Baaghi TV

Tag: کھیل

  • پی سی بی نےسابق ٹیسٹ کرکٹرز کی پینشن میں اضافہ کردیا

    پی سی بی نےسابق ٹیسٹ کرکٹرز کی پینشن میں اضافہ کردیا

    پاکستان کرکٹ بورڈ (پی سی بی) نے سابق ٹیسٹ کرکٹرز کیلئے پینشن کی رقم میں اضافہ کردیا۔

    باغی ٹی وی: پاکستان کرکٹ بورڈ کی ویلفیئرپالیسی کو سال 2019 میں آخری باراَپ ڈیٹ کیا گیا تھا تاہم مہنگائی کی موجودہ سطح کو دیکھتے ہوئے کھلاڑیوں کی پینشن میں اضافہ کیا گیا ہے۔

    کرکٹر محمد رضوان کو گلے لگانا مہنگا پڑ گیا،مقدمہ درج،دو گرفتار

    پینش وصول کرنے والوں کی فہرست میں سابق ٹیسٹ کرکٹرعمران خان اور سابق چیئرمین پی سی بی رمیز راجا سمیت 24 کھلاڑی شامل ہیں جنہیں ماہانہ 1 لاکھ 54 ہزار روپے ملیں گے،7 پلئیرز کو 1 لاکھ 48 ہزارجبکہ 32 دیگر کھلاڑیوں کو 1 لاکھ 32 ہزار ادا کیے جائیں گے۔

    لسٹ اے کے کھلاڑیوں کو 54 ہزار روپے سے 1 ایک لاکھ 54 ہزار ملیں گے لسٹ بی کے پلئیرز کو 48 سے 1 لاکھ 48 ہزار ملیں گے،لسٹ سی کے کرکٹرز کو 42 ہزار سے 1 لاکھ 42 روپے ماہانہ پنشن دی جائے گی-

    بابر اعظم جو فیصلہ کرینگےمن وعن قبول ہوگا: نجم سیٹھی

    قبل ازیں سابق چیئرمین پی سی بی رمیز راجا نے پینشن لینے والے کرکٹرز کی فہرست میں شامل کرنے کی درخواست کی تھی جس کو نجم سیٹھی نے منظور کرلیا تھا، سابق کرکٹرز کو رواں سال فروری میں پینشن کی ادائیگی شروع ہوجائے گی۔

    واضح رہے کہ پی سی بی 60 سال سے اوپر والے سابق ٹیسٹ کرکٹرز کو پینشن دے رہا ہے، رمیز راجا جب کرکٹ بورڈ کے سربراہ تھے تو انہوں نے پینشن میں فی کس ایک لاکھ روپے کا اضافہ کیا تھا۔

    مکی آرتھر کا قومی ٹیم کا ہیڈ کوچ مقرر ہونے کا باب بند ہوگیا

  • پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    پی ایس ایل 2023 میں دنیا کے صف اول کے کھلاڑی لیگ کا حصہ ہونگے

    آپ سب کو معلوم ہوگا کہ پی ایس ایل کی آمد آمد ہے اور پی ایس ایل کی افتتاحی تقریب ملتان میں منعقد ہوگی جس کا پہلا میچ دفاعی چیمپئن لاہور قلندرز اور ملتان سلطانز کے درمیان کھیلا جائے گا۔ پی ایس ایل کا فائنل قذافی اسٹیڈیم لاہور میں کروانے کی تجویز دی گئی ہے۔ پی ایس ایل کے میچز لاہور، کراچی، ملتان اور راولپنڈی اسٹیڈیم میں کھیلے جائیں گے۔ پی ایس ایل کے لیے تمام ٹیمیں 9 فروری تک اکٹھی ہوجائیں گی جبکہ ٹورنامنٹ کا آغاز 13 فروری کو ہوگا اور فائنل 19 مارچ کو کھیلا جائے گا۔


    پاکستان سپر لیگ (پی ایس ایل) کے آٹھویں ایڈیشن کے لیے ڈرافٹ ہوا، جہاں دنیا کے صف اول کھلاڑیوں کو فرنچائز نے پک کیا۔  وہی پلاٹیننم کیٹیگری کے پہلے رؤانڈ میں لاہور قلندرز نے فخر زمان کو پک کیا جبکہ کوئٹہ گلیڈی ایٹرز نے سری لنکا کے ونندو ہسارانگا کو اپنی ٹیم میں شامل کروایا۔ اس پک کے دوران ملتان سلطانز نے نسیم شاہ کو پک کیا لیکن کوئٹہ نے آر ٹی ایم کا استعمال کرتے ہوئے اسے نسیم کو پک کرنے سے روک دیا جس کے بعد ملتان سلطانز کو دوبارہ پک دی گئی اور اس مرتبہ انہوں نے جنوبی افریقہ سے تعلق رکھنے والے ڈیوڈ ملر کو اپنی ٹیم کے لیے پک کیا۔  راؤنڈ ون کے دوران کراچی کنگز نے آسٹریلیا کے میتھیو ویڈ، اسلام آباد یونائیٹڈ نے انگلینڈ کے ایلکس ہیلز اور پشاور زلمی نے سری لنکا کے بھانوکا راجپکسے کو منتخب کیا۔


    اسی کیٹیگری کے دوسرے راؤنڈ میں کوئٹہ گلیڈی ایٹرز نے نسیم شاہ کو پک کیا، پشاور زلمی نے ویسٹ انڈیز کے رومین پاول کو اپنی ٹیم میں شامل کیا۔  افغانستان کے جارح مزاج بلے باز رحمان اللّٰہ گرباز کو اسلام آباد یونائیٹڈ نے پک کیا، جنوبی افریقی کرکٹر عمران طاہر کو کراچی کنگز نے پک کیا جبکہ ملتان سلطانز نے آئرلینڈ کے جوش لٹل کو اپنی ٹیم کا حصہ بنایا۔ ڈائمنڈ کیٹیگری کے پہلے راؤنڈ میں اسلام آباد یونائیٹڈ نے افغانستان کے فضل حق فاروقی کو منتخب کیا۔ اس کیٹیگری میں افغانستان کے مجیب الرحمان کو پشاور زلمی نے اپنی ٹیم کے لیے پک کیا۔ لاہور قلندرز نے حسین طلعت کو پک کیا، کوئٹہ گلیڈی ایٹرز نے ویسٹ انڈیز کے اوڈین اسمتھ، کراچی کنگز نے جیمز وینس اور جیمز فلر کو اپنی ٹیم کے لیے پک کیا۔


    گولڈ کیٹیگری ون میں پشاور زلمی نے دانش عزیز، کوئٹہ گلیڈی ایٹرز نے احسان علی کو پک کیا۔  زمبابوین کرکٹر سکندر رضا کو لاہور قلندرز نے پک کیا، ویسٹ انڈیز کے عقیل حسین کو ملتان سلطانز نے پک کیا۔  آسٹریلیا کے اینڈریو ٹائے کو کراچی کنگز، انگلینڈ کے لیام ڈاؤسن کو لاہور قلندرز اور ارشد اقبال کو پشاور زلمی نے پک کیا۔ جبکہ سلور کیٹیگری راؤنڈ ون میں نوجوان لیگ اسپنر ابرار احمد کو اسلام آباد یونائیٹڈ نے پک کیا، عمید آصف کو کوئٹہ گلیڈی ایٹرز نے، طیب طاہر کو کراچی کنگز نے، اسامہ میر کو پشاور زلمی نے، صائم ایوب کو پشاور زلمی نے جبکہ دلبر حسین کو لاہور قلندرز نے پک کیا۔ 

    سلور کیٹیگری راؤنڈ 2 میں پشاور زلمی نے عثمان قادر کو، صہیب مقصود کو اسلام آباد یونائیٹڈ نے، عثمان خان کو ملتان سلطانز نے، محمد اخلاق کو کراچی کنگز نے پک کیا۔  لاہور قلندرز نے مرزا طاہر بیگ جبکہ کوئٹہ گلیڈی ایٹرز نے محمد زاہد کو پک کیا۔ سلور کیٹیگری کے تیسرے راؤنڈ میں لاہور قلندرز نے احمد دانیال اور ملتان سلطانز نے ثمین گل کو پک کیا۔ جبکہ اسلام آباد یونائیٹڈ نے رومان رئیس جبکہ انور علی اور محمد سرور آفریدی کو ملتان سلطانز نے پک کیا۔


    ایمرجنگ کیٹیگری کے پہلے راؤنڈ میں کراچی کنگنز نے عرفان خان نیازی، پشاور زلمی نے صفیان مقیم، اسلام آباد یونائیٹڈ نے ذیشان ضمیر، کوئٹہ گلیڈی ایٹرز نے عبدالواحد بنگلزئی اور لاہور قلندرز نے شاہویز عرفان کو منتخب کیا. جبکہ ایمرجنگ کیٹیگری کے دوسرے راؤنڈ میں اسلام آباد یونائیٹڈ، پشاور زلمی اور کوئٹہ گلیڈی ایٹرز نے اپنی اپنی پکس میں بالترتیب حسان نواز، نصیب اللّٰہ خان اور ایمل خان کو منتخب کیا۔ اسی طرح سپلیمنٹری کیٹیگری کے راؤنڈ میں پشاور زلمی نے نیوزی لینڈ کے جمی نیشم، ملتان سلطانز نے انگلینڈ کے عادل رشید، کوئٹہ گلیڈی ایٹرز نے نیوزی لینڈ کے مارٹن گپٹل، لاہور قلندرز نے جورڈن کوز اور اسلام آباد یونائیٹڈ نے معین علی کا انتخاب کیا۔

    سپلیمنٹری کیٹیگری کے دوسرے راؤنڈ میں کوئٹہ گلیڈی ایٹرز نے عمیر بن یوسف، کراچی کنگز نے محمد عمر اور جنوبی افریقہ کے تبریز شمسی، لاہور قلندرز نے افغانستان کے جالات خان، ملتان سلطانز نے عرفات منہاس اور اسلام آباد یونائیٹڈ نے مبصر خان کو پک کیا۔


    دوسری جانب اگر پی ایس ایل فائیو کی بات کریں تو اس بارے میں سابقہ حکومت کے دور میں 90 کروڑ 80 لاکھ روپے سے زائدکی مبینہ بےضابطگیوں کاانکشاف ہوا ہے، عمران خان کے دور حکومت میں پاکستان کرکٹ بورڈ میں یہ مبینہ بے ضابطگیاں ہوئیں۔ آڈیٹر جنرل نے قواعد کےخلاف مختلف کمپنیوں کو پیشگی ادائیگیوں پر اعتراضات لگا دیے۔ دستاویز کے مطابق پی ایس ایل فائیو کی افتتاحی تقریب پر بھاری اخراجات کیے گئے، افتتاحی تقریب میں24 کروڑ 10 لاکھ روپے اڑائے گئے۔ یہ انکشاف بھی ہوا ہے کہ وینڈرز سے بینک گارنٹی حاصل کیے بغیر پیشگی ادائیگیاں کی گئیں، پی ایس ایل فائیو کیلئے خلاف ضابطہ رابطہ اور پروٹوکول آفیسر کی تقرری کی گئی، میرٹ کے خلاف 6 کروڑ 10 لاکھ روپے گرافک اور ٹرک برینڈنگ رائٹس دیے گئے۔ خیال رہے کہ پی ایس ایل 5 پہلی بار مکمل طور پر پاکستان میں منعقد ہوا تھا۔ افتتاحی تقریب کراچی میں ہوئی تھی۔

  • گھڑ سواری مقابلہ: سعودی خواتین کی شاندار پرفارمنس

    گھڑ سواری مقابلہ: سعودی خواتین کی شاندار پرفارمنس

    سعودی عرب میں ہونے والےگھڑ سواری کے مقابلے میں خواتین نے شاندار پرفارمنس کا مظاہرہ کیا۔

    باغی ٹی وی : عرب میڈیا کے مطابق کنگ عبدالعزیز کیمل فیسٹیول میں ہونے والے شہزادی نورہ بنت عبدالرحمان گھڑ سواری مقابلے میں 12 خواتین گھڑ سوار شریک ہوئیں۔

    کراچی

    پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی

    فیسٹیول کے ساتویں ایڈیشن میں شہزادی نورہ بنت عبدالرحمان دوڑ کے آغاز سے قبل گھوڑوں اور اونٹوں پر سوار خواتین نے اپنی شاندار پرفارمنس کا مظاہرہ کیا، اس موقع پر سعودی خواتین نے لوک فنون کا بھی مظاہرہ کیا۔

    شہزادی نورہ بنت عبدالرحمن دوڑ میں شرکا کے درمیان زبردست مقابلہ دیکھنے میں آیا، دوڑ میں پہلی پوزیشن حاصل کرنے والی خاتون کو ارغوانی اسکارف سے نوازا گیا۔

    دوسری جانب سعودی ’’ڈاکار ریلی‘‘ 2023 کا چوتھا ایڈیشن رواں ماہ کے آغاز میں شروع ہوا تھا اور یہ 15 جنوری تک جاری رہے گا جس کا پہلا مرحلہ یبنع سے شروع ہوا تھا سعودی ’’ڈاکار ریلی‘‘ کا ٹریک تعارفی مرحلے کے علاوہ 14 مراحل پر مشتمل ہے۔ آج 10 جنوری منگل کو ریلی کا 9 واں مرحلہ جاری ہے۔

    پی سی بی نے راولپنڈی کی پچ کو ڈی میرٹ پوائنٹ دینے کے خلاف اپیل کردی

    اس سال کے ایڈیشن میں نئے ٹریکس پیش کیے گئے ہیں جو شرکا کو بحیرہ احمر کے ساحلوں پر واقع یبنع سے، سعودی صحرا کی ریت سے ہوتے ہوئے، ساحل پر دمام تک لے جاتے ہیں خلیج عرب میں جہاں ڈرائیور ینبع میں البحر کیمپ کے تعارفی مرحلے کے ساتھ ریلی کا آغاز کیا گیا۔ یہ علاقہ شمال مغربی پہاڑی علاقوں میں واقع ہے۔

    جنوب مشرق کی طرف جانےسےپہلےریلی العلاء،حائل، داودمی، ریاض، حرض،ربع الخالی،شیبہ، ھفوف اور دمام سےگزر رہی ہے ’’ڈاکار ریلی‘‘ 2023 کا ٹریک سب سے طویل ہے اس کا تخمینہ 5 ہزار کلومیٹر کا فاصلہ ہے خصوصی مراحل 350 سے 500 کلومیٹر تک ہوتے ہیں۔ تمام کیٹیگریز میں 455 گاڑیوں میں سے 89 گاڑیوں کی "ڈاکار کلاسک” ریس میں شرکت ہوتی ہے۔

    یاد رہے سعودی عرب نے گزشتہ جنوری میں مسلسل تیسری بار ڈاکار ریلی مقابلوں کی میزبانی کی جس میں دنیا کے 63 ممالک کی نمائندگی کرنے والے ممتاز ترین بین الاقوامی ڈرائیوروں کے ایک گروپ نے 14 دنوں کے دوران شرکت کی 12مراحل کے دوران ڈرائیوروں نے 6 کیٹیگریز میں مقابلہ کیا ڈاکار ریلی اپنے پیمانے اور ایونٹس کے لحاظ سے موٹر سپورٹس کی سب سے باوقار ریسوں میں سے ایک ہے۔

    پاکستانی ویمن فٹبال ٹیم چارملکی ٹورنامنٹ میں حصہ لینےکیلئے آج سعودی عرب روانہ

  • پاکستانی ویمن فٹبال ٹیم چارملکی ٹورنامنٹ میں حصہ لینےکیلئے آج سعودی عرب روانہ

    پاکستانی ویمن فٹبال ٹیم چارملکی ٹورنامنٹ میں حصہ لینےکیلئے آج سعودی عرب روانہ

    پاکستانی ویمن فٹبال ٹیم چار ملکی ٹورنامنٹ میں حصہ لینے کیلئے آج سعودی عرب روانہ ہوگئی۔

    باغی ٹی وی : پاکستانی ٹیم براستہ بحرین، دمام پہنچے گی، 24 رکنی قومی اسکواڈ میں ماریہ خان ٹیم کی قیادت کریں گی، ملیکہ نور بطور نائب کپتان ان کی معاون ہوں گی۔


    منتخب اسکواڈ میں فارورڈز عالیہ صادق، انمول ہیرا، نادیہ خان، نقیہ علی، صنوبر عبدالستار، ظہمینہ ملک اور زویا ذیشان، مڈفیلڈرز ماریہ خان، آمنہ حنیف، انوشے عثمان، ماروی بیگ، رامین فرید اور سوہا ہیران، ڈیفینڈرز ملیکہ نورشامل ہیں-

    نیوزی لینڈ کے خلاف شاندار اننگز،حافظ نعیم الرحمان مٹھائی لے کر سرفراز کے گھر پہنچ…

    جبکہ مشال اکرم بھٹی، نزالیہ صدیقی، سحر زمان، صاحبہ شیردل، سارہ خان اور صوفیہ قریشی، گول کیپرز فاطمہ ناز، مافیہ پروین، نشا اشرف اور رومیسا خان ٹیم کا حصہ ہیں-

    پاکستان ویمنز ٹیم اپنی مہم کا آغاز ایونٹ کے افتتاحی روز 11 جنوری کو کوموروس کے خلاف کرے گی، دوسرا میچ 15جنوری کو ماریشس اور تیسرا 19 جنوری کو سعودی عرب سے ہوگا۔

    پاکستان فٹبال فیڈریشن (پی ایف ایف) نارملائزیشن کمیٹی کے چیئرمین ہارون ملک کا کہنا ہے کہ4 ملکی ٹورنامنٹ کیلئے منتخب اسکواڈ میں تجربہ کار کھلاڑیوں کے ساتھ نئے ٹیلنٹ کو بھی شامل کیا گیا ہے۔

    پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی

  • پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی

    پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی

    کراچی: پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی۔

    باغی ٹی وی : نیشنل بینک کرکٹ ایرینا کراچی میں کھیلے گئے ون ڈے سیریز کے پہلے میچ میں پاکستان نے 256 رنز کا ہدف 4 وکٹوں کے نقصان پر 49 ویں اوور میں پورا کیا۔

    پاکستان کی جانب سے وکٹ کیپر بیٹر محمد رضوان 77 رنز بنا کر ناٹ آؤٹ رہے۔ کپتان بابر اعظم 66، فخر زمان 56 اور حارث سہیل 32 رنز بنا کر آؤٹ ہوئےنیوزی لینڈ کی جانب سے مائیکل بریسویل نے 2، ٹِم ساؤتھی اور گلین فلپس نے 1،1 وکٹ حاصل کی۔

    پاکستان ڈالر کا ایکسچینج ریٹ مارکیٹ کےمطابق کرے،آئی ایم ایف

    اس سے قبل نیوزی لینڈ نے پاکستان کی دعوت پر پہلے کھیلتے ہوئے مقررہ 50 اوورز میں 9 کھلاڑیوں کے نقصان پر رنز255 اسکور کیے نیوزی لینڈ کی جانب سے مائیکل بریسویل 43 اور وکٹ کیپر بیٹر ٹام لیتھم 42 رنز بنا کر نمایا رہے۔

    گلین فلپس 37، ڈیرل مچل 36، فِن ایلن 29، کپتان کین ولیم سن 26، مچل سینٹنر 21 رنز بنا کر آؤٹ ہوئےٹِم ساؤتھی 15 جبکہ لوکی فرگوسن 1 رنز بنا کر ناٹ آؤٹ پویلین لوٹے۔

    پاکستان کی جانب سے نسیم شاہ نے 10 اوورز میں 57 رنز دے کر 5 کھلاڑیوں کو آؤٹ کیا۔ اسامہ میر 2 جبکہ محمد وسیم اور محمد نواز 1،1 وکٹ لے سکے۔

    پہلا ون ڈے، 256رنز کے ہدف میں پاکستان کی بیٹنگ جاری

  • پہلا ون ڈے، 256رنز کے ہدف میں پاکستان کی بیٹنگ جاری

    پہلا ون ڈے، 256رنز کے ہدف میں پاکستان کی بیٹنگ جاری

    کراچی: پاکستان نے نیوزی لینڈ کے خلاف 256 رنز کے تعاقب میں 9.1 اوورز میں 1 کھلاڑی کے نقصان پر 41 رنز بنالیے۔

    باغی ٹی وی: نیشنل بینک کرکٹ ارینا کراچی میں کھیلے جارہے ایک روزہ سیریز کے پہلے میچ میں نیوزی لینڈ نے مقررہ 50 اوورز میں 9 کھلاڑیوں کے نقصان پر رنز255 اسکور کیے۔

    نیوزی لینڈ کی جانب سے مائیکل بریسویل 43 اور وکٹ کیپر بیٹر ٹام لیتھم 42 رنز بنا کر نمایاں رہے گلین فلپس 37، ڈیرل مچل 36، فِن ایلن 29، کپتان کین ولیم سن 26، مچل سینٹنر 21 رنز بنا کر آؤٹ ہوئےٹِم ساؤتھی 15 جبکہ لوکی فرگوسن 1 رنز بنا کر ناٹ آؤٹ پویلین لوٹے۔

    پاکستان کی جانب سے نسیم شاہ نے 10 اوورز میں 57 رنز دے کر 5 کھلاڑیوں کو آؤٹ کیا اسامہ میر 2 جبکہ محمد وسیم اور محمد نواز 1،1 وکٹ لے سکے۔

  • پہلا ون ڈے؛ پاکستان کا نیوزی لینڈ کیخلاف ٹاس جیت کر فیلڈنگ کا فیصلہ

    پہلا ون ڈے؛ پاکستان کا نیوزی لینڈ کیخلاف ٹاس جیت کر فیلڈنگ کا فیصلہ

    پہلے ون ڈے میں پاکستان نے نیوزی لینڈ کیخلاف ٹاس جیت کر فیلڈنگ کا فیصلہ کیا ہے.

    پاکستان نے نیوزی لینڈ کے خلاف پہلے ون ڈے میچ میں ٹاس جیت کر فیلڈنگ کا فیصلہ کیا ہے۔ پاکستان اور نیوزی لینڈ کے درمیان ٹیسٹ کی طرح ون ڈے سیریز بھی کراچی ہی میں کھیلی جارہی ہے۔ سیریز کا پہلا میچ آج نیشنل بینک کرکٹ ارینا میں کھیلا جارہا ہے۔ دونوں ٹیموں کے درمیان پہلا ون ڈے دوپہر ڈھائی بجے شروع ہوگا۔
    مزید یہ بھی پڑھیں؛
    نائیجیریا میں ریلوے اسٹیشن پر ٹرین کے منتظر 32 افراد اغوا
    ٹائٹن اروم نامی پھول جو 7 سے 10 سال میں ایک بار کھلتا ہے
    کاسمیٹک مصنوعات کے نقصانات سے خبردار کرنے والی سعودی ایپلی کیشن متعارف
    آج ترکیہ کی نامور مصنفہ کالدہ ادیب خانم کا یوم وفات ہے
    قلعہ سیف اللہ کے قریب خوفناک ٹریفک حاثہ میں 7 افراد جاںبحق
    وزیر اعظم شہباز شریف وفد کے ساتھ جنیوا پہنچ گئے
    ایک کمرے میں دو دو کلاسز؛ کراچی میں سرکاری اسکول کی عمارت ٹھیکیدار نے کرائے پر دیدی
    کپتان بابراعظم کے مطابق پاکستان کی جانب سے اسامہ میر آج ڈیبیو کررہے ہیں ۔ کین ولیمسن نے کہا کہ نیوزی لینڈ کی ٹیم میں بھی ایک تبدیلی کی گئی ہے اور ہینری شپلی کو ٹیم میں شامل کیا گیا ہے۔ گزشتہ روز پریس کانفرنس کے دوران نیویز لیند کی ٹیم کے کپتان کین ولیمسن نے کہا تھا کہ پاکستان کے خلاف ون ڈے سیریز کسی چیلنج سے کم نہیں ہے، پاکستان کے خلاف ون ڈے سیریز سے انہیں رواں برس بھارت میں ہونے والے ورلڈ کپ کی تیاری کا موقع ملے گا۔

  • نیوزی لینڈ کے خلاف شاندار اننگز،حافظ نعیم الرحمان مٹھائی لے کر سرفراز کے گھر پہنچ گئے

    نیوزی لینڈ کے خلاف شاندار اننگز،حافظ نعیم الرحمان مٹھائی لے کر سرفراز کے گھر پہنچ گئے

    نیوزی لینڈ کے خلاف سیریز میں سرفراز احمد کے شاندار کم بیک پر امیر جماعت اسلامی کراچی حافظ نعیم الرحمان مٹھائی لیےان کے گھر پہنچ گئے۔

    باغی ٹی وی : ٹوئٹر پر حافظ نعیم الرحمان کی جانب سے سرفراز احمد کے گھر جانے کی ویڈیو اور تصاویر امیر جماعت اسلامی کراچی کی جانب سے ٹوئٹر پر شیئر کی گئیں جس کے ساتھ حافظ نعیم نے ٹوئٹ کی سرفراز پاکستان اور کراچی کا فخر ہیں، شاباش اور مبارکباد تو بنتی ہے۔

    پی سی بی نے راولپنڈی کی پچ کو ڈی میرٹ پوائنٹ دینے کے خلاف اپیل کردی


    ویڈیو میں حافظ نعیم کو سرفراز احمد سے ملاقات کرتے کہا کہ ہم آپ کے پاس تیسری مرتبہ آئے ہیں، جب آپ چیمپئنز ٹرافی جیتے تھے تب ہم آپ کے پاس آئے، ایک مرتبہ آپ ہارے ہم جب آئے تھے جب کوئی نہیں آیا ہم تب بھی آئے، ہم نے کہا تھا ہم سرفراز بھائی کے ساتھ ہیں۔

    دوران ملاقات حافظ نعیم الرحمٰان نے سرفراز احمد کیلئے دعا کرتے ہوئے کہا کہ الحمد لِلّٰہ جس طرح آپ نے کراچی ٹیسٹ میں پرفارم کیا، اللّٰہ تعالیٰ آپ کو بہت ساری خوشیاں دے اور آپ کی کارکردگی کو مزید بہتر بنائے، آپ نے ہمارے ملک اور شہر کا نام روشن کیا ہے، جس پر آپ مبارکباد کے مستحق ہیں-

    سرفراز کو نظر انداز کر نیوالے آج خود نظر انداز ہو رہے ہیں:سسر سرفراز احمد

    انہوں نے مزید کہا کہ اللّٰہ تعالیٰ آپ کی پرفارمنس کو مزید بہتر بنائے اور آپ کو مزید عزت سے نوازے، ہم سب کیلئے خوشی کامقام ہوتا ہے جب کوئی کھلاڑی پاکستان کیلئے پرفارم کرتا ہے، آپ کراچی کی عزت ہیں، جس پر سرفراز احمد نے حافظ نعیم کا شکریہ بھی ادا کیا۔


    واضح رہے کہ سرفراز احمد کو 4 سال بعد قومی ٹیم میں موقع ملا اور انہوں نے نیوزی لینڈ کے خلاف دو ٹیسٹ میچوں کی سیریز میں 335 رنز بنا کر اپنی کارکردگی سے سب کو حیران کر دیا ہے۔

    بھارتی میڈیا کا اپنے سیلکٹرز کو شاہد آفریدی سے سیکھنے کا مشورہ

  • پی سی بی نے راولپنڈی کی پچ کو ڈی میرٹ پوائنٹ دینے کے خلاف اپیل کردی

    پی سی بی نے راولپنڈی کی پچ کو ڈی میرٹ پوائنٹ دینے کے خلاف اپیل کردی

    لاہور: پی سی بی نے راولپنڈی کی پچ کو ڈی میرٹ پوائنٹ دینے کے خلاف اپیل کردی-

    باغی ٹی وی : پی سی بی کو راولپنڈی پچ کے ڈی میرٹ پوائنٹ کی رپورٹ آئی سی سی کی جانب سے 13 دسمبر کو موصول ہوئی تھی، آئی سی سی کی جانب سے جاری بیان میں کہا گیا تھا کہ پاک انگلینڈ پنڈی ٹیسٹ میں کئی بیٹنگ ریکارڈز بنےاس اسٹیڈیم کے 2 ڈی میرٹ پوائنٹس ہوگئے ہیں۔

    بھارتی میڈیا کا اپنے سیلکٹرز کو شاہد آفریدی سے سیکھنے کا مشورہ

    آئی سی سی کے مطابق ڈی میرٹ پوائنٹس پانچ برس تک برقرار رہیں گے اور مزید ڈی میرٹ پوائنٹس پر پنڈی وینیو کی میزبانی خطرے میں پڑ سکتی ہے۔

    حکام کے مطابق مکمل کیس تیار کر کے آئی سی سی سے اپیل کر دی، اس میں موقف اختیار کیا گیا کہ طریقہ کار کے برعکس پاک انگلینڈ ٹیسٹ کے میزبان پنڈی اسٹیڈیم کی پچ کو ڈی میرٹ پوائنٹ دیا گیا ٹرف میں باؤنس ناہموار نہیں تھا،اس کو اوسط سے کم درجے کی پچ قرار دیئے جانے کے تمام پہلو مکمل نہیں ہوتے پاکستان کرکٹ بورڈ پر امید ہے کہ ڈی میرٹ پوائنٹ واپس لیے جائیں گے۔

    ابوظہبی ٹی10 لیگ میں کرپشن اور سٹے بازی کے انکشافات،آئی سی سی نے تحقیق شروع کر دی

    یاد رہے کہ گزشتہ ماہ پاکستان اور انگلینڈ ٹیسٹ کی پچ کو اوسط سے کم درجہ کی قرار دیتے ہوئے ڈی میرٹ پوائنٹ ایوارڈ کیا گیا تھا، اس سے قبل گذشتہ سال مارچ میں آسٹریلیا سے ٹیسٹ کے اختتام پر بھی پنڈی کی پچ کو ڈی میرٹ پوائنٹ ملا تھا۔

  • عجیب بات بھارتی کھلاڑی پاکستان آتے نہیں ہمیں بھارت آکر کھیلنےکا کہتے ہیں،نجم سیٹھی

    عجیب بات بھارتی کھلاڑی پاکستان آتے نہیں ہمیں بھارت آکر کھیلنےکا کہتے ہیں،نجم سیٹھی

    چیئرمین پی سی بی نجم سیٹھی نے کہا ہے کہ عجیب بات ہے بھارتی کھلاڑی پاکستان آتے نہیں اور ہمیں بھارت آکر کھیلنے کاکہتے ہیں،

    نجم سیٹھی کا کہنا تھا کہ بی سی سی آئی اگر خودمختار ادارہ ہے تو انہیں سیاست سے دور رہنا چاہیے فیصل حسنین نے جے شاہ کو ای میلز کیے لیکن ان کی طرف سے کوئی رسپانس نہیں آیا ،ہم نے ای میلز کیے ہیں کہ ایشیا کپ کے حوالے سے کنسلٹ کیوں نہیں کیا گیا،ہمارے ہاں ایشیا کپ ہونے جارہا ہے اور ہم سے پوچھا بھی نہیں جارہا ،

    ایشین کرکٹ کونسل کا کہنا ہے کہ ایشین کرکٹ کونسل نے جمعرات کو کلینڈر اور پاتھ وے اسٹرکچر کا اعلان کیا کلینڈر کی منظوری ڈیولپمینٹ کمیٹی فنانس اینڈ مارکٹنگ نے دی ،ممبر بورڈ زکی جانب سے رسپانس موصول ہوئے ،پی سی بی کی جانب سے اس حوالے سے تبصرہ اور ترامیم موصول نہیں ہوئیں،کلینڈر کی منظوری 13 دسمبر 2022 کو اجلاس میں دی گئی

    واضح رہے کہ کرکٹ ایشیا کپ 2023 ایشیا کپ کا 16واں ایونٹ ہوگا، اور تمام میچز ایک روزہ بین الاقوامی میچوں کے طور پر ہوں گےایشیا کپ 2023 کا پہلا میچ 2 ستمبر 2023 کو ہوگا-ایشین کرکٹ کونسل(اے سی سی) نے سالانہ کلینڈر اور پاتھ وے اسٹرکچر کا اعلان کرتے ہوئے ایشیاکپ کی میزبانی پاکستان کے سپرد ہی رکھی ہے جبکہ کیلنڈر آف ایونٹس میں میزبان ملک کا ذکر نہیں، روایتی حریف پاکستان اوربھارت کوایک بارپھر ایک ہی گروپ میں رکھا گیا ہے، تیسری ٹیم کوالیفائر ون ہوگی جبکہ دوسرے گروپ میں سری لنکا، بنگلہ دیش اور افغانستان کی ٹیمیں شامل ہیں۔

    پی ایس ایل 8 کی افتتاحی تقریب کب ہو گی؟ تاریخ سامنے آ گئی

    24 ابتدائی کھلاڑیوں میں سے کون حتمی ون ڈے اسکواڈ میں ہوگا؟ کل پتے لگ جان گے

    پہلی ٹیسٹ سنچری پر مبارکباد:عبوری چیف سلیکٹرشاہد آفریدی کا زبردست خراج تحسین