Tag: baaghi

قصور
ڈسپوزیبل سرنج میں کیڑیاں،ڈسٹ،پلنجر میں انتہاہ کا گند،ڈاکٹرز ،میڈیکل سٹاف و میڈیکل سٹور مالکان پریشان،انتظامیہ سے کاروائی کا مطالبہ

تفصیلات کے مطابق قصور کے میڈیکل سٹورز پر میڈی ایکوا نامی سرنجوں کے اندر پیکنگ میں انتہائی زیادہ گردو غبار آ رہا ہے بعض سرنجوں میں مری ہوئی کیڑیاں بھی پائی گئی ہیں خاص کر سرنج کا پلنجر گردو غبار سے بھرا ہوا ہے جس سے سرنج کی سٹرلائیزیشن ختم ہونے کے ساتھ ساتھ مذید نقصانات کا اندیشہ بھی ہے جس کے باعث ڈاکٹرز و پیرامیڈیکل سٹاف انتہائی پریشان ہیں
پشاور کی سرنج ساز کمپنی میڈی ایکوا کے بیچ نمبر 003c21 میں میڈیکل سٹور مالکان نے شکایت کی ہے کہ اس میں اکثر سرنجوں کی گیس کٹ خراب ہے اور بیرل و پلنجر ٹوٹا ہوا ہے جس کے باعث مشکلات کا سامنا ہے
شہریوں نے پشاور کی سرنج ساز کمپنی میڈی ایکوا کے خلاف کاروائی کا مطالبہ کیا ہے

قصور
پی ٹی آئی کی حکومت سے عوام مایوس مہنگائی کا جن بے قابو ہونے سے شہریوں کی زندگی اجیرن ہوگئی بڑھتی ہوئی مہنگائی کی وجہ سے کرائم کی شرح میں بھی دن بہ دن اضافہ ہورہا ہے۔شہریوں کوسبزیاں اور پھل،دالیں،چینی،گھی اور آٹا روزمرہ کی اشیا بھی سرکاری نرخ ٹھیلوں اور دکانوں سے غائب دوکاندار دونوں ہاتھوں سے عوام کو لوٹنے لگے۔شہریوں کے مطابق لوگ پی ٹی آئی گورنمنٹ نے بہت مایوس کیا ہے پرائس مانیٹرنگ ٹیم بھی حرکت میں نظر نہیں آرہی روزمرہ کے استعمال کی اشیاء خودو نوش دال،سبزیاں اور پھلوں،دالوں،آٹااور چینی کے منہ مانگے دام وصول کیے جارہے ہیں عوام دوکانداروں کو منہ مانگے ریٹس دینے پر مجبور دکھائی دیتے ہیں دوکانداروں نے عوام کودونوں ہاتھوں لوٹنا شروع کردیا۔عموماًدیکھنے میں آیا ہے کہ کسی بھی دوکان پر سرکاری نرخ نامہ اویزاں نہیں کیا گیا سبزیاں،دالوں اور پھلوں کے علاوہ چینی،گھی،آئل کے ریٹس اپنی مرضی کے وصول کیے جارہے ہیں سبزیوں،دالوں اور گھی کی قیمتوں میں بے پناہ اضافہ کیا جاچکا ہے یوٹیلیٹی سٹور پر اور عام دوکانوں کے ریٹس میں کچھ خاص فائدہ دکھائی نہیں دیتا قیمتوں میں انیس بیس کا ہی فرق ہے اس مسئلے پر کو ئی بھی پرائس مانیٹر کرتی ٹیم دکھائی نہیں دے رہی شہریوں کا کہنا ہے کہ حکومت کے دعوے دھرے کے دھرے رہ گئے ہیں جو الیکشن سے پہلے سستی اشیاء عوام کو فراہم کرنے کے وعدے کیے گئے تھے ان میں سے کسی ایک بھی وعدے کی تکمیل نہیں کی گئی عوام حکومت سے مایوس دکھائی دے رہے ہیں لوگوں کا کہنا ہے کہ مہنگائی کی وجہ سے عوام کے کندھوں پر بوجھ بڑھنے لگا ہے اور اگر دالوں،سبزیوں اور پھلوں،آٹا،چینی کے ریٹس کنٹرول نہ کیے گئے تو لوگ خودکشیوں پر مجبور ہوجائیں گے اس لیے حکومت وقت کو چاہیے کہ پرائس کنٹرول کمیٹیوں کو متحرک کیا جائے اور سرکاری نرخ نامے ہر شاپ پر آویزاں کروائے جائیں اور مہنگائی پر قابو پانے کے لیے عملی اقدامات کیے جائیں تاکہ عوام روزمرہ کی اشیاء خوردونوش باآسانی خرید سکیں

قصور
تبدیلی سرکار کے دور حکومت میں اہلیان نول و پل جبومیل کا تیسرا ساون مگر تبدیلی کی بجائے لوگوں کی زندگیاں تباہی کی طرف گامزن،بارش ہوتے ہی قصور رائیونڈ روڈ جوہڑ میں تبدیل،لوگوں کی جھولیاں اٹھا اٹھا کر وزیراعظم،وزیراعلی پنجاب و ضلعی انتظامیہ کو بد دعائیں

تفصیلات کے مطابق قصور رائیونڈ روڈ عرصہ دراز سے ٹوٹ پھوٹ کا شکار ہے خاص کر موضع نول سے لوگوں کا اپنے گھروں سے نکلنا محال ہو چکا ہے
موجودہ تبدیلی دور حکومت میں تیسرا ساون آ گیا مگر لوگوں کی زندگیاں تبدیلی کے بجائے تباہی کی طرف گامزن ہیں ج سکے باعث لوگ جھولیاں اٹھا اٹھا کر وزیراعظم پاکستان عمران خان،وزیر اعلی پنجاب سردار عثمان بزدار و ضلعی انتظامیہ کو بد دعائیں دے رہے ہیں
لوگ اس قدر پریشان ہیں کہ جنازے تک ٹرالیوں پر لیجانے پر مجبور ہیں جبکہ اس سڑک کی مرمت کا کام گزشتہ سال مارچ سے جاری ہے تاہم موضع نول میں ایک اینٹ بھی نہیں لگائی گئی جبکہ باقی سڑک جو کہ مرمت کی گئی ہے اب چند ماہ بعد ہی کھنڈرات میں بدل چکی ہے
نمائندہ باغی ٹی وی سے گفتگو کرتے ہوئے لوگوں نے کہا نا تو امید ہے اس گورنمنٹ سے سڑک مرمت کروانے کی نا ہی ہو گی
اس لئے ہماری فریاد صرف رب کے سامنے ہے نا کہ ان بے رحم حکمرانوں کے سامنے

قصور
اے سی چونیاں کی جانب سے برادرز شوگر ملز سے پکڑی جانے والی چار ٹرک چینی کا تھانہ سٹی پولیس نے 30 گھنٹے گزرنے اور استغاثہ جانے کے باوجود مقدمہ درج نہ کیا گرفتار آٹھ ملزمان کو سٹی پولیس نے سرکاری مہمان بنا لیا، وزیراعظم، وزیر اعلیٰ، کمیشنر لاہور اور کین کمیشنر پنجاب فوری نوٹس لیں، شہریوں اور زمینداروں کا مطالبہ

تفصیلات کے مطابق برادرز شوگر ملز چونیاں گزشتہ کئی سال سے شریف فیملی اور حاجی بشیر شیخ نوشاد کے درمیان تنازع بنی ہوئی ہے، زمینداروں اور بینکوں کے لین دین کی وجہ سے معاملات عدالتوں میں زیر التواء ہیں اور مذکورہ ملز کئی سال سے گورنمنٹ آف پنجاب کی تحویل میں ہے۔
گزشتہ روز اے سی چونیاں رضوان الحق نے اطلاع ملنے پر فوری کاروائی کرتے ہوئے چار ٹرک چینی جو تقریباً لوڈ ہو چکی تھی اور آٹھ ملزمان کو گرفتار کروا کر تھانہ سٹی چونیاں پولیس کے حوالے کر دیا تھا، ملزمان کے خلاف مقدمہ کے اندراج کیلئے اسسٹنٹ کمشنر رضوان الحق نے اپنی جانب سے استغاثہ لکھ کر دیا جس کی رسیونگ بھی تھانہ سے وصول ہو گئی، مگر 30 گھنٹے گزرنے کے باوجود سٹی پولیس نے بااثر ملزمان پر مقدمہ درج نہ کیا بلکہ بااثر ملزمان تھانہ میں سرکاری مہمان بنے رہے۔
شہری تنظیموں اور زمینداروں نے وزیراعظم، وزیر اعلیٰ، کین کمیشنر پنجاب اور کمیشنر لاہور سے مطالبہ کیا ہے کہ گزشتہ 7 سال سے برادرز شوگر ملز کے مالکان نے زمینداروں کے کروڑوں روپے دبا رکھے ہیں لیکن آئے روز یہ ملکان پولیس اور دیگر انتظامیہ کے ساتھ سازباز ہو کر چوری چھپے چینی، بھاری مشینری اور دیگر قیمتی سامان فروخت کرتے ہیں، مزکورہ مالکان کے خلاف مقدمہ درج کروایا جائے اور سابقہ ریکوری بھی کی جائے۔ تھانہ سٹی پولیس نے موقف میں کہا کہ افسران نے مقدمہ درج کرنے سے روکا ہوا ہے

قصور
ایل ڈی اے و ایشین کنسلنٹ انجیئیرز کی طرف سے قصور رائیونڈ روڈ پر ایک روزہ ٹریفک مانیٹرنگ،کاؤنٹنگ و آگاہی مہم

تفصیلات کے مطابق قصور میں لاہور ڈویلپمنٹ اتھارٹی و ایشین کنسلنٹ کمپنی کی طرف سے آج قصور رائیونڈ روڈ پر ایک روزہ ٹریفک مانیٹرنگ،ٹریفک کاؤنٹک و ٹریفک آگاہی مہم کا آغاز کیا ہے جس میں ایل ڈی اے کے زیر اہتمام ایشین کنسلنٹ کمپنی کے درجنوں کارکنان قصور رائیونڈ روڈ پر گزرنے والی گاڑیوں کی تعداد نوٹ کرنے کے سات ساتھ لوگوں کو ٹریفک کے متعلق آگاہی لیکچرز بھی دینگے

قصور
محکمہ واپڈا کی نااہلی ،لوگ جلے ٹرانسفارمر خود ٹھیک کروانے پر مجبور،واپڈا اہلکاران دیہاڑیاں لگانے میں مصروف،ایل ٹی لائنز انتہائی پرانی و بوسیدہ

تفصیلات کے مطابق قصور اور گردونواح میں واپڈا قصور کی طرف سے کھلا اعلان ہے کہ خراب ہونے یا جلنے والا ٹرانسفارمر اپنے پلے سے لگوائیں یاں پھر دو چار ہفتہ انتظار کریں
قصور اور گردونواح کے تمام ٹرانسفارمرز کی ایل ٹی لائنز انتہائی بوسیدہ اور پرانی ہو چکی ہیں جن کو تبدیل کرنے کی کبھی زحمت ہی نہیں کی گئی
جس کے باعث آئے روز ٹرانسفامروں سے آگ نکلتی دکھائی دیتی ہے جس کی اطلاع واپڈا کو کی جائے تو کوئی کاراوئی نہیں کی جاتی بلکہ ٹرانسفارمر کے جلنے کا انتظار کیا جاتا ہے تاکہ دیہاڑی لگ سکے
مہنگی بجلی کے باعث لوگ پہلے ہی سخت پریشان ہیں اور اوپر سے اپنے گلی محلے کا ٹرانسفارمر جلنے پر مرمت کروانے کیلئے پیسے دینے پڑتے ہیں

قصور
تحصیل پتوکی میں اشیاءخوردونوش میں ملاوٹ انتہائی عروج پر پہنچ گئی۔ ڈسٹرکٹ فوڈ اتھارٹی اور لوکل انتظامیہ خواب خرگوش کے مزے لے کر سوگئی محکمہ فوڈ اتھارٹی کے افسران اور لوکل انتظامیہ محض کاغذی کاروائی اور پیسے بنانے میں مصروف عوام بہت سی بیماریوں کے گھیرے میں

تفصیلات کے مطابق تحصیل پتوی میں اشیائے خوردونوش میں ملاوٹ اپنے عروج پر گئی ۔دودھ، دہی ، گھی ، چائے کی پتی،مصالحات جات، سرخ مرچ، بیسن اور دیگرچیزوں کا خالص ملنانا ممکن ہو چکا ہے۔ فوڈ اتھارٹی کے افسران اور لوکل انتظامیہ کا غذی کاروائیوں تک محدودہوکر رہ گئی ہے۔خالص اشیاءکا ملنانا ممکن ہو چکا ہے۔سب سے زیادہ ملاوٹ دودھ، دہی ، گھی ، چائے کی پتی،مصالحات جات، سرخ مرچ ،بیسن میں کی جارہی ہے۔ مختلف علاقوں میں کھا د اور کیمیکلز وغیرہ دودھ،تیار کرنے کی فیکٹریوں میں دودھ کے نام پر کھلے عام صحت زہر فروخت کیا جارہا ہے۔مضر صحت اشیاءخوردونوش کے استعمال سے لوگوں کی بہت بڑی تعداد ہیپاٹائٹس ، ٹی بی اور گردوں کے امراض معدہ ،جگراور دیگر امراض میں مبتلا ہو چکے ہیں۔جب کہ سرکاری ونجی ہسپتال مضر اشیاءخوردونوش کے استعمال کرنے والے مریضوں سے بھرے پڑے ہیں۔جب کہ ڈسٹرکٹ فوڈ اتھارٹی اور لوکل انتظامیہ خواب خرگوش کے مزےلے کر سوگئی ہوئی ہیں۔ڈاکٹرز کا کہنا ہے کہ اشیاءخوردونوش میں ملاوٹ کے انسانی زندگیوں پر انتہائی خطرناک اثرات مرتب ہورہے ہیں

قصور
بسلسلہ آمد محرم الحرام لائسنسداران جلوس ومنتظمین مجالس اور معززین علاقہ کے ساتھ ایس ایچ او الہ آباد کی میٹنگ محرم الحرام میں مجالس اور جلوس ہائے کو فول پروف سکیورٹی فراہم کی جائے گی ، علماءکرام اور ذاکرین حضرات اپنے بیانات ،خطبات میں امن ،بھائی چار ے ،صبر اور براداشت کو فروغ دیں ،امن خراب کرنے والوں کے ساتھ سختی سے نمٹا جائے گا ایس ایچ او الہ آباد

تفصیلا ت کے مطابق بسلسلہ آمد محرم الحرام ایس ایچ او الہ آباد کی طرف سے ممبران امن کمیٹی اور لائسنسداران جلوس ومنتظمین مجالس اور معززین علاقہ کے ساتھ میٹنگ کا انعقاد کیا گیا ،میٹنگ میں محرم الحرام کے دوران علاقہ میں امن و امان کی فضا کو برقرار رکھنے کےلئے مختلف امور زیر بحث لائے گئے ایس ایچ او عابد محمود چھینہ نے گفتگو کرتے ہوئے کہا کہ محرم الحرام میں مجالس اورجلوس ہائے کیلئے فول پروف سکیورٹی انتظامات کیے جا رہے ہیں،کسی بھی ناخوشگوار وقوعہ سے بچنے اور امن کو قائم رکھنے کےلئے پولیس کی جانب سے تمام وسائل بروئے کا ر لائے جا رہے ہیں،محرم الحرام کے حوالے سے خصوصی سکیورٹی پلان بھی مرتب کیا جا رہا ہے، علماءکرام اور ذاکرین حضرات امن کے فروغ کےلئے اپنا ذمہ دارانہ کردار ادا کریں،اپنے بیانات ،خطبات میں امن ،بھائی چار ے ،صبر اور براداشت کو فروغ دیں،نفرت اور شر انگیز بیانات سے گریز کریں ،پولیس کے ساتھ تعاو ن کریں اور قیام امن کے لئے اپنا کردار ادا کریں، شہر کا امن خراب کرنے والے عناصر کے ساتھ سختی سے نمٹا جائے گا ،دوران میٹنگ شرکاءکی جانب سے سکیورٹی کے لئے پیش آنے والے مسائل اور تجاویز پیش کی گئی ایس ایچ او نے تجا ویز کا خیر مقدم کرتے ہوئے مسائل حل کرنے کی یقینی دہانی کرائی

قصور
تحصیل پتوکی کے نواحی علاقے حبیب آباد میں 5 سالہ مقتول فرمان عرفان کی قاتلہ گرفتار،قاتلہ مقتول کی سگی تائی ہے

تفصیلات کے مطابق قصور کی تحصیل پتوکی کے نواحی علاقے حبیب آباد میں ہولیس نے انتہائی مہارت سے 5 سالہ مقتول فرمان عرفان کی قاتلہ بشری بی بی کو گرفتار کر لیا جس نے قتل کا اعتراف کر لیا
مقتولہ بچے کی سگی تائی ہے اور ان کا آپس میں خاندانی معمولی نوعیت کا تنازعہ ہے جس کی رنجش پر مقتولہ نے 5 سالہ عرفان کو قتل کیا
پولیس نے دوران تفتیش شک کی بناء پر اسے گرفتار کیا تو بشری بی بی نے بچے کو قتل کرنے کا اعتراف کر لیا
ڈی پی او قصور عمران کشور نے قاتلہ کے خلاف مقدمہ درج کرکے عبرت ناک سزا کی یقین دہانی کراوائی
ڈی پی او قصور نے چند گھنٹوں میں قاتلہ کی گرفتاری پر پولیس ٹیم کو شاباش دی

قصور
کل سے قصور و گردونواح میں شدید بارش،فصلوں میں پانی کھڑا ہو گیا ،کچے مکانوں کو نقصان،ندی نالوں میں طغیانی،گہرے بادل تاحال موجود

تفصیلات کے مطابق قصور اور گردونواح میں کل سے شدید بارش کا سلسلہ جاری ہے جس کے باعث فصلوں میں پانی کھڑا ہو گیا ہے اور کچے مکانوں کو نقصان پہنچا ہے جبکہ بارش کے تیز سلسلہ سے ندی نالوں میں طغیانی آگئی ہے اور گلیوں بازاروں میں پانی کھڑا ہے
گہرے بادل تاحال موجود ہیں جس سے مذید برسات کا امکان ہے موجود ہے
گنڈا سنگھ بارڈر پر دریائے ستلج میں بھی طغیانی ہے جس کے باعث قریب کے دیہات میں سیلاب کا خطرہ موجود ہے جس کے پیش نظر ضلعی انتظامیہ نے فلڈ ریلیف وارننگ و کیمپ قائم کر دیا ہے