(ٹیکسلا خالد محمود )سینئر ایڈووکیٹ ہائی کورٹ ٹیکسلا بار کے ایڈوکیٹ راجہ طاہر کے گھر ڈکیتی کی ہولناک واردات ،نیو سٹی فیز ون واہ فیکٹری راولپنڈی جہاں پر راجہ طاہر ایڈوکیٹ اپنی فیملی کے ہمراہ رہائش پذیر ہیں
صبح چار سے پانچ بجے کے درمیان اچانک ان کے گھر کی لائٹس بند ہوگئیں راجہ طاہر اٹھ کر ادھر ادھر جب دیکھنے لگے ،اندھیرا زیادہ ہونے کی وجہ سے کچھ سمجھ نہیں آرہا تھا اتنے میں انہوں نے دیکھا ایک شخص تیزی سے ان کے گھر کی دیوار پھلانگ کر بھاگ رہا ہے ،کچھ دیر بعد جب انہوں نے لائٹ آن کی ان کی الماری کھلی ہوئی اور کپڑے بکھرے ہوئے تھے چور 13 لاکھ روپے نقدی اور سات تولے زیور لے کر فرار ہو گیا
جس کے متعلق متعلقہ تھانہ باقاعدہ طور پر اپلیکیشن دے دی گئی ہے راجہ طاہر ایڈوکیٹ کا شمار آج کل نامی گرامی وکلاء میں ہوتا ہے جو کہ آج کل وہ شہرت کی بلندیوں کو چھو رہے ہیں ،ان کی شہرت کو نقصان پہنچانے کے لیے یہ کسی دشمن کی چال بھی ہو سکتی ہے پولیس تمام ذرائع پر غور کر رہی ہے ،دوسری طرف تمام وکلاء برادری میں سخت تشویش پائی جاتی ہے کیوں کہ قانون نافذ کرنے والے ادارے خوابوں خرگوش کے مزے لے رہے ہیں جس کی وجہ سے عوام بالکل غیر محفوظ ہو کر رہ گئی ہے
