Tag: یوکرین

واشنگٹن: امریکی حکام نے کہا ہے کہ صدر جو بائیڈن کی انتظامیہ بہت جلد یوکرین کے لیے 1.8 ارب ڈالر کی فوجی امداد کے پیکج کا اعلان کرے گا جس میں پیٹریاٹ میزائل سسٹم بھی شامل ہوگا۔

باغی ٹی وی : غیر ملکی خبر ایجنسی کے مطابق فوجی امدادی پیکج میں پیٹریاٹ میزائل بیٹری کے علاوہ یوکرین کے جنگی طیاروں کے لیے پریسیشن گائیڈڈ بم بھی فراہم کیے جائیں گے امریکی حکام نے نام ظاہر نہ کرنے کی شرط پر امدادی پیکج کی تفصیلات بیان کی ہیں۔

بھارتی دوا ساز کمپنی پرگیمبیا میں 69 بچوں کی ہلاکت کا جرم ثابت،انکوائری کمیٹی کا سخت کاروائی کا…

دوسری جانب، اطلاعات کے مطابق یوکرینی صدر وولودومیر زیلنسکی جلد واشنٹگن پہنچنے والے ہیں جہاں وہ امریکی صدر جو بائیڈن سے ملاقات کریں گے یوکرینی صدر کے ترجمان نے اس حوالے سے کوئی جواب دینے سے گریز کیا ہے جبکہ سیکیورٹی خدشات یوکرین کے صدر کو اپنا منصوبہ تبدیل کرنے پر مجبور بھی کر سکتے ہیں۔

تاہم العربیہ نے اپنی رپورٹ میں بتایا کہ یوکرینی صدر ولادیمیر زیلنسکی روس کے یوکرین پر حملے بعد پہلی بار آج بدھ کے روز امریکی دورے پر پہنچ رہے ہیں۔ صدر جوبائیڈن اور امریکی عسکری حکام کے علاوہ ارکان کانگریس بھی ان کی ملاقاتیں شیڈول میں شامل ہیں۔ کانگریس کے مشترکہ اجلاس سے خطاب بھی کریں گے-

مشترکہ پریس کانفرنس کے بعد صدر زیلنسکی کانگریس کے مشترکہ اجلاس سے خطاب کے لیے کیپیٹل ہل جائیں گے۔ تاہم ان کا امریکا کو دورہ انتہائی مختصر بتایا جا رہا ہے۔ جو امکانی طور پر چند گھنٹوں پر محیط ہوگا۔

کینیڈا: ٹورنٹو میں فائرنگ کے واقعے میں 5 افراد ہلاک،حملہ آور بھی مارا گیا

واضح رہے کہ روس اور یوکرین کے درمیان جنگ کئی ماہ سے جاری ہے، امریکا نے یوکرین کے دفاعی نظام کو مضبوط کرنے کے لیے فوجی امدادی پیکج دینے کا فیصلہ کیا ہے امریکہ کی کوشش رہی ہے کہ روس اور یوکرین جنگ کا براہ راست حصہ نہ بنے، تاہم اس نے یوکرین کو اسلحے کی ترسیل کے سلسلے میں کوئی کمزوری نہیں دکھائی ہے۔ اب پیٹریاٹ میزائلوں کی یوکرین کو ترسیل اس سلسلے کی انتہائی اہم کڑی ہو گی۔

امریکہ کی طرف سے اس بارے میں ابتدائی اطلاع چند روز قبل سامنے آئی تھی ۔ لیکن اس اہم ترین اور جدید ترین فوجی امدادی پیکج کو حتمی شکل اس اہم دورے کے موقع پر دی جائے گی خیال رہے پیٹریاٹ میزائل کا یہ امدادی پیکج دو ارب ڈالر مالیت کا ہو گا۔

امریکی حکام کا کہنا ہے کہ پیٹریاٹ میزائل یوکرین کو دیئے جائیں گے اور اس سلسلے میں ایک تیسرے ملک میں یوکرینی فوجیوں کو پیٹریاٹ میزائل استعمال کرنے کی تربیت دی جائے گی۔ تاہم اس تربیتی عمل میں بھی امریکی انسٹرکٹر شامل نہیں ہوں گے۔

سال 2023 رواں سال کے مقابلے میں زیادہ گرم ہو گا،برطانوی سائنسدان

سابق امریکی وزیرخارجہ ہنری کیسنجر نے یوکرین کے تناظر میں ایک اور جنگ عظیم روکنے کیلئے اپنا فارمولہ دے دیا کہا ہے کہ یوکرین کے تنازع میں دنیا ایک اہم موڑ پر آ سکتی ہے اور امن کے حصول کے لیے مذاکرات پر زور دیا ہے۔

باغی ٹی وی : یوکرین صورتحال کا حل مذاکرات سے نکالنے پر زور دیتے ہوئے ہنری کیسنجر نے کہا ہے کہ علاقے میں جو اسٹریٹیجک تبدیلیاں آچکی ہیں ان کی بنیاد پر نیا عالمی نظام بنایا جائے انہوں نے اپنے خیالات کا اظہار ایک مہمان مضمون میں کیا جو جمعہ کو برطانیہ کے ایک ہفتہ وار اسپیکٹیٹر نے اپنی ویب سائٹ پر شائع کیا۔

امریکی سینیٹ میں تاریخ کا سب سے بڑادفاعی بجٹ منظور

کیسنجر نے لکھا کہ موسم سرما یوکرین میں بڑے پیمانے پر فوجی کارروائیوں کو روک رہا ہے، اس کا موازنہ اگست 1916 کی صورت حال سےکرتے ہیں جب پہلی عالمی جنگ کے اہم مغربی جنگجوؤں نےتنازعہ کو پرامن طریقے سے ختم کرنے کے لیے امریکی ثالثی کی کوشش کی۔

انہوں نے کہا کہ اس وقت کے امریکی صدر ووڈرو ولسن نے آئندہ امریکی صدارتی انتخابات کا سامنا کرتے ہوئے وہ لمحہ گنوا دیا جب سفارت کاری قتل عام کو روک سکتی تھی اور لاکھوں جانیں بچا سکتی تھی۔

کیسنجر نے لکھا کہ کیا آج دنیا خود کو یوکرین میں ایک موازنی موڑ پر پا رہی ہے کیونکہ موسم سرما وہاں بڑے پیمانے پر فوجی کارروائیوں کو روک دیتا ہے؟ میں نے بارہا یوکرین میں روس کی جارحیت کو ناکام بنانے کے لیے اتحادی فوجی کوششوں کے لیے اپنی حمایت کا اظہار کیا ہے۔ لیکن وقت قریب آ رہا ہے۔ ان اسٹریٹجک تبدیلیوں کو آگے بڑھانا جو پہلے ہی مکمل ہو چکی ہیں اور انہیں مذاکرات کےذریعے امن کے حصول کے لیے ایک نئے ڈھانچے میں ضم کرنے کے لیے-

بھارتی حکومت چین کیجانب سےجنگ کے خطرے کو نظراندازکرکے سورہی ہے،راہول گاندھی

برطانوی میگزین میں لکھے اپنے مضمون میں ہنری کیسنجر نے کہا کہ یوکرین پہلی بار وسطی یورپ کا اہم ملک بن چکا ہے، یوکرین نے روس کی روایتی فورسز کو بڑھنے سے روکا ہے، ساتھ ہی چین سمیت عالمی نظام روس کے ممکنہ ایٹمی حملوں کی مخالفت کر رہا ہے۔

انہوں نے لکھا کہ صورتحال کا تقاضا ہے کہ امن عمل سے یوکرین کی نیٹو رکنیت کو جوڑا جائے کیونکہ فن لینڈ اور سوئیڈن کی نیٹو میں شمولیت کے بعد یوکرین کا نیوٹرل رہنا بے معنیٰ ہو چکا ہے۔

ہنری کیسنجر نے کہا کہ روس نے یوکرین کےجن حصوں پر قبضہ کیا ہے، اس پر جنگ بندی کے بعد بات ہو، روس کے زیر قبضہ یوکرینی علاقے واپس نہ لیے جا سکیں تو حق خودارادیت دینے پر بات کی جائے اور وہاں عالمی نگرانی میں ریفرنڈم کرایا جائے، امن کے دو اہداف ہوں، یوکرین کی آزادی اور وسطی اور مشرقی یورپ کا نیا اسٹرکچر۔

ہنری کیسنجرنے زور دیا کہ روس کو بھی نئے عالمی اسٹرکچر کا حصہ بنایا جائے کیونکہ نصف صدی سے روس نے طاقت کے عالمی توازن میں کردار ادا کیا ہے اور فوجی نقصان نے بھی یوکرین کے خلاف روسی جارحیت بڑھنے کا خطرہ کم نہیں کیا۔

چین اور شمالی کوریا کی دھمکیوں کے پیش نظر جاپان کی دفاعی اورسیکورٹی پالیسی میں بڑی…

ہنری کیسنجر نے کہا کہ یہی نہیں عالمی سطح پر نیوکلیئر ہتھیاروں سے روسی حملے کی صلاحیت بھی ختم نہیں ہوئی روس ٹوٹا تو 11 ٹائم زونز پر پھیلے ملک میں نئے تنازعات جنم لیں گے، دیگر ممالک طاقت کے ذریعے اپنےعلاقوں کو وسعت دینے کی کوشش کریں گے۔

ہنری کیسنجر نے خبردار کیا کہ یوکرین تنازعہ بڑھا تو مصنوعی ذہانت پرمبنی ہتھیاروں کا استعمال شروع ہو سکتا ہے، خطرے کوبھانپ کرہدف بنانے والے ہتھیار چلے تو نئی جنگ چھڑ جائے گی اور کمپیوٹروں نے حکمت عملی پرعمل کیا تو تہذیب کا تحفظ ناممکن ہو جائے گا۔

سابق امریکی وزیر خارجہ نے کہا کہ یوکرین معاملے پر سفارتکاری کا رستہ بظاہر پیچیدہ ضرور ہے تاہم بصیرت اور حوصلے سے سفارتکاری کی جانب سفرممکن ہے۔

برطانیہ اور چین کے درمیان سفارتی جنگ تیزہوگئی،چین کی وارننگ ،برطانیہ کا دبنگ جواب

ماسکو:ناکام امریکی میزائل دفاعی سسٹم پیٹریاٹ یوکرین کےحوالے:یوکرینی دفاعی حکام غیرمطمئن دکھائی دے رہے ہیں، اطلاعات کے مطابق روس یوکرین کے درمیان جنگ میں امریکہ اور نیٹو کی طرف سے یوکرین کو اسلحہ کی فراہمی کا سلسلہ جاری ہے۔ اور کل شام ایک معاہدے کے مطابق امریکی حکومت یوکرین کو ایک جدید پیٹریاٹ سسٹم دینے وای ہے جو اگلے چوبیس گھنٹوں میں یوکرین پہنچا دیا جائے گا،

جوہری فیوژن توانائی کے حصول میں انتہائی اہم پیشرفت

اس سے پہلے کہا جارہا تھا کہ امریکی حکومت یوکرین کو روس کے فضائی اور میزائل حملوں سے بچاؤ کےلئے پیٹریاٹ میزائل دفاعی نظام فراہم کرنے کے منصوبے کے آخری مرحلے میں ہے جس کا یوکرین کافی عرصے سے امریکہ سے مطالبہ کر رہا تھا۔یوکرین اور امریکہ کے درمیان طئے پانے والے معاہدے کے مطابق یوکرین اس سسٹم کو بہت جلد مختلف مقامات پر نصب کرے گا اور پھر روسی حملوں سے بچاوکےلیے اس کا استعمال کرے گا

امریکی صدر نے ہم جنس پرستوں کی شادی کے بل پر دستخط کر دیئے

اطلا ت کے مطابق یہ منصوبہ امریکی وزیر دفاع اور امریکی صدر کی منظوری کے بعداس معاہدے کو حتمی شکل دی گئی ہے ،۔پیٹریاٹ میزائل دفاعی نظام میں بجلی فراہم کرنے والا یونٹ، کمانڈ اور کنٹرول کا مرکز، راڈار یونٹ، انٹینا اور میزائل فائر کرنے والی آٹھ گاڑیاں شامل ہوتی ہیں جن میں سے ہر گاڑی میں زمین سے ہوا میں مارکرنے والے چار پیٹریاٹ میزائل نصب ہوتے ہیں جو 160 کلومیٹر کی دوری تک میزائلوں اور جنگی طیاروں کو نشانہ بنا سکتے ہیں۔

روس اور مغرب تصادم کے دہانے تک پہنچ گئے ہیں: روس اہلکارنے خبردارکردیا

اس میزائل دفاعی نظام کے خلیج فارس کی جنگ میں بہت وسیع پیمانے پر تجربات کئے گئے تھے اور امریکہ نے دعویٰ کیا تھا کہ اس نے پیٹریاٹ میزائل دفاعی نظام کے ذریعے سے عراق کی طرف سے فائر ہونے والے 47 سکڈ میزائلوں میں سے 45 کو ہوا میں ہی تباہ کر دیا تھا جب کہ بعد میں غاصب صیہونی ریاست اسرائیل نے انکشاف کیا تھا کہ مذکورہ امریکی میزائل دفاعی نظام نے صرف ایک سکڈ میزائل کو ہی روکا تھا۔ ۔

اسکے علاوہ 2017 میں نیویارک ٹائمز نےبھی اپنی ایک رپورٹ میں یہ انکشاف کیا تھا کہ یمنی حوثیوں کے میزائل حملے روکنے میں پیٹریاٹ میزائل دفاعی نظام ناکارہ ثابت ہوا تھا اور سعودی علاقوں میں اس امریکی دفاعی سسٹم کے ہوتے ہوئے یمنی فوج نے بھرپور طریقے سے اُس علاقے میں اپنے میزائل حملے کئے ہیں

روس کے دو فضائی اڈوں پر دھماکوں سے 3 افراد ہلاک اور 8 زخمی ہوگئے۔

با غی ٹی وی : روسی خبر ایجنسی کے مطابق روسی حکام نے فضائی اڈوں پر دھماکوں کی تصدیق کی ہے، دونوں روسی شہر یوکرین سے کئی سو میل کےفاصلےپرہیں ایک دھماکا روسی شہر ریازان کے فضائی اڈے پر واقع فیول ٹینکر پھٹنے سے ہوا جب کہ دوسرا دھماکا روسی شہر سراتوف کے بمبار طیاروں کے فضائی اڈے میں ہوا جس کی وجہ معلوم نہیں ہوسکی۔

انڈونیشیا میں غیرازدواجی تعلقات پر ایک سال قید کی سزا پر غور

ریازان کے فضائی اڈے پر واقع فیول ٹینکر پھٹنے سے 3 افراد ہلاک اور 6 زخمی ہوئے جب کہ سراتوف کے بمبار طیاروں کے فضائی اڈے میں 2 افراد کے زخمی ہونےکی اطلاع ہے۔

روسی حکام کا کہنا ہے کہ فضائی اڈوں میں دھماکوں سے شہری علاقوں کو کوئی خطرہ نہیں، قانون نافذ کرنے والے ادارے فوجی تنصیبات میں دھماکوں کی تحقیقات کر رہے ہیں۔

ادھر بی بی سی کے مطابق روس نے پیر کے روز کہا کہ روسی فضائی دفاع نے روس کے دو فوجی ہوائی اڈوں پر یوکرین کے ڈرون کو روکا، جو دونوں ممالک کی سرحد سے سینکڑوں کلومیٹر دور ہے۔

وزارت دفاع کے ایک بیان میں کہا گیا ہے کہ بغیر پائلٹ گاڑیوں کے ملبے کے گرنے سے دو طیاروں کو ہلکا نقصان پہنچا ریازان اور ساراتوف علاقوں میں ہونے والے واقعات میں تین روسی فوجی ہلاک اور چار زخمی ہوئے۔

نائجیریا : مسلح افراد کا مسجد پر حملہ،پیش امام زخمی ،19 نمازی اغوا

خیال کیا جاتا ہے کہ طویل فاصلے تک مار کرنے والے اسٹریٹجک بمبار ہوائی اڈوں پر موجود ہیں۔

اس سے قبل سراتوف میں اینگلز ایئربیس اور ریازان میں دیاجیلیوو ایئربیس پر بڑے دھماکوں کی اطلاع ملی تھی، لیکن ان کی وجہ کے بارے میں کوئی سرکاری تبصرہ نہیں کیا گیا تھا۔

گھنٹوں بعد، روس نے یوکرین کے آس پاس کے اہداف پر میزائلوں کی ایک لہر شروع کی، حالانکہ کیف کا کہنا ہے کہ اس نے ان میں سے بیشتر کو مار گرایا۔

یوکرین نے سرکاری طور پر کوئی تبصرہ نہیں کیا ہے۔ تاہم، صدارتی مشیر میخائیلو پوڈولیاک نے ایک ٹویٹ میں رپورٹ شدہ واقعات کا حوالہ دیتے ہوئے لکھا کہ گر کسی چیز کو (کسی) دوسرے ملک کی فضائی حدود میں لانچ کیا جاتا ہے، تو جلد یا بدیر نامعلوم اڑن اشیاء روانگی کے مقام پر واپس آجائیں گی۔

روس یوکرین پر اس سے پہلے بھی اس کی سرزمین پر حملے کا الزام لگاتا رہا ہے لیکن یہ مبینہ حملے پچھلے حملوں کے مقابلے روس میں زیادہ گہرے ہیں۔

سابق برطانوی رکن پارلیمنٹ عمران احمد خان کی جنسی زیادتی پر سزا کے خلاف اپیل مسترد

اتوار کو لی گئی سیٹلائٹ تصاویر میں اینگلز ایئربیس پر روسی بھاری بمبار طیاروں کے ایک بڑے بیڑے کو دکھایا گیا ہے Tu-160 اور Tu-95 اسٹریٹجک بمبار ہیں، جو کروز میزائل فائر کرنے کی صلاحیت رکھتے ہیں – یوکرین پر حملوں میں استعمال ہونے والے ہتھیاروں میں سے ایک ہیں-

گزشتہ ہفتے جاری کی گئی دیگر سیٹلائٹ تصاویر میں اسی ایئربیس پر فوجی طیاروں کی بڑھتی ہوئی سرگرمی دکھائی دیتی ہے۔

کریملن کے ترجمان دمتری پیسکوف نے کہا کہ روسی صدر ولادیمیر پوٹن کو رپورٹ کردہ دو واقعات کے بارے میں مطلع کر دیا گیا ہے۔

یاد رہےکہ رواں برس اگست میں روس سے الحاق کرنے والے یوکرینی علاقےکریمیا میں روسی فضائی اڈے میں دھماکے سے7 لڑاکا طیارے تباہ ہوگئے تھے۔

ایشین فٹبال کپ 2027 کی میزبانی سعودی عرب کو ملنے کا امکان

جنیوا: اقوام متحدہ میں روس کے مستقل مندوب نے نامہ نگاروں سے گفتگو میں کہا ہے کہ یورپی ممالک نے روس مخالف اتنے زیادہ منصوبے تیار کئے ہیں کہ ان پر عمل کرنا خود ان ممالک کے لئے مشکل ہو گیا ہے۔ انھوں نے تاکید کی کہ یورپی ممالک خود قانون بنا کر اسے اقوام متحدہ کے اختیارات میں شامل کرنے کی کوشش کرتے ہیں ۔

واسیلی نبنزیا نے کہا کہ یورپی ممالک کا یہ اقدام اپنے خود ساختہ قوانین پر مبنی نئے بین الاقوامی نظام کا ایک نمونہ ہے۔ یوکرین جنگ کے آغاز کے بعد امریکہ اور یورپی ممالک نے اپنے اقدامات کے ذریعے اس جنگ کی آگ کے شعلوں کو مزید بھڑکا دیا اور وہ روسی اثاثے منجمد کر کے ان کو قبضانے کی کوشش کر رہے ہیں ۔

یورپی کمیشن کی چیئرمین نے ایک بیان میں کہا ہے کہ یورپی کمیشن یوکرین میں روس کے اقدامات کا جائزہ لینے کے لئے اقوام متحدہ کی حمایت سے ایک خصوصی عدالت قائم کئے جانے کے منصوبے پر غور کر رہا ہے۔

اقوام متحدہ میں روس کے نمائندے نے یورپی کمیشن کے روس مخالف منصوبے پر ردعمل کا اظہار کرتے ہوئے کہا ہے کہ یورپی ممالک اس قسم کے منصوبے تیار کر کے روس کے مقابلے میں اپنے غیر قانونی اقدامات کا جواز فراہم کرنے کی کوشش کر رہے ہیں۔

ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

روس کو ’دہشت گردی کی سرپرستی کرنے والی ریاست‘ قرار دینے کے بعد یورپی پارلیمنٹ سائبر حملے کی زد میں آ گئی ہے۔

باگی ٹی وی : بدھ کو یورپی پارلیمنٹ کے صدر، روبرٹا میٹسولا نے کہا کہ پارلیمنٹ ایک سنگین سائبر حملے کی زد میں ہے کریملن کے حامی ایک گروپ نے اس سائبر حملے کی ذمہ داری بھی قبول کرلی ہے۔

گوگل نے رواں سال سب سے زیادہ سرچ کی جانے والی اشیا کی فہرست جاری کردی

میٹسولا نے اپنے ٹویٹر اکاؤنٹ پر مزید کہا کہ پارلیمنٹ کے انفارمیشن ٹیکنالوجی کے ماہرین سائبر حملے سے نمٹ رہے ہیں اور نظام کی حفاظت کے لیے کام میں مصروف ہیں۔

یہ حملہ ایسے وقت میں ہوا ہے جب یورپی پارلیمان نے اعلان کیا تھا کہ اس نے یوکرین میں جنگ کی وجہ سے روس کو "دہشت گردی کی سرپرستی کرنے والے ریاست” کے طور پر فہرست میں شامل کر لیا ہے۔

یورپی پارلیمنٹ نے کہا ہے کہ یوکرین میں توانائی کے بنیادی ڈھانچے، ہسپتالوں، سکولوں اور پناہ گاہوں جیسے شہری اہداف پر ماسکو کے فوجی حملے بین الاقوامی قوانین کی خلاف ورزی ہیں۔

یوکرین پر روسی حملے ، تنصیبات سمیت پاور اسٹیشزتباہ، 6 افراد ہلاک ،بیشترعلاقوں میں بجلی کی فراہمی…

یورپی پارلیمنٹ کے چیف ترجمان جاوم ڈچ نے کسی ممکنہ مجرم کا نام لیے بغیر کہا کہ یہ بندش بیرونی نیٹ ورک ٹریفک کی اعلیٰ سطح کی وجہ سے ہے،یہ ٹریفک ڈی ڈی او ایس حملے (سروس کی تقسیم سے انکار) کے واقعہ سے متعلق ہے۔

ہیکرز نقصان دہ DDoS حملوں کو سیلاب کے نیٹ ورکس پر استعمال کرتے ہیں جس میں ڈیٹا کی زیادہ مقدار ہوتی ہے جسے وہ سنبھال نہیں سکتے، جس کے نتیجے میں عام ٹریفک میں خلل پڑتا ہے یا نیٹ ورک مکمل طور پر مفلوج ہو جاتا ہے۔

کینیا کے اولکاریا میں، Hell’s Gate National Park کے کنارے، پانچ پاور پلانٹس ہیں جو تقریباً 800MW توانائی پیدا کرتے ہیں ، جو کہ ایک سال میں چالیس لاکھ سے زیادہ گھروں کو بجلی فراہم کرنے کے لیے کافی ہے۔

بندش کی کل مدت واضح نہیں تھی، لیکن اس کا سب سے پہلے روسی ووٹنگ کے بعد پتہ چلا، جو دوپہر کے اوائل میں ہوا15:30 CET تک، ویب سائٹ قابل رسائی ہو گئی لیکن 16:00 CET تک، یہ دوبارہ نیچے چلی گئی۔

پارلیمنٹ کا ملٹی میڈیا سنٹر، جو ایک الگ سائٹ کے طور پر کام کرتا ہے، متاثر نہیں ہوا قانون سازوں نے تیزی سے ٹویٹر پر سائبر حملے کی مذمت کی اور الزام روس پر ڈالا۔

کرد جنگجوؤں کے خلاف آپریشن فضائی کارروائی تک محدود نہیں رہے گا،ترک صدر

لبرل سیاسی گروپ رینیو یورپ نے ایک بیان میں کہا کہ ہمارے آزاد ادارے پر آج کا سائبر حملہ ظاہر کرتا ہے کہ جمہوریت کے لیے روس کی توہین اس کی اپنی سرحدوں سے باہر ہے۔ پوتن کے ہیکرز ہمیں خاموش نہیں کریں گے اور نہ ہی ہمارے کام میں مداخلت کریں گے۔

گرینز گروپ کے شریک چیئر ٹیری رینٹکے نے کہا، جمہوریت مخالف ایک جمہوری ادارے کی فیصلہ سازی میں خلل ڈالنے کی کوشش کر رہے ہیں۔ ہم اپنا اجلاس جاری رکھیں گے اور یوکرین کے ساتھ کھڑے ہیں۔

یورپی کنزرویٹو اینڈ ریفارمسٹ (ای سی آر) گروپ نے کہا، "پوتن کی ہائبرڈ جنگ جاری ہے یورپی کمیشن نے بھی اس حملے پر تنقید کی۔

فرانس میں تاجر کے گھر پرانسپکشن کے لیے آیا ٹیکس انسپکٹر قتل

واضح رہے کہ یورپی پارلیمنٹ کی طرف سے روس کو دہشت گردی کی سرپرستی کرنے والے ریاست کے طور پر نامزد کرنا بڑی حد تک علامتی ہے کیونکہ یورپی یونین کے پاس اپنے موقف کی حمایت کے لیے کوئی قانونی ڈھانچہ موجود نہیں ہے۔

سٹراسبرگ میں روس کو دہشت گردی کی سرپرست ریاست بیان کرنے والے بل کی منظوری کے حق میں 191 ووٹ آئے۔ 58 نے مخالفت میں ووٹ دئیے اور 44 ارکان غیر حاضر رہے۔

دوسری طرف یوکرین کے صدر زیلنسکی نے اپنے ٹوئٹر اکاؤنٹ پر کہا روس کو دہشت گردی کے ریاستی سرپرست کے طور پر درجہ بندی کرنے کے یورپی پارلیمنٹ کے فیصلے کا خیر مقدم کرتے ہیں۔ انہوں نے مطالبہ کیا کہ روس کو جوابدہ ٹھہرایا جائے اور اسے ہر سطح پر الگ تھلگ کر دیا جائے۔

روسی زبان بولنے والے ہیکرز کی خلیجی خطوں اور سعودی عرب میں ہیکنگ کی کارروائیاں تیز

یوکرین پر روس کی جانب سے پے در پے میزائل حملوں کے نتیجے میں 6 افراد ہلاک ہو گئے ہیں جبکہ ملک کے بیشتر علاقوں میں بجلی کی فراہمی معطل ہو گئی ہے۔

باغی ٹی وی : غیرملکی میڈیا کےمطابق گذشتہ ایک ہفتے کے دوران روس کی جانب سے لگاتار میزائل حملوں میں اہم یوکرینی تنصیبات سمیت پاور اسٹیشز کو خاص طور پر نشانہ بنایا جا رہا ہے، حالیہ حملوں کے نتیجے میں دارالخلافہ کیف سمیت کئی اہم یوکرینی شہر بجلی سے محروم ہو گئے ہیں ویشارڈ میں اپارٹمنٹ بلاک تباہ ہو گیا ہےجہاں فائر فائٹرز اور امدادی رضاکاروں کی جانب سے متاثرین کے ریسکیو کرنے کی کوششیں جا ری ہیں۔

کرد جنگجوؤں کے خلاف آپریشن فضائی کارروائی تک محدود نہیں رہے گا،ترک صدر

یوکرینی نیشنل پولیس کا کہنا ہے کہ یوکرین کے مختلف شہروں پر آج ہونے والے روسی حملوں کے نتیجے میں 6 افراد ہلاک ہو گئے ہیں جبکہ 36 سے زائد افراد زخمی ہوئے ہیں حملوں کے نتیجے میں 16 اہم تنصیبات اور رہائشی عمارتوں کو شدید نقصان پہنچا ہے جبکہ یوکرین کے کئی علاقے اندھیرے میں ڈوب گئے ہیں۔

یوکرینی ائیر فورس کا کہنا ہے کہ روس کی جانب سے داغے گئے 70 کروز میزائلوں میں سے 50 کو تباہ کر دیا گیا تھا۔

روسی زبان بولنے والے ہیکرز کی خلیجی خطوں اور سعودی عرب میں ہیکنگ کی کارروائیاں تیز

یوکرین کے ڈپٹی وزیر اعظم کا کہنا ہے کہ روسی حملوں کے نتیجے میں مالدووا کے اطراف میں آدھے سے زیادہ علاقے بجلے سے محروم ہو گئے ہیں جبکہ تین یوکرینی پاور اسٹیشنز، بجلی کے قومی نیٹورک سے کٹ گئے ہیں روس کی جانب سے پورے ملک پر ایک ساتھ حملہ کر دیا گیا ہے-

یوکرین کے ڈپٹی ہیلتھ منسٹر کا کہنا ہے کہ آج پورا ملک حملے کی زد میں ہے اور پہلے بھی ہم دارالخلافہ کیف اور دیگر شہروں پر حملے دیکھ چکے ہیں حملوں کا سلسلہ ابھی تک تھما نہیں ہے اس لیے ہونے والے نقصانات کا اندازہ نہیں لگایا جا سکتا تاہم کچھ گھنٹوں میں صورتحال واضح ہو جائے گی۔

یوکرینی ڈپٹی ہیلتھ منسٹر کا کہنا تھا کہ اب تک تمام زخمیوں کو اسپتال پہنچا دیا گیا ہے جبکہ ساتھ ہی خصوصی ایمرجنسی ٹیمیں بھی تشکیل دی گئی ہیں تاکہ زاپروژیا شہر کی دیگر اسپتالوں میں بھی زخمیوں کی منتقلی کو یقینی بنایا جا سکے ملک میں روسی حملوں کے نتیجے میں1000 سے زائد طبی مراکز کو نقصان پہنچا ہے جبکہ 143 طبی مراکز مکمل تباہ ہو گئے ہیں۔

امریکہ روس کےخلاف یوکرین کوجدید ڈرون فراہم کرے:امریکی سینیٹرز

ماسکو: سابق روسی صدر اور روسی سلامتی کونسل کے نائب سربراہ، دمتری میدویدیف نے کہا کہ یوکرین کا دارالحکومت کیف ایک روسی شہر ہے جسے بحال کیا جائے گا۔

باغی ٹی وی : عالمی خبررساں ادارے کے مطابق سابق روسی صدر اور روسی سلامتی کونسل کے نائب سربراہ نے "ٹیلی گرام” ایپ پر جاری بیان میں کہا کہ یف قدیم روس کا دارالحکومت ہے، دوسرا یہ ہے کیف روسی سلطنت کے دور میں بڑے روسی شہروں میں سے ایک ہے، تیسری بات یہ ہے کہ کیف سوویت یونین کی جمہوریہ میں سے ایک کا دارالحکومت ہے۔

انڈونیشیا؛ ہولناک زلزلے میں جاں بحق ہونے والوں کی تعداد 255 ہوگئی

دمتری میدویدیف نے مزید کہا کیف صرف ایک روسی شہر ہے جس کے باشندوں نے ہمیشہ روسی زبان میں سوچا اور بات کی ہے، سب کچھ بالکل واضح ہونا چاہیےاس بارے میں کہ کیا واپس کیا جانا چاہیے اور اسے کیسے بحال کیا جائے گا۔

واضح رہے کہ سابق روسی صدر کی جانب سے یہ بیان ملک کے جنوب میں واقع خیرسن سے روسی انخلاء کے بعد "کریمیا” کو بحال کرنے کے لیے یوکرین کی دھمکیوں کے جواب میں سامنے آیا۔

یاد ر ہے کہ گزشتہ ہفتے یوکرین کی فوج کے خیرسن علاقے کا کچھ حصہ دوبارہ حاصل کیا تھا، اس کے بعد ایسا لگ رہا ہے کہ کیف اور ماسکو موسم سرما کے قریب اپنی پوزیشن مضبوط کرنا چاہتے ہیں۔

2014 میں کریمیا کے الحاق کے بعد سےماسکوجزیرہ نما کواپنی سرزمین کا حصہ سمجھتا ہےجسے عالمی برادری تسلیم نہیں کرتی یوکرین نے حالیہ مہینوں میں کریمیا کو دوبارہ حاصل کرنے کے اپنے ارادے پر بار بار زور دیا ہے۔

دوسری جانب عالمی ادارہ صحت ( ڈبلیو ایچ او) نے یوکرین میں موسم سرما کے باعث لاکھوں افراد کی زندگیوں کو لاحق خدشے سے آگاہ کردیا۔

فیفا ورلڈکپ2022: افتتاحی تقریب براہ راست نشر نہ کرنے پر بی بی سی کو تنقید کا سامنا

غیر ملکی میڈیا کے مطابق عالمی ادارہ صحت اور یورپ کے ریجنل ڈائریکٹر ڈاکٹر ہنس کلوگ کا کہنا ہے کہ یوکرین میں موسم سرما کا آغاز ہوگیا ہے جہاں کچھ علاقوں میں منفی 20 ڈگری تک درجہ حرارت گرنے کا امکان ہےایسےمیں یوکرین کی توانائی کا آدھا انفرااسٹرکچر تباہ حالی کا شکار ہے جس کی وجہ سے ایک کروڑ لوگ سرد موسم میں بجلی سے محروم ہیں۔

ڈبلیو ایچ او کے اندازے کے مطابق روس نے یوکرین کے صحت کے مراکز سمیت توانائی کے انفرااسٹرکچر پر بھی 703 حملے کیے ہیں جس کی وجہ سے اسپتال ناصرف بجلی سے محروم ہیں بلکہ وہاں صحت کی سہولیات بھی موجود نہیں ہیں موسم سرما میں لاکھوں لوگ اپنے گھروں کو چھوڑ کو محفوظ مقامات پر پناہ حاصل کرنے کے لیے روانہ ہوگئے ہیں۔

میڈیا رپورٹس کے مطابق گزشتہ ہفتے بھی روس نے یوکرین کے بجلی گھروں اور رہائشی عمارتوں کو نشانہ بنایا ہے۔

110 سال قبل ڈوبنے والے ٹائی ٹینک جہاز سے ملنی والی گھڑی 98 ہزار پاؤنڈز میں نیلام