Tag: baaghi

مرکزی رویتِ ہلال کمیٹی پاکستان کے چیرمین مفتی منیب الرحمن نے اعلان کیا ہے کہ ماہِ جُمَادَی الأُوْلٰی کا چاند نظرنہیں آیا ،یکم جُمَادَی الأُوْلٰی 1442؁ھ جمعرات17،دسمبر 2020؁ء کو ہوگی ۔ دریں اثنا آج مرکزی رویتِ ہلال کمیٹی پاکستان کا اجلاس مفتی منیب الرحمن کے زیرِ صدارت دفترمحکمہ موسمیات (میٹ کمپلیکس)، موسمیات چورنگی ، یونیورسٹی روڈ کراچی میں منعقد ہوا۔زونل رویتِ ہلال کمیٹی کراچی سے مولانا حافظ محمد سلفی ،قاری نذیر احمد نعیمی ، قاری محمد اقبال ،مولانا محمد صابر نورانی ،علامہ سید علی کرار نقوی ،ڈائرکٹر اسپیس سائنس سپارکو غلام مرتضیٰ نے شرکت کی اور ڈائرکٹرمحکمہ موسمیات عبدالقیوم بھٹو نے اجلاس کے انعقاد کے لئے تمام سہولتیں فراہم کیں۔

پاکستان بھر میں صوبائی وضلعی اور زونل رویتِ ہلال کمیٹیوں کے اجلاس ان کے متعلقہ ہیڈکواٹرز پر منعقد ہوئے۔اکثر مقامات پر مطلع ابر آلود تھا یا غبار آلود ، پاکستان بھر میں کسی بھی مقام سے رویت کی شہادت موصول نہیں ہوئی ، محکمہ موسمیات کے تمام مراکزسے بھی عدمِ رویت کی رپورٹ موصول ہوئی ، لہٰذا اتفاقِ رائے سے فیصلہ کیا گیاکہ جُمَادَی الأُوْلٰی 1442؁ء کا چاند نظرنہیں آیا ،یکم جُمَادَی الأُوْلٰی 1442؁ھ جمعرات17دسمبر 2020؁ء کوہو گی15،دسمبر 2020؁

پاکستان پیپلز پارٹی لاہور کے رہنما و کارکنان کے خلاف مقدمہ درج کر لیا گیا ،مقدمہ تھانہ سندر میں محمد عمران کی مدعیت میں درج کروایا گیا ، درخواست کے مطابق ایف آئی آر میں کرونا ایس او پیز کی خلاف ورزی ،ہلڑ بازی اور سرکاری املاک کو نقصان پہنچانے کی دفعات شامل ہیں

مقدمہ میں ڈیڑھ سو دو سو نا معلوم افراد کو رکھا گیا ہے جبکہ کچھ رہنماؤں پہ نامزد ایف آئی آر دی گئی ہے اس ایف آئی آر میں ملک ندیم افضل ،رانا جمیل ، یسین چوہدری، امجد جٹ اور دیگر کو نامزد کیا گیا ہے ،پی ڈی ایم کے رہنما پہلے ہی ان مقدمات کی شدید مزمت کر چکے ہیں۔ اور اسے حکومت کی انتقامی کاروائی قرار دے چکے ہیں

مسلم لیگ (ن) کے صدر شہباز شریف سے ملاقات کے بعد کوٹ لکھپت جیل کے باہر میڈیا سے بات کرتے ہوئے چیئرمین پیپلزپارٹی بلاول بھٹو زرداری کا کہنا تھا کہ ہم سب کے قائد حزب اختلاف شہباز شریف ہیں، شہباز شریف نے پہلی تقریر میں کہا تھا مل کر کام کریں، حکومت کی ضد اور انا کی وجہ سے شہباز شریف کو جیل میں ڈالا گیا ہے

چیئرمین پیپلزپارٹی کا کہنا تھا کہ جمہوریت بحال کرنے کیلیے پی ڈی ایم میں کوئی دراڑ نہیں ہے، ملک کو بحران سے نکالنا ہے،عمران خان وزیراعظم کی ناجائز کرسی چھوڑ دیں، جب سے عمران خان نے وزارت عظمیٰ کی کرسی سنبھالی ہر چیز کو نقصان پہنچایا ہے، حکمرانوں میں اہلیت نہیں کہ نظام چلا سکیں، عوام مہنگائی کی سونامی میں ڈوب رہے ہیں جب کہ ہمارے استعفے ایٹم بم ہیں، استعمال کی حکمت عملی بنائیں گے

لاہور( ) جمعیت علماءپاکستان کے مرکزی رہنماءمفکر اسلام علامہ قاری محمد زوار بہادر ، سید محمد صفدر شاہ ، حافظ نصیر احمد نورانی، مفتی تصدق حسین ،مولانا محمد سلیم اعوان ، رشید احمد رضوی،مہر محمد ارشداور مفتی جمیل رضوی نے کہا ہے کہ پی ڈی ایم کے مینار پاکستان جلسہ میںان کے قائدین نے کمزورجلسہ کا غصہ لاہور کی غیور عوام پر نکالا ہے ۔جلسہ میں محمود خان اچکزی کا اہل لاہور کے خلاف زہر اُگلنااور زندہ دلان لاہور کو ہندوﺅں،سکھوں اور انگریزوں کا ایجنٹ قرار دینا دراصل وطن عزیز پاکستان کے خلاف ان کی ذہنیت کی عکاسی ہے انہیں افغانستان یاد ہے پاکستان یاد نہیں یہ لوگ کھاتے پاکستان کا ہیں اور گن غیروں کے گاتے ہیںجلسے کی میزبان مریم صفدر اور ن لیگی قیادت کو لاہور کی عوام سے معافی مانگنی چاہیے جن کی وجہ سے محمود اچکزئی کو بدزبانی کرنے کا موقع ملا۔جے یو پی کے رہنماﺅں نے کہا کہ اے این پی کی قیادت ،محمود خان اچکزئی اور مولانا فضل الرحمن کے بڑوں نے تحریک پاکستان میں ہندوﺅں کی حمایت کی تھی اور مولانا فضل الرحمن کے مکتبہ فکر میں آج بھی یہ سب لوگ قیام پاکستان کو قائد اعظم رحمتہ اللہ علیہ کی غلطی کہتے ہیں ۔ان رہنماﺅں نے کہا کہ اگر لاہور کے جلسہ میں عوام نے ان کو اور نواز لیگ کے فوج مخالف بیانیے کو مسترد کردیا ہے تو اس پر لاہوریوں کو ہندوﺅں اور انگریزوں کا ایجنٹ کہہ کر گالی دینا زندہ دلان لاہور کی توہین ہے ۔

انہوں نے کہا کہ لاہور کے عوام نے ہمیشہ پختون،بلوچ ،سندھی اور کشمیری عوام کو اپنے دلوں میں جگہ دی ہے مگرلاہور کے عوام اپنے ملک اور فوج کے خلاف زبان درازی کرنے والوں کو کسی صورت برداشت نہیں کرسکتے ۔ رہنماﺅں نے کہا کہ ہم ملک کی سلامتی اور ترقی کے لئے تمام تکالیف برداشت کریں گے مگر ملک اور قوم کے خلاف بدزبانی برداشت نہیں کرسکتے اس لئے ہمارا مطالبہ ہے کہ محمود خان اچکزئی پر تمام دیگر صوبوں میں مکمل پابندی لگادی جائے اور قوم میں انتشار پیدا کرنے پر ان کے خلاف مقدمات درج کیے جائیں۔