Tag: baaghi

قصور
سرکاری بینک کو ذاتی جاگیر سمجھ کر کسٹمرز سے بدتمیزی،
نیشنل بینک راجہ جنگ قصور کے عملہ نے بدتمیزی کی انتہاہ کر دی،لوگوں کا عملہ کے خلاف کاروائی کا مطالبہ

تفصیلات کے مطابق قصور کے قصبہ راجہ جنگ میں واقع نیشنل بینک آف پاکستان میں آنے والے بینک اکاؤنٹ ہولڈرز اور عوام الناس کے ساتھ بینک ملازمین و آپریشن منیجر نعیم کی بدتمیزیاں جاری ہیں
عملہ بینک نے سرکاری بینک کو ذاتی ملکیت سمجھ رکھا ہے اور
اپنی مرضی کے لوگوں کا کام کیا جاتا ہے ان کے تعلق و شفارش کے علاوہ اگر کوئی شریف آدمی بینک اکاؤنٹ یا بنک سٹیٹمنٹ کے بارے میں کوئی انفارمیشن لینا چاہے تو بلاوجہ تو تکرار شروع کرکے لوگوں کو ذلیل کیا جاتا ہے جو کہ روز کا معمول بن چکا ہے
واضع رہے کہ حویلی ملکاں والی،میر محمد، ستوکی، راؤ خانوالہ،اوراڑہ نو و کلاں و دیگر دیہات کے لوگوں کے لئے یہی ایک بینک قائم ہے مگر لوگ اس بینک میں اپنی عزت نفس مجروع ہونے کے ڈر سے جانے سے گھبراتے ہیں
اہلیان علاقہ نے نیشنل بینک راجہ جنگ کے عملہ کے خلاف اعلی افسران سے کاروائی کا مطالبہ کیا ہے

قصور میں پاکستان رینجرز کی انٹرنیشنل بارڈر پر کاراوئی سرحد پار سے آنے والے دو اسمگلر ہلاک

تفصیلات کے مطابق گزشتہ رات انٹرنیشنل بارڈر منڈی احمد آباد
لسوڑی کے مقام پر باڈر کراس کرتے ہوئے دو مبینہ سمگلرز رینجرز نے مار دئیے
دو سمگلروں کو رینجرز نے رکنے کا کہا جنہوں نے رینجرز پر فائرنگ شروع کر دی جوابی فائرنگ میں دونوں اسمگلر ہلاک ہو گئے جن میں سے ایک کی شناخت محمد عاشق ولد احمد دین قوم شیخ سکنہ سعد تھانہ کھڈیاں قصور کے نام سے ہوئی ہے
پاکستان رینجرز نے لاشیں متعلقہ تھانہ کے حوالے کر دیں ہیں

قصور
گورنمنٹ انصاف آفٹر نون سکولوں کے اساتذہ خود انصاف سے ہی محروم ،تین سال سے سکولوں کے اساتذہ و سٹاف تنخواہوں سے محروم ،گھروں کے چولہے ٹھنڈے پڑ گئے،احتجاج

تفصیلات کے مطابق موجودہ گورنمنٹ نے جہاں ہر کسی کو کھڈے لائن لگایا ہے وہیں معاشرے کے معمار اساتذہ کو بھی نہیں بخشا گیا ہل
پنجاب گورنمنٹ کی طرف سے چلائے جانے والے انصاف آفٹر نون سکولوں کے اساتذہ ہی انصاف کیلئے احتجاج کر رہے ہیں
گورنمنٹ انصاف آفٹر نون سکول موضع مان تحصیل و ضلع قصور کے اساتذہ کو گزشتہ تین سالوں سے تنخواہیں نہیں ملیں جس پر احتجاج کرتے ہوئے سکول کو بند کر دیا گیا
سکول اساتذہ و عملہ کا کہنا ہے کہ تین سالوں سے انتہائی مشکل سے گھر چلا رہے ہیں اب مذید گزارہ نہیں ہوتا
احتجاج کرتے ہوئے موضع مان کے سکول اساتذہ،سکول کے طالبِ علموں ،والدین و اہلیان علاقہ نے گورنمنٹ سے مطالبہ کیا ہے کہ اساتذہ کو ان کی گزشتہ سالوں کی تنخواہیں ادا کی جائیں تاکہ ان کے گھر کے چولہے جل سکیں اور معمار معاشرہ دوبارہ سے بچوں کی تعلیم کا سلسلہ شروع کریں

قصور
تحریک اللہ اکبر پاکستان کے سربراہ سیف اللہ خالد نے کہا کہ اقتدار میں آکر بیوہ،یتمیوں اور غریبوں کی خصوصی مدد کرینگے اور ریلیف کے کام جاری رکھے گے

تفصیلات کے مطابق کل بروز منگل سیف اللہ خالد قصوری نے دورہ قصور کیا جس میں انہوں نے نماز ظہر کے وقت قصور کے نواحی گاؤں موضع کلے والا میں ورکرز کنونشن سے خطاب کیا اور اس کے بعد نماز عصر کے وقت موضع اوراڑہ نو میں ورکرز کنونشن سے خطاب کیا اس کے بعد وہ موضع میر محمد خطاب کیلئے تشریف لے
نمائندہ باغی ٹی وی قصور غنی محمود قصوری سے خصوصی گفتگو کرتے ہوئے سیف اللہ خالد صدر تحریک اللہ اکبر پاکستان نے کہا کہ ہم اقتدار میں آکر بیوہ،یتیموں اور غریبوں کی خصوصی مدد کرینگے اور ریلیف کے کاموں کو نا صرف جاری رکھیں گے بلکہ اس کا دائرہ کار وسیع کر دینگے
ان کا کہنا تھا کہ عمران خان نے غلط لوگوں کا انتخاب کیا جس کے باعث آج ملک کے یہ حالات چل رہے ہیں
ان کا کہنا ہے کہ ملاں کی دوڑ مسجد تک ہی نہیں ہونی چائیے بلکہ قدیم زمانہ کی طرح آج کے ملاں کو بھی مسجد کو دعوت جہاد،ریلیف کے کاموں کا بیس کیمپ بنانا ہوگا اور دور نبوی صلی اللہ علیہ وسلم میں بھی مسجد نبوی ایسے کاموں کا بیس کیمپ تھا جو کہ ہماری لئے ایک بہت بڑی مثال ہے

قصور
ایکسائز اینڈ ٹیکینیشن آفس کے عملہ کی سخت اہلی ،چھ چھ ماہ سے لوگوں کو موٹر سائیکلوں ،گاڑیوں کی فائیلیں،نمبر پلیٹیں اور سمارٹ کارڈز نا دیئے گئے ،لوگ ٹریفک پولیس کے ہاتھوں چالان کروانے پر مجبور

تفصیلات کے مطابق ایکسائز اینڈ ٹیکنیشن آفس قصور میں اندھیر نگری چوپٹ راج قائم ہے
کوئی بھی کام بغیر رشوت اور ٹاؤٹ کے ہونا ناممکن بن گیا ہے
گزشتہ چھ ماہ سے گاڑیوں کے نمبر لگوانے گئے شہریوں کو نا ہی ابھی تک نمبر پلیٹس دی گئی ہیں اور نا ہی فائلز حتی کہ سمارٹ کارڈ بھی جاری نہیں کئے گئے بس محض ایک بنیادی سلپ جس پر نمبر درج ہوتا ہے دے کر کہا جاتا ہے کہ باہر سے نمبر پلیٹیں بنوا کر لگوا لیں جبکہ نمبر پلیٹوں کی فیس پہلے ہی لے لی جاتی ہے
کئی کئی ماہ گزرنے کے باوجود بھی جب شہریوں کو سمارٹ کارڈز نہیں ملتے تو بیچارے شہری نا تو اپنی بائیک ،کار بیچ سکتے ہیں اور نا ہی ٹریفک اہلکاروں کو دکھا سکتے ہیں کیونکہ جاری کردہ سلپ کو ایک آدھ ماہ تک ہی مانا جاتا ہے
اس ساری صورتحال کے پیش نظر شہریوں نے ڈی سی قصور سے ایکسائز اینڈ ٹیکنیشن آفس قصور کے عملہ کے خلاف فی الفور کاروائی کا مطالبہ کیا ہے اور لوگوں کو ان کی گاڑیوں کی نمبر پلیٹس اور سمارٹ کارڈز ڈلوانے کی استدعا کی ہے

قصور
تحریک اللہ اکبر پاکستان کے صدر سیف اللہ خالد کل دورہ قصور کرینگے ،مختلف علاقوں میں ورکرز کنونشن سے خطاب کرینگے

تفصیلات کے مطابق اللہ اکبر تحریک پاکستان کے صدر سیف اللہ خالد کل دورہ قصور کرینگے جس میں وہ قصور کے مختلف علاقوں میں ورکرز کنونشن سے خطاب کرینگے
دن 1 بجے نماز نماز ظہر کے بعد وہ قصور کے نواحی گاؤں کلے والا میں خطاب کرکے دوپہر 2:30 پر موضع اوراڑہ میں خطاب کیلئے جائینگے اور پھر اس کے بعد 3:30 بجے گاؤں میر محمد میں کنونشن سے خطاب کرینگے
ان کے ہمراہ صدر اللہ اکبر تحریک قصور حافظ محمد نعیم بھی ہونگے
مقامی لوگوں نے صدر تحریک اللہ اکبر پاکستان کا خیر مقرم کیا ہے اور ان کے دورے کیلئے نیک تمناؤں کا اظہار کیا ہے

قصور
ملزم کو پکڑ کر ایک سے دوسرے تھانے پہنچایا اور پھر چھوڑ دیا، ملزم نے لڑکے کو مار مار کر ٹک ٹاک بنائی تھی،دوران ریڈ ملزم سے منشیات تولنے کا ترازو اور ناجائز پسٹل بھی برآمد ہوا

تفصیلات کے مطابق وقار نامی لڑکا رہائشی سکنہ رسول پورہ قصور نے ایک لڑکے کو مارتے ہوئے ٹک ٹاک ویڈیو بنائی اور اسے وائرل کر دیا جس پر تھانہ بی ڈویژن پولیس قصور نے ریڈ کی اور ملزم کو گرفتار کر لیا
ملزم کے گھر کی تلاشی کے دوران منشیات تولنے والا ترازو اور ایک عدد پسٹل بغیر لائسنسی بھی برآمد ہوا
تھانہ بی ڈویژن پولیس نے ملزم کو تھانہ صدر کی ڈیمانڈ پر تھانہ صدر کے حوالے کر دیا جہاں سے ملزم کو بغیر کسی کاروائی کے چھوڑ دیا گیا

قصور
کنگن پور میں احمد تھیلیسیمیا کئیر ہسپتال کی کنسٹرکشن کا باقاعدہ آغاز تھیلیسیمیا کے مریض مرحوم بچے احمد کے والد رانا محمد یونس نے کر دیا

تفصیلات کے مطابق گزشتہ دنوں کنگن پور میں ایک تقریب کے دوران تھیلیسیمیا کے مریض بچے احمد نے کنگن پور میں تھیلیسیمیا کئیر ہسپتال بنانے کی تجویز پیش کی تھی جس کے چند دنوں بعد ہی احمد نامی تھیلیسیمیا کا مریض بچہ فوت ہو گیا
احمد کی پکار پر لبیک کہتے ہوئے قصور بلخصوص کنگن پور کی عوام نے دل کھول کر تعاون کیا اور ہسپتال کے لئے جگہ عطیہ کرنے کے ساتھ ایک ہی دن میں منعقدہ کانفرنس میں 50 لاکھ روپیہ جمع کروا دیا اور یہ سلسلہ تاحال جاری ہے
مرحوم احمد کی خواہش کے مطابق ہسپتال کی کنسٹرکشن کا باقاعدہ آغاز اس کے والد رانا محمد یونس نے کر دیا
اس موقع پر شہریوں کی بڑی تعداد نے شرکت کی اور سپتال کی تکمیل تک تعاون جاری رکھنے کا عزم کیا
تھیلیسیمیا کے مریض بچوں نے مرحوم احمد کے درجات کی بلندی کے لئے دعا کی

قصور
برسات کے بعد دھند کا سلسلہ تیز،سڑکیں ٹوٹی پھوٹی ہونے سے حادثات میں اضافہ،سڑکوں پر ٹھوس لائن ( پیلی پٹی ) نا ہونے سے بھی مشکلات میں اضافہ

تفصیلات کے مطابق قصور ضلع میں برسات کے بعد دھند کا سلسلہ تیز ہو گیا ہے جس کے باعث حد نگاہ بمشکل ایک سے تین میٹر تک رہ گئی ہے
شدید دھند اور ٹوٹی پھوٹی سڑکوں کے باعث حادثات میں و چوری ڈکیتی کی وارداتوں میں نمایا اضافہ ہو گیا ہے
نیز سڑکوں پر ٹھوس لائن یعنی پیلی پٹی نا ہونے کی بدولت بھی لوگوں کو شدید مشکلات کا سامنا ہے کیونکہ اسی پیلی پٹی کے باعث سڑک کے اختتامی کنارے کا پتہ چلتا ہے مگر انتظامیہ کی نااہلی کی بدولت ضلع کی چند ایک سرکوں پر ہی پیلی پٹی موجود ہے باقی تمام چھوٹی بڑی سڑکیں پیلی پٹی سے محروم ہیں
شہریوں نے ضلعی انتظامیہ سے بڑھتے ہوئے حادثات کے پیش نظر سڑہوں پر پیلی پٹی لگانے اور وارداتوں کے پیش نظر پولیس گشت بڑھانے کا مطالبہ کیا ہے

قصور
30 دسمبر 2021 سے گھر سے گندم لینے گیا نوجوان تاحال لاپتہ،ورثاء شدید پریشان،ڈی پی او قصور سے نوٹس لینے کی استدعا،

تفصیلات کے مطابق قصور کی تحصیل چونیاں کے شہر کنگن پور کا رہائشی 22 سالہ فدا حسین 30 دسمبر 2021 کو اپنی بائیک پر سوار ہو کر اپنے شہر سے ساتھ والے گاؤں گندم لینے گیا مگر گھر واپس نا آیا جس پر تشویش زدہ گھر والوں نے ہر جگہ اسے ڈھونڈا مگر کوئی سراغ نا ملا تو 30 دسمبر کی رات 10 بجے ورثاء نے تھانہ کنگن پور میں اس کی گمشدگی کی ایف آئی آر درج کروا دی جوکہ پولیس تھانہ کنگن پور نے نامعلوم افراد کے خلاف درج کرلی تاہم کم و بیش 13 روز گزرنے کے باوجود پولیس لاپتہ ہونے والے 22 سالہ فدا حسین کا کوئی بھی سراغ لگانے میں ناکام رہی ہے جس پر اس کے ورثاء سخت پریشان ہیں اور ڈی پی او قصور محمد صہیب اشرف سے مطالبہ کرتے ہیں کہ جدید تکنیک کے ذریعے اس کے موبائل کی مدد سے اسے جلد سے جلد ڈھونڈا جائے تاکہ ورثاء سکھ کا سانس لے سکیں