Tag: baaghi

قصور
سیکنڈ شفٹ سکولز سٹاف سیلری کیس میں اہم پیشرفت
تفصیلات کے مطابق کل مورخہ 19 اپریل 2021 سوموار کو لاہور ہائی کورٹ میں جسٹس شاہد وحید کی عدالت میں ایک اہم سماعت ہوئی جج صاحب نے پوچھا پیمنٹ کی یا نہیں ابھی تک جس پر سی ای او قصور ناہید واصف صاحبہ نے کہا کہ ہم نے 9 اپریل کو سکولز کے این ایس بی اکاونٹس میں رقم جمع کروا دی ہے اور بذریعہ ہیڈماسٹر صاحبان اساتذہ کرام کو کو پیمنٹ کردیں گے جج صاحب نے کہا کہ اگلے سوموار تک اساتذہ کرام کو رقم کی ادئیگی کر کے منگل کو تعمیل کی رپورٹ عدالت میں جمع کروائیں ورنہ پھر ہم اپنا حکم جاری کریں گے*
محکمہ کی طرف سے ڈی ای او حسنات، لیگل ایڈوائزر اور سی ای او قصور ناہید واصف صاحبہ عدالت میں پیش ہوئیں
سیکنڈ شفٹ سکولز سٹاف کی جانب سےصدیق صاحب فنانس سیکریٹری کی قیادت میں ہمارے اساتذہ کرام کی لیگل ٹیم عدالت میں پیش ہوئی

قصور کی تحصیل چونیاں کے علاقے کنگن پور کی جامع مسجد انوار مدینہ میں نماز پڑھتے شحض پر مسلح افراد کا تشدد،انتقام کی آگ میں مسلح افردا جوتوں سمیت مسجد میں پہنچ گئے اور غلیظ گالیاں بکتے رہے
تفصیلات کے مطابق قصور کی تحصیل چونیاں کے شہر کنگن پور میں کل نماز مغرب کے وقت انتہائی غم ناک واقعہ پیش آیا جس میں جامع مسجد انوار مدینہ میں سابق فوج احمد رضا پر قریبی گاؤں فتح محمد کے ملزمان حیدر جٹ و ساتھیوں نے مسجد کے اندر ہی حملہ کر دیا اور غلیظ ترین گالیاں دیتے رہے جبکہ ملزمان مسجد کا تقدس بھی بول گئے اور جوتوں سمیت مسجد میں داخل ہوئے مقامی لوگوں نے احمد رضا فوجی کو قریبی کمرے میں چھپا کر اس کی جان بچشی کروائی جبکہ دوران لڑائی ایک مسلح ملزم کے پسٹل 30 بور کی میگزین مسجد میں ہی گر گئی
وجہ لڑائی بچوں کی معمولی تلخ کلامی ہے
مقامی پولیس کنگن پور نے موقع پر پہنچ کر کارروائی کا آغاز کر دیا
اہل علاقہ نے مسجد کے اندر گالم گلوچ کرنے،مار پیٹ کرنے اور جوتوں سمیت داخل ہونے پر ملزمان کو نشان عبرت بنانے کی استدعا کی ہے

قصور ماہ صیام میں بھی قصور پولیس کے کارنامے نا بدلے تھانہ ایس ایچ او مصطفی آباد شریف ایس آئی کی ایما پر چوکی انچارچ دفتو ارشاد نکا تھانیدار اور محرر عبدالمنان مال اکٹھا کرنے لگے۔

تفصیلات کے مطابق قصور کی چوکی دفتوہ کے انچارج ارشاد تھانیدار اور محرر منان کورونا ایس او پیز کے نام پر دوکانداروں کو بلیک میل کرکے ان سے ہفتہ لینے لگے رشوت نا دینے پر پولیس اہلکار آئے روز آکر دوکان بند کروا دیتے اور مقدمات درج کرنے کی دھمکیاں بھی دیتے تھے ماجد نامی شہری نے الزام عائد کیا کہ چوکی انچارج ایس ایچ او کی ایما پر شریف شہریوں حبس بے جاں میں رکھتا ہے اور رشوت لیکر چھوڑ دیتا ہے رشوت نا دینے پر مختلف مقدمات میں پھنسانے کی دھمکیاں دیتا ہے پولیس اہلکار کو رشوت دیتے ہوئے شہری نے ویڈیو بنالی ویڈیو سوشل میڈیا پر وائرل ہوگئی ویڈیو میں واضح طور پر پولیس اہلکار کو رشوت لیتے دیکھا جاسکتا ہے جبکہ ویڈیو وائرل ہونے کے بعد ارشاد تھانیدار شہری کو دھمکیاں دیتا رہا کہ تمھیں میں نہیں چھوڑوں گا ماجد نامی شہری نے تنگ آکر ڈی پی او قصور اور محکمہ اینٹی کرپشن کو درخواست گزار دی اور ساتھ ہی یہ الزام عائد کیا کہ ایس ایچ او مصطفی آباد مہر شریف چند دن بعد دوبارہ یہاں تعینات ہوا ہے کرپٹ اور نااہل ہے جو شفارش پر دوبارہ تعینات ہوا ہے پہلے اس کے پاس بطور ایس ایچ او کوئی تجربہ بھی نہیں بلکہ اس کے خلاف کرپشن اور بے ضابطگی کی ڈھیروں شکایات ہیں اور اس کے خلاف انکوائریاں بھی چل رہی ہیں ارشاد اے ایس آئی اور محرر اس کے کار خاص ہیں جو مال بنانے میں ایس ایچ کی پالیسی میں اس کے ساتھی ہیں نکے تھانیدار کو ویڈیو کا علم ہونے کے بعد ایس ایچ او اور تھانیدار نے محرر کا تبادلہ تھانہ کھڈیاں کروا دیا تاکہ ان کا پول نا کھل سکے شہری نے ڈی پی او قصور اور محکمہ اینٹی کرپشن سے انکوائری کرکے کاروائی کا مطالبہ کر دیا جبکہ ڈی پی او قصور نے سخت کاروائی کرنے کا عندیہ دیا اور محرر عبدالمنان کو معطل کردیااور کہا کہ ایسی کالی بھیڑوں کی محکمے میں کوئی جگہ نہیں ہے شہریوں نے آئی جی پنجاب سمیت وزیر اعلی پنجاب سے نوٹس لے کر ایس ایچ شریف اور ارشاد تھانیدار کے خلاف بھی سخت کاروائی کا مطالبہ کیا ہے اور محکمہ پولیس کی ان کالی بھیڑوں کے خاتمے کی اپیل کی ہے تاکہ محکمہ پولیس سے رشوت کرپشن اور سفارش کا کلچر ختم ہو سکے اور محکمہ پولیس کا مورال بلند ہو سکے

قصور
چونیاں تحصیل بھر میں سرکاری ریٹ پر چینی کی فروخت ناکام عوام رل گئے انتظامیہ خاموش تماشائی گلی محلوں اور دیہات میں چھوٹے دکاندار سو روپے کلو چینی فروخت کر رہے ہیں وزیر اعلیٰ سے نوٹس لینے کا مطالبہ

تفصیلات کے مطابق تحصیل چونیاں سیکڑوں دیہات میں چینی کی سرکاری نرخ نامے کے مطابق فروخت کو یقینی نہ بنایا جا سکا شہروں میں چند ایک بڑے دکانداروں کے سوا ہر جگہ چینی سو روپے کلو فروخت ہو رہی ہے احترام رمضان آرڈنینس کی دھجیاں بکھیری جا رہی ہیں تندرست افراد سر عام چائے اور سگریٹ نوشی کر رہے ہیں اکثر ہوٹل والوں نے فرنٹ میں شامیانے لگا کر اپنا کاروبار کر رہے ہیں اور روزہ خور ہوٹلوں میں کھانا کھا رہے ہیں تحصیل انتظامیہ صرف فوٹو سیشن تک محدود ہے اکثر دکاندار چینی سو روپے اور دال چنا اور سفید چنا گورنمنٹ کے ریٹ سے مہنگے داموں فروخت کر رہے ہیں رمضان المبارک میں مقرر کئے جانے والے پرائس کنٹرول مجسٹریٹ غفلت کی نیند سوئے ہوئے ہیں مقامی شہریوں نے وزیراعظم عمران خان اور وزیر اعلیٰ پنجاب سے مطالبہ کیا ہے کہ اگر آپ عوام کو ریلیف نہیں فراہم کر سکتے تو آپ کو حکومت کرنے کا کوئی حق نہیں ہے فی الفور مستعفی ہو جائیں

قصور
لیسکو رورل ایریا قصور کی نااہلی سے قصور کے علاقہ گنڈا سنگھ والا میں غیر اعلانیہ لوڈشیڈنگ سے بجلی کئی کئی گھنٹے بند رہنے لگی
گزشتہ اتوار کو 15 :4 بجے سے لیکر 8 بجے تک اور سوموار صبح 3 بجے سے لیکر 11 بجے تک
منگل شام 4 بجے سے لیکر رات 8 بجے تک
اور رات 11 بجے سے لیکر صبح 4 بجے تک تک بجلی غائب رہی جس سے علاقہ مکین سخت پریشان ہیں
جبکہ علاقہ میکنوں کا کہنا ہے کہ بعض مرتبہ ساری ساری رات بجلی بند رہتی ہے
جس سے گنڈا سنگھ والا و گردونواح تاریکی میں ڈوب جاتا ہے
مذید پانی کی بندش سے بچوں بڑوں، خواتین سمیت جانور بھی پانی کی بوند بوند کو ترس جاتے ہیں
جبکہ بجلی بند ہونے کی وجہ سے موذی مچھر رات کی نیند چھین لیتے ہیں جس پر اہل علاقہ سراپا احتجاج ہیں
اہل علاقہ کا کہنا ہے کہ ہم بھی اشرف المخلوقات ہیں ہمیں اپنی تذلیل منظور نہیں ہم بھی پاکستانی ہیں ہمیں بھی بنیادی سہولیات بجلی پانی سے محروم نہ رکھا جائے اہل علاقہ کے متاثرہ لوگوں کا نااہل ایس ڈی او محمد اعظم کے خلاف کارروائی کا مطالبہ وزیر بجلی پانی، وزیر اعلی پنجاب، متعلقہ لیسکو واپڈا افسران نوٹس لیں اور ہمارے علاقے کی بجلی جلد بحال کروائی جائے اور لوڈشیڈنگ کا شیدول بھی بتایا جائے تا کہ ہم پانی کا انتظام کر سکے جس سے جانوروں کو مشکلات کا سامنا نہ کرنا پڑے

.

قصور
رمضان بازار، چینی آٹے کے لیے شہریوں کی لمبی قطاریں
تفصیلات کے مطابق سستے رمضان بازاروں میں شہریوں کو سہولیات دینے کے لیے انتظامیہ نے کروڑوں روپے خرچ کئے، لیکن شہری گرمی میں لائنوں میں لگ کر چینی اور آٹا لینے پر مجبور ہو گئے، شہریوں نے اپنے خیالات کا اظہار کرتے ہوئے کہا کہ کروڑوں روپے خرچ کرنے کے باوجود غریبوں کو لائنوں میں کھڑا کیا گیا، قصور سمیت دیگر رمضان بازاروں میں صرف دو کلو چینی، ایک کلو پیاز، ایک کلو دال اور ایک تھیلا آٹے کا فراہم کیا جا رہا ہے اور ہر سٹال پر لائنیں لگی ہیں، غریب اپنے بچوں کا پیٹ پالنے کے لیے روزگار کے لئے جائے یا سارا دن رمضان بازاروں میں لائنوں کا سامنا کرے، حکومت کو انتظامات مزید بہتر اورفعال کرنا ہونگے، شہریوں کا مزید کہنا ہے کہ سبزیوں اور پھلوں کا معیار ناقص ہے، سبسڈی کے نام پر معیاری اور درجہ اول کی اشیائے ضروریہ فراہم نہیں کی جا رہیں خدارا سبسڈی کے نام پر غریب عوام کو بے وقوف نہ بنایا جائے جس سے عوام کی صحت بھی متاثر ہو،

قصور
لاکھوں کی آبادی والے الہ آباد کے لئے صرف 25 توڑے چینی عید کے بعد سبسیڈی کی مد میں رقم دینگے Ac چونیاں کی الہ آباد کے چینی کے ڈیلروں سے بات چیت

تفصیلات کے مطابق سابقہ ادوار میں رمضان المبارک کے دوران کریانہ ایسوسی ایشن کی جانب سے رمضان بازار میں 10 توڑے چینی روزانہ دی جاتی تھی اور تمام نقصان کریانہ کی تنظیم برداشت کرتی تھی جبکہ سبسڈی میں ملنے والی رقم افسران بالا خود کھا جاتے تھے اس موجودہ رمضان المبارک میں میونسپل کمیٹی الہ آباد اور گردونواح نواح کے درجنوں دیہات کے لئے واحد رمضان بازار الہ آباد میں لگایا گیاہے لاکھوں کی آبادی کے لئے 25 توڑے چینی بالکل ناقافی ہے شہریوں نے مطالبہ کیا ہے کہ رمضان بازار کے اوقات میں ہر وقت چینی دستیاب ہونی چاہئے اور جو بھی رمضان بازار میں آئے اس کو کم از کم دو کلو چینی ضرور ملنی چاہیے چاہے روزانہ دو سو توڑا لگ جائے لیکن چینی کی قلت پیدا نہیں ہونی چاہئے گزشتہ روز دوپہر کے وقت ہی چینی ختم ہو گئی تھی باوثوق ذرائع کے مطابق اے سی چونیاں نے چینی کے تین بڑے ڈیلروں سے کو حکم دیا ہے کہ رمضان بازار کے پورے مہینہ کے لئے ساڑھے سات سو چینی کا توڑا فراہم کیا جائےجس کی مالیت تقریباً تیس لاکھ روپے بنتی ہے چینی کی مد میں سبسڈی کی رقم عید کے بعد آپ کو ادا کی جائے گی جبکہ سابقہ رمضان بازاروں کی روایت یہ رہی ہے کہ رمضان بازار میں چینی فراہم کرنے والو کو سبسڈی نہیں دی جاتی تھی بلکہ افسران بالا خود ہڑپ کر جاتے تھے اور رمضان بازار میں ہونے والا تمام نقصان کریانہ کی تنظیم برداشت کرتی تھی اور اس کے بدلہ میں تحصیل انتظامیہ پورا رمضان کریانہ والو کو تنگ نہیں کرتی تھی

قصور

کوٹ رادہاکشن میں رمضان بازار کی حالت پر نوجوان شہری پھٹ پڑا،میڈیا سے استدعا کر دی

تفصیلات کے مطابق کوٹ رادہاکش کا نوجوان رماضان بازار کی صورتحال بتاتے ہوئے پھٹ پڑا اور میڈیا کو بتاتے ہوئے کہا کہ میرا ابھی کوٹ رادھا کشن رمضان بازار میں جانا ہوا اور دکانوں پر دیکھا گیا ہے روز مرہ کی مختلف اشیا سجائی گئی ہیں اور مجھے سمجھ نہیں آیا کہ کنٹرول کس چیز پر لیموں دستیاب نہیں گوشت صرف اور صرف مرغی کا نہ چھوٹا گوشت اور نہ ہی بڑا گوشت لیکن کہا جا رہا ہے کہ اے سی کوٹ رادھاکشن گاہے بگاہے چکر لگا رہے وہ صرف اور صرف چینی کی دستیابی کے لیے چکر لگا رہے ہیں ، جناب اے سی کوٹ رادھا کشن صاحب آپ کے حکم پر ایک شناختی کارڈ پر ایک کلو چینی دے رہے ہیں اور آپ کی طرف سے کیا شورٹی ہے کہ شناختی کے نمبر یا ڈیٹا محفوظ ہے ، اور ہمیںں سب پتہ ہے کہ یہ ریکارڈ کتنا محفوظ ہو سکتا ہے اس سے تو بہتر ہے 85 روپے کلو بازار سے چینی مل رہی ہے آپ کے کس چیز کے دورے ہیں اور اے سی صاحب صرف اور صرف گورنمنٹ کے پٹرول اور گاڑیوں میں گھومنے کے علاوہ کچھ نہیں ، کام یہ نہیں ہے کہ مردوں کی الگ لائن بنوائیں اور عورتوں کی الگ وہ بھی شناختی کارڈ کے لیے چینی پر ، خدارا کچھ عوام کے لیے سہولت دیں اگر لائن بنوانی ہے تو شناختی کارڈ کیوں چیک ہو اگر شناختی کارڈ چیک کرنا ہے تو لائن کیوں
میری کوٹ رادھاکشن سمیت ضلع بھر کے صحافیوں سے گزارش ہے جہاں بھی ایسا معاملہ ہے اس کو ہائی لائٹ کریں ورنہ رمضان بازاروں کے چکروں میں گورنمنٹ کے آفیسرز گورنمنٹ کو ہی کروڑوں کا چونا لگائیں گے

قصور میں سیاسی و مذہبی جماعت تحریک لبیک پاکستان کے خلاف آپریشن تیز تر
تفصیلات کے مطابق قصور میں پکڑ دھکڑ کا سلسلہ جاری ہے جس میں
مذہبی و سیاسی جماعت کے دھرنا پر آپریشن سے مزاحمت پر کرنے پر گرفتاریاں کی گئی ہیں
دوران آپریشن پولیس پر تشدد ، گاڑیوں کی توڑ پھوڑ اور امن امان کی صورتحال خراب کرنے پر پولیس نے مقدمہ درج کرکے ملزمان کی پکڑ دھکڑ شروع کردی
مذہبی جماعت کے عمر رضوی سمیت 23 نامزد اور 350 نامعلوم ملزمان کے خلاف درجنوں دفعات لگا کر مقدمہ درج کیا گیا ہے
جبکہ قصور پولیس مختلف مقامات پر رات بھر ملزمان کی گرفتاری کے لئیے آپریشن میں مصروف ہے درجنوں ملزمان کو گھروں میں ریڈ کرکے حراست میں لے لیا گیا
ڈی پی او قصور عمران کشور کا کہنا ہے کہ کسی کو بھی لا اینڈ آرڈر کی صورتحال خراب کرنے کی اجازت نہیں ہوگی، سخت کاروائی کرینگے

قصور
الہ آباد و گردونواح میں تحریک لبیک کے رہنماؤں سے ایس ایچ او ملک شمشیر کے مذاکرات کی بدولت علاقہ میں احتجاج نہ ہونے پر وہ خراجِ تحسین کے مستحق ہیں امن بحالی کیلئے انکی کاوشیں قابلِ دید ہیں ان خیالات کا اظہار مرکزی تاجر رہنما حاجی محمد امین نے میڈیا سے گفتگو کرتے ہوئے کیا انکا مزید کہنا تھا کہ مین شہروں کے راستوں کی بند ش کی وجہ سے شہریوں کو جہاں نقل و حرکت میں مشکلات کا سامنا ہے وہاں علاقے کا امن بھی بحال ہے تاجروں و دیگر تنظیموں سے رابطے کی بحالی کی وجہ سے کسی بھی نا خوشگوار واقع نہ ہونے کا پورا کریڈٹ ایس ایچ او ملک شمشیر کو جاتا ہے جنہوں نے تمام داخلی و خارجی راستوں پر گشت کو یقینی بنائے رکھا تا حال پولیس اہلکار کسی بھی واقعہ سے نمٹنے کیلئے اپنے اپنے مورچوں پر چوکس ہیں جس پر تمام علاقائی و تاجرتنظیموں نے اطمینان کا اظہار کیا ہے۔