈیا کے مطابق پاکستانی باکسر عامر خان نے اس بات کا اعتراف بھی کیا کہ وہ غلط عادات میں مبتلا تھے جس سے چھٹکارہ پانے کے لیے وہ تھراپی کروانے پر غور کررہے ہیں تھراپی یعنی علاج سے عادت چھوڑنے کا عزم ظاہر کر دیا ،

  • سابق بھارتی کرکٹر آکاش چوپڑا کا منفی تبصرہ،بابر اعظم کا جواب

    سابق بھارتی کرکٹر آکاش چوپڑا کا منفی تبصرہ،بابر اعظم کا جواب

    قومی کرکٹ ٹیم کے کپتان بابراعظم نے سابق بھارتی کرکٹر اور کمنٹیٹر آکاش چوپڑا کو منفی تبصرے پر ردعمل دیا ہے-

    باغی ٹی وی : یوٹیوب چینل پر سابق بھارتی کرکٹر اور کمنٹیٹر آکاش چوپڑا نے حال ہی میں کہا کہ ٹیسٹ کرکٹ میں “فیب فور” اب ایک درست اصطلاح نہیں، کیونکہ ویرات کوہلی کی حالیہ خراب فارم نے انہیں گروپ سے باہر کردیا ہے جبکہ بابراعظم کے پاس گروپ میں شامل ہونے کی صلاحیت ہے تاہم وہ ابھی اس مقام تک نہیں پہنچے۔

    آکاش چوپڑا نے کہا کہ بابر اعظم غیر معمولی کارکردگی کا مظاہرہ کر رہے ہیں اور اس ایلیٹ گروپ میں شامل ہونے کی صلاحیت رکھتے ہیں، حالانکہ وہ ابھی اس درجہ تک نہیں پہنچے ہیں انہوں نے کہا کہ ٹیسٹ کرکٹ میں اب کوئی فیب فور نہیں ہے۔ ویرات کوہلی اس سے باہر ہیں۔ بابر اعظم نے رنز بنائے ہیں اور وہ اس کا حصہ بن سکتے ہیں لیکن ابھی نہیں۔ فی الحال یہ کین کے ساتھ فیب تھری ہے-

    پاک وسری لنکا پہلا گال ٹیسٹ میچ بارش کے باعث روک دیا گیا

    گال میں سری لنکا کے خلاف پہلے ٹیسٹ سے قبل ایک پریس کانفرنس کے دوران اعظم نے کہا کہ ان کی توجہ اچھی کارکردگی کا مظاہرہ کرنے اور میدان پر مسلسل عمدہ کارکردگی کے ذریعے اپنا نام روشن کرنے پر ہے۔

    https://twitter.com/zaidhassan89/status/1680211428995891201?s=20
    بھارتی کرکٹر کی رائے پر بابراعظم نے جواب دیتے ہوئے کہا کہ ہر کسی کی اپنی رائے ہے تاہم میرا کام پرفارم کرنا ہے۔ ابھی تک اپنی کارکردگی سے ہی ریکارڈ بنائے ہیں، پرفارمنس ہوتی رہے تو نام خود توجہ کا مرکز بنتا رہے گا۔

    واضح رہے کہ ٹیسٹ کرکٹ کے “فیب فور” سابق بھارتی کپتان ویرات کوہلی، کین ولیمسن، اسٹیو استمھ اور جو روٹ کہلائے جاتے تھے، تاہم حالیہ برسوں میں کوہلی کی مسلسل خراب کارکردگی نے انہیں اس فہرست باہر کردیا ہے۔

    ٹیم سے کافی مطمئن ہوں،کراچی اور لاہورمیں کیمپ اچھے رہے، بابر اعظم

    گزشتہ سال انگلینڈ اور نیوزی لینڈ کے درمیان کھیلے گئے تیسرے ٹیسٹ میچ کے دوران سابق بلیک کیپس کھلاڑی سائمن ڈول نے پاکستان کے کپتان کی خوب تعریف کی تھی، جبکہ معروف "فیب فور” کے بارے میں بات کرتے ہوئے کہا تھا کہ ویرات کوہلی، کین ولیمسن، اسٹیو اسمتھ، اور جو روٹ شامل ہیں۔

    ڈول نے اس بات پر زور دیا کہ اس وقت دنیا کے بہترین کھلاڑی کے طور پر بابر کی حیثیت کے بارے میں بحث کی کوئی گنجائش نہیں ہے۔ اس نے اسے "بڑا” قرار دیا اور ٹاپ آرڈر میں اپنی غیر معمولی صلاحیتوں کو اجاگر کیا بہت سے لوگ یہ بحث نہیں کر سکتے کہ بابر اعظم اس وقت دنیا کے بہترین کھلاڑی ہیں۔ جہاں تک اس ٹاپ آرڈر میں بیٹنگ کا تعلق ہے تو وہ ناقابل یقین ہیں۔ جو روٹ کے پاس بھی اس کی دلیل ہے۔ وہ بڑے چار کے بارے میں بات کرتے ہیں، اس وقت، وہ سب سے بڑا ہے-

    آئی سی سی کرکٹ ورلڈ کپ،دو اور ٹیمیں بھی شامل

    پاکستانی کپتان بابر اعظم 2022 کے لیے آئی سی سی مینز کرکٹر آف دی ایئر کے لیے سر گارفیلڈ سوبرز ٹرافی کے حامل ہیں۔ انھوں نے اب تک 47 ٹیسٹ میچوں میں 9 سنچریوں اور 26 نصف سنچریوں کی مدد سے 3,696 رنز بنائے ہیں۔ وہ واحد کرکٹرز ہیں جو تمام فارمیٹس میں ٹاپ تھری میں شامل ہیں ٹیسٹ میں تیسرے، ون ڈے میں پہلے اور ٹی ٹوئنٹی میں دوسرے نمبر پر ہیں-

  • گال ٹیسٹ میچ دوبارہ شروع،سری لنکا کی دوسری وکٹ گر گئی

    گال ٹیسٹ میچ دوبارہ شروع،سری لنکا کی دوسری وکٹ گر گئی

    پاکستان کا سری لنکا کے خلاف گال ٹیسٹ میچ میں ٹاس جیت کر بیٹنگ کا فیصلہ کرلیا۔

    باغی ٹی وی : پاکستان اور سری لنکا کے درمیان کھیلے جانے والے پہلے ٹیسٹ میچ میں شاہین نے سری لنکا کے پہلے کھلاڑی کو 6 رنز پر پویلین کی راہ دکھا دی،شاہین نے اپنے دوسرے اوور میں اوپنر نشان مدوشکا کو آؤٹ کیا جس کا شاندار کیچ وکٹ کیپر سرفراز احمد نے کیا، شاہین کی اس وکٹ کے بعد ٹیسٹ کیرئیر میں 100 وکٹیں مکمل ہوگئیں،شاہین آفریدی 100 ٹیسٹ وکٹیں مکمل کرنے والے 19 ویں پاکستانی کھلاڑی ہیں،فاسٹ بولر نے 26 ٹیسٹ میچز میں 100 ٹیسٹ وکٹوں کا سنگ میل عبور کیا۔


    شاہین آفریدی کم میچز میں سو ٹیسٹ وکٹیں مکمل کرنے والے ساتویں مشترکہ پاکستانی ہیں، انہوں نے اپنے کیرئیر کے 26ویں ٹیسٹ میچ (جو گال میں اس وقت کھیلا جارہا ہے)، میں اپنا 100واں شکار کیافاسٹ بولر شاہین آفریدی کے علاوہ ماضی میں مشتاق احمد اور عمران خان نے بھی 26ویں ٹیسٹ میں 100 وکٹیں مکمل کی تھیں۔

    توشہ خانہ کیس:عمران خان کی درخواست سماعت کیلئے مقرر
    ٹوئٹر پر وقار یونس نے شاہین کے لیے ٹوئٹ کی اور ان کی پذیرائی کی، ساتھ ہی سابق کپتان نے شاہین کے لیے نیک خواہشات کا بھی اظہار کیا۔


    دوسری جانب پاکستان اور سری لنکا کے درمیان کھیلے جانے والا پہلا ٹیسٹ میچ بارش کے باعث روک دیا گیا اسٹیڈیم میں پچ اور اسکوائر کو کور سےڈھانپ دیاگیا ہے۔


    پاکستان اور سری لنکا کے درمیان کھیلے جانے والا پہلا ٹیسٹ میچ بارش کے وقفے کے بعد ایک بار پھر شروع ہوگیا ہے میچ کا آغاز ہوتے ہی شاہین آفریدی نے اپنی دوسری وکٹ حاصل کرلی، انہوں نے کوشال مینڈس کو آؤٹ کیا، اس وقت سری لنکا نے 8 اوورز میں دو وکٹوں کے نقصان پر 26 رنز بنالئے ہیں۔


    گال میں کھیلے جارہے سیریز کے پہلے ٹیسٹ میں سری لنکن کپتان ڈیموتھ کرونارتنے نے ٹاس جیت کر پہلے بیٹنگ کرنے کا فیصلہ کیا، انہوں نے کہا کوشش ہوگی پاکستان کیخلاف ابتداء میں جلد وکٹیں نہ گنوائیں۔

    ٹیم سے کافی مطمئن ہوں،کراچی اور لاہورمیں کیمپ اچھے رہے، بابر اعظم

    اس موقع پر بابراعظم نے کہا کہ سری لنکا کے خلاف جلد وکٹیں لیکر پہلی اننگز میں بڑا ہدف دینے کی کوشش کریں گے۔

    گال میں ہونے والے اس ٹیسٹ میچ میں سری لنکن کپتان دیموتھ کرونارتنے نے ٹاس جیتا اور بابر کو فیلڈنگ کی دعوت دی،دو میچز پر مشتمل ٹیسٹ سیریز کا دوسرا میچ 24 جولائی سے کولمبو میں شروع ہوگا۔


    پاکستانی پلیئنگ الیون:

    سری لنکا کے خلاف پہلے ٹیسٹ میچ میں پاکستانی ٹیم میں کپتان بابر اعظم سمیت عبداللہ شفیق، امام الحق، شان مسعود، سعود شکیل، سرفراز احمد (وکٹ کیپر)، سلمان علی آغا، نعمان علی، ابرار احمد، شاہین شاہ آفریدی اور نسیم شاہ شامل ہیں۔

    پاکستان اور سری لنکا کا پہلا ٹیسٹ میچ بارش سے متاثر ہونے کا خدشہ

    دوسری جانب سری لنکن محکمہ موسمیات کی جانب سے گال ٹیسٹ کے دوران پانچوں دن بارش کی پیش گوئی کی گئی ہے جس سے میچ کے متاثر ہونے کا خدشہ پیدا ہو گیا ہےآج کے میچ کے ساتھ ہی پاکستانی ٹیم کا 24- 2023انٹرنیشنل سیزن بھی شروع ہوجائے گا گال میں کھیلا جانے والا یہ ٹیسٹ ورلڈ ٹیسٹ چیمپئن شپ25 ۔2023 میں پاکستانی ٹیم کا پہلا ٹیسٹ بھی ہے اس انٹرنیشنل سیزن میں پاکستانی ٹیم کو ورلڈ ٹیسٹ چیمپئن شپ کے میچوں کے علاوہ ایشیاکپ، کرکٹ ورلڈ کپ اور ٹی ٹوئنٹی ورلڈ کپ میں بھی حصہ لینا ہے۔

    پاکستان ویمنز فٹبال ٹیم کل سنگاپور روانہ ہو گی

  • پاکستان اور سری لنکا کا پہلا ٹیسٹ میچ بارش سے متاثر ہونے کا خدشہ

    پاکستان اور سری لنکا کا پہلا ٹیسٹ میچ بارش سے متاثر ہونے کا خدشہ

    پاکستان اور سری لنکا کے درمیان کل سے گال میں شروع ہونے والا پہلا ٹیسٹ بارش سے متاثر ہونے کا خدشہ ہے۔

    باغیٹی وی : پاکستان اور سری لنکا کے درمیان دو ٹیسٹ میچوں کی سیریز کا پہلا ٹیسٹ کل سے گال میں شروع ہو گا سری لنکن محکمہ موسمیت نے گال میں پانچوں روز بارش کی پیشگوئی کی ہے،محکمہ موسمیات کی جنب سے گال ٹیسٹ کے پانچوں روز 60 فیصد سے زائد بارش کی پیشگوئی کی گئی ہے۔

    محکمہ موسمیات سری لنکا کے مطابق گال میں وقفے وقفے سے کل بوندا باندی کا سلسلہ جاری رہےگا، گال میں موجودہ دنوں حبس کی شدت بھی تقریباً 80 فیصد ہے سری لنکا میں مئی سے اگست تک مون سون بارشوں کا سلسلہ جاری رہتا ہے۔

    پاکستان اور سری لنکا کے درمیان پہلا ٹیسٹ کل سے گال میں شروع ہوگا

    واضح رہے کہ میزبان سری لنکا اور پاکستان دو ٹیسٹ میچز پر مشتمل سیریز میں کل سے مدمقابل آرہے ہیں، میچ کی آخری تیاریوں کے طور پر پاکستان کرکٹ ٹیم کے کھلاڑیوں نےمیزبان شہر میں بھرپور پریکٹس کی۔ فیلڈنگ ڈرلز کے علاوہ کرکٹرز نے بیٹنگ اور بولنگ سیشنز بھی کیے۔ گال میں کھیلا جانے والا ٹیسٹ ورلڈ ٹیسٹ چیمپئن شپ 25۔2023 میں پاکستانی ٹیم کا پہلا ٹیسٹ بھی ہے۔

    اس سیریز کا دوسرا اور آخری ٹیسٹ 24 جولائی سے کولمبو میں کھیلا جائے گا۔ پاکستانی ٹیم مایہ ناز بیٹر بابر اعظم کی قیادت میں میدان میں اترے گی جبکہ سری لنکا کو دیمتھ کرونا رتنے لیڈ کریں گے۔

    پاکستان ویمنز فٹبال ٹیم کل سنگاپور روانہ ہو گی

  • اسلام آباد میں سپورٹس یونیورسٹی کا قیام

    اسلام آباد میں سپورٹس یونیورسٹی کا قیام

    اسلام آباد میں اسپورٹس یونیورسٹی کے قیام کا اعلان کیا گیا،وزیر اعظم شہباز شریف نے پہلی اسپورٹس یونیورسٹی قائم کرنے کا اعلان کر دیا اسپورٹس یونیورسٹی کا قیام کے حوالے سے باضابطہ تقریب جلد ہو گی، ذرائع کے مطابق اسپورٹس یونیورسٹی کے لیے ایک ارب روپے کے فنڈز رکھے گئے ہیں، ذرائع نے یہ بھی بتایا کہ پاکستان اسپورٹس بورڈ کو تعلیمی کلاسز عارضی طور پر اسپورٹس کمپلکس میں لگانے کا ٹاسک سونپ دیا گیا،جس کو جلد شروع کرنے کا امکان ہے

  • نیشنل گیمز، دو خواتین سمیت پانچ قومی ایتھلیٹس کے ڈوپ ٹیسٹ پوزیٹو ا گئے

    نیشنل گیمز، دو خواتین سمیت پانچ قومی ایتھلیٹس کے ڈوپ ٹیسٹ پوزیٹو ا گئے

    گزشتہ ماہ کوئٹہ میں ہونے والے قومی کھیلوں میں شریک ایتھلیٹس میں سے 20 قومی ایتھلیٹس کے ڈوک ٹیسٹ لیے گئے تھے
    100 میٹر اتھلیٹکس میں نعیم اختر سپرنٹ سو میٹر ایشاء رحمن اور 800 میٹر سپرنٹ میں رابعہ عاشق کے علاوہ 400 میٹر سپرنٹ میں عزیر رحمان جبکہ ویٹ لفٹر 96 کلوگرام کیٹگری کے محمد طاہر کے ڈوپ ٹیسٹ پوزیٹیو اگئے،پاکستان کے 4 ایتھلیٹس کے ڈوپ ٹیسٹ مثبت نکل آئے۔ پاکستان سپورٹس بورڈ نے قومی کھلاڑیوں کے ڈوپ ٹیسٹ مثبت آنے کی تصدیق کر دی۔
    نیشنل گیمز میں 3 گولڈ میڈل جیتنے والی ایشا عمران کا ٹیسٹ بھی مثبت آیا، ایشا عمران ایشین اتھلیٹکس چیمپئن شپ کیلئے قومی اسکواڈ میں منتخب ہوئی تھی۔800میٹر گولڈ میڈلسٹ رابعہ عاشق کا بھی ڈوپ ٹیسٹ مثبت نکلا، رابعہ عاشق نے نیشنل گیمز میں دو گولڈ میڈلز جیتے تھے۔
    گولڈ میڈلسٹ نعیم اختر اور عزیر رحمن کا بھی ڈوپ ٹیسٹ مثبت نکلا، ویٹ لفٹنگ میں محمد طاہر بھی مثبت ڈوپ ٹیسٹ والوں میں شامل ہیں۔ مثبت ڈوپ ٹیسٹ آنے پر ایتھلیٹس کو عالمی پابندیوں کا سامنا کرنا پڑے گا۔
    یاد رہے کہ سیف گیمز میں بھی تین کھلاڑیوں کے ڈوپ ٹیسٹ مثبت نکلے تھے، ڈوپنگ معاملات کے باعث پی او اے نے ایتھلیٹکس فیڈریشن کی رکنیت معطل کر رکھی ہے۔

  • اسپورٹس بورڈ کا انکار؛ پی ایف ایف ویمن ٹیم کی این او سی کیلئے کوششیں جاری

    اسپورٹس بورڈ کا انکار؛ پی ایف ایف ویمن ٹیم کی این او سی کیلئے کوششیں جاری

    پاکستان اسپورٹس بورڈ کے انکار کے باوجود پاکستان فٹبال فیڈریشن (پی ایف ایف) قومی ویمن فٹبال ٹیم کی این او سی کے لیے کوششیں جاری ہیں جبکہ صحافی فیضان لاکھانی کے مطابق پاکستان ویمن فٹبال ٹیم کو 15 اور 18 جولائی کو سنگاپور میں میزبان ٹیم کیخلاف میچز کھیلنے ہیں تاہم پی ایس بی کم وقت کی بنیاد پر این او سی سے معذرت کرچکا ہے لیکن اس کے باوجود بھی پی ایف ایف، این او سی کے حصول کیلئے کوششیں کر رہا ہے۔

    ذرائع کے مطابق پاکستان ویمن فٹبال ٹیم کی این او سی کےلیے ایک حکومتی عہدیدار بھی کوششیں کررہے ہیں۔ تاہم ذرائع نے مزید بتایا کہ پاکستان اسپورٹس بورڈ نے شروع میں این او سی سے معذرت کے باوجود بھی سمری متعلقہ وزارت کو بھجوادی ہیں، پی ایف ایف کے مطابق پاکستان فٹبال فیڈریشن نے این او سی کی امیدیں نہیں چھوڑیں ہیں ، تاخیر سے این او سی ملنے پر صرف ایک میچ کھیلنے کا آپشن بھی زیر غور ہے۔

    ادھر دوسری جانب نجی ٹی وی کے مطابق پاکستان کرکٹ ٹیم کے فاسٹ بولر حسن علی کا کہنا ہے کہ سری لنکا کرکٹ پریذیڈنٹس الیون کیخلاف دو روزہ وارم اپ میچ میں ٹیم کو ٹیسٹ سیریز کی تیاری کا اچھا موقع ملا۔ ایک انٹرویو میں انہوں نے کہا کہ کاؤنٹی کرکٹ میں کافی اعتماد ملا، وہ دو ٹیسٹ میچز کی سیریز میں اچھا پرفارم کرکے اپنی کھوئی ہوئی فارم واپس لانے کی کوشش کریں گے۔
    مزید یہ بھی پڑھیں؛
    سیاسی جماعت پر پابندی،ایاز صادق نے اعلان کر دیا
    یوکرینی وزیر خارجہ رواں ماہ پاکستان کا دورہ کریں گے
    کوئی بتا دے ریاست پر حملہ کرنا جرم ہے یا نہیں؟ جاوید لطیف
    جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
    پاکستان اور سری لنکن بورڈ الیون کا دو روزہ میچ ڈرا
    حسن علی نے کہا کہ وارم اپ میچ میں اپنی کارکردگی سے مطمئن ہوں، سری لنکا کیخلاف ٹیسٹ سیریز میں اچھا پرفارم کرنے کی کوشش کروں گا، اپنی کھوئی ہوئی فارم کو بحال کرنے کی کوشش کروں گا، پی ایس ایل کے بعد کاؤنٹی کھیلنے گیا، وہاں پرفارمنس اچھی رہی۔