Tag: baaghi

چئیرمین سینیٹ قائمہ کمیٹی برائے داخلہ سینیٹر رحمان ملک کا سانحہ آرمی پبلک سکول کے چھٹی برسی کے موقع پر تعزیتی پیغام

سینیٹر رحمان ملک نے اپنے پیغام میں کہا کہ سولہ دسمبر کا دن ملکی تاریخ میں ہمیشہ کیلئے یوم سیاہ کے طور پر یاد رکھا جائے گا،آج سانحہ آرمی پبلک سکول کو چھ سال پورے ہوئے مگر پوری قوم کا غم آج بھی تازہ ہے،سولہ دسمبر 2014 کو ہمارے ننھے بچے سکول تو گئے مگر کبھی لوٹ نہ آئے،

سولہ دسمبر دھشتگردی کیخلاف ہماری عزم و حوصلے کے تجدید کا دن ہے، سانحہ آرمی پبلک سکول کے بعد ہم نے بخثیت قوم آخری دھشتگرد تک لڑنے کا مصمم ارادہ کیا ہے، آج بھی نیشنل ایکشن پلان پرعمل کرنے اور اندرونی و بیرونی دشمن سے غافل نہ رہنے کی ضرورت ہے، ہماری بہادر افواج اور سیکیورٹی اداروں کی لازوال قربانیوں کبھی رائیگاں نہیں جاینگے،

سانحہ اے پی ایس کے چھٹی برسی، سینیٹر شیری رحمان کا بیان

نائب صدر پیپلز پارٹی سینیٹر شیری رحمان کا اے پی ایس کے شہداء کو خراج عقیدت پیش 

شیری رحمان نے کہا کہ شہید طلباء، پرنسیپل اور اسٹاف کے سوگوار خاندانوں کے ساتھ ہمدردی ہے،  
قوم اے پی ایس سانحے کو کبھی نہیں بھول سکتی،
اے پی ایس سانحہ دہشتگردی اور بربریت کی بد ترین مثال ہے،کمیشن رپورٹ میں بتایا گیا کہ وارننگ کے باجود بھی اے پی ایس کو صوبائی حکومت سکیورٹی فراہم کرنے میں ناکام رہی، اس وقت کی صوبائی حکومت بروقت سکیورٹی اقدامات کرتی تو نقصان نہ ہوتا، پیپلز پارٹی کے دہشتگردی کے خاتمے میں بہت قربانیاں دی ہیں، پیپلز پارٹی اے پی ایس سانحہ کا درد سمجھتی ہے،  

شیری رحمان نے مزید کہا کہ پیپلز پارٹی نے سوات میں پاکستان کا پرچم لہرایا، ملک میں ایک بار پھر دہشتگردی سر اٹھا رہی ہے، حکومت دہشتگردی کے نئے واقعات پر توجہ دے، ملک مزید اے پی ایس جیسے واقعات برداشت نہیں کر سکتا، آئے دن کابینہ میں تبدیلی سے کوئی بھی ادارہ مستحکم نہیں ہو رہا،حکومت امن و امان اور سکیورٹی کے معاملات میں خلا پیدا کر رہی،

چیئرمین سینیٹ قائمہ کمیٹی داخلہ سینیٹر رحمان ملک آئل مارکیٹنگ کمپنیوں کے اربوں روپے کی بدعنوانی پر ازخود نوٹس۔ وزارت داخلہ تفصیلی رپورٹ 07 دن کے اندر کمیٹی کے اگلے اجلاس میں بحث کے لئے پیش کرے،قائمہ کمیٹی داخلہ تیل بحران پر اپنی جامع رپورٹ سینیٹ ہاوس میں پیش کرے گی، قائمہ کمیٹی داخلہ نے جون میں پیدا ہونے والے تیل بحران پر ایف آئی اے کو تحقیقات کا حکم دیا تھا،

سینیٹر رحمان ملک نے مزید کہا کہ ایف آئی اے ٹیم کی کارکردگی قابل تعریف ہے جس سے آئل بحران کے لئے ذمہ دارعناصر کی نشاندہی ہوگی،قائمہ کمیٹی داخلہ ان اسباب اور عوامل پر غور کرے گی جواتنی بڑی سطح پر بدعنوانی کی وجہ قرار دیئے گئے ہیں،
آئل مارکیٹنگ کمپنیز ،اوگرا، کسٹم اور دیگر شامل سرکاری حکام کی ملی بھگت کو بے نقاب کرنی کی ضرورت ہے، ذمہ دار حکومتی حکام اور دیگر عناصر کیخلاف سخت قانونی کاروائی کیجائے، تیل کی ذخیرہ اندوزی اور مصنوعی قلت کیوجہ سے قومی خزانے کو 250 بیلن روپے کا دیا گیا،

پارلیمنٹ اتنے بڑے پیمانے پر قومی خزانے کو نقصان پہنچانے پر خاموش نہیں رہ سکتا، تیل کی قیمتوں میں اضافے سے غریب آدمی پر ناقابل برداشت بوجھ پڑا، قائمہ کمیٹی داخلہ ایران سے تیل / ڈیزل کی اسمگلنگ اور شامل عناصر پر بھی غور کرے گی،

ان ذمہ دار اداروں اورسرکاری حکام کی تفتیش کیجائے جنہوں نے ایران سے اتنے بھاری مقدار میں تیل درآمد کرنے کی اجازت دی تھی، عالمی منڈی میں جب تیل سستا تھا تو حکومت نے زیادہ مقدار میں کیوں نہیں خریدا،

عالمی بینک کے ساتھ معاہدہ/ وزارتِ اقتصادی امور کا اعلامیہ

پاکستان کا عالمی بینک کیساتھ 304 ملین ڈالرز پنجاب میں ریسورس اور ڈیجٹل کی ترقی و بہتری کیلئے معاہدہ،معاہدے پر دستخط کی تقریب وزارت اقتصادی امور میں منعقد ہوئی،تقریب میں وفاقی وزیر برائے اقتصادی امور خسرو بختیار کی شرکت

خسرو بختیار نے اپنے بیان میں کہا کہپروگرام کے تحت پنجاب میں فسکل رسک منیجمنٹ، ریونیو کی بہتری اور اخراجات کی منیجمنٹ میں مدد ملے گی
ہماری حکومت کا مقصد فسکل منیجمنٹ کو بہتر بنانا ہے،عالمی بینک کے تعاون کیلئے شکرگزار ہیں،

کنٹری ڈرایکٹر عالمی بینک نے اس موقع پر کہا کہ عالمی بینک پاکستان کی معاشی ترقی کیلئے تعاون جاری رکھے گا،

گورنر پنجاب سے وزیراعظم کے نمائندہ خصوصی برائے مذہبی ہم آہنگی حافظ طاہر اشرفی کی ملاقات
چوہدری محمد سرور اور حافظ طاہراشرفی کا اے پی ایس کے شہداء کو خراج عقیدت،دہشت گردی کے مکمل خاتمے کےلیےملک میں اتحاد و یکجہتی پر زور دیا

چوہدری محمد سرور نے اپنے بیان میں کہا کہ دہشتگردی کے خلاف پوری قوم ایک پیج پر ہے.
پاکستان کے پاس دنیا کی بہترین افواج اور جذبہ ایمانی موجود ہے. دہشتگردی کے خلاف 22 کروڑ پاکستانی افواج پاکستان سمیت دیگرسیکورٹی فورسز کے ساتھ ہیں. نریندر مودی امن کا قاتل اور دنیا کا سب سے بڑا دہشت کرد ہے. پاکستان میں امن استحکام بھارت سے ہضم نہیں ہورہا. دہشت گردی کے پاکستان جیسی قربانیوں کی دنیا میں کوئی اور مثال نہیں ملتی. سانحہ اے پی ایس کے شہداء کا لہو رائیگاں نہیں جائیگا. پوری قوم شہداء کے خاندان کے ساتھ کھڑی ہے.

حافظ طاہراشرفی نے اپنے بیان میں کہا کہ امن دشمنوں کے عزائم کو کس صورت کامیاب نہیں ہونے دینگے. سانحہ اے پی ایس کے شہداء قوم کے ہیرو زہیں. پاکستان کی امن کی خواہش کو دشمن ہماری کمزور نہ سمجھے. بھارت کی وجہ سے خطے میں امن کو خطرات لاحق ہیں.