Tag: کھیل

بھارت اور نیوزی لینڈ کے درمیان دوسراون ڈے،بھارتی کپتان روہت شرما ٹاس جیت کر فیصلہ لینا بھول گئے-

باغی ٹی وی: گزشتہ روز نیوزی لینڈ کے خلاف دوسرے ون ڈے میچ میں بھارتی کپتان روہت شرما ٹاس جیت کر یہ بھول گئے کہ انہوں نے بیٹنگ یا بولنگ میں سے کیا کرنا ہے۔

فیفا ورلڈ کپ ٹرافی جیتنے پر خراج تحسین،کسان نے مکئی کے کھیت میں میسی کی تصویر بنا دی

سوشل میڈیا پر وائرل ویڈیوبھارتی شہر رائے پور میں کیویز کے خلاف ہونے والے میچ کے ٹاس کے لیے پچ پر بھارتی کپتان روہت شرما، کیوی کپتان ٹام لیتھم ، پریزنٹر روی شاستری اور میچ ریفری موجود تھے۔

Rohit Sharma forgets the team's decision after winning the toss. 😂 pic.twitter.com/FsAOyXnQZI

— Mufaddal Vohra (@mufaddal_vohra) January 21, 2023

روہت شرما نے سکہ ہوا میں اچھالا ،کیوی کپتان نے ہیڈ کی کال کی لیکن سکے پر ٹیل آیا اور بھارت نے ٹاس جیت لیا ٹاس جیتنے پر میچ ریفری نے روہت کی جانب دیکھا اور ان کا بیٹنگ یا بولنگ کرنے کا فیصلہ سننا چاہا پر حیرت انگیز طور پر بھارتی کپتان غیر معولی وقت تک یہ بھول گئے کہ انہوں نے ٹاس جیت کر کیا فیصلہ لینا ہے۔

اس دوران روہت دماغ پر زور ڈال کر سوچتے ہوئے نظر آئے، تاہم کچھ سکینڈز بعد بھارتی کپتان نے میچ ریفری کو بتایا کہ وہ بولنگ کریں گے، روہت کی جانب سے فیصلے کی تاخیر پر کیوی کپتان اور پیچھے کھڑے کھلاڑی بھی حیران ہوتے ہوئے مسکرائے۔

دوسری جانب سوشل میڈیا پر اس واقعہ کی ویڈیو وائرل ہوگئی جس پر بھارتی کپتان روہت شرما کو کافی ٹرول کیا جارہا ہے۔

Kohli on Rohit Sharma 😂😂😂 pic.twitter.com/U7Uv2eVCIT

— Rahul Sutar (@JaMeS_b0n_07) January 21, 2023

واضح رہے کہ ماضی میں بھارتی کرکٹر ویرات کوہلی روہت شرما کی چیزیں بھول جانے کی عادت کے بارے میں بتا چکے ہیں ویرات کوہلی نے ایک شو میں بتایا تھا جتنی چیزیں روہت شرما بھولتا ہے اتنا میں نے کسی کو نہیں دیکھا چیزیں بھولتے ہوئے۔

آئی سی سی بھی آن لائن فراڈ کا شکار ہو گیا

آسٹریلین ویمن ٹیم نے پاکستان کو تیسرے ون ڈے میچ میں 101 رنز سے شکست دے کر ون ڈے سیریز میں کلین سوئپ کردیا۔

باغی ٹی وی: آسٹریلیا کے شہر سڈنی میں جاری میچ میں پاکستان ٹیم نے ٹاس جیت کر پہلے فیلڈنگ کا فیصلہ کیا، میزبان ٹیم نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 336 رنز بنائے، آسٹریلوی پلیئر بیتھ مونی نے 133 جبکہ میگ لیننگ 72 اور تاہلیا میگرا نے 30 رنز بنائے۔

پاکستان اور آسٹریلیا کی وومن کرکٹ ٹیموں کے درمیان تیسرا اور آخری ون ڈے میچ کل ہو گا

پاکستان کی جانب سے فاطمہ ثنا نے 3، ندا ڈار اور ڈیانا بیگ نے 2،2 کھلاڑیوں کو آؤٹ کیا-

آسٹریلیا کے 336 رنز کے ہدف کے تعاقب میں پاکستان ویمن ٹیم مقررہ 50 اوورز میں 7 وکٹوں کے نقصان پر 235 رنز بنا سکی اور شکست سے دوچار ہوئی۔

منیبہ علی 27 اور طوبہ حسن بغیر رنز بنائے وکٹ پر موجود رہیں۔ اس سے قبل اوپنر صدر شمس 30 اور سدرہ امین 34 رنز بنا کر آؤٹ ہو گئیں، ندا ڈار بھی 29 رنز بنا کر پویلین لوٹ گئیں۔ بعدازاں بسمہ معروف 44 اور عائشہ نسیم بغیر کوئی رن اسکور کیے گارڈنر کا شکار بنیں۔

قومی کرکٹرشان مسعود رشتہ ازدواج میں منسلک ہوگئے

میچ کے آخری مرحلے میں عمیمہ سہیل 21 رنز بنا کر آؤٹ ہوگئیں، فاطمہ ثنا نے بھی ٹیم کا دفاع کرتے ہوئے 17 رنز کی اننگز کھیلی اور پویلین لوٹ گئیں۔

آسٹریلیا کی جانب سے 133 رنز بنانے والی بیتھ مونے کو میچ اور سیریز کی بہترین پلیئر کے اعزاز سے نوازا گیا جب کہ بولنگ کرتے ہوئے آشلے گارڈرنر نے 3، جیس جوناسین نے 2 اور انابیل سوتھرلینڈ نے 1 وکٹیں حاصل کیں۔

نئی دہلی کی پولیس نے بھارتی ٹیم کے سابق کپتانوں مہیندرا سنگھ دھونی اور ویرات کوہلی کی بیٹیوں کے لیے سوشل میڈیا پر نامناسب کمنٹس کرنے والوں کے خلاف کریک ڈاؤن شروع کردیا۔

باغی ٹی وی: بھارتی میڈیا کی رپورٹس کے مطابق دہلی خواتین کمیشن کی صدر سواتی مالیوال نے ویرات کوہلی کی بیٹی وامیکا اور ایم ایس دھونی کی بیٹی زیوا سے متعلق سوشل میڈیا پوسٹس پر نفرت انگیز کمنٹس کرنے والوں کے خلاف پولیس کو تحریری درخواست جمع کروائی تھی –

मेरी नोटिस के बाद दिल्ली पुलिस ने @ImVKohli और @MSDhoni की बेटियों पर हुई अभद्र टिपण्णियों के मामले में FIR दर्ज कर ली है। बहुत जल्द सभी दोषी गिरफ़्तार होंगे और सलाख़ों के पीछे जाएँगे। pic.twitter.com/IPFE7Uky0x

— Swati Maliwal (@SwatiJaiHind) January 16, 2023

بھارتی میڈیا کے مطابق گزشتہ ہفتے سواتی نے ٹوئٹ کے ذریعے بتایا کہ انہوں نے یہ محسوس کیا ہے کہ کوہلی اور دھونی کی بیٹیوں کے خلاف کچھ لوگ نامناسب کمنٹس کرتے ہیں جب کہ ان کی عمریں صرف 2 اور 7 برس ہیں۔

سواتی مالیوال نے ایف آئی آر درج ہونے کا ٹوئٹر پر بتایا اور ساتھ ہی کوہلی اور دھونی کو بھی مینشن کیا۔

سواتی مالیوال نے کہا کہ چھوٹی بچیوں کے خلاف اس طرح کے نازیبا الفاظ اور بیانات دینے والے سوشل میڈیا صارفین سلاخوں کے پیچھے ہوں گے۔

بابر اعظم کے خلاف مہم، پی سی بی کی آسٹریلوی ٹی وی چینل کو شٹ اپ کال

درخواست کے نتیجے میں دہلی پولیس نے مقدمہ درج کیا اور اب اس کے خلاف کارروائی کی جائے گی۔

یاد رہے کہ گزشتہ برس ٹی ٹوئنٹی ورلڈکپ میں بھارت کی پاکستان سے ہار کے بعد ہندو انتہا پسندوں نے شکست کا ذمہ دار بھارتی بولر محمد شامی کو ٹھہراتے ہوئے انہیں غدار قرار دیااس کے بعد بھارتی کرکٹ بورڈ اور ویرات کوہلی نے محمد شامی کی حمایت میں ٹوئٹس کیں۔

ویرات کی جانب سے شامی کی حمایت کرنے پر ہندو انتہا پسندوں نے کوہلی اور انوشکا شرما کی بیٹی کو نشانہ بنایا اور ریپ کی دھمکیاں ملیں تھیں-

ہر بیٹی کی پیدائش پر قسمت بدلتے دیکھا ہے،شاہد آفریدی

خواتین کا بین الاقوامی فٹبال ٹورنامنٹ جاری

سعودی عرب میں فرسٹ الیون اے سائیڈ انٹرنیشنل ویمن فٹبال ٹورنامنٹ جاری ہے۔ سعودی عرب کی طرف سے اس ٹورنامنٹ کی نگرانی و میزبانی فیفا کی طرف سے پہلی سعودی فٹبال ریفری بننے کا اعزاز پانے والی انود الاسماری کر رہی ہیں۔ ٹورنا منٹ میں مملکت کی قومی ویمن فٹبال ٹیم کے علاوہ کوموراس، پاکستان، اور ماریشس کی ویمن فٹبال ٹیمیں شریک ہیں۔ بدھ کے روز شہزادہ سعود بن جلاوی سٹیڈیم میں اس دوستانہ ٹورنامنٹ کا آغاز کیا گیا تھا۔

ICYMI: #SaudiArabia is hosting its first-ever women’s 11-a-side international #football tournament, which is being officiated by the Kingdom’s first FIFA-licensed female referee Anoud al-Asmari.https://t.co/AYhrBj6AR9

— Al Arabiya English (@AlArabiya_Eng) January 13, 2023

عالمی خبر رساں ادارے کے مطابق سعودی فٹبال ٹیم نے ایک گول سے ماریشس کی ٹیم کو شکست دی۔ سعودی ٹیم کی طرف سے یہ اکلوتا گول مریم التمیمی نے کیا۔ ماریشس کی ٹیم کوئی گول نہ کر سکی۔ یہی صورت حال پاکستان اور کوموراس کے درمیان پیش آئی اور پاکستانی ٹیم کی انمول ہیرا نے ایک گول کیا۔ جس سے پاکستانی ٹیم نے میچ ایک صرف سے جیت لیا۔
مزید یہ بھی پڑھیں؛
رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
لیپ ٹاپ گم ہونے پر گاہک نےغصے میں اپنی کار ہوٹل پر دے ماری
نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
خیال رہے 2026 میں سعودی عرب ویمن ایشین کپ کی میزبانی کرنے کا خواہشمند ہے۔ اس سلسلے میں سعودی عرب ایک تکڑا امیدوار ہے کہ ایشین فٹ بال کانفیڈریشن میزبانی کا حق اسے دے۔ 2026 سے پہلے سعودی انود الاسماری کو فیفا کی طرف سے باضابطہ ریفری بنانے کا اعلان اور جاری بین الاقوامی ٹورنامنٹ سعودی خواتین کی کھیلوں اورخصوصاً فٹ بال میں دلچسپی کا اندازہ کیا جاسکتا ہے۔