Tag: baaghi

اسلام آباد: چئیرمین نیب جسٹس جاوید اقبال کی منظوری کے بعدقومی احتساب بیوروبلوچستان نے ریکوڈیک منصوبے میں قومی خزانے کو کھربوں روپے کا نقصان پہچانے والے عناصر کے خلاف گزشتہ 30 سال کے ریکارڈ کی چھان بین کے بعد قانون کے مطابق ٹھوس شواہد کی بنیاد پر حکومت بلوچستان کے سابقہ اعلی عہدیداران سمیت 26 افراد کے خلا ف ریفرنس معزز احتساب عدالت کوئٹہ میں دائر کر دیا ہے۔معزز احتساب عدالت کوئٹہ نے ملزمان کو قانون کے مطابق نوٹسز جاری کر دیئے ہیں۔

تفصیلات کے مطابق چئیرمین نیب جسٹس جاوید اقبال نے ڈی جی نیب آپریشن اور ڈی جی نیب بلوچستان کی سربراہی میں کام کرنے والی نیب کی تحقیقاتی ٹیم نے شبانہ روز انتھک محنت اور مختلف محکمہ جات کے30 سال کے ریکارڈ کی عرق ریزی کے بعد ملزمان کے خلا ف نہ صرف ٹھوس شواہد اکھٹے کیے بلکہ معزز احتساب عدالت کوئٹہ میں بد عنوانی کا ریفرنس دائر کر دیا ہے۔ ملزمان پر اپنے اختیارات کا ناجائز استعمال کرنے، قواعد و ضوابط کی خلاف ورزی کرتے ہوئے ذاتی مفادات کے حصول کے لیے قومی خزانے کو کھربوں روپے کا نقصان پہچانے کا الزا م ہے۔

تفصیلات کے مطابق سال 1993 میں بلوچستان ڈویلپمنٹ اتھارٹی اور بروکن ہلز پروپرائیٹر ی نامی آسٹریلیوی کمپنی کے مابین چاغی ہلز ایکسپلوریشن جوائنٹ ونیچر کا ایک معائدہ طے پایاجس میں حکومت بلوچستان بالخصوص بلوچستان ڈویلپمنٹ اتھارٹی کے افسران کی جانب سے آسٹریلوی کمپنی کو غیر قانونی فائدہ پہنچایا گیا۔قومی مفادات سے متصادم اس معائدہ کی شرائط کو مزید مستحکم کرنے کے لیے نا صرف غیر قانونی طریقہ سے بلوچستان مائینگ کنسیشن رولز میں ترامیم کی گئیں بلکہ بار بار غیر قانونی طور پر ذیلی معاہدات کر کے ٹیتھیا ن کا پر کمپنی نامی نئی کمپنی کو متعارف کرکے اربوں روپے کے مزید مالی فائدے حاصل کیے گے علاوہ ازیں محکمہ مال کے افسران کی جانب سے زمین کی الاٹمنٹ اور دیگر امور میں بھی شدید بے قاعدگیاں سامنے آئیں اور ملزمان نے اس مد میں مالی فوائد لینے کا اعتراف بھی کیا۔ریکارڈ کی جانچ پڑتال اور گواہان کے بیانات سے چشم کشا حقائق سامنے آئے جس کے مطابق ٹی سی سی کے کارندے سرکاری ملازمین کو رشوت دینے اور ناجائز طور پر مفادات حاصل کرنے میں ملوث پائے گئے۔ انہی کرپٹ عناصر کی وجہ سے ریکوڈک منصوبے جس میں ملکی خزانے کو اربوں روپے کا فائدہ حاصل ہونا تھا بد عنوانی کی نظر ہو گیا۔بد عنوانی کے اس تاریک باب کی تحقیقات کے لیے 30 برس کے ریکارڈ کی جانچ پڑتا ل کی گئی، بیرون ملک مقیم ملزمان کوقانون کے مطابق بارھا طلب کیا گیاتاکہ وہ اپنا موقف پیش کر سکیں۔بالآخر ڈی جی نیب آپریشن اور ڈی جی نیب بلوچستان کی سربراہی میں کام کرنے والی تحقیقاتی ٹیم نے نیب کی تاریخ کے سب سے پیچیدہ اور کرپشن کے والیم کے حساب سے سب سے بڑے وائٹ کلر کیس کی گھتیاں سلجھاتے ہوئے چئیرمین نیب جسٹس جاوید اقبال کی منظوری کے بعد حکومت بلوچستان کے سابقہ عہدیداران سمیت 26 افراد کے خلا ف ناقابل تردید ثبوتوں کی روشنی میں ریفرنس معزز احتساب عدالت کوئٹہ میں دائر کر دیا گیا ہے جہاں قانون اپنا راستہ خود اختیار کرے گا۔

وزیر اعظم کی زیر صدارت اشیا ئے ضروریہ کی دستیابی اور قیمتوں پر کنٹرول کے حوالے سے اٹھائے جانے والے اقدامات سے متعلق جائزہ اجلاس۔

اجلاس کو چیف سیکریٹری پنجاب نے گندم اور چینی کی صوبے میں دستیابی اور قیمتوں کے بارے تفصیلی بریفنگ دی۔ اجلاس کو بتایا گیا کہ آٹے کی دستیابی کو یقینی بنانے کے لیے تمام ضلعی انتظامیہ کے افسران مسلسل مانیٹرنگ کر رہے ہیں۔ اجلاس کو بتایا گیاکہ فلور ملز مالکان سے تفصیلی مشاورت کی گئی ہے۔ چیف سیکریٹری پنجاب نے یقین دہانی کرائی کہ یومیہ 25,000 ٹن گندم کی پسائی اور مارکیٹ میں دستیابی کو یقینی بنایا جائے گا۔

چیف سیکریٹری خیبر پختونخوا نے اجلاس کو بتایا کہ صوبے کی اس وقت یومیہ 11,000 ٹن گندم کی کھپت ہے اور 11 لاکھ ٹن سٹاک میں موجود ہے۔آٹے کی قیمتوں کے حوالے سے فلور ملز کی جانب سے 10 سے 50 روپے فی 20 کلو تھیلے پر کمی کی آمادگی ظاہر کی گئی ہے۔ منافع خوری اور ذخیرہ اندوزی کرنے والوں کے خلاف 2400 ایف آئی آر درج کی جاچکی ہیں۔ چیف سیکریٹری نے یقین دہانی کرائی کہ صوبائی حکومت کی جانب سے 5000 ٹن یومیہ گندم کی ریلیز یقینی بنائی جائے گی۔

وزیر اعظم نے کہاکہ اشیا ئے ضروریہ کی دستیابی اور قیمتوں کا تعین صوبائی اختیار ہے مگر غریب عوام کی سہولت مد نظر رکھتے ہوے وہ خود اس امر کی نگرانی کر رہے ہیں اور حکومت کی ہر ممکنہ کوشش ہے کہ عوام کو ریلیف فراہم کیا جائے۔
وزیر اعظم نے کہاکہ اس وقت تمام معاشی اعشاریے مثبت سمت میں ہیں
انہوں نے کہا کہ حکومت کی بھرپور کوشش ہے کہ معاشی میدان میں اس مثبت پیش رفت کے ثمرات کا فائدہ عوام کو میسر آئے۔
وزیر اعظم نے زور دیاکہ آٹے اور چینی کی صورتحال پر مسلسل نظر رکھی جائے اورمستقبل کی ضروریات کے پیشگی انتظامات کو یقینی بنایا جائے۔ وزیرِ اعظم نے ہدایت کی کہ درآمد شدہ چینی کی ملک کے مختلف حصوں میں ترسیل کے حوالے سے انتظامات کو یقینی بنایا جائے تاکہ ترسیل کا عمل کسی تاخیر کا شکار نہ ہو۔

سندھ حکومت کی جانب سے نابینہ افراد کو مختلف محکموں میں بھرتیوں کے آفر آرڈر دئیے گئے۔ چیف سیکریٹری سندھ کی جانب سے 25 نابینہ افراد کو مختلف محکموں میں بھرتیوں کے آرڈر دئے گئے۔ سندھ سیکریٹریٹ میں تقریب منعقد کی گئی تفصیلات کے مطابق سندھ سیکریٹریٹ میں نابینہ افراد کو سرکاری ملازمتوں کے آفر آرڈر دینے کی تقریب منعقد ہوئی۔

تقریب میں چیف سیکریٹری سندھ سید ممتاز علی شاہ نے 25 نابینہ افراد کو 5 فیصد (ڈفرنٹلی ایبل پرسن) کوٹہ پر سندھ کے مختلف محکموں میں بھرتیوں کے آفر آرڈر دئے۔ تقریب سے خطاب کرتے ہوئے چیف سیکریٹری سندھ سید ممتاز علی شاہ نے کہا کہ حکومتِ سندھ معزور افراد کے 5 فیصد کوٹہ پر عملدرآمد کو یقینی بنایا ہے۔ سندھ حکومت کے مختلف محکموں میں معزور افراد کو 5 فیصد کوٹہ پر ملازمتیں دی جارہی ہیں۔ انہونے مزید کہا کہ جن محکموں میں ابھی تک معزور کوٹہ پر عملدرآمد نہیں ہوا ان محکموں میں جلد معزور افراد کے کوٹہ پر عملدرآمد کے لئے اشتہار دے جائیں گے۔ چیف سیکریٹری سندھ نے آفر آرڈر حاصل کرنے والے امیدوارو سے کہا کہ وہ آج سے سندھ حکومت کا حصہ ہیں اور وہ جس محکمے میں ہونگے وہاں جوش و جذبے سے کام کریں گے۔ تقریب میں چیف سیکریٹری سندھ نے تمام امیدوارو کو انکی نشستوں پر جا کر آفر آرڈر دئے۔ تقریب میں ایڈوکیٹ ندیم شیخ جسٹس ہیلپ لائین اور سندھ ہائے کورٹ بار کی جانب سے سندھ حکومت کا شکریہ ادا کرتے ہوئے کہا کہ جسٹس ہیلپ لائین میرٹ پر نابینہ افراد ملازمتیں دینے پر وزیر اعلیٰ سندھ اور چیف سیکریٹری سندھ کو خراجِ تحسین پیش کرتے ہیں۔ 5 فیصد کوٹے کے تحت محکمہ تعلیم، صحت، پاپولیشن ویلفیئر ڈی ایم سی میں ملازمتیں دی گئی۔