Tag: baaghi

چیئرمین سینیٹ محمدصادق سنجرانی نے جماعت اسلامی کے امیر سینیٹر سراج الحق کی والدہ کے انتقال پر گہرے دکھ اور افسوس کا اظہارکیا یے۔ چئرمین سینیٹ محمد صادق سنجرانی نے تعزیت کے لئے سینیٹر سراج الحق کو فون بھی کیا۔ چیئرمین سینیٹ نے دعا کی کہ ا للہ تبارک تعالیٰ مرحومہ کی مغفرت اور درجات بلند کرے اورغم زدہ خاندان کو یہ صدمہ صبرو حوصلے سے برداشت کرنے کی توفیق عطا فرمائے۔

ڈپٹی چئرمین سینیٹ سلیم مانڈوی والا، سینیٹ میں قائد ایوان سینیٹر ڈاکٹر شہزاد وسیم اور سینیٹ میں قائد حزب اختلاف راجہ محمد ظفر الحق نے بھی جماعت اسلامی کے امیر سینیٹر سراج الحق کی والدہ کے انتقال پر گہرے دکھ اور افسوس کا اظہارکیا یے۔

امیر جماعت اسلامی سینیٹر سراج الحق کی والدہ تھوڑی دیر قبل قضائے الہیٰ سے وفات پا گئی ہیں ۔ جس پہ سیاسی رہنماؤں کی تعزیت کا سلسلہ جاری ہے

پاکستان ریلوے 19 نومبر سے کراچی سرکلر ریلوےکی مرحلہ وار بحالی کا آغاز کررہاہے۔افتتاحی تقریب کراچی میں منعقد ہوگی جس کے مہمان خصوصی وزیر ریلوے شیخ رشیداحمد ہونگےابتدائی طور پر کے سی آر کو پپری سے براستہ لانڈھی، اورنگی تک چلایا جائیگا۔دن میں 4 ٹرینیں پپری اور 4 اورنگی سے روانہ کی جائیگی۔

اوقات صبح 7 اور 10 بجے اور دوپہر میں 1 اور 4 بجے ہونگے۔مکمل سفر 60 کلو میٹر کا کرایہ 50 روپے ہوگا۔کے سی آر کے لئے ابتدائی طور پر دس سپیشل کوچز پاکستان ریلوے کیرج فیکٹری اسلام آباد میں تیار کی گئی ہیں۔پاکستان ریلوے نے فروری سے نومبر تک بہت تیز رفتاری سے کے سی آر کی بحالی کا پہلا مرحلہ مکمل کیا ہے۔

کے سی آر بحالی منصوبے کے بارے میں اہم معلومات درج ذیل ہیں سپریم کورٹ کےرواں سال فروری میں دیئے گئے احکامات کے مطابق پاکستان ریلویز کراچی شہر کے تاریخی منصوبے کے سی آر کو بحال کرنے جارہی ہے جس میں سندھ حکومت کا ایک واضح کردار اور تعاون درکار ہوگا۔ آئیئے آپ کو اس اہم منصوبے کے حوالے سے کچھ معلومات فراہم کرتے ہیں۔۔
۔
کے سی آر ٹریک 44 کلو میٹرز پر مبنی ہے جس میں 30 کلومیٹر لوپ لائن اور 14 کلومیٹر مین لائن شامل ہیں۔ اس میں ٹوٹل 20 اسٹیشن ہیں جن میں 15 لوپ لائن اور 5 مین لائن پر ہیں جبکہ پورے ٹریک پر 24 لیول کراسنگ یعنی پھاٹک ہیں۔
کے سی آر منصوبے کو تین مرحلوں میں بحال کیا جائیگا۔ پہلے مرحلے میں کراچی سٹی سے لے کر اورنگی اسٹیشن تک 14 کلومیٹر، دوسرے مرحلے میں اورنگی اسٹیشن سے گیلانی اسٹیشن تک 7 کلو میٹر جبکہ تیسرے اور آخری مرحلے میں گیلانی اسٹیشن سے ڈرگ کالونی تک 9 کلممیٹر کا ٹریک مکمل بحال ہوگا۔ ۔

پہلے مرحلے یعنی کراچی سٹی سے اورنگی تک ٹریک کی بحالی کا کام تیزی سے جاری ہے۔اب تک 12 کلومیٹر یعنی کراچی سٹی سے منگھو پیر تک ٹریک مکمل بحال ہو چکا ہے۔ پہلے مرحلے میں بحال ہونے والے 9 اسٹیشنز اور پلیٹ فارم اور 15 لیول کراسنگ کی مرمت کے لیئے 15.25 کروڑ روپے جبکے الیکٹریکل سگنل اور ٹیلیکمیونیکشن کے لیئے 5 کروڑ روپے کے ٹینڈر رواں مالی سال کے جولائی مہینے میں جاری کیئے جاچکے ہیں۔
اس وقت 10 لوکوموٹو اور 40 کوچز کے سے آر منصوبے کے لیئے کیئرج فکٹری اسلام آباد کے حوالے کی جاچکی ہیں جن کی مرمت اور تزین و آرائش کا کام بہتر طریقے سے جاری ہے۔ ابتدائی طور پر 10 کوچز تیار کرلی گئی ہیں۔ پرانے کے سی آر نظام کو بحال کرنے کے لیئے 1850 ملین رپیوں کی لاگت آئیگی جس میں یومیہ 32 ٹرینیں 16,000 مسافروں کو اپنی منزل پر پہنچائیں گی۔ پہلی سے آخری منزل تک کا فاصلہ صرف آدھے گھنٹے میں طہ ہوگا۔ ۔پاکستان ریلویز کے سے آر منصوبے کی بحالی کے بعد دوسرے مرحلے میں اس کی اپ گریڈیشن کریگی جس کے لیئے 8705 ملین روپے درکار ہونگے۔ اپ گریڈیشن کے بعد ٹرینوں کی تعداد 32 سے بڑھ کر 48، مسافروں کی گنجائش 16000 سے بڑھ کر 24000 جبکہ مکمل سفر کا دورانیہ 30 منٹ سے کم ہو کر 19 منٹ رہ جائیگا۔۔تیسرے مرحلے میں اس منصوبے کو پبلک پرائیوٹ پارٹنرشپ کی بنیاد پر جدید اربن ماس ٹرانزٹ سسٹم کا درجہ دیا جائیگا۔اس کے لئے ٹرانزیکشن ایڈوائیزی کے لئے پاکستان ریلوے نے اشتہار جاری کر دیا ہے۔کراچی سرکلر ریلوے کو جدید اربن ٹرانسپورٹ بنانے اور مکمل بحال کرنے میں تقریباً دو سال کا عرصہ درکار ہوگا۔

اسپیکر قوی اسمبلی اسد قیصر اور ڈپٹی اسپیکر قاسم خان سوری کا دیوالی کے تہوار پر ہندو برادری کو مبارک باد

تفصیلات کے مطابق اسپیکر قومی اسمبلی اسدقیصر نے دیوالی کے پر مسرت موقع پر ہندو اراکین پارلیمنٹ اورہندو برادری کو مبارک باد دی ہے۔
اسپیکر قومی اسمبلی نے اس پر مسرت موقع پر خوشی کا اظہار کرتے ہوئے کہا کہ پاکستان مختلف مذاہب کے ماننے والوں کا مسکن ہے اور مختلف ثقافتوں کا آئینہ دار ہے یہاں تمام قومیتوں کے تہواروں کو بھرپور جوش وجذبے سے منایا جاتا ہے۔ انہوں نے ملک کی خوشحالی اور ترقی میں ہندو برادری کے خدمات کو سراہا۔

ڈپٹی سپیکر قومی اسمبلی قاسم خان سوری نے اس پر مسرت موقع پر ہندو ممبران قومی اسمبلی کو مبارک باد دی اور قومی ترقی، اتحاد اور یکجہتی کے لیے ہندو برادری کی خدمات کو سراہا۔

چیرمین سینیٹ محمد صادق سنجرانی نے دیوالی کے موقع پر ملک بھر کی ہندو برادری کو دلی مبارکباد دی ہے۔انہوں نے اپنے خصوصی پیغام میں کہا کہ آج کا دن نہ صرف ہمارے ملک کی ہندو برادری کے لیے بھر پور خوشی کا باعث ہے بلکہ ہم سب کو ایسے پر مسرت مواقع مل کر منانے اور بقاےء باہمی کےاصول تحت مل جل کر رہنے کے عزم کے اعادہ کا بھی دن ہے۔

انہوں نےکہا کہ ملک بھر میں رہنے والی ہندو برادری کی پاکستان کی تعمیر و ترقی اور خوشحالی کے لیے خدمات ناقابل فراموش ہیں۔چیرمین سینیٹ محمد صادق سنجرانی نے کہا کہ ہم پاکستان کی عوام اور ایوان بالا کی جانب سے ملک بھر میں رہنے والی ہندو برادری کو یقین دلاتے ہیں کہ ہماری خوشیاں اور غم مشترکہ ہیں۔پارلیمانی جمہوریت میں ہم تمام قومیتوں، برادریاں اور مزاہب ملکی ترقی کے مشترکہ ایجنڈے پر عمل پیرا ہیں

پاکستان میں تمام مزاہب اور اقلیتوں کو مکمل مذہبی آزادی کا حاصل ہونا دیگر ممالک میں رہنے والے افراد اور حکومتوں کے لیے مشعل راہ ہے۔
ہم پاکستان اور دنیا بھر کے ہندوؤں کو دیوالی کے پرمسرت موقع پر دل کی گہرائیوں سے مبارکباد پیش کرتے ہیں۔

گور نر پنجاب سےا سپیکر بلوچستان اسمبلی عبد القدوس بزنجو کی ملاقات ،عبد القدوس بزنجو کا گور نر کے ہمراہ گور نر ہائوس میں کورونا ہیروز وال کا بھی دورہ

گورنر پنجاب چوہدری محمد سرور نے کہا کہ اپوزیشن کے غیر آئینی مطالبات کو قوم کو دیکھ رہی ہے حکومت میں کون آئیگااس کا فیصلہ ووٹ کی طاقت سے ہی ہوگا ۔عوام جمہوریت ‘آئین وقانون کی حکمرانی اور حکومتی بیانہ کیساتھ ہیں ۔معاشی اور سفارتی سمیت ہر محاذ پر پاکستان کامیابی سے آگے بڑھ رہا ۔
30سالوں میں پہلی بار پنجاب میں انڈسڑی مکمل بحال ہو رہی ہے ۔ وفاقی اور پنجاب حکومت بلوچی بھائیوں کیساتھ متحد کھڑی ہے ۔ایل اوسی پربمباری بدترین بھارتی دہشت گردی ہے ۔ بھارت خطے میں امن کیلئے سب سے بڑاخطر ہ ہے دنیا نوٹس لے ۔

گور نر پنجاب اور اسپیکراسمبلی کی ایل اوسی پربھارتی افواج کی بمباری کی شدید مذمت ،سپیکر نے گور نرپنجاب کے بلوچی طلباء کے لیے تاریخی سکالر شپ پروگرام کو بھی سراہا ،بلوچستان کی ترقی اور خوشحالی کے لئے سب کو ملکر کام کرنا ہوگا ۔صحت اورتعلیم کے شعبے میں بلوچستان میں بھر پورتوجہ کی ضرورت ہے ۔ پاکستان کی مضبوطی کیلئے بلوچستان کی مضبوطی بھی ضروری ہے ۔