Tag: کھیل

یواے ای کی لیگ آئی ایل ٹی 20 کی ٹرافی کی رونمائی
یواے ای کی کرکٹ لیگ آئی ایل ٹی 20 کی ٹرافی کی رونمائی کردی گئی۔ متحدہ عرب امارات کے وزیر رواداری اور ہم آہنگی اور امارات کرکٹ بورڈ کے چیئرمین عزت مآب شیخ نھیان بن مبارک آل نھیان نے ٹرافی کی نقاب کشائی کی۔ تقریب میں جے مہتا (ابوظبی نائٹ رائیڈرز)، پال ووئٹ (ڈیزرٹ وائپرز)، کرن گراندھی (دبئی کیپٹلز)، پرانوو اڈانی (گلف جائنٹس)، نکھیل میسوانی (ایم آئی امارات)، راجیش شرما (شارجہ واریئرز) کے علاوہ کرکٹ کے عظیم کھلاڑیوں ڈوین براوو، وسیم اکرم، سائمن ڈول، رابن اتھپا، اور بریٹ لی نے شرکت کی۔

چاندنی سے بنی اس ٹرافی میں متحدہ عرب امارات کے بھرپور ورثہ اور ثقافت کی عکاسی کی گئی ہے۔ امارات کے قومی پرندے صقر کے آنسو کو ٹرافی کی شکل دی گئی ہے۔ اس پرایک 7 نکات کا تاج سجایا گیا ہے جو یواے ای کی 7 ریاستوں کی عکاسی کرتا ہے۔ اس کی تاج کی شکل الظفرہ میں واقع تل موریب کے ریت کے ٹیلوں کی ہے جسے دنیا کے سب سے طویل ریت کے ٹیلے تصور کیا جاتا ہے۔ ٹرافی کی اونچائی 830 ملی میٹر ہے جو ملک کی سب سے بڑی عمارت برج خلیفہ کی 830 میٹر بلندی کی علامت ہے۔

امارات کرکٹ بورڈ کے جنرل سیکریٹری مبشر عثمانی نے کہا کہ آئی ایل ٹی 20 ٹرافی نے اپنے سفر کا آغاز کردیا ہے یہ اہم سنگ میل ہے۔

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

یواے ای کے ولی عہد کی اسرائیلی صدر کو دورے کی دعوت

آئرلینڈ ویمنز کرکٹ ٹیم کے دورہ پاکستان کا شیڈول جاری

آئرلینڈ کی ویمنز کرکٹ ٹیم تین ون ڈے انٹرنیشنل اور تین ٹی ٹونٹی انٹرنیشنل میچز پر مشتمل سیریز کھیلنے 4 سے 16 نومبر تک پاکستان کا دورہ کرے گی۔

آئی سی سی ویمنز چیمپئن شپ میں شامل اس سیریز میں قومی خواتین کرکٹ ٹیم اپنا پہلا ایک روزہ انٹرنیشنل میچ 4 نومبر کو قذافی اسٹیڈیم لاہور میں کھیلے گی۔مہمان اسکواڈ 29 اکتوبر کو لاہور پہنچے گا، جہاں وہ چار روز ٹریننگ کے بعد 4، 6 اور 9 نومبر کو تین ون ڈے انٹرنیشنل میچز کھیلے گا۔تین میچز پر مشتمل ٹی ٹونٹی انٹرنیشنل سیریز 12، 14 اور 16 نومبر کو کھیلی جائے گی۔

ہیڈآف ویمنز کرکٹ پی سی بی تانیہ ملک کا کہنا ہے کہ رواں سال کراچی میں کامیابی سے سری لنکا کی میزبانی کے بعد وہ اب لاہور میں آئرلینڈ ویمنز کرکٹ ٹیم کی میزبانی کے لیے پرجوش ہیں۔انہوں نے ویمنز کرکٹ فینز سے درخواست کی ہے کہ وہ یہ میچز دیکھنے کے لیے زیادہ سے زیادہ تعداد میں اسٹیڈیم کا رخ کریں۔سیریز میں شامل تمام ون ڈے اور ٹی ٹونٹی انٹرنیشنل میچز صبح دس بجے شروع ہوں گے۔

محمد رضوان آئی سی سی پلئیر آف دی منتھ قرار،بولے اعزاز سیلاب زدگان کے نام کر رہا ہوں

قومی وکٹ کیپر بیٹر محمد رضوان آئی سی سی پلئیر آف دی منتھ قرار دے دیئے گئے

محمد رضوان کو بہترین کارکردگی پر ستمبر کا بہترین پلیئر قرار دیا گیا محمد رضوان نے 10 میچوں میں 7 نصف سنچریاں بنائیں محمد رضوان نے انگلینڈ سیریز میں 63.20 کی اوسط سے 316 رنز بنائے محمد رضوان ٹی ٹوئنٹی رینکنگ میں بھی پہلی پوزیشن پر موجود ہیں ، آئی سی سی نے پلیئر آف دی منتھ کے لیے پاکستان کے وکٹ کیپر بیٹر محمد رضوان، آسٹریلیا کے کیمرون گرین اور بھارت کے اکسر پٹیل کو نامزد کیا تھا

محمد رضوان کا کہنا تھاکہ ایوارڈ جیتنے پر اللہ کا شکر ادا کرتا ہوں، اعزازمیرے اعتماد میں مزید اضافہ کریگا، اپنی کارکردگی سے خوش ہوں، اچھی کارکردگی کا تسلسل آسٹریلیا میں جاری رکھنے کی کوشش کرونگا،اپنا اعزاز سیلاب متاثرین کے نام کررہا ہوں، امید ہے یہ اعزاز سیلاب متاثرین کے چہرے پر خوشی بکھیر دے گا،

قائداعظم ٹرافی میں شامل ٹیموں کے اسکواڈز اور شیڈول کا اعلان کردیا گیا

نیشنل ٹی ٹونٹی اور کرکٹ ایسوسی ایشنز ٹی ٹونٹی کے کامیاب انعقادکے بعد پاکستان ڈومیسٹک کرکٹ سیزن اب دوسرے مرحلے میں داخل ہوچکا ہے، جہاں طویل طرز کی کرکٹ پر مشتمل قائداعظم ٹرافی اور کرکٹ ایسوی ایشنز چیمپئن شپ جیسے ٹورنامنٹس شامل ہیں۔ یہ دونوں ایونٹس 27 ستمبر بروز منگل سے شروع ہوں گے۔

ان دونوں ٹورنامنٹس کے لیے اسکواڈز کو حتمی شکل قومی کرکٹ کے چیف سلیکٹر محمد وسیم نے کی ہے۔ اس دوران انہوں نے تمام کرکٹ ایسوسی ایشنز کے کوچز سے بھی مشاورت کی۔ٹیسٹ کرکٹر زیاسر شاہ، اظہر علی، حسن علی، سرفراز احمد اور عمر امین کے علاوہ خالد عثمان بالترتیب بلوچستان، سینٹرل پنجاب، سدرن پنجاب، سندھ، ناردرن اور خیبرپختونخوا کی قیادت کریں گے۔

دس راؤنڈز پر مشتمل ڈبل راؤنڈ رابن کی بنیاد پر کھیلا جائے گا۔ایونٹ کے پہلے پانچ راؤنڈز ایبٹ آباداسٹیڈیم، اقبال اسٹیڈیم فیصل آباد اور پنڈی اسٹیڈیم میں کھیلے جائیں گے۔ ٹورنامنٹ کے بقیہ پانچ راؤنڈز کے میچزایبٹ آباد اور راولپنڈی کے علاوہ قذافی اسٹیڈیم لاہوراور ملتان کرکٹ اسٹیڈیم میں کھیلے جائیں گے۔ فائنل کے وینیو کا اعلان بعد میں کیا جائے گا۔

اس دوران پنڈی اسٹیڈیم راولپنڈی میں کھیلے جانے والے ابتدائی 8 راؤنڈ کے میچز کی براہ راست کوریج کی جائے گی۔ یہ میچز پی سی بی کے یوٹیوب چینل پر براہ راست نشر کیے جائیں گے۔ اگلے دو راؤنڈکے میچز کی لائیو کوریج کی تفصیلات بعد میں جاری کی جائے گی۔ اسی طرح ٹورنامنٹ کا فائنل پی ٹی وی اسپورٹس پر براہ راست نشر کیا جائے گا۔

پاکستان کرکٹ بورڈ نے حال ہی میں ڈومیسٹک کھلاڑیوں کو سراہنے کے لیے میچ فیس میں اضافہ کیا ہے۔ اس کے علاوہ قائداعظم ٹرافی کی فاتح ٹیم کو ایک کروڑ روپے کی انعامی رقم دینے کا اعلان بھی کیا ہے۔ٹورنامنٹ کی رنرزاپ ٹیم کو 50 لاکھ روپے کی انعامی رقم دی جائے گی۔

اسی طرح کرکٹ ایسوسی ایشنز کی سیکنڈ الیون ٹیمیں 27 ستمبر سے شروع ہونے والی کرکٹ ایسوسی ایشنز چیمپئن شپ میں مدمقابل آئیں گی۔ 27 ستمبر سے شروع ہونے والے اس ٹورنامنٹ میں بھی میچز چار روز پر مشتمل ہوں گے۔

23 نومبر تک جاری رہنے والے ٹورنامنٹ کے میچز کراچی میں کھیلے جائیں گے۔ بگٹی اسٹیڈیم کوئٹہ ایونٹ کے چھٹے سے آٹھویں راؤنڈ کے میچز کی میزبانی کرے گا۔ ایونٹ کی دفاعی چیمپئن سندھ اپنی کمپئن کا آغاز سینٹرل پنجاب کے خلاف میچ سے کرے گا۔

کیرن پولاڈ، ڈیوڈ ملر، کرس لیان کی ابوظبی ٹی 10 میں شرکت کی تصدیق
امریکہ کی 2 نئی فرینچائز کی ٹورنامنٹ میں شمولیت
ڈرافٹنگ کی تقریب 26 ستمبر 2022 کو ابوظبی میں ہوگی
کرکٹ کا تیز ترین فارمیٹ رواں موسم موسم سرما میں نئی رنگینیوں کے ساتھ لوٹ رہا ہے جس میں ڈوین براوو ، کیرون پولارڈ ، کرس لین اور ڈیوڈ ملر رواں سال ابوظبی ٹی 10 آئیکون کھلاڑی کے طور پر منتخب ہوئے ہیں۔ براوو کو دہلی بلز نے برقرار رکھا ہے ، جبکہ لین میزبان شہر کی فرنچائز ٹیم ابوظبی میں میں سرفہرست ہیں۔ بنگلہ ٹائیگرز نے شکیب الحسن کا انتخاب کیا ہے، داسن شانکا چنئی بریوز اسکواڈ کا حصہ ہیں اور دو بار کی فاتح ناردرن واریئرز نے وانندو ہاسارنگا کو برقرار رکھا ہے. موجودہ چیمپئن دکن گلیڈی ایٹرز نے ٹرافی کے دفاع سے قبل اسٹار کپتان آندرے رسل کو اپنا آئیکون کھلاڑی کے طور پر لیا ہے۔

رواں سال امریکہ کی دو نئی فرنچائزز بھی متعارف ہورہی ہیں ۔ نیو یارک اسٹرائیکرز اور مورس ویل ایس اے ایم پی آرمی۔ نیو یارک اسٹرائیکرز نے پولارڈ کو ے جبکہ مورس ویل ایس اے ایم پی آرمی نے ملر کو آئیکون کھلاڑی کے طور پر چنا ہے۔
وائٹ بال کرکٹ کی تاریخ کے سب سے تباہ کن اور کامیاب کھلاڑیوں میں سے ایک پولارڈ نیو یارک اسٹرائیکرز میں انگلینڈ کے 2019 ون ڈے ورلڈ کپ جیتنے والے کپتان ایون مورگن کے ساتھ کھیلیں گے ۔ مورس ویل ایس اے ایم پی آرمی میں آئی پی ایل کی حالیہ فاتح گجرات ٹائٹنز کے ساتھ اپنے ہم وطن ملر کے ساتھ شامل ہوگئے ہیں۔ اور اینرچ نورٹیج نے معین علی اور شمرون کے ساتھ پلاٹینیم کھلاڑی کے طور دستخط کئے ہیں۔

ٹی 10 اسپورٹس مینجمنٹ کے چیئرمین شجیع الملک نے کہا ہے کہ "مجھے امریکہ سے مورس ویل اسمپ آرمی اور نیو یارک اسٹرائیکرز کو اپنے ابوظبی ٹی 10 گھرانے میں خوش آمدید کہتے ہوئے خوشی ہورہی ہے۔لیگ کے لئے ہمارا مقصد ابوظبی ٹی 10 کو بین الاقوامی کرکٹ کیلنڈر پرایک غیر معمولی ایونٹ کے طور پر جگہ دینا ہے اور شائقین کی تعداد میں اضافہ کرنا تھا ہمیں دنیا بھر میں دیکھنے والوں کی تعداد 34 کروڑ 20 لاکھ کے قریب ہوچکی ہے۔ امریکہ سے 2 نئی ٹیموں آنے سے ہم ٹورنامنٹ کو کامیابی سے فروغ دینے کا سلسلہ جاری رکھیں گے کیونکہ براعظموں میں کرکٹ کا تیز ترین فارمیٹ تیزی سے ترقی کررہا ہے۔ ہمیں رواں سیزن میں آئیکون اور پلاٹینم کھلاڑیوں کے طور پر بڑے کھلاڑیوں کو جمع کرنے پر فخر ہے امید ہے کہ ٹورنامنٹ کے چھٹے ایڈیشن کو شائقین کرکٹ کی بڑی تعداد دیکھنے اسٹیڈیم آئے گی۔

نیویارک اسٹرائیکرز کے مالک ساگر کھنہ نے کہا کہ وہ ٹی 10 کے سفر کا حصہ بننے پر بہت خوش ہوں اور وہ واقعی اس سیزن کے شدت سے منتظر ہیں نیو یارک اسٹرائیکرز ابوظبی ٹی 10 کا جذبہ پورا کرنے میں اپنے قدم آگے بڑھائے گی ابوظبی ٹی 10 کرکٹ کیلنڈر کے بہترین ایونٹس میں سے ایک ہے اور مجھے یقین ہے کہ نیو یارک اسٹرائیکرز ٹورنامنٹ میں مزید رنگ بھردے گی۔

مورس ویل سمپ آرمی کے مالک رتیش پٹیل نے کہا ہے کہ یہ اسمپ آرمی کے لئے ایک نئے اور دلچسپ باب کا آغاز ہے. ابوظبی ٹی 10 ایک انوکھا اور انتہائی مسابقتی مقابلہ ہے جو دنیا بھر کے صف اول کے کھلاڑیوں کو یکجا کرتا ہے یہ ہمیں دنیا کے کچھ بہترین کھلاڑیوں کے خلاف مقابلہ کرنے اور اپنے آپ کو آزمانے کا بہترین موقع دیتا ہے۔ وہ اس سیزن کے شروع ہونے کے منتظر ہیں۔ ابوظبی ٹی 10 کا چھٹا سیزن 23 نومبر سے زاید کرکٹ اسٹیڈیم میں شروع ہوگا جس فائنل 4 دسمبر کو کھیلا جائے گا۔رواں سال کے سفر میں 6 ٹیموں کے علاوہ امریکہ سے تعلق رکھنے والی 2 نئی ٹیمیں نیو یارک اسٹرائیکرز اور مورس ویل ایس اے ایم پی آرمی بھی شامل ہوں گی یوں رواں سال 8 ٹیموں میں مقابلہ ہوگا۔ جنہیں 10 اوور کی اننگز کھیلنا ہوگی۔ ابتدائی آئیکون اور پلاٹینم کھلاڑیوں کے انتخاب اور برقرار رکھے جانے کے بعد 8 فرینچائز میں بہت زیادہ اسٹار کھلاڑی نظر آئیں گے۔

تمام 8 اسکواڈز حتمی شکل دینے کے لئے 26 ستمبر کو ابوظبی میں کھلاڑیوں کا چناؤ ہوگا جہاں ہرایک ٹیم ایک بین الاقوامی ابھرتا کھلاڑی اور یواے ای کے 3 کھلاڑیوں کو منتخب کرے گی۔ ٹورنامنٹ کے فارمیٹ کے تحت تمام 8 ٹیمیں سنگل راؤنڈ رابن میں ہر ایک ٹیم سے مقابلہ کرے گی جن میں سے 4 صف اول کی ٹیمیں پلے آف میں جائیں گی جس کے بعد کوالیفائرز اور ایک ایلیمینیٹر کا میچ ہوگا جس میں 2 فائنل کھیلنے والی ٹیموں کا فیصلہ ہوگا۔

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

یواے ای کے ولی عہد کی اسرائیلی صدر کو دورے کی دعوت