Tag: baaghi

قصور
ڈی ایچ اے فیز 9 کے رہائشی لاپتہ ہونے والے 3 بیٹوں اور ان کے 1 شاگرد کے والد کی باغی ٹی وی قصور سے گفتگو، لاپتہ نہیں ہوئے بلکہ اغواء کیا گیا ہے،والد محمد اصغر،پولیس جلد بازیاب کروائے

تفصیلات کے مطابق محمد اصغر ڈاکخانہ کاہنہ نو لاہور ڈی ایچ اے فیز 9 گاؤں ہریاکے نے نمائندہ باغی ٹی وی قصور کو بتایا کہ اس کے تین بیٹے محمد شعیب اصغر،عمیر اصغر اور مبین اصغر اپنے شاگرد فہیم کو لے کر 9_1_2021 کو بوقت 4 بجے زام فریج اے سی کے کام پر اپنے ساتھ لے کر پاک ٹاؤن گئے اور 20 گھنٹے گزرنے کے بعد بھی گھر واپس نا آئے جن کو متعدد بار کالز کی گئیں تاہم کسی نے فون ریسیو نا کیا تاہم متعدد بار کے بعد دوسری طرف سے کسی اجنبی نے فون ریسیو کیا اور کہا کہ وہ کام کر رہے ہیں اس کے بعد کالز کرنے پر رابطہ نا ہو سکا
محمد اصغر کا کہنا ہے کہ اس نے ان کی لاپتہ ہونے کی درخواست ایس ایچ او تھانہ فیکٹری ایریا کو دے دی ہے تاہم خدشہ ہے کہ وہ لاپتہ نہیں ہوئے انہیں اغواء کیا گیا ہے لہذہ پولیس جلد سے جلد جدید تکنیک کا استعمال کرتے ہوئے میرے تینوں بیٹوں اور ان کے شاگرد کو بازیاب کروائے
محمد اصغر نے آئی جی پنجاب سے فوری نوٹس لے کر کاروائی کا مطالبہ کیا ہے

قصور
تحریک اللہ اکبر پاکستان کے سربراہ سیف اللہ خالد کی ڈسٹرکٹ پریس کلب قصور آمد،بانی پریس کلب سردار شریف سوہڈل سے خصوصی ملاقات

تفصیلات کے مطابق اللہ اکبر تحریک پاکستان کے سربراہ سیف اللہ خالد نے ڈسٹرکٹ پریس کلب قصور کا خصوصی دورہ کیا جس میں انہوں نے بانی پریس کلب سردار شریف سوہڈل سے خصوصی ملاقات کی اور ان کی صحافتی خدمات کو خوب سراہا اور نیک تمناؤں کا اظہار کیا
سیف اللہ خالد نے بتایا کہ ان کی جماعت الیکشن میں بھرپور حصہ لے گی اور دکھی انسانیت کی ہر ممکن طریقے سے خدمت کریے گی اور ہم جیتیں یاں ہاریں ہماری خدمات کا سلسلہ بلاتفریق مسلک،رنگ،نسل جاری رہینگی
سیف اللہ خالد کے ہمراہ معروف سماجی کارکن بابر شاہ بھی تھے
بعد از ملاقات سیف اللہ خالد نے ڈسٹرکٹ پریس کلب قصور سے ملحقہ مدرسہ کا دورہ کیا اور مدرسہ کے استاد حافظ تنزیل الرحمن چھتوی کی خدمات کو سراہا اور مدرسہ کے تعاون کرنے والوں ،بچوں اور اساتذہ کیلئے خصوصی دعا کی
سیف اللہ خالد نے سردار شریف سوہڈل کیلئے انتہائی نیک تمناؤں کا اظہار کیا اور دعا کی کہ اللہ تعالی انکی صحافتی اور سماجی خدمات کو قبول فرمائے

قصور
ڈی ایچ کیو ہسپتال قصور کے نجی سیکیورٹی و صفائی ملازمین کا PMU ( پراجیکٹ مینجمنٹ یونٹ) کے خلاف احتجاج، محض 11 سے 13 ہزار ماہوار لینے والے غریب ملازمین چار ماہ سے تنخواہوں سے محروم

تفصیلات کے مطابق سابقہ دور حکومت میں PMU (پراجیکٹ مینجمنٹ یونٹ) نامی ادارے کا قیام عمل میں لایا گیا تھا جو کہ کنٹریکٹ پر ملازمین کو بھرتی کرکے سرکاری اداروں کو ملازمین مہیا کرتا ہے
ڈسٹرکٹ ہیڈ کوارٹرز ہسپتال قصور کی سیکیورٹی و صفائی کی ذمہ داری بھی اسی پی ایم یو ادارے سے وابستہ ایک نجی کمپنی سے ہے جو اپنے ملازمین کو 11 ہزار سے 13 ہزار روپیہ ماہوار دیتی ہے
تاہم ڈی ایچ کیو ہسپتال قصور کے ملازمین کو گزشتہ چار ماہ سے تنخواہیں نہیں ملیں جس پر ملازمین نے آج صبح ڈی ایچ کیو ہسپتال قصور میں پی ایم یو کے خلاف احتجاج کیا اور مطالبہ کیا کہ ان کو ان کی سابقہ تنخواہیں دی جائیں
واضع رہے کہ وزیراعظم پاکستان کے احکامات کی روشنی میں کم ازکم تنخواہ 20 ہزار روپیہ ہے مگر اس کے باوجود پی ایم یو کی طرف سے سیکیورٹی گارڈز و عملہ صفائی کو ماہانہ 11 سے 13 ہزار روپیہ دیا جاتا ہے جو کہ اس دور مہنگائی میں ایک مذاق کی طرح ہے اس کے باوجود مجبور سیکیورٹی گارڈز و عملہ صفائی ایمانداری سے کام کرتا ہے

ہسپتال سیکیورٹی و صفائی ملازمین کے ساتھ ساتھ قصور شہر کی صحافی،سیاسی،سول سوسائٹی و وکلاء برادری نے بھی عملہ کی تنخواہوں کی ادائیگی اور عملہ کی تنخواہیں بڑھانے کا مطالبہ کیا اور کم تنخواہوں اور کئی ماہ سے نا ادا کی گئی تنخواہوں پر وزیراعلی پنجاب سے پی ایم یو کے خلاف نوٹس لینے کا مطالبہ کیا ہے

قصور
قصور کے گاؤں احمد پورہ کے لیے ہماری خدمات کسی سے ڈھکی چھپی نہیں,
احمد پورہ گاؤں میں قائم جنازہ گاہ کی چار دیواری سمیت چھت کا کام جاری ہے جس پر ہم ضلعی انتظامیہ قصور کا شکریہ ادا کرتے ہیں, سردار جاوید عاشق ڈوگر

تفصیلات کے مطابق
سردار جاوید عاشق ڈوگر نے بتایا کہ قصور کے نواحی گاؤں احمد پورہ میں واقع جناز گاہ بنیادی سہولیات سے محروم تھا جس پر اہلیان علاقہ کو سخت مشکلات کا سامنا تھا اور چاردیواری نہ ہونے کی وجہ سے جانور قبرستان میں داخل ہو جاتے تھے جس کی وجہ سے شہر خموشاں میں بسنے والوں کی بے حرمتی ہوتی تھی
الحمد للّٰہ تین سال کی جہدوجہد کے بعد ضلعی انتظامیہ قصور نے میری اور سردار کاشف امانت ڈوگر کی ریکویسٹ پر فنڈ جاری کیا اور اب قبرستان کا کام تکمیل کے آخری مراحل میں ہےجس پر میں قصور انتظامیہ کا بے حد مشکور ہوں
لیکن میرے گاؤں کے چند لوگ اس کام کا کریڈٹ لینے کے لیے اپنے نام کی تختی لگوانا چاہتے ہیں میری خدمات کسی سے ڈھکی چھپی نہیں خدمت خلق کا جذبہ لے کر صحافت کے میدان میں آیا ہوں انشاء اللہ خدمت خلق تاحیات جاری رکھوں گا

قصور
ڈی پی او قصور محمد صہیب اشرف کی خصوصی ہدایت پر عمل کرتے ہوئے سید ظہیر عالم ایس ایچ او تھانہ بی ڈویژن نے درجنوں پتنگ بازوں و پتنگ سازوں گرفتار کر لیا

تفصیلات کے مطابق ڈی پی او قصور محمد صہیب اشرف کی خصوصی ہدایت پر عمل کرتے ہوئے کائٹ فلائنگ ایکٹ کی خلاف ورزی کرنے والوں کے خلاف گھیرا تنگ کرتے ہوئے ایس ایچ او تھانہ بی ڈویژن قصور سید ظہیر عالم نے درجنوں پتنگ بازوں و پتنگ سازوں کو گرفتار کرکے کائٹ فلائنگ ایکٹ کی خلاف ورزی کے مقدمات درج کر دیئے

سید ظہیر عالم نے کہا کہ کسی کو بھی لوگوں کی جانوں سے کھیلنے کی اجازت نہیں دی جائے گی
جو بھی کائٹ فلائنگ ایکٹ کی خلاف ورزی کرے گا اسے گرفتار کرکے مقدمہ درج کیا جائے گا

لوگوں نے خونی کھیل پتنگ بازی کرنے والوں کے خلاف پولیس کی جانب سے گھیرا تنگ کئے جانے پر ڈی پی او قصور و ایس ایچ او تھانہ بی ڈویژن سید ظہیر عالم کو خراج تحسین پیش کیا

قصور
تحریک اللہ اکبر پاکستان کے صدر سیف اللہ خالد کا دورہ قصور، سخت سردی کے باوجود لوگوں نے شرکت کی،اقلیتی لوگوں نے بھی شرکت کی اور تعاون کی یقین دہانی کروائی

تفصیلات کے مطابق تحریک اللہ اکبر پاکستان کے صدر سیف اللہ خالد نے ضلع قصور کے مختلف علاقوں کا دورہ کیا جس میں انہوں نے کنگن پور کے علاقے منوریاں میں جلسہ سے خطاب کیا
اس جلسہ میں طارق ہدایت مسیح کو اللہ اکبر تحریک کی طرف سے اقلیتی کونسلر کی سیٹ کیلئے نامزد کیا گیا
جبکہ کوٹ سندر سنگھ کنگن پور میں بھی سخت سردی کے باوجود ہزاروں لوگوں نے جلسہ میں شرکت کی اس کے بعد سیف اللہ خالد تحصیل کوٹ رادھا کشن کے گاؤں 17 چک میں جلسہ سے خطاب کیلئے تشریف لے گئے جہاں لوگوں کے بہت بڑے ہجوم نے ان کا پرتپاک استقبال کیا
اپنے خطاب میں سیف اللہ خالد نے کہا کہ ہماری سیاست انسانیت کی بقاء اور دکھی انسانیت کی خدمت کیلئے ہے
ہم اقتدار میں آئیں یا نا آئیں مگر دکھی انسانیت کی خدمت کا سلسلہ جاری رکھیں گے
اہلیان علاقہ نے سیف اللہ خالد و تحریک اللہ اکبر کے ساتھ ہر قسم کے تعاون کی یقین دہانی کرائی

قصور
فیول پرائس ایڈجسٹمنت ( ایف پی اے) نے لوگوں کی چیخیں نکلوا کر رکھ دیں ، مسلسل تیسرے ماہ سے لوگ گزشتہ دنوں میں بڑھنے والے تیل کی ادائیگی کر رہے ہیں

تفصیلات کے مطابق لیسکو نے لوگوں کی چیخیں نکلوانے کا سلسلہ جاری کیا ہوا ہے
غریب لوگ سردیوں میں کم بل کے باعث سکھ کا سانس لیتے تھے مگر گورنمنٹ نے قسم کھا لی کہ غریب کو سکھ کا سانس لینے دینا ہی نہیں
گزشتہ دنوں بڑھنے والے تیل کی قیمتوں کی بدولت بجلی کے بلوں میں فیول پرائس ایڈجسٹمنت کی مد میں گزشتہ تین ماہ سے لوگوں کو خوب رگڑا لگایا جا رہا ہے جس سے بیچارے لوگ اب بجلی کی چیزوں کی جانب دیکھنے سے بھی گھبراتے ہیں
غرباء کو سردیوں میں بجلی کے کم استعمال پر کم بل آیا کرتا تھا مگر سردی شروع ہوتے ہیں پچھلے تین ماہ سے ہر ماہ لوگوں کے بلوں میں ہزاروں روپے فیول پرائس کی مد میں ڈالے جا رہے ہیں
لوگوں کا کہنا ہے کہ ہر چیز میں ٹیکس دے دے کر تھک گئے ہیں اب ہم میں مذید سکت نہیں رہی نیازی گورنمنٹ اپنی شاہ خرچیاں بند کرے اور عوام کو ریلیف دے

قصور
ضلع بھر خاص کر تحصیل قصور میں مٹی سے لڈی ٹرالیوں،ڈمپروں نے لوگوں کا جینا حرام کرکے رکھ دیا ،اوور لوڈنگ،اوور سپیڈنگ معمول،دھول مٹی گردو غبار عوام کا مقدر ،ٹریفک پولیس قصور خواب خرگوش کے مزے لینے میں مصروف

تفصیلات کے مطابق قصور ضلع بھر میں مٹی سے لڈی ٹرالیوں ،ڈمپروں نے لوگوں کا جینا دو بھر کر رکھا ہے
خاص طور پر تحصیل قصور کی ہر چھوٹی بڑی سڑک پر انہی کا راج ہے یہ اوور لوڈڈ اوور سپیڈنگ ڈمپر و ٹرالیاں راستوں میں کسی کو آگے نکلنے نہیں دیتے اور سارے راستے دھول مٹی گردو غبار لوگوں پر ڈالتے ہیں جس سے لوگوں کے سڑکوں پر گزرنے کے ساتھ ساتھ جینا بھی دو بھر ہو چکا ہے
یہ ٹرالیاں،ڈمپر ترپال کا ہرگز استعمال نہیں کرتے جس کے باعث مٹی گر کر سڑک پر سے اڑ اڑ کر لوگوں کی آنکھوں و جلد کا ستیاناس کرتی ہے اور کئی بیماریاں لوگوں کا مقدر بنتی ہیں
اس ساری صورتحال کے پیش نظر ٹریفک پولیس نے آنکھیں موندھ رکھی ہیں اور لوگوں کی جانوں سے کھیلنے کا ان کو پورا پورا موقع دیا جا رہا ہے
شہریوں نے ان بعیر ترپال اوور لوڈڈ اوور سپیڈنگ ٹرالیوں،ڈمپروں کے خلاف ڈی پی او قصور محمد صہیب اشرف سے کاروائی کا مطالبہ کیا ہے

قصور
ملک بھر کی طرح قصور سے بھی پیناڈول گولی کو غائب ہوئے 2 ماہ ہو گئے،لوگ پیناڈول کے متبال لوکل کمپنیوں کی گولیاں مہنگے داموں خریدنے پر مجبور ،ڈریپ ،صوبائی و وفاقی حکومت بے بس

تفصیلات کے مطابق گزشتہ دو ماہ سے پیناڈول گولی نایاب ہو چکی ہے
ملک بھر کی طرح قصور میں بھی پیناڈول گولی غائب ہے
جس کے باعث لوگ عام کمپنیوں کی پیناڈول گولی ( پیراسیٹامول) مہنگے داموں خریدنے پر مجبور ہو چکے ہیں
گزشتہ ڈیڑھ سال قبل پیناڈول فی بلسٹر ( 10 گولی پیکنگ) کی قیمت محض 7 روپیہ تھی جو کہ بڑھتے بڑھتے 22 روپیہ تک جا پہنچی اور اب گزشتہ دو ماہ سے مکمل غائب ہو چکی ہے
اکثر مقامات پر پیناڈول کا بلسٹر 60 روپیہ میں فروخت ہو رہا ہے
یعنی محض ڈیڑھ سال قبل 75 پیسہ کی گولی اب 6 روپیہ میں فروخت ہو رہی ہے
واضع رہے کہ موجودہ دور حکومت میں ادویات کی قیمتیں اندازاً 13 ویں مرتبہ بڑھ چکی ہیں جس سے ادویات کی قیمتوں میں 500 فیصد تک کا اضافہ ہوا ہے
ادویات کی پرائس کنٹرول پر ڈرگ ریگولیٹری اتھارٹی ( ڈریپ) صوبائی و وفاقی گورنمنٹ مکمل ناکام ہے اور ایسا لگتا ہے کہ ادویات کی آئے روز کی قیمتوں میں اضافہ و نایابی حکومتی سرپرستی میں ہو رہی ہے جس سے غریب آدمی انتہائی پریشان ہو کر رہ گیا ہے
چونکہ ایم بی بی ایس ڈاکٹر صاحبان کی فیسیں مزودر کی ایک دن کی مزدوری سے زیادہ ہیں اس لئے غریب غرباء اور سفید پوش لوگ جسم درد،بخار،زکام وغیرہ میں پیناڈول جیسی سستی گولیاں کھا کر گزارہ کرتے تھے تاہم اب غریب سے یہ گزارہ بھی چھین لیا گیا ہے اور سرکاری ہسپتالوں میں زیادہ رش کے باعث لوگوں کو اپنی دیہاڑی ضائع کرکے جانا پڑتا ہے پھر آگے سے ڈاکٹر صاحبان کی مرضی لکھی پرچی تھما دیں یا دو گولی پیناڈول 800 روپیہ کی دیہاڑی کے عیوض