Tag: baaghi

قصور
پتوکی شہر اور گردونواح میں افطاری وسحری کے اوقات میں سوئی گیس کی لوڈ شیڈنگ کا سلسلہ جاری شہری بہت پریشان کوئی پرسان حال نہیں اعلی حکام نوٹس لیں
پتوکی تفصیلات کے مطابق پتوکی شہر اور گردونواح میں افطاری وسحری کے اوقات میں سوئی گیس کا سلسلہ جاری ہے جس کی وجہ سے گھریلو خواتین کو سحری اور افطاری کے لئے کھانا تیار کرنے میں شدید مشکات کا سامنا کرنا پڑھ رہا ہے شہری مہنگے داموں ایل پی جی گیس خریدنے پر مجبور ہو چکے ہیں شہریوں نے جناح پریس کلب پتوکی کے سینیر صحافیوں سے گفتگو کرتے ہوئے کہا کہ سوئی گیس کی وجہ سے بہت پریشانی بنی ہوئی ہے لہذا وزیراعظم عمران خان سے درخواست ہے کہ پتوکی کے سوئی نادرن گیس کے غیر زمہ دار افسران کے خلاف سخت کارروائی کر کہ ان ظالموں سے عوام کی جان خلاصی کروائی جاۓ شہریوں کا کہنا ہے کہ ماہ رمضان کے مقدس مہینے میں بھی پتوکی محکمہ سوئی نادرن گیس عوام کو بلا تعطل گیس فراہم کرنے کے بجائے انکی طرف سے گیس لوڈ شیڈنگ کی جارہی ہے جسکی وجہ سے افطاری اور سحری کے اوقات میں کھانا بروقت تیار نہیں ہو پاتا شہری بازار سے کھانا خرید کر سحری اور افطاری کرنے پرمجبور ہوچکےہیں شہریوں نے اعلیٰ حکام سے مطالبہ کیا ہے کہ سوئی گیس کی فراہمی کو یقینی بنایا جائے اور سوئی گیس نادرن افسران کے خلاف قانونی کارروائی عمل میں لائی جائے جو ماہ رمضان کے مقدس مہینے میں بھی سوئی گیس کی لوڈ شیڈنگ کرکے عوام کو تکلیف میں مبتلا کر رہے ہیں

قصور
تھانہ تھ شیخم کی کاروائیوں میں سماج دشمن عناصر گرفتار
تفصیلات کے مطابق ڈی پی او عمران کشور کی ہدایات پر تھانہ تھ شیخم پولیس کا جرائم پیشہ عناصر کے خلاف کریک ڈاون جاری ہے منشیات ، ناجائز اسلحہ برآمد کر لیا گیا
تھ شیخم پولیس نے کی اہم کاروائی میں شراب فروش ارشد ولد حنیف سے 20 لیٹر دیسی شراب برآمد کر لی جبکہ ایک اور کاروائی میں ایس ایچ او سید افتخار بخاری کی زیرنگرانی چوکی انچارچ روشن بھیلہ عظیم حفیظ اور ان کی ٹیم نے ملزم جبار احمد ولد عبدالستار کے قبضہ سے 1 عدد پسٹل 30 بور معہ 2 ضرب شد گولیاں برآمد کرکے ملزم کے خلاف مقدمہ درج کر لیا ہے
ڈی پی او عمران کشور کی طرف سے تھانہ تھ شیخم کے ایس ایچ او اور پولیس ٹیم کو شاباش دی گئی ہے
جبکہ ڈی او نے کہا ہے کہ جرائم اور منشیات کے ذریعے نوجوان نسل کو تباہی کی جانب گامزن کرنے والوں کے ساتھ آہنی ہاتھوں سے نمٹا جائے گا

قصور
ماہ برکات رمضان میں ضلع بھر کے لوگوں کی لیسکو حکام کو دعائیں جبکہ سب ڈویژن راجہ جنگ کیلئے خصوصی بدعائیں،ہلکی بارش و ہوا سے ساری سب ڈویژن کا نظام درہم برہم ہو جاتا ہے ،آٹھ آٹھ گھنٹے بجلی بند رکھی جاتی ہے،لوگوں کا کہنا ہے شیطان کے روپ میں سب ڈویژن راجہ جنگ کا عملہ ماہ رمضان میں موجود ہے

تفصیلات کے مطابق جب سے ماہ برکات ماہ رمضان شروع ہوا ہے ضلع بھر کی عوام نے سکھ کا سانس لیا ہے اور لیسکو حکام کو سحر و افطار میں دعائیں دی جا رہی ہیں کیونکہ لوڈشینگ نا ہونے کی بدولت روزے داروں کو عبادت میں پریشانی نہیں ہوتی جس کے باعث روزے داروں کی دعائیں لیسکو قصور کے ساتھ ہیں تاہم اس ماہ برکات میں سب ڈویژن راجہ جنگ لعنتیں اور بدعائیں لینے میں اب بھی باز نہیں آیا ہلکی سی ہوا و بارش کی بدولت علاقے کی بجلی آٹھ آٹھ گھنٹے بند رکھی جاتی ہے اور یہ سلسلہ پہلے کی طرح جاری ہے
لوگوں کا کہنا ہے کہ ماہ رمضان میں جب شیطان قید کر دیا جاتا ہے تو اس کی لعنتیں حاصل کرنے کیلئے سب ڈویژن راجہ جنگ قصور کا عملہ حاضر ہے جن کو ہم سحری و افطاری میں پوری تندہی سے لعنتیں دیتے ہیں جو کہ ان لعنتوں کے خالصتاً حقدار بھی ہیں کیونکہ پورے ضلع کے لوگ لوڈشینگ نا ہونے اے خوش ہیں جبکہ ہم ماہ رمضان میں بھی عبادات کرنے میں دشواری کر رہے ہیں
لوگوں نے وزیر اعلی پنجاب سے استدعا کی ہے کہ شیطانی پیروکار عملہ سب ڈویژن راجہ جنگ کو کسی مدرسے میں داخل کروا دیا جائے تاکہ ان کو عبادات رمضان کی حرمت کا علم ہو جائے اور یہ راشی لوگ پوری لائن کو ایمانداری سے درست کر کے دیگر سب ڈویژن کی طرح دعائیں حاصل کر سکیں

قصور
چونیاں سستا رمضان بازار میں 20 روپے کی خاطر عوام کو دوگھنٹے لائنوں میں کھڑا کر دیا گیا،ایس او پیز پی دھجیاں بکھیر دی گئیں

رمضان المبارک کا مہینہ برکتوں رحمتوں اور فضیلتوں کا مہنہ ہے لگتا ہے کہ اے سی چونیاں صاحب آٹا مافیا اور چینی مافیا سے ہار مان گیا
چونیاں تحصیل بھر میں دوکانداروں نے سرکاری نرخ نامے پر چینی کی فروخت کو ہوا میں اڑا دیاہے عوام چینی کے حصول کے لیے رل گئے
تحصیل چونیاں کے ہر گلی محلے اور گردونواح کے دہی علاقوں میں چینی سرکاری نرخ نامے کی بجائے بلیک میں فروخت ہو رہی ہے تاہم چونیاں شہر میں چند ایک بڑے دکانداروں کے سوا باقی ہر جگہ پر چینی سو روپے سے ایک سو 110کلو تک فروخت ہو رہی ہے جبکہ تحصیل انتظامیہ صرف فوٹو سیشن کی حد تک ہی محدود ہے اکثر دکاندار چینی سو روپے اور دال چنا اور سفید چنا گورنمنٹ کے ریٹ سے مہنگے داموں فروخت کر رہے ہیں رمضان المبارک میں مقرر کئے جانے والے پرائس کنٹرول مجسٹریٹ غفلت کی نیند سوئے ہوئے ہیں مقامی شہریوں نے وزیراعظم عمران خان اور وزیر اعلیٰ پنجاب سے مطالبہ کیا ہے کہ اگر آپ عوام کو ریلیف نہیں فراہم کر سکتے تو حکومت سبسڈی کا ڈرامہ بھی نہ رچائیں

قصور میں پولیس مقابلہ،خطرناک ڈاکو اپنے ہی ساتھیوں کی فائرنگ سے مارا گیا
تفصیلات کے مطابق ڈکیتی معہ قتل سمیت 30 سے زائد وارداتوں میں ملوث خطرناک ڈاکو عارف عرف عارفی دوران پولیس مقابلہ اپنے ساتھی ڈاکوؤں کی فائرنگ سے ہلاک ہوگیا
ملزم عارف عرف عارفی ڈکیتی معہ قتل کے 3 مقدمات سمیت 30 سے زائد مقدمات میں تھانہ چھانگا مانگا میں ریمانڈ پر تھا
تھانہ چھانگا مانگا پولیس عارف عرف عارفی کو ریکوری کیلئے لیکر جا رہی تھی کہ رات لکھوی پل کے قریب ملزم کے 5 کس ساتھی پولیس پر حملہ آور ہو گئے جس کی بدولت ملزمان شدید فائرنگ کرتے ہوئے زیر حراست ملزم عارف عرف عارفی کو چھین کر چھانگا مانگا جنگل میں فرار ہو گئے
پولیس کی مزید ٹیمیں ایس ایچ او حافظ عاطف کی سربراہی میں موقعہ پر پہنچیں اور ملزمان کا تعاقب جاری رکھا جبکہ ملزمان پولیس ٹیموں پر مسلسل فائرنگ کرتے رہے
ملزمان کی طرف سے فائرنگ رکنے پر پولیس ٹیموں نے قریب جا کر دیکھا تو ملزم عارف مردہ حالت میں پڑا تھا جو اپنے ساتھی ڈاکوؤں کی فائرنگ سے ہلاک ہو گیا تھا
پولیس نے فرار ہونے والے ملزمان کی گرفتاری کیلئے سپیشل ٹیمیں تشکیل دے دی ہیں

قصور
شہر و گردونواح میں کرونا کے وار تیز ہو گئے ابتک کرونا وباء سے 4 اساتذہ کرام زندگی کی بازی ہار گئے،کل بھی قصور کے عظیم استاد محمد طیب ایس ایس روشن بھیلہ بوجہ کرونا دار فانی سے کوچ کر گئے جنکی نماز جنازہ رات دس بجے ان کے آبائی گاؤں میں ادا کر دی گئی

تفصیلات کے مطابق ملک بھر کی طرح کرونا وباء کی تیسری لہر کی تباہ کاریاں ضلع قصور میں بھی جاری ہیں جس کے باعث ابتک قصور ضلع کے 4 نامور ترین اساتذہ کرام دار فانی سے کوچ کر چکے ہیں
کرونا کی بدولت وفات پانے والے اساتذہ کرام میں نا صرف قصور بلکہ پنجاب کے مشہور و معروف ریٹائرڈ سائنس ٹیچر گورنمنٹ ماڈل ہائی سکول قصور جناب فرحت اللہ خان سوری صاحب ،محترم ریاض احمد پریٹسنگ ٹیچر گورنمنٹ ایلیمنٹری سکول کھڈیاں خاص،جناب محمد عمر صاحب پرنسپل گورنمنٹ ہائی سکول ڈھولن ہتھاڑ اور قصور کے مایہ ناز قابل فخر استاد جناب محمد طیب صاحب ایس ایس فزکس گورنمنٹ ہائیر سیکنڈری سکول روشن بھیلہ شامل ہیں
تمام فوت شدگان اساتذہ کرام ضلع قصور کی شان تھے جن کے وفات پر پوری طلبہ برادری کے ساتھ ساتھ اساتذہ کرام،صحافی برادری،سول سوسائٹی،وکلاء برادری و تمام مکتبہ فکر کے لوگ انتہائی غمگین و رنجیدہ ہیں اور مرحومین کے لئے دعا جنت الفردوس کے لئے رب سے فریاد کناں ہیں
ابھی کل ہی محترم طیب صاحب کی نماز جنازہ رات دس بجے ان کے آبائی گاؤں بھوچکے میں ادا کی گئی ہے
جبکہ گورنمنٹ ہائی سکول موضع سرہالی کلاں کے سائنس ٹیچر محمد عمر فاروق بھی کرونا کی بدولت ہسپتال داخل ہیں اور ان کی حالت تشویشناک ہے
مذید ڈسٹرکٹ پولیس آفیسر جناب عمران کشور صاحب کا کرونا ٹیسٹ بھی پازیٹو آیا ہے جنہوں نے خود کو ڈی پی او ہاؤس میں قرنطینہ کیا ہوا ہے
ضلع بھر کی سیاسی سماجی شحضیات تمام فوت شدگان کی مغفرت اور کرونا سے بیمار ہونے والوں کی جلد سے جلد صحتیابی کیلئے دعا گو ہے اور ضلعی انتظامیہ سے مطالبہ کرتی ہیں کہ ایس او پیز پر عمل درآمد تیز تر کروایا جائے تاکہ اس موذی خطرناک مرض سے قیمتوں جانوں کو بچایا جا سکے

قصور
تحصیل چونیاں میں کرونا تیزی سے پھیلنے لگا سرکاری سکولوں میں سٹوڈنٹس اور ٹیچروں میں اس کی وباء بہت بڑھ چکی ہے کی اطلاعات ہیں محکمہ ایجوکیشن اور تحصیل انتظامیہ فوری سکولوں میں سیمپلنگ کا کام شروع کریں ۔یہ نہ ہو کہ ھم بعد میں پچھتاتے پھریں خدارا کرونا کو سیریس لیں اور گرلز و بوائز کے تمام سکولوں میں سٹوڈنٹس اور بیمار ٹیچروں کا چیک اپ کروائیں ۔ سی ای او ایجو کیشن ناہید واصف صاحبہ اپنی پرفارمینس دکھانے کے شوق میں اس پر پردہ پوشی کی ہدایت کئے بیٹھی ہیں کہ کوئی بھی ٹیچر شکار ہو کر بھی واویلہ نہ کرے ۔کیا پردہ پوشی سے کرونا سے بچا جا سکتا ہے یہ کیسے علم والے لوگ ہیں جو جہالت کی انتہا کئے بیٹھے ہیں ۔اگر بنکوں کے باہر احساس کفالت پروگرام کے تحت اے ٹی ایم کے باہر اور اندر دھما چوکڑی مچی کسی ضلعی یا تحصیل انتظامیہ کو کیوں نظر نہیں آ رہی کیا کرونا کرونا چیخنے سے ہی کرونا بھاگ جائے گا ہمارا ایک زمہ دار شہری ہونے کے ناطے اپنے بچوں اپنے بڑوں اور خود کو اس وباء سے محفوظ رکھنے کے لئے کرادر ادا کرنا ہو گا ۔انتظامیہ سے مطالبہ کرتے ہیں کہ بنکوں کے باہر کرونا ایس او پیز پر عمل کروائیں ۔دکانوں میں رش کو چیک کریں۔سکولوں میں فوری ٹیسٹ سیمپلنگ شروع کی جائے تاکہ چونیاں کے ساتھ ساتھ پورے ملک میں اس بڑھتی وباء سے محفوظ ہونے میں کامیاب رہ سکیں۔چونیاں کے تمام عوامی مقامات اور سکولوں کو فوری چیک کیا جائے

قصور
واپڈا کےدو لائن مین سول ایریا غفار اور منظور کرپشن کنگ بن گئے ایس ڈی او سیول ایریا کیلئے عید اکٹھی کرنے لگے عید نا دینے والوں کو بجلی چوری کا الزام لگا کر نجائز بل ڈالنے لگے کمپلیٹ پر ڈیوٹی ہونے کے باوجود لوگوں کے میٹر چیکنگ کرنے لگے رشوت نادینے پر بستی خادم آباد کے رھاشی راشی لائن مین نے غفار جس نے اپنے گھر کے ہر کمرے میں اے سی لگا رکھے ہیں اور محلے داروں کو بھی ڈائریکٹ سپلائی تاریں لگوائی ہوئی ہیں لائن مین غفار خد بجلی چور ہے اور لوگوں سے بجلی چوری کرواکر محکمہ واپڈا اور گورنمنٹ کو لاکھوں روپے کا چونا لگا رہاہے وہ علاقہ سول ایریا سے مختلف لوگوں سے منتھلی اکٹھی کرتا ہے اس کے اثاثے اور بنک اکاؤنٹ چیک کیا جائے گزشتہ دنوں صحافی عامر علی بھٹی کے بھائی عابد درزی سے بھی دس ہزار روپے رشوت مانگی انکار کرنے پر 32ہزار 662روپے کا بل ڈال دیا اور کہا کہ صحافی عامر بھٹی کو کہنا کے واپڈا کے خلاف خبریں لگانے کا یہی انجام ہوگا پہلے بھی عامر بھٹی نے واپڈا اہلکار کے خلاف درخواست گزاری ہوئی ہے اور عدالت نے اسٹے آرڈر بھی جاری کیا ہوا ہیں عابد بھٹی نےڈائریکٹر ایف آئی اے وفاقی وزیر پانی بجلی چیف لیسکو واپڈا سے نوٹس کا مطالبہ کیا ہے کہ لائن مین غفار اور منظوز کے خلاف انکوائری کرکے نوکری سے فارغ کیا جائے

قصور
کل سے جاری طوفانی بارش سے گندم کی کٹی ہوئی فصلوں کو نقصان،کمزور مکئی کی فصل بھی تباہ،کسانوں کا ماہ برکات رمضان میں خصوصی دعاؤں کی اپیل

تفصیلات کے مطابق قصور اور گردونواح میں کل سے طوفانی بارش کا سلسلہ جاری تھا جو کہ اب کچھ کم ہو گیا ہے جس کے باعث گندم کی کٹی ہوئی فصلوں کو کافی نقصان پہنچا ہے جبکہ مکئی کی کمزور فصلیں بھی تیز آندھی و بارش سے تباہ ہو کر رہ گئی ہیں
کسانوں نے ماہ برکات ماہ رمضان میں لوگوں سے خصوصی دعاؤں کی درخواست کی ہے تاکہ رب جلیل کی طرف سے تیار شدہ فصلیں تباہ ہونے سے بچ رہیں بصورت دیگر مہنگائی و غربت کے مارے کسانوں کو مذید مشکلات کا سامنا کرنا ہو گا نیز طوفانی بارش سے کل سے ہی کچھ علاقوں میں بجلی بند ہے جس کی وجہ بہت زیادہ درختوں کا اکھڑ جانا اور بجلی کی تاروں کا ٹوٹ جانا ہے
اب بھی گہرے بادل ہیں جس سے بارش کا خدشہ برقرار ہے
تیز بارش و ہوا سے موسم سرد ہو گیا ہے

قصور
الہ آباد و گردونواح میں
ناقص اور غیر معیاری مشروبات کی فروخت عروج پر۔استعمال سے شہری گلے اور چھاتی کے امراض کا شکار ہونے لگے شہریوں نے ڈی سی قصور سے نوٹس کا مطالبہ کر دیا۔

تفصیلات کے مطابق الہ آبادتلونڈی و گردنواح میں معروف برانڈزکے جعلی اورناقص مشروبات کی فروخت عروج پکڑ چکی ہے جس کے استعمال سے شہری چھاتی اور گلے کے امراض کا شکار ہو رہے ہیں چیک اینڈ بیلنس نہ ہونے کی وجہ سے علاقہ بھر میں ناقص اور غیر معیاری مشروبات وسیع پیمانے پر سپلائی کیا جا رہا ہے شہریوں ذوالفقار چوہدری،راشد منہاس،میاں زبیر ندیم و دیگر نے میڈیاکو بتایا کہ چھاتی اور گلے کی خرابی کے باعث کورونا کا مرض تیزی سے پھیلنے کا خدشہ ہے ڈی سی قصور ترجیحی بنیادوں پر ناقص اور غیر معیاری مشروبات کا دھندہ کرنے والے عناصر کے خلاف کارروائی کو یقینی بنائیں تا کہ شہری بیماریوں سے محفوظ رہ سکیں۔