Baaghi TV

Tag: کھیل

  • ہاردک پانڈیا بھارت کی ٹی ٹوئنٹی ٹیم کے کپتان مقرر

    ہاردک پانڈیا بھارت کی ٹی ٹوئنٹی ٹیم کے کپتان مقرر

    بورڈ آف کرکٹ کنٹرول ان انڈیا (بی سی سی آئی) نے سری لنکا کے خلاف ٹی ٹوئنٹی سیریز کے لیے آل راؤنڈر ہاردک پانڈیا کو باقاعدہ طور پر ٹیم کا کپتان مقرر کر دیا۔

    باغی ٹی وی : بھارتی میڈیا کے مطابق 3 جنوری سے بھارت میں شروع ہونے والی ٹی ٹوئنٹی سیریز کے لیے بھارتی ٹیم میں روہت شرما، کے ایل راہول اور ویرات کوہلی شامل نہیں ہیں اور ٹیم کا کپتان ہاردک پانڈیا کو مقرر کیا گیا ہے اور سوریا کمار یادیو ان کے نائب ہوں گے۔

    پاک بھارت کرکٹ میچ آسٹریلیا میں ہوگا؟

    میڈیا رپورٹس کے مطابق روہت شرما سری لنکا کے خلاف 10 جنوری سے شروع ہونے والی ایک روزہ میچوں کی سیریز کے لیے بھارتی ٹیم کی قیادت کریں گے اور ہاردک پانڈیا ون ڈے سیریز کے لیے ٹیم کے نائب کپتان ہوں گے۔

    بھارتی میڈیا کے مطابق بی سی سی آئی کی جانب سے یہ وضاحت نہیں کی گئی کہ پانڈیا کو انجری کا شکار روہت کی جگہ عارضی طور پر ٹیم کا کپتان مقرر کیا گیا ہے یا پھر وہ ٹی ٹوئنٹی ٹیم کے مستقل کپتان ہوں گے۔

    کراچی ٹیسٹ کا چوتھا دن؛ پاکستان کے خلاف نیوزی لینڈ کی بیٹنگ جاری

    بھارتی ٹیم کے وکٹ کیپر بیٹر ریشبھ پنٹ ٹی ٹوئنٹی اور ایک روزہ میچوں کی سیریز کے لیے ٹیم میں جگہ بنانے میں ناکام رہے جبکہ ایشان کشن کو دونوں ٹیموں میں شامل کیا گیا ہے۔

    ریشبھ پنٹ کے علاوہ شیکر دھون جنہوں نے نیوزی لینڈ کے خلاف سیریز میں بھارتی ٹیم کی قیادت کی تھی وہ بھی ایک روزہ ٹیم کا حصہ نہیں ہیں۔

    بھارت 2036 اولمپکس کی میزبانی کیلئے بولی پر سنجیدگی سے غور کر رہا ہے:انوراگ ٹھاکر

  • پی سی بی کی ایک اور اعلیٰ عہدیدار مستعفیٰ

    پی سی بی کی ایک اور اعلیٰ عہدیدار مستعفیٰ

    لاہور: پاکستان کرکٹ بورڈ (پی سی بی) کی ڈائریکٹر ایچ آر سرینا آغا عہدے سے مستعفٰی ہوگئیں۔

    باغی ٹی وی :ذرائع کے مطابق سابق چیئرمین پی سی بی رمیز راجا کے دور میں ڈائریکٹر ایچ آر تعینات ہونے والی سرینا آغا گزشتہ روز بورڈ آفیشلز سے الوداعی ملاقات کرکے گھر چلی گئیں، بورڈ میجمنٹ میں تبدیلی کے بعد انہوں نے باعزت طریقے سے اب گھر جانے کا فیصلہ کیا جس کی اعلیٰ حکام نے تصدیق کردی ہے۔

    دوسری جانب سرینا کی جگہ نئے ڈائریکٹر ہیومین ریسورسز کی تعنیاتی کا اشتہار جلد دیا جائے گا، اطلاعات کے مطابق اگلے ہفتے کرکٹ بورڈ کے دوسرے ڈائریکٹرز اور جنرل مینجرز کی طرف سے بھی استعفیٰ متوقع ہیں بصورت دیگر ان کی چھٹی ہونے کا قوی امکان ہے۔
    
    جن میں ڈائریکٹر ہائی پرفارمنس سینٹرندیم خان اور پی سی بی میڈیکل پینل کےانچارج ڈائریکٹر ڈاکٹر نجیب اللہ سومرو سر فہرست ہیں کرکٹ بورڈ کی مینجمنٹ کمیٹی کے بڑوں نے ان تک پیغام پہنچادیا ہے کہ وہ اپنے مستقبل کا خود فیصلہ کرلیں۔

    واضح رہے کہ منجمنٹ کمیٹی کی تشکیل کے بعد چیف سلیکٹر محمد وسیم کو برطرف کرکے شاہد آفریدی کو ذمہ داریاں سونپی گئی ہیں۔

  • سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    نیوزی لینڈ کے خلاف ٹیسٹ میچ میں پاکستان کی پہلے دن کی کارکردگی پر عبوری چیف سلیکٹر شاہد آفریدی کی ٹوئٹ سامنے آئی ہے۔

    باغی ٹی وی : کراچی ٹیسٹ میں پاکستان نے نیوزی لینڈ کے خلاف پہلے دن کے اختتام پر 5 وکٹوں کے نقصان پر 317 رنز بنالیے،سرفراز احمد 86 رنز بنا کر اعجاز پٹیل کا شکار ہوگئے جب کہ اس وقت وکٹ پر بابر اعظم 161 اور آغا سلمان 3 رنز بنا کر وکٹ پر موجود ہیں۔

    نیوزی لینڈ کیخلاف پہلا ٹیسٹ: رضوان کو آرام دیکر سرفراز کو کھلائے جانے کا امکان


    پاکستان کی پہلے دن کی پرفارمنس پر عبوری چیف سلیکٹر شاہد آفریدی کا بیان سامنے آیا ہے۔

    شاہد آفریدی نے اپنی ٹوئٹ میں کہا کہ میں آج پاکستان کی پرفارمنس سے خوش ہیں، ابتدائی وکٹیں گرنے کے بعد پاکستان نے شاندار کم بیک کیا، خاص تعریفیں بابر کی ایک اور بہترین اننگز کیلئے۔

    پاک نیوزی لینڈ ٹیسٹ؛ سرفراز احمد کی واپسی

    شاہد آفریدی نے مزید کہا کہ ’سرفراز احمد نے اپنے سلیکشن کو درست ثابت کردیا، انڈر پریشر انہوں نے شاندار کارکردگی کا مظاہرہ کیا۔

    ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی

    کراچی ٹیسٹ میں پاکستان نے نیوزی لینڈ کے خلاف پہلے دن کے اختتام پر 5 وکٹوں کے نقصان پر 317 رنز بنالیے نیشنل بینک کرکٹ ارینا میں کھیلے جا رہے میچ میں پاکستان کے کپتان بابر اعظم نے ٹاس جیت کر بیٹنگ کا فیصلہ کیا تھا-

    پاکستان کی جانب سے عبداللہ شفیق اور امام الحق نے اننگز کا آغاز کیا لیکن قومی ٹیم کے اوپنرز ٹیم کو اچھا آغاز فراہم کرنے میں ناکام رہے اور 12 کے مجموعے پر عبداللہ شفیق اعجاز پٹیل کی گیند پر اسٹمپڈ آؤٹ ہو گئے، انہوں نے 7 رنز کی اننگز کھیلی۔

    پاکستان کے اگلے آؤٹ ہونے والے کھلاڑی شان مسعود تھے، شان مسعود بھی مچل بریسویل کی گیند پر زور دار ہٹ لگانے کی کوشش میں اسٹمپڈ آؤٹ ہوئے، وہ صرف 3 رنز کے مہمان ثابت ہوئےامام الحق بھی بریسویل کی گیند پر آگے بڑھ کر چھکا لگانے کی کوشش میں 24 رنز بنا کر کیچ آؤٹ ہو گئے۔

    پاک نیوزی لینڈ ٹیسٹ؛ سرفراز احمد کی واپسی

    تین کھلاڑیوں کے جلد آؤٹ ہونے کے بعد بابر اعظم اور سعود شکیل نے ٹیم کا اسکور آگے بڑھایا لیکن جب ٹیم کا اسکور 110 رنز پر پہنچا تو سعود شکیل 22 رنز بنا کر کیچ آؤٹ ہو گئے۔

    بابر اعظم نے ذمہ دارانہ بلے بازی کا مظاہرہ جاری رکھتے ہوئے اپنا اور ٹیم کا اسکور آگے بڑھایا اور سنچری مکمل کی جبکہ سرفراز احمد نے بھی تقریباً 4 سال بعد ٹیم میں واپسی کے بعد پہلی ہی اننگز میں ففٹی اسکور کی سرفراز احمد 86 رنز بنا کر اعجاز پٹیل کا شکار ہوگئے جب کہ اس وقت بابر اعظم 161 اور آغا سلمان 3 رنز بنا کر وکٹ پر موجود ہیں۔

    قبل ازیں ٹاس جیت کر قومی ٹیم کے کپتان کا کہنا تھا کہ وکٹ بیٹنگ کے لیے اچھی دکھائی دے رہی ہے، نئی سیریز ہے کوشش ہو گی کہ پہلے سے بہتر پرفارم کریں بابر اعظم کا کہنا تھا کہ پاکستانی ٹیم میں 3 تبدیلیاں کی گئی ہیں، سرفراز احمد کی 4 سال بعد پلیئنگ الیون میں واپسی ہوئی ہے، میر حمزہ اور امام الحق بھی ٹیم کا حصہ ہیں۔

    ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی

  • مراکشی ٹیم کا وطن پہنچنے پر شاندار استقبال

    مراکشی ٹیم کا وطن پہنچنے پر شاندار استقبال

    قطر فٹبال ورلڈکپ میں سیمی فائنل تک رسائی حاصل کرنے والی مراکشی ٹیم کا وطن پہنچنے پر شاندار استقبال کیا گیا۔

    باغی ٹی وی : فیفا ورلڈکپ کے سیمی فائنل میں پہنچنے والی مراکش پہلی عرب اور افریقی ٹیم ہے، وطن واپسی پر کھلاڑیوں کے لیے بس پریڈ کا انعقاد کیا گیا، ہزاروں مراکشی شائقین فٹبال اپنے ہیروز کی جھلک دیکھنے کیلیے سڑکوں پر نکل آئے جنہوں نے ٹیم کو پُرتپاک انداز میں خیرمقدم کیا۔

    بابر اعظم ہی کپتان رہے گا،یہی ٹیم پاکستان کو 2023 اور 2024 کا ورلڈکپ جتوائے گی،شاہین شاہ آفریدی


    بس کی چھت پر موجود کوچ ولید ریگاریگوئی نے بھی مداحوں کے نعروں کا جواب ہاتھ لہرا کر دیا جبکہ مراکشی فٹبالرز نے اپنی ماؤں کے ہمراہ بادشاہ کے استقبالیے میں شرکت کی، تقریب کے دوران بادشاہ نے مراکشی رائل فٹبال فیڈریشن کے صدر فوزی لقجع اور قومی کوچ ولید الرکراکی کو آرڈر آف دی تھرون سے نوازا۔

    پشاور میں اسٹیڈیم بن رہا ہے ،6ماہ تکمیل کے لیے درکارہے ،نجم سیٹھی


    مراکش نے اپنا پہلا میچ کروشیا کے خلاف کھیلا جو بغیر کسی گول کے برابر رہا، دوسرے میچ میں مراکش نے سنسنی پھیلاتے ہوئے بیلجیم کو 0-2 سے شکست دیدی، اگلے میچ میں کینیڈا 1-2 سے ہرایا۔


    سابق عالمی چیمپیئن اسپین کو 0-3 سے پنلٹی پر شکست دیکر اپ سیٹ کیا اور پھر کواٹر فائنل میں رونالڈ کا ورلڈکپ جیتنے کا خواب چکنا چور کرتے ہوئے پرتگال کو 0-1 سے شکست دے کر ٹورنامنٹ سے باہر کردیا۔

    تیسری پوزیشن کے میچ میں انہیں کروشیا سے شکست کا سامنا کرنا پڑا تاہم وہ ایونٹ میں چوتھی پوزیشن حاصل کرنے میں کامیاب ہوئے۔

    پاکستان اپنی میزبانی میں کسی بھی ٹورنامنٹ کی ملک سے منتقلی قبول نہیں کرے گا،رمیز راجہ کا آئی سی سی…

  • پاکستان اپنی میزبانی میں کسی بھی ٹورنامنٹ کی ملک سے منتقلی قبول نہیں کرے گا،رمیز راجہ کا آئی سی سی کوپیغام

    پاکستان اپنی میزبانی میں کسی بھی ٹورنامنٹ کی ملک سے منتقلی قبول نہیں کرے گا،رمیز راجہ کا آئی سی سی کوپیغام

    لاہور: رمیز راجا نے آئی سی سی حکام کو یقین دہانی کرا ئی ہے کہ بھارت میں آئندہ سال شیڈول ورلڈکپ کے بائیکاٹ کا کوئی فیصلہ نہیں کیا-

    باغی ٹی وی : میڈیا رپورٹس کے مطابق آئی سی سی کے چیف ایگزیکٹیو جیف ایلرڈائس کے دورہ پاکستان میں رمیز راجا نے ان پر واضح کیا کہ بائیکاٹ کا کوئی فیصلہ ہوا نہ ہی وہ میگا ایونٹ سے دستبرداری کے حق میں ہیں، دونوں ملکوں کے کرکٹ تعلقات کے پیش نظر ایشیا کپ میں شرکت سے انکاری بھارتی بورڈ پر دباؤ بڑھانے کیلیے بائیکاٹ کی بات کی۔

    بابر اعظم ہی کپتان رہے گا،یہی ٹیم پاکستان کو 2023 اور 2024 کا ورلڈکپ جتوائے گی،شاہین شاہ آفریدی

    میڈیا ذرائع کے مطابق رمیز راجہ نے آئی سی سی حکام پر یہ بھی واضح کیا کہ پاکستان اپنی میزبانی میں کسی بھی ٹورنامنٹ کی ملک سے منتقلی قبول نہیں کرے گا۔

    دوسری جانب وزیراعظم اور پاکستان کرکٹ بورڈ (پی سی بی) کے پیٹرن ان چیف شہباز شریف نے بورڈ کے معاملات چلانے کیلیے 14 رکنی کمیٹی تشکیل دے دی، جس کا نوٹیفکیشن بھی جاری کردیا گیا ہے۔

    وزیراعظم کی طرف سے پی سی بی کے معاملات چلانے کیلئے تشکیل دی گئی کمیٹی میں شاہد آفریدی، شکیل شیخ، گل زادہ، نعمان بٹ، ہارون رشید، ثنا میر، ایزد سید، تنویر احمد، گل محمد کاکڑ، ایاز بٹ، شفقت رانا، مصطفٰی رمدے اور عارف سعید شامل ہیں کمیٹی نجم سیٹھی کی سربراہی میں کام کرے گی-

    لاہور قلندرزنے حارث رؤف اور فخر زمان کو بھی گاڑیاں تحفے میں دے دیں

  • حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی

    حارث روؤف کا اپنی کلاس فیلو سے شادی کا فیصلہ،نکاح کی تاریخ کی بھی سامنے آ گئی

    پاکستان کرکٹ ٹیم کے فاسٹ بولر حارث روؤف نے اپنی کلاس فیلو سے شادی کرنے کا فیصلہ کر لیا ہے جبکہ نکاح کی تاریخ کی بھی سامنے آ گئی ہے-

    باغی ٹی وی : حارث رؤف کا کہنا ہے کہ ان کی ہونے والی دلہن کلاس فیلو ہیں، رخصتی آئندہ سال ہوگی ذرائع کے مطابق ان کے نکاح کی تقریب ہفتہ 24 دسمبر کو اسلام آباد میں ہوگی –

    صدر اور وزیراعظم کی ورلڈکپ2022 کے شاندار انعقاد پر قطرکو مبارکباد

    پاکستان کرکٹ ٹیم کے فاسٹ بولر حارث رؤف ا ن دنوں کرکٹ سے دور ہیں، فٹنس مسائل کی وجہ سے وہ ری ہیب سے گزر رہے ہیں۔

    یاد رہے کہ اس سے قبل سہیل وڑائچ کو دیئے گئے انٹرویو میں فاسٹ بولر نے بتادیا تھا کہ وہ جلد شادی کرنے والے ہیں۔

    لائف پارٹنر کے حوالے سے کیے گئے سوال کے جواب میں حارث رؤف کا کہنا تھا کہ میں کسی ایسی لڑکی سے شادی کرنا چاہوں گا جو سادہ ہو اور میری کرکٹ سے زیادہ دلچسپی نہ رکھے بلکہ ان کی دلچسپی مجھ میں ہو، میں پسند کو ارینج میں تبدیل کروں گا۔

    مداح کی میسی کے حوالے سے 7 سال پرانی پیشگوئی درست ثابت

  • میچ کے دوران خود سے بیلز گرنے اور اسٹمپ روشن ہونے پر پلیئرزاور کمنٹیٹرز سمیت سب دم بخود

    میچ کے دوران خود سے بیلز گرنے اور اسٹمپ روشن ہونے پر پلیئرزاور کمنٹیٹرز سمیت سب دم بخود

    میلبورن: بگ بیش میچ کے دوران خود سے بیلز گرنے اور اسٹمپ روشن ہونے پر سب دم بخود رہ گئے۔

    باغی ٹی وی : برسبین ہیٹ سے میچ میں میلبورن رینیگیڈز کے نک میڈنسن نے نویں اوور کے دوران مارک اسکیٹی کی گیند کو پل کرنا چاہا مگر اس میں وہ ناکام رہے، یہ واقعہ نویں اوور میں پیش آیا، میڈنسن نے 25 گیندوں پر 42 اسکورز کئے-

    رمیز راجا کو ہٹا کر نجم سیھٹی کودوبارہ چیئرمین پی سی بی بنانے کا عندیہ

    جب برسبین ہیٹ کے مارک سٹیکیٹی نے ایک شارٹ گیند پھینکی جیسے ہی انھوں نے مڑ کر دیکھا تو حیران رہ گئے کیونکہ نہ صرف ایک بیل گری ہوئی تھی بلکہ اسٹمپ بھی روشن تھی، وہ سمجھے کہ ہٹ وکٹ کا شکار ہوئے ہیں، اس لیے میدان سے رخصت ہونے لگے –

    فیفا ورلڈ کپ؛ تیسری پوزیشن کیلئے مراکش اور کروشیا مدمقابل

    تاہم، امپائرز کی طرف سے اسے ریویو ہونے کے بعد انتظار کرنے کو کہا گیا، اور یہ واضح طور پر میڈنسن کو اسٹمپ سے کچھ فاصلے پر دکھائی دے رہے تھے ری پلیز میں واضح ہوا کہ میڈنسن کے بیٹ یا پاؤں نے اسٹمپس کو بالکل نہیں چھوا جبکہ گیند بھی کافی دوری سے گزری، اس مسٹری نے تمام پلیئرز، کمنٹیٹرز اور شائقین کو دم بخود کردیا جبکہ سوشل میڈیا پر اسے کسی بھوت کی کارروائی قرار دیا جانے لگا-


    بعد ازاں نک میڈنسن نے 33 گیندوں پر باؤنڈری کے ساتھ اپنی نصف سنچری مکمل کی، 12 گیندوں میں 38 رنز کا سلسلہ شروع کیا۔ وہ بالآخر 87 رنز بنا کر آؤٹ ہو گئے، جس سے میلبورن رینیگیڈز کا مجموعی اسکور 166-7 تھا۔

    ہماری وکٹیں جارہی ہیں تو مجھے مسٸلہ نہیں، ثقلین مشتاق نے ایسا کیوں کہا؟

  • انگلینڈ کے سابق آل راؤنڈر اینڈریو فلنٹوف کار حادثے میں زخمی

    انگلینڈ کے سابق آل راؤنڈر اینڈریو فلنٹوف کار حادثے میں زخمی

    انگلینڈ کرکٹ ٹیم کے سابق آل راؤنڈر اینڈریو فلنٹوف کار حادثے میں زخمی ہوگئے۔

    باغی ٹی وی : غیر ملکی میڈیا رپورٹس کے مطابق اینڈریو فلنٹوف ایک برطانوی ٹی وی شو ‘ٹاپ گیئر’ کی ریکارڈنگ کے دوران کار حادثے کا شکار ہوئے ہیں جنہیں ابتدائی طبی امداد موقعے پر ہی موجود ٹیم کی جانب سے دی گئی اور پھر ہوائی جہاز کے ذریعے اسپتال منتقل کیا گیا۔

    فیفا ورلڈ کپ،ارجنٹینا نے کروشیا کو شکست دے کر فائنل کیلئے کوالیفائی کرلیا۔


    رپورٹس میں کہا گیا ہے کہ 45 سالہ نوجوان کو جائے وقوعہ پر طبی امداد فراہم کردی گئی ہے تاہم انکی چوٹیں جان لیوا نہیں،آل راؤنڈر کا اسپتال میں علاج جاری ہے واقعہ منگل کو لندن کے جنوب میں ڈنس فولڈ پارک ایروڈروم میں پروگرام کے ٹیسٹ ٹریک پر پیش آیا-

    مراکش کے اسٹار فٹبالر حکیم زیچ نے ساری تنخواہ غریبوں میں بانٹ دی

    میڈیا رپورٹس کے مطابق حادثے کے بعد شو کی شوٹنگ کو روک دیا گیا ہے اور جب تک اینڈریو فلنٹوف مکمل صحتیاب نہیں ہوجاتے شوٹنگ نہیں کی جائے گی۔

    خیال رہے کہ 2019 میں بھی اینڈریو فلنٹوف کی کار 125 کلو میٹر فی گھنٹہ کی رفتار سے دوڑ رہی تھی جو حادثے کا شکار ہوگئی تھی، اس دوران بھی آل راؤنڈر ٹاپ گیئر کی ایک قسط کی ریکارڈنگ کررہے تھے۔

    سابق کرکٹر نے انگلینڈ کیلئے 79 ٹیسٹ میچز میں نمائندگی جبکہ کیریئر کے دوران 2005 اور 2009 میں انگلینڈ کو ایشز جیتنے میں اہم کردار ادا کیا۔

    پاکستان سپر لیگ سیزن 8: ڈائمنڈ کیٹیگری کیلئے79غیرملکی کھلاڑیوں کےناموں کا اعلان

  • ویرات کوہلی کا فٹبال اسٹاررونالڈو کو شاندار خراج تحسین

    ویرات کوہلی کا فٹبال اسٹاررونالڈو کو شاندار خراج تحسین

    بھارتی کرکٹر ویرات کوہلی نے فٹبال کی دنیا کے بہترین کھلاڑی کرسٹیانو رونالڈو کو شاندار خراج تحسین پیش کیا ہے۔

    باغی ٹی وی : قطر میں جاری فیفا ورلڈکپ کے کوارٹر فائنل میں گزشتہ دنوں مراکش نے پرتگال کو 0-1 سے شکست دے کر پہلی مرتبہ سیمی فائنل میں جگہ بنائی میچ کے بعد پرتگال کے اسٹار کھلاڑی رونالڈو میچ ختم ہوتےہی روتے ہوئے گراؤنڈ سے روانہ ہوئے-

    قومی کرکٹر سدرہ امین آئی سی سی ویمن پلئیر آف دی منتھ قرار

    رونالڈو کی رونے کی ویڈیو نے جہاں دنیا بھر میں ان کے مداحوں کو افسردہ کردیا وہیں ویرات کوہلی نے بھی پیغام جاری کیا ہے-

    گزشتہ روز ویرات کوہلی نےانسٹاگرام پر رونالڈو کی تصویر پوسٹ کرتے ہوئے انہیں خراج تحسین پیش کرتے ہوئے جاری پیغام میں لکھا کہ کوئی ٹرافی یا ٹائٹل آپ سے وہ کچھ نہیں چھین سکتا جو آپ نے اس کھیل اور دنیا بھر میں موجود مداحوں کے لیے کیا ہے-


    انہوں نے لکھا کہ کوئی ٹائٹل اس بات کی وضاحت نہیں کر سکتا کہ آپ نے لوگوں پر کیا اثر ڈالا ہے ، جو ہم سب لوگ آپ کو کھیلتے ہوئے دیکھ کر محسوس کرتے ہیں، یہ خدا کی طرف سے ایک تحفہ ہے، یہ ایک ایسے شخص کے لیے نعمت ہے جو ہر بار اپنے دل سے کھیلتا ہے ،یہ محنت اور لگن کی اعلیٰ مثال ہے جو ہر کھلاڑی کے لیے مثالی نمونہ ہے۔

    اسلام آباد سائیکل ریس کا قومی دورہ مکمل،بائیکستان سائیکلنگ اکیڈمی نےمجموعی طور پر ٹیم ٹرافی جیت لی

    ویرات کوہلی نے رونالڈو کو مخاطب کرتے ہوئے کہا کہ آپ ہمیشہ میرے لیے سب سے عظیم کھلاڑی ہیں۔

    واضح رہے کہ گزشتہ دنوں رونالڈو نے ورلڈکپ کا سفر ختم ہونے کے بعد سوشل میڈیا پر اپنا بیان جاری کیا تھاکہ پرتگال کے لیے ورلڈ کپ جیتنا میرے کیریئر کا سب سے بڑا خواب تھا، خوش قسمتی سے میں نے پرتگال سمیت بین الاقوامی مقابلوں میں بہت سے ٹائٹل جیتے لیکن اپنے ملک کے لیے ورلڈکپ جیتنا میرا سب سے بڑا خواب تھا-

    پی سی بی کا ایک اور اہم عہدہ متعارف کرانے کا اعلان

  • پاکستان ملتان ٹیسٹ میچ بھی ہار گیا ،انگلینڈ نے سیریز جیت لی

    پاکستان ملتان ٹیسٹ میچ بھی ہار گیا ،انگلینڈ نے سیریز جیت لی

    انگلینڈ نے 20 سال بعد پاکستان میں ٹیسٹ سیریز جیت لی

    انگلینڈ نے پاکستان کیخلاف 3میچز کی سیریز جیت لی .انگلینڈ نے پاکستان کو 26 رنز سے شکست دی ملتان ٹیسٹ میں بھی انگلینڈ نے پاکستان کو شکست دے دی ،اب آخری میچ کراچی میں ہوگا ،انگلینڈ نے پاکستان میں پہلی بار لگاتاردوٹیسٹ میچ جیتے، دوسرے ٹیسٹ میں بھی پاکستان فتح کے قریب پہنچ کر ہارا ہے ،مارک ووٹ کی طوفانی باولنگ ،4وکٹیں حاصل کیں انگلینڈ نے پاکستان کو جیت کے لیے 355 رنز کا ہدف دیا پاکستان ٹیم 355رنز کے تاقب میں 328 رنز ہی بنا سکی انگلینڈ نے پہلی اننگز میں 281رنز بنائے،ڈکٹ اور پوپ کی نصف سنچریاں بھی بنیں،پاکستان نے پہلی اننگز میں 202رنزبنائے، بابراورسعود کی نصف سنچریاں تھیں،

    پاکستان دوسری اننگز میں 328 رنز ہی بنا سکا،سعود 94رنز کے ساتھ نمایاں رہے امام الحق نے بھی دوسری اننگز میں ففٹی بنائی،مسٹری اسپنر ابرار احمدنے ڈیبیو میچ میں 11وکٹیں لے کر محمد زاہد کا ریکارڈ برابر کیا پاکستان کی جانب سے زاہد محمود کی 6 اور محمد نواز کی ایک وکٹ تھی انگلینڈ کی جانب سے مارک ووڈ کی 6 اور لیچ کی 5 وکٹیں تھیں

    پاکستان ٹیم کے ہیڈ کوچ ثقلین مشتاق کا کہنا ہے کہ سیریز میں تو شکست ہوگئی لیکن آخری میچ میں فتح حاصل کرکے انگلینڈ کو پھرپورجواب دینا چاہیں گے ثقلین مشتاق نے جیو نیوز سے خصوصی گفتگو کرتے ہوئے کہا کہ ملتان ٹیسٹ میں قومی ٹیم کے کھلاڑیوں کی کارکردگی سے خوش ہوں انگلینڈ کی ٹیم تجربہ کار کھلاڑیوں پر منحصر ہے پاکستانی کھلاڑیوں کے پاس ریڈ بال کا زیادہ تجربہ نہیں ہے سعود شکیل اور محمد نواز کی جتنی تعریف کی جائے کم ہے