Baaghi TV

Tag: baaghi

  • چیئرمین واپڈا کا واپڈا تکنیکی ٹیم کے ہمراہ گریٹر کراچی واٹر سپلائی سکیم (کے فور) کا دورہ

    چیئرمین واپڈا کا واپڈا تکنیکی ٹیم کے ہمراہ گریٹر کراچی واٹر سپلائی سکیم (کے فور) کا دورہ

    چیئرمین واپڈا کا اعلیٰ سطحی واپڈا تکنیکی ٹیم کے ہمراہ گریٹر کراچی واٹر سپلائی سکیم (کے فور) کا دورہ،چیئرمین واپڈا اور تکنیکی ٹیم کو منصوبے پر پیش رفت اور درپیش مسائل کے بارے میں بریفنگ دی گئی ،کے فور پراجیکٹ ڈیزائن، روٹ اور فعالیت کے حوالے سے سنگین تکنیکی مسائل کا شکارہے،واپڈا تکنیکی ٹیم مسائل پر تفصیلی رپورٹ بنائے گی،مسائل کے ممکنہ حل بھی تجویز کئے جائیں گے،تفصیلی رپورٹ کی روشنی میں کے فور پراجیکٹ پر عملدرآمد کا لائحہ عمل بنایا جائے گا

    تفصیلات کے مطابق چیئرمین واپڈا لیفٹیننٹ جنرل مزمل حسین (ریٹائرڈ) نے گریٹر کراچی واٹر سکیم (کے فور پراجیکٹ) کا دورہ کیا۔ واپڈا کی اعلیٰ سطحی تکنیکی ٹیم بھی اِس دورے میں اُن کے ہمراہ تھی۔ تکنیکی ٹیم واپڈا کے ماہر اور تجربہ کار انجینئر ز کے ساتھ ساتھ منصوبوں پر عملدرآمد کے ماہرین پر مشتمل تھی۔ ماہرین میں ایڈوائزر (پراجیکٹس)، جنرل منیجر(کوارڈی نیشن اینڈ مانیٹرنگ) واٹر، جنرل منیجر (سنٹرل ڈیزائن آفس)، جنرل منیجر (ہائیڈرو پلاننگ) اور جنرل منیجر(پراجیکٹس) ساؤتھ شامل تھے۔

    دورے کے پہلے مرحلے میں چیئرمین واپڈا اور اعلیٰ سطحی تکنیکی ٹیم نے ضلع ٹھٹھہ میں کینجھر جھیل پر واقع کے فور پراجیکٹ کے اِن ٹیک کا معائنہ کیا۔ جہاں حکومت سندھ کے پراجیکٹ ڈائریکٹر کے فور نے منصوبے کی موجودہ صورتِ حال اور اِس کی تعمیر کی راہ میں حائل رکاوٹوں کے بارے میں بریفنگ دی۔ ایف ڈبلیو او کے پراجیکٹ منیجر نے منصوبے پر اب تک کی تعمیراتی پیش رفت جبکہ او سی ایل کنسلٹنٹس کے ڈائریکٹر نے منصوبے کو درپیش مسائل کے بارے میں بتایا۔

    بعد ازاں چیئرمین واپڈا ا ور پراجیکٹ سے متعلق آفیسرز نے کے فور منصوبے کے روٹ کا فضائی جائزہ بھی لیا۔دورے کے دوران یہ بات سامنے آئی کہ کے فور پراجیکٹ ڈیزائن، روٹ اور فعالیت کے حوالے سے سنگین تکنیکی مسائل کا شکار ہے اور اِن مسائل کو حل کئے بغیر منصوبے پر پیش رفت نہیں ہوسکتی۔ واپڈا تکنیکی ٹیم اِس حوالے سے ایک تفصیلی رپورٹ تیار کرے گی،جس میں اِن تمام مسائل کا احاطہ کیا جائے گا اور اِن کے ممکنہ حل بھی تجویز کئے جائیں گے اور مذکورہ رپورٹ کی روشنی میں کے فور منصوبے پر عملدرآمد کے لئے
    لائحہ عمل بنایا جائے گا۔

    یہ بات قابل ذکر ہے کہ کے فور پراجیکٹ کراچی کو یومیہ 260 ملین گیلن پانی فراہم کرنے کا منصوبہ ہے۔ قبل ازیں اِس منصوبے کی تعمیر کی ذمہ داری حکومت سندھ کے پاس تھی، تاہم سندھ حکومت کے ساتھ ایک انتظام کے تحت اب یہ منصوبہ وزیر اعظم کے کراچی پیکیج کے تحت وفاقی حکومت تعمیرکررہی ہے۔ اوراس پس منظر میں وفاقی حکومت نے کے فور منصوبے پر عملدرآمد کی ذمہ داری واپڈا کو تفویض کی ہے۔

  • اسلام آباد کی یونیورسٹیز میں کورونا کے باعث تشویشناک صورتحال

    اسلام آباد کی یونیورسٹیز میں کورونا کے باعث تشویشناک صورتحال

    نیشنل یونیورسٹی آف ماڈرن لینگوجز اسلام آباد میں متعدد طلباء کے کورونا ٹیسٹ مثبت،ذرائع
    طلباء کے علاوہ انتظامیہ کے افراد بھی کورونا کا شکار، متعدد طلباء کے کورونا ٹیسٹ مثبت آنے کی وجہ سے یونیورسٹی کو چند روز پہلے دو دن کے لیے سیل بھی کیا گیا تھا،

    تاہم اب یونیورسٹی انتظامیہ کی جانب سے اس اہم مسلئے کو مسلسل نظر انداز کیا جا رہا ہے،کورونا کے پھیلاؤکو روکنے کے لئیے یونیورسٹی میں طلباء کی کم تعداد کو یقینی بنانے کے لئیے ۵٠ فیصد طلباء کے لیے ان کیمپس جبکہ ۵٠ فیصد کے لیے آن لائن کلاسز کا اجراح کیا جا رہا تھا،

    تاہم اب بروز پیر سے یونیورسٹی کو روگیولر کرنےکا اعلان کر دیاگیا ،ریگیولر کلاسز کی وجہ سے 12 ہزار سے زائد طلباء بیک وقت یونیورسٹی جائیں گئے ،
    یونیورسٹی میں ایس او پیز کی بھی دھجیاںبکھیری جا رہی ہیں ،

    جبکہ دوسری جانب اسلامک انٹرنیشنل یونیورسٹی کو کورونا کے بڑھتے کیسز کے باعث 14 روز کیلئے بند کردیا گیا جس کا نوٹیفکیشن بھی جاری کر دیا گیا ہے

  • پنجاب پولیس میں بڑے پیمانے پر تقرر و تبادلے، نوٹیفیکیشن جاری

    پنجاب پولیس میں بڑے پیمانے پر تقرر و تبادلے، نوٹیفیکیشن جاری

    پنجاب پولیس میں تقرر و تبادلے،نوٹیفیکیشن جاری کر دیا گیا تفصیلات کے مطابق ڈی پی او رحیم یار خان منتظر مہدی کو ایس پی موٹر ٹرانسپورٹ لاہور تعینات کردیا گیا ۔ایس پی موٹر ٹرانسپورٹ لاہور اسد سرفراز خان کو ڈی پی او رحیم یار خان تعینات کر دیا گیا ۔ڈی پی او ناروال ذولفقار احمد کو ڈی پی او سرگودھا تعینات کر دیا گیا ۔

    ڈی پی او سرگودھا فیصل گلزار کو ڈی پی او راجن پور تعینات کر دیا گیا ، ڈی پی او راجن پور احسن سیف اللہ کو ایس ایس پی آپریشنز لاہور تعینات کردیا گیا ۔کیپٹن ر واحد محمود کو ڈی پی او نارووال تعینات کر دیا گیا ۔

    ڈی پی او بھکر کیپٹن ر محمد علی کو ایڈیشنل آئی جی ڈویلپمنٹ پنجاب تعینات کر دیا گیا،ایڈیشنل آئی جی ڈویلپمنٹ پنجاب رانا طاہر رحمان خان کو ڈی پی او بھکر تعینات کر دیا گیا ۔سید عمران کرامت کو ایڈیشنل آئی جی ڈسپلن پنجاب تعینات کر دیا گیا ۔

    آفتاب احمد کو ایس پی سروے سپشل برانچ پنجاب تعینات کر دیا گیا ،پی ایس ٹو آئی جی پنجاب حسن مشتاق سکیھرا کو ڈی پی او بہاولنگر تعینات کر دیا گیا ۔ڈی پی او بہاولنگر محمد شعیب اشرف کو پی ایس ٹو آئی جی پنجاب تعینات کر دیا گیا ۔

    ایس پی سیکورٹی وزیر اعلی عبداللہ لک کو ایس پی انویسٹیگیشن اوکاڑہ تعینات کر دیا گیا ۔ایس پی انویسٹیگیشن اوکاڑہ شمس الحق کو ایڈیشنل ایس پی انویسٹیگیشن سول لائن لاہور تعینات کردیا گیا ۔

  • 24گھنٹے کے دوران کورونا کے نئے کیس سامنے آگئے

    24گھنٹے کے دوران کورونا کے نئے کیس سامنے آگئے

    لاہور،وزیر اعلی عثمان بزدار کے مطابق 24گھنٹے کے دوران کورونا کے 321نئے کیس سامنے آئے ،
    گزشتہ 24گھنٹے کے دوران کورونا کے باعث 5مریض جاں بحق ہوئے،صوبے میں کورونا ایکٹو کیسوں کی تعداد5,917 ہوگئی ہے۔

    پنجاب میں اتب تک 2390مریض جاں بحق ہوچکے ہیں۔24گھنٹے میں کورونا کی تشخیص کیلئے14,109ٹیسٹ کیے گئے۔اب تک 1647918ٹیسٹ کیے جاچکے ہیں۔
    105856مریضوں میں سے 97,549مریض صحت یاب ہوچکے ہیں۔

    کورونا کا پھیلاؤ کم کرنے کیلئے شہریوں کو سختی کے ساتھ احتیاطی تدابیر پر عمل کرنا ہوگا۔
    کورونا سے بچنے کا بہترین طریقہ ایس او پیز پر عملدرآمد ہے۔ایس او پیز پر عملدرآمد نہ ہونے کی صورت میں مزید سخت اقدامات کر سکتے ہیں۔

    

  • گورنر پنجاب کی سروسز اسپتال آمد,

    گورنر پنجاب کی سروسز اسپتال آمد,

    گونر پنجاب سروسز اسپتال چوہدری شجاعت حسین ک عیادت کیلئے پہنچ گئے سپیکر پنجاب اسمبلی چوہدری پرویز الٰہی سے ملاقات کی ۔ملاقات میں گورنر پنجاب نے چودھری شجاعت حسین کی عیادت کی اور جلد صحتیابی کیلیے دعا کی ۔ اس موقع پر مونس الہی ۔ چودھری سالک حسین ۔ چودھری شافع حسین ۔ وجاہت حسین سمیت دیگر بھی موجود تھے،

    چوہدری شجاعت حسین طبیعت کی ناسازی کے باعث سروسز ہسپتال میں زیر علاج ہیں انہیں آج ہی ہسپتال داخل کیا گیا ہے ،آج صبح وزیر اعلی پنجاب عثمان بزدار اور وزیر صحت ڈاکٹر یاسمین راشد نے بھی سروسز اسپتال کا دودہ کیا اور چوہدری شجاعت حسین کی خیریت دریافت کی ،

    چوہدری شجاعت حسین مسلم لیگ ق کے سینئر رہنما اور سیاستدان ہیں، اپنے دور سیاست میں انہوں نے بے پناہ ترقیاتی کام کروائے ،پنجاب میں ان کا ایک خاص مقام ہے جس کی وجہ سے حلقہ سیاست میں بھی وہ الگ درجہ رکھتے ہیں ،عوامی حلقوں میں بھی ان کی صحتیابی کیلیے خصوصی دعائیں کی جا رہی

  • قومی سینئر ہاکی چیمپین شپ ميں واپڈا، پی اے ايف ، آرمی ، نیشنل بینک ، سوئی سدرن کی ٹيموں کی کاميابی۔

    قومی سینئر ہاکی چیمپین شپ ميں واپڈا، پی اے ايف ، آرمی ، نیشنل بینک ، سوئی سدرن کی ٹيموں کی کاميابی۔

    ماڑی پیٹرولیم آسٹروٹرف ہاکی سٹیڈیم ایوب پارک راولپنڈی میں جاری چمپين شپ کے دوسرے دن کے پہلے میچ ميں واپڈا نے پولیس کو دو کے مقابلے ميں سات گول سے شکست دی. واپڈا کے سمیع اللہ نے تین ,علیم بلال نے دو ,اعجاز احمد اور عمر بھٹہ نے ایک ایک گول سکور کیا پولیس کے دونوں گول حمزہ نے اسکورکئيے. دوسرے میچ ميں پي اے ايف نے پورٹ قاسم کوايک کے مقابلے ميں دو گول سے ہرا ديا۔ پاکستان ایئر فورس کی جانب سے احمر علی اور کپتان شہباز نے ایک ایک گول سکور کیا ۔ پورٹ قاسم کا واحد گول ابوزر نے سکور کیا ۔

    تیسرے میچ ميں آرمی نے سخت مقابلے کے بعد نیوی کو دو کے مقابلے ميں تين گول سے ہراديا ۔ آرمی کے محمد عباس نے دو ,ارسلان نے ایک گول سکور کیا. نیوی کے محمد سویر اور ذوالقرنین نے ایک ایک گول سکور کیا ۔چوتھے میچ ميں نیشنل بینک نے سخت مقابلے کے بعد ماڑي پٹروليم کو ايک صفر سے شکست دي میچ کا واحد گول ابوبکر نے اسکور کیا۔

    پانچويں میچ ميں سوئی سدرن نے1 پنجاب کو باآساني ايک کے مقابلے ميں چھ گو سے ہراديا ۔ سوئی سدرن کی جانب سے ذیشان اور مبشر نے دو ،دو علی شان اور احمد ندیم نے ايک ايک گول اسکور کيا جبکہ پنجاب کا واحد گول حنان نے اسکور کیا.

  • قائداعظم ٹرافی کرکٹ ٹورنامنٹ کے تیسرے راؤنڈ کا پہلا روز مکمل

    قائداعظم ٹرافی کرکٹ ٹورنامنٹ کے تیسرے راؤنڈ کا پہلا روز مکمل

    سنٹرل پنجاب کی دعوت پر پہلے بیٹنگ کرتے ہوئے بلوچستان نے 6 وکٹوں کے نقصان پر 239 رنز بنالیے ہیں۔ نیشنل اسٹیڈیم کراچی میں جاری میچ کے پہلے روز کھیل کے اختتام پر تیمور علی 59 اور کاشف بھٹی 2 رنز بناکر ناٹ آؤٹ ہیں۔ وقاص مقصود 3 وکٹیں حاصل کرچکے ہیں۔ اس سے قبل علی وقاص 75 اور عمران بٹ 53 رنز بناکر آؤٹ ہوئے۔ دونوں کھلاڑیوں نے دوسری وکٹ کے لیے 120 رنز کی شراکت قائم کی۔

    این بی پی اسپورٹس کمپلیکس کراچی میں جاری میچ کے پہلے روز خیبرپختونخوا نے 93 اوورز میں 6 وکٹوں کے نقصان پر 261 رنز بنالیے۔ خالد عثمان 6 اور ساجد خان 4 کے انفرادی اسکور سے میچ کے دوسرے روز کا آغاز کریں گے۔ فاسٹ باؤلر محمد عباس 28 رنز کے عوض 4 کھلاڑیوں کو آؤٹ کرچکے ہیں۔ اس سے قبل عادل امین اور کامران غلام نے چوتھی وکٹ کے لیے 99 رنز کی شراکت قائم کی۔ عادل امین 90 اور کامران غلام 64 رنز بناکر آؤٹ ہوئے۔ اوپنر مصدق احمد نے 41 رنز کی اننگز کھیلی۔ سدرن پنجاب نے ٹاس کیے بغیر پہلے باؤلنگ کرنے کا فیصلہ کیا تھا۔

    یو بی ایل اسپورٹس کمپلیکس کراچی میں جاری میچ کے پہلے روز ناردرن نے سندھ کے خلاف ٹاس جیت کر پہلے بیٹنگ کرتے ہوئے 9 وکٹوں کے نقصان پر 319 رنز بنالیے ہیں۔ وقاص احمد 18 اور نعمان علی 15 کے انفرادی اسکور سے میچ کے دوسرے روز کا آغاز کریں گے۔ اس سے قبل محمد نواز، حماد اعظم اور عمر امین نے ناردرن کی جانب سے نصف سنچریاں اسکور کیں۔ محمد نواز 73 ، حماد اعظم 64 اور عمر امین 62 رنز بنا کر آؤٹ ہوئے۔ سندھ کے تابش خان اور سہیل خان 3،3 وکٹیں حاصل کرچکے ہیں۔

  • ملک و صوبے کی ترقی میں قومی شاہراہوں کا کلیدی کردار ہے

    ملک و صوبے کی ترقی میں قومی شاہراہوں کا کلیدی کردار ہے

    کوئٹہ: گورنر بلوچستان امان اللہ خان یاسین زئی نے کہا ہے کہ ملک و صوبے کی پائیدار ترقی وخوشحالی میں قومی شاہراہوں کا کلیدی کردار ہے. اس ضمن میں قومی شاہراہوں کی توسیع اور تعمیر کیلئے لورلائی سے سینکڑوں کلومیٹر پیدل مارچ کرکے کوئٹہ تشریف لانے پر لورالائی کے نوجوان خراج تحسین کے مستحق ہیں. گورنر یاسین زئی نے توقع ظاہر کیا کہ موجودہ حکومت بہت جلد لورالائی کے عوامی مطالبات پورا کرنے کیلئے ہر ممکن اقدام اٹھائے گی.

    ان خیالات کا اظہار انہوں نے جمعہ کے روز گورنرہاوس کوئٹہ میں اسفندیار خان کی قیادت میں ایک وفد سے بات چیت کرتے ہوئے کیا. وفد میں سوشل ایکٹیویسٹ مولاداد خان، سردار فیصل خان، انجنئیر نصیب اللہ اور عبیداللہ شامل تھے. اس موقع پر گورنر بلوچستان نے کہا کہ اپنے ذاتی مفادات کو اجتماعی مفادات کیلئے قربان کرنا ہی انقلابی شعور کی علامت ہے اور ہمارے اجتماعی روشن مستقبل کا راز بھی اسی میں پوشیدہ ہے. گورنر یاسین زئی نے کہا ہے کہ ٹریفک حادثات میں کمی لانے کیلئے ہمیں تمام قومی شاہراہوں کو حال اور مستقبل قریب کے تقاضوں کے مطابق دو رویہ کرنا ہوگا.

    قومی شاہراہوں پر ٹریفک حادثات کی روک تھام کیلئے سردست تمام متعلقہ محکموں کو ایک جامع اور مربوط حکمت عملی وضع کرنے کی اشد ضرورت ہے. گورنر یاسین زئی نے کہا کہ حکومتی اقدامات کے ساتھ ساتھ تمام شہریوں کو اپنی ذمہ داری نبھانا ہوگی اس کیلئے بھرپور عوامی مہم چلانے کی ضرورت ہے.

    گورنر یاسین زئی نے کہا کہ اس ضمن میں ہم تمام متعلقہ وفاقی وصوبائی محکموں اور اداروں کے ساتھ رابطے میں ہیں اور بہت جلد قانون سازی کے ذریعے بڑھتے ہوئے ٹریفک حادثات پر قابو پایا جائے گا.

  • -کورونا ایس او پیز پر سختی سے عملدرامد کا فیصلہ۔ شہریوں کے لئے ماسک لازمی قرار

    -کورونا ایس او پیز پر سختی سے عملدرامد کا فیصلہ۔ شہریوں کے لئے ماسک لازمی قرار

    -کورونا ایس او پیز پر سختی سے عملدرامد کا فیصلہ۔ شہریوں کے لئے ماسک لازمی قرار،خلاف ورزی پر پانچ سو روپے تک جرمانہ عاید کیا جائے گا،کمشنر و ایڈمنسٹریٹر کراچی افتخا ر شالوانی نے احکامات جاری کر دئے

    کراچی (باغی ٹی وی ) کراچی انتظامیہ نے کورونا پھیلنے کے خدشات کے پیش نظر شہریوں پر ماسک پہننا لازمی قرار دے دیا ہے تفصیلات کے مطابق
    کمشنر و ایڈ منسٹریٹر کراچی افتخار شالوانی نے تمام ڈپٹی کمشنرز کو ہدایت کی ہے کہ وہ شہریوں کو لازمی ماسک پہننے ی ہدایت کریں یقینی بنائیں کہ شہری لازمی ماسک پہنیں جو شہری اس ماسک پہننے کی ہدایت کی خلاف ورزی کریں ان کے خلاف کارروائی کریںاور پانچ سو روپے تک جرمانہ عاید کریں ۔

    کمشنر نے کہا کہ۰ دکانداروں اور مارکیٹوں پر کورونا ایس او پیز پر عملدرآمد کو یقینی بنائیں دکانداروں کو پابند کریں کہ وہ خود اور خریداروں سے ماسک کے بغیر دکان میں داخل ہونے کی اجاز ت نہ دیں لین دیں، کمشنر نے ڈپٹی کمشنرز کو ہدایت کی کہ وہ ان دکانداروں اور مارکیٹ انتظامیہ کے خلا ف قانونی کارروائی کریں جو کورونا ایس او پیز پر عملدرآمد سے گریز کریں

  • وفاقی وزیر اطلاعات کا مریم نواز کے خطاب پر شدید رد عمل

    وفاقی وزیر اطلاعات کا مریم نواز کے خطاب پر شدید رد عمل

    اسلام آباد وفاقی وزیراطلاعات سینیٹر شبلی فراز کا اپوزیشن کے بیانات پر ردعمل سامنے آگیامریم نواز
    کے خطاب پر شدید رد عمل شبلی فراز نے کہا کہ مریم نواز کا انداز خطاب انتہائی ناشائستہ تھا،نواز شریف ملک میں لوٹا کریسی کے بانی رہے ہیں ،

    کیا پاکستانی عوام چھانگا مانگا میں رکھے گئے سیاسی رہنماؤں کا واقعہ بھول جائیں گے؟ ن لیگ اور پیپلزپارٹی اپنی کرپشن اور نااہلی کے باعث عوام میں اپنی ساکھ کھو چکے ہیں،اپوزیشن رہنما گلگت بلتستان اور دیگر علاقوں میں ہمارے جلسوں میں عوام کی بھرپور شرکت سےبوکھلا چکے ہیں
    گلگت بلتستان کے عوام بلاول سے پوچھتے ہیں جو کام پانچ سال میں نہیں ہوسکے اب کیسے ہونگے؟

    یاد رہے کہ مریم نواز ان دنوں انتخابی مہم کے سلسلے میں گلگت بلتستان کے دورے پر ہیں اس کے علاوہ پیپلز پارٹی کے رہنما بلاول بھٹو کے ہمراہ گلگت بلتستان میں موجود ہیں