Tag: actress

فون سے پرہیز کریں شیبا بٹ کو ڈاکٹروں کا مشورہ

اداکارہ شیبا بٹ جو کہ گزشتہ چند ہفتوں سے علیل ہیں ان کو دل کی تکلیف کے باعث ہستپال میں داخل کروایا گیا تھا جہاں ان کو پیش میکر لگایا گیا ، چونکہ اب ان کو ڈاکٹروں نے صحتمند قرار دیتے ہوئے ہسپتال سے ڈسچارج کر دیا ہے لہذا وہ گھر آچکی ہیں، لیکن ان کو ڈاکٹروں نے پیس میکر لگنے کی وجہ سے واک تھرو گیٹ اور میٹل ڈیٹکٹر سے استثنیٰ کیلئے خصوصی کارڈ جاری کر دیا یہ کارڈ وہ ہسپتال میں بھی دکھا سکیں گی. ڈاکٹروں نے شیبا بٹ کو

خصوصی ہدایات دیں کہ وہ فون کا استعمال جتنا ہو سکے کم کریں، دوسری شیبا بٹ کا کہنا ہےکہ میں پہلے سے بہت بہتر ہوں ، میری جو ھالت ہوئی تھی مجھے لگتا ہے کہ خدا نے مجھے دوسری زندگی دی ہے، میں‌گھر پر آرام کررہی ہوں اور میری پوری کوشش ہے کہ ڈاکٹروں کی ہدایات پر عمل کروں، اداکارہ نے کہا کہ میرے مداحوں کی میں بہت شکر گزار ہوں کہ انہوں نے مجھے اپنی دعائوں میں یاد رکھا، میں اپنے مداحوں سے یہی گزارش کروں گی کہ وہ مجھے مسلسل اپنی دعائوں میں رکھیں .یاد رہے کہ شیبا بٹ کی عیادت کے لئے معروف ڈرامہ آرٹسٹ ہسپتال گئے جن میں‌سہیل احمد کا نام قابل زکر ہے .

مئی 19, 2023
عادل نے مجھے قتل کرنے کےلئے کسی کو پیسے دئیے ہیں راکھی ساونت کا دعوی

ڈانسنگ کوئین راکھی ساونت نے حال ہی میں انکشاف کیا ہے کہ میرا شوہر عادل جو کہ اس وقت میسور جیل میں بند ہے وہ مجھے قتل کروانے کی منصوبہ بندی کررہا ہے اور اس نے جیل میں بیٹھے ہی ایک شخص کو پیسے بھی دے دئیے ہیں جو کہ مجھے قتل کر دے گا، لیکن میں دعائیں پڑھ رہی ہوں مجھے کچھ نہیں ہوگا نہ ہی عادل اپنے ایسے ارادوں میں کامیاب ہو سکے گا. راکھی نے کہا کہ اب میں عادل کے ساتھ نہیں رہنا چاہتی وہ مجھے کبھی بھی کہیں بھی مار دے گا، وہ جیل سے باہر آئیگا تو میں اس سے طلاق لے لوں گی. انہوں نے کہا کہ میں عادل سے بے حد ڈر چکی ہوں . لیکن میرا خدا میرے ساتھ ہے . یاد رہے کہ چند روز قبل راکھی نے کہا تھا کہ عادل نے

انہیں جیل سے معافی کا پیغام بھجوایا ہے اور میں نے اس کی معافی رد کر دی ہے کیونکہ اب میں‌اسکے ساتھ نہیں رہنا چاہتی ، اس کے ساتھ رہنے کا مطلب ہے کہ میں اب خطرے میں ہوں. لہذا میں اب عادل سے طلاق لیکر اپنی زندگی بسر کروں گی مجھے عادل سے کوئی لینا دینا نہیں ہے تاہم اب انہوں نے انکشاف کر دیا ہے عادل نے انکو قتل کروانے کا حتمی منصوبہ بنا لیا ہے.

مئی 18, 2023
نیہا دھوپیا شادی سے پہلےماں‌بننے والی تھی والدین کو پتہ چلا تو انہوں نے کیا کہا؟

بالی وڈ کی بولڈ اداکارہ نیہا دھوپیا نے اپنے حالیہ انٹرویو میں بتایا ہے کہ میں شادی سے پہلے ہی ماں بننے والی تھی اور میں نے جب یہ بات اپنے والدین کو بتائی تو انہوں نے بہت زیادہ سخت رد عمل نہ دیا انہوں نے کہا کہ ہم تمہیں صرف 72 گھنٹے دے رہے ہیں جلدی سے شادی کر لو اس سے پہلے کہ ہم اس شادی کو قبول ہی نہ کریں ، نیہا نے کہا کہ میرا اور میرے بوائے فرینڈ کا شادی کا بہت جلدی ارادہ نہیں تھا لیکن والدین کی دھمکی سے ڈر کر میں نے شادی کر لی، کیونکہ مجھے ڈر تھا کہ میرے والدین نے اگر میری پریگننسی والی بات پر کچھ خاص رد عمل نہیں

دیا تو اسکا مطلب یہ ہے کہ کوئی بڑا طوفان آنے والا ہے، اداکارہ نے کہا کہ میں نے اپنے بوائے فرینڈ انگت بیدی سے بات کی ، ہم دونوں نے 72 گھنٹے سے پہلے شادی کر لی اور ہمارے والدین نے ہماری شادی کو قبول کر لیا، میں بہت خوش ہوں کہ مجھے انگت جیسا جیون ساتھی ملا. مجھے اپنی گھریلو لائف بہت اچھی لگ رہی ہے، مجھے خوشی ہے کہ مجھے ایسا انسان ملا جس کو میں‌اور جو مجھے پسند ہے ، ہم ایک دوسرے کا بے حد خیال رکھتے ہیں.

مئی 18, 2023
ماڈٌلنگ سے تھک گئی صدف کنول اب کیا کرنا چاہتی ہیں ؟

شہزور سبزواری کی ماڈل اہلیہ صدف کنول نے اپنے حالیہ انٹرویو میں کہا ہے کہ میں نے ماڈلنگ بہت سال کی ہے اور ابھی تک کررہی ہوں ، ماڈلنگ کی دنیا میں مجھے بہت شہرت بھی مل چکی ہے یہاں تک کہ بہترین ماڈل کا ایوارڈ بھی مل چکا ہے، اب میں چاہتی ہوں کہ اداکاری کروں اور مجھے اچھے کردار آفر ہوں . انہوں نے کہا کہ اب اداکاری میری ترجیھات میں ہے، اگر مجھے کسی اچھی فلم کا سکرپٹ آفر ہوا تو کسی صورت نہیں چھوڑوں گی، انہوں نے کہا کہ ہر انسان کو حق ہے کہ وہ اپنے لئے بہتر سوچے

میں‌سمجھتی ہوں کہ اب میں‌اداکاری کے موڈ میں ہوں تومجھے اداکاری ہی کرنی چاہیے. صدف کنول نے کہا کہ ڈراموں میں اداکاری کرنے پر بھی مجھے اعتراض نہیں اگر کردار کہانی اچھی ہو تو میں یہ بھی کروں گی. انہوں نے ایک سوال کے جواب میں کہا کہ شادی کے بعد میری زندگی میں کافی تبدیلی آئی ہے اور اس تبدیلی کو میں کافی مثبت دیکھتی ہوں. انہوں نے کہا کہ عورت کو اللہ نے بہت صلاحیتوں سے نوازا ہے وہ گھر کے ساتھ ساتھ باہر کے معاملات کو جیسے کے ملازمت کو بھی مینج کرتی ہے.

مئی 18, 2023
ثناء نواز ایک بار پھر شوبز میں متحرک

لالی وڈ اداکارہ ثناء نواز جن کی اپنے شوہر کے ساتھ چند ماہ پہلے علیحدگی ہو گئی تھی وہ عدت کا وقت گزار رہیں تھیں اور اس دوران انہوں نے اپنی تمام شوبز سرگرمیوں کو معطل کر رکھا تھا، لیکن اب ان کی عدت پوری ہو گئی ہے اور وہ دوبارہ سے شوبز میں متحرک ہو گئی ہیں، انہوں نے برینڈز کے شوٹس کروانے شروع کر دئیے ہیں اداکارہ نے حال ہی میں اپنے سوشل میڈیا اکائونٹس پر اپنے نئے شوٹس کی کچھ جھلکیاں شئیر کی ہیں، جس میں دیکھا جا سکتا ہے کہ اداکارہ کسی کپڑوں کے برینڈ کا شوٹ کروا رہی ہیں، اسی طرح‌سے کہا جا رہا ہے کہ اداکارہ نے کراچی میں دو ڈراموں کی شوٹنگ بھی شروع کر دی ہے. ثناء نواز نے عدت کا وقت ختم کرنے کے بعد سب سے

پہلے شوبز انڈسٹری میں کہا ہے کہ ان کو اب صرف ثناء نواز پکاریں ، ثناء فخر نہیں ، یہاں تک کہ انہوں نے اپنے آنے والے پراجیکٹس میں‌بھی اپنا نام تبدیل کرواتے ہوئے ثناء نواز کر دیا ہے. ثناء کا کہنا ہےکہ میں ایک بار شوبز سرگرمیاں شروع کر رہی ہٰوں اور اپنے کام پر بھرپور توجہ دوں گی ، شائقین کی امیدوں پر پورا اترنے کی کوشش کروں گی.

مئی 18, 2023
حاجرہ یامین کا خواتین کے لئے اہم پیغام

اداکارہ حاجرہ یامین جو جو زیادہ تر سنجیدہ کردار کرتی ہوئی دکھائی دیتی ہیں ، انہوں نے خواتین کے نام ایک اہم پیغام دیا ہے انہوں نے کہا ہے کہ اگر شوہر بے عزتی کرنے والا ہو تو اس کے ساتھ نہیں رہنا چاہیے اسکو چھوڑ دیں، انہوں نے تو یہاں تک کہا ہے کہ اگر شوہر پہلی بار میں بے عزتی کرے تو اسکو فورا چھوڑ دیں کیونکہ جو ایک بار بے عزتی کرے گا وہ بار بار کرےگا. انہوں نے کہا کہ لڑکیاں شادی کے بعد تمام گھر کی ذمہ داری نبھاتی ہیں اور سارے کام کرتی ہیں اس سارے سلسلے میں وہ خود پر توجہ دینا بھول جاتی ہیں، خواتین کو ایسا نہیں‌کرنا چاہیے بلکہ

خود پر جتنا ہو سکے دھیان دیں زیادہ نہیں تو دن میں ایک گھنٹہ ہی اپنے لئے نکال لیں. انہوں نے کہا کہ بعض خواتین ملازمت بھی کرتی ہیں اور گھر کو بھی دیکھتی ہیں ایسی خواتین قابل تعریف ہیں جو یہ دونوں کام ایک ساتھ کررہی ہوتی ہیں. خواتین شادی کے تعلق میں زیادہ قربانی دیتی ہیں. اداکاری میرا جنون ہے اوریہ جنون مرتے دم تک میرے ساتھ رہے گا، بلکہ میں تو یہ کہوں گی کہ میں آخری سانس تک اداکاری کروں گی.انہوں نے کہا کہ مجھے کامیڈی کردار بھی پسند ہیں ملیں گے تو ضرور کروں گی.

مئی 18, 2023
شہرت کو سنبھالنا بہت مشکل کام ہے لائبہ خان

نوجوان نسل کی نمائندہ فنکارا لائبہ خان نے اپنے حالیہ انٹرویو میں‌کہا ہے کہ مجھے جو عزت اور شہرت میرےخدا نے دی ہے اس کا تصور تو نئے آنے والے لوگ صرف کر ہی سکتے ہیں. انہوں نے کہا کہ میں سوچ بھی نہیں سکتی تھی کہ خدا مجھے اتنی شہرت سے نوازے گا، میں سمجھتی ہوں کہ عزت اور شہرت کے بعد انسان میں خود میں عاجزی لانی چاہیے، عزت شہرت پانا مشکل کام ہے اس سے بھی مشکل کام اسکو سنبھالنا ہوتا ہے. انہوں نے کہا کہ مجھے جو بھی کردار ملتے ہیں ان کو میں پورے دل سے نبھاتی ہوں بہت محنت کرتی ہوں ، اور اہم بات یہ ہے کہ میرے مداح مجھے

ہر روپ ہر کردار میں سراہتے ہیں ،. انہوں نے کہا کہ فلموں میں ابھی تک تو کام نہیں کیا ، اگر کوئی اچھا کردار آفر ہوا تو ضرور کروں گی ، بڑی سکرین پر نظر آنا کسی بھی آرٹسٹ کا خواب ہوتا ہے میں خوش ہوں کہ مجھے شوبز انڈسٹری نے آتے ہی ویلکم کیا. انہوں نے کہا کہ ماڈلنگ کرنا بھی اچھا لگتا ہے.

مئی 17, 2023
پہلا شوہر مارتا تھا ، شادی کے بعد کئی مہینے بھوکے پیٹ سوئی کومل رضوی

اداکارہ و گلوکارہ کومل رضوی نے اپنی دکھی داستان سناتے ہوئے بتایا ہے کہ میری پہلی شادی جب ہوئی تو اس وقت میری عمر محض 21 سال تھی ، شادی کے بعد میں شوہر کے ساتھ اومان چلی گئی اور مجھے وہاں اس نے بہت برے حالات میں رکھا، مارتا تھا ، کھانا نہیں دیتا تھا ، میں کئی مہینے بھوک پیٹ سوئی . میں نے فورا گھر والوں کو نہ بتایا لیکن پیٹ بھرنے کےلئے میں نے کھانا بنا کر اسکو دکانوں پر فروخت کرنا شروع کیا . میں‌نے بہت برے دن گزارے . انہوں نے اپنے تجربے کو مد نظر رکھتے ہوئے کہا کہ لڑکیوں کو چاہیے کہ وہ کوئی نہ کوئی ہنر ضرور سیکھیں. برے

وقت کےلئے لڑکی کو تیار رہنا چاہیے. اگر آپ بہت زیادہ پڑھی لکھی نہیں ہیں تو کوئی بات نہیں کوئی ہنر سیکھ لیں. انہوں نے کہا کہ لڑکی پر اگر کوئی برا وقت آتا ہے تو اسکے بہن بھائیوں اور والدین کو سپورٹ کرنا چاہیے، ایک ایسا رشتہ جو مسلسل تکلیف کا باعث بن رہا ہوں اس سے خود کو الگ کردینا ایک سمجھداری کا فیصلہ ہوتا ہے. انہوں نے کہا کہ لڑکیاں کچھ نہ کچھ ضرور سیکھیں تاکہ ان پر اگر کوئی برا وقت آئے تو وہ اپنے بچوں کو پال سکیں اور سروائیو کر سکیں.

مئی 17, 2023
رابعہ کلثوم نے خود کو کس بڑی اداکارہ کے ساتھ ملا لیا؟‌

رابعہ کلثوم جو ایک اچھی اداکارہ ہونے کے ساتھ اچھی رقاصہ بھی ہیں انہوں نے ھال ہی میں عمران خان کی گرفتاری کے بعد ایک دلچپسپ پوسٹ کی ہے. اگر متحدہ قومی موومنٹ (ایم کیو ایم)کو کراچی میں فساد ہونے پر افسوس ہے اور اگر آصف علی زرداری نے بینظیر بھٹو کی شہادت کے دن27دسمبر کو امن قائم رکھا ہوا تھا اور شریف خاندان منی لانڈرنگ کیس میں بے قصور ہے تو میں بھی آج سے ماہرہ خان ہوں، جاو جو کرنا ہے کرلو۔انہوں نے اس کے ساتھ ہی پاکستان زندہ باد کے نعرے کا ہیش ٹیگ بھی استعمال کیا۔یاد رہے کہ رابعہ کلثوم کا شمار بھی ان اداکارائوں میں ہوتا ہے جو عمران خان کی بہت بڑی حامی ہیں. وہ عمران خان کو نہ صرف پسند کرتی ہیں بلکہ ان کی شخصیت کے سحر میں مبتلا ہیں. اداکارہ رابعہ

کلثوم کو لگتا ہے کہ ملک میں عمران خان کے علاوہ کوئی بھی سیاستدان ایماندار نہیں ہے نہ ہی ملک پر حکمرانی کرنے کے اہل ہے. یاد رہے کہ رابعہ کلثوم کا ایک یوٹیوب چینل بھی ہے جس پر وہ اداکارہ صرحا اصغر کے ساتھ ڈانس کرتی ہوئی دکھائی دیتی ہیں ، رابعہ ابھی تک کسی ڈرامے میں ہیروئین کے طور پر نظر نہیں آئیں.

مئی 17, 2023
فلم انڈسٹری تجرباتی دور سے گزرے گی تو کامیاب ہو گی صائمہ نور

پنجابی فلموں کی سینئر اداکارہ صائمہ نور نے کہا ہے کہ فلم انڈسٹری ابھی تجربات سے گزر رہی ہے ، یہ تجربات سے گزرے گی تو کامیاب ہوگی. انہوں نے کہا کہ آج کل بہت اچھا کام ہورہا ہے لیکن اگر ہم نے فلم انڈسٹری کو اونچائیوں پر لیکر جانا ہے تو ہمیں اچھے موضوعات کا انتخاب کرنا ہو گا. انہوں نے کہا کہ اگر ہم فلم انڈسٹری کا سنہرا دور دیکھیں تو ہمیں پتہ چلتا ہے کہ اس وقت کتنی ورائٹی میں‌ کام ہو رہا تھا. ہمیں‌بھی موضوعات میں ورائٹی دینی ہو گی . بہتر اور بہترین سکرپٹ ہو تو فلم چلتی ہے. انہوں نے کہا کہ مجھے بہت خوشی ہےکہ میری فلم لاہور قلندر

کو بہت زیادہ پسند کیا گیا ، شائقین آج بھی فلم دیکھنا چاہتے ہیں ، میرا یقین ہے اچھی فلم ہو تو شائقین سینما گھر آنے پر مجبور ہوجاتے ہیں. انہوں نے کہا کہ میں نے ہمیشہ شائقین کی پسند کو مد نظر رکھتے ہوئے سکرپٹس کا انتخاب کیا. آج کل کےفنکار بہت زیادہ باصلاحیت ہیں، میں ان کے کام کو دیکھ کر متاثر ہوتی ہوں . پنجابی فلموں کا جو نیا دور شروع ہوا ہے اسکو چلتے رہنا چاہیے اچھی فلمیں بنتی رہیں تو لاہور سے ایک بار پھر پنجابی انڈسٹری سر اٹھائے گی.

مئی 17, 2023