Tag: baaghi

وفاقی وزیر برائے صنعت حماد اظہر، وفاقی وزیر منصوبہ بندی اسد عمر، وفاقی وزیر ریلوے شیخ رشید اور سینئیر افسران کی شرکت
اجلاس میں نالہ لئی کی توسیع کے ساتھ ساتھ دونوں اطراف ایکسپریس وے، رنگ روڈ اور صنعتی زون منصوبوں پر تفصیلی بریفنگ دی گئی.
لئی ایکپریس وے منصوبہ بڑے پیمانے پر شہری آبادی سے متعلقہ مسائل کو حل اور عام شہریوں کو ریلیف فراہم کرے گا.

اجلاس کو آگاہ کیا گیا کہ منصوبے سے مستقبل میں نالہ لئی میں سیلابی صورتحال کی روک تھام میں مددملے گی. اس کے علاوہ نکاسی آب و ٹریٹمنٹ، دونوں اطراف جدید طرز پر تعمیرات اور ٹریفک کی روانی کیلئے پُلوں اور انٹر چینجز کی تجاویز بھی منصوبے میں شامل ہیں۔ منصوبے پر تقریباً 79 ارب روپے کی لاگت کا تخمینہ لگایا گیا ہے.

وزیر اعظم نے منصوبے کی اہمیت پر زور دیتے ہوئے کہا کہ یہ منصوبہ راولپنڈی کیلئے نہایت اہمیت کا حامل ہے جس سے ہر سال آنے والے سیلاب سے ہونے والے نقصانات کی روک تھام ممکن ہو گی۔

وزیر اعظم نے ڈاکٹر سلمان شاہ کو ہدایت کی کہ تمام شراکت داروں سے مشاورت کے بعد حتمی تجاویز مرتب کرکے منظوری کے لیے پیش کی جائیں.

وزیرِ اعظم عمران خان نے کہا کہ گذشتہ کئی سالوں سے راولپنڈی شہر کی آبادی میں اضافے کے باعث مکینوں کو متعدد مسائل کا سامنا ہے ۔ اس منصوبے سے جہاں عوام کے مسائل کا حل ممکن ہوسکے گا وہاں سرمایہ کاری اور معاشی سرگرمیوں کو فروغ حاصل ہوگا

نیپال کیلئے نامزد پاکستانی سفیر سید حیدر شاہ کی وزارتِ خارجہ میں وزیر خارجہ مخدوم شاہ محمود قریشی سے ملاقات میں وزیر خارجہ نے بطور سفیر تقرری پر سید حیدر شاہ کو مبارکباد دی محدوم شاہ محمود قریشی نے کہا کہ پاکستان اور نیپال کے مابین برادرانہ دو طرفہ تعلقات ہیں

پاکستان کو سفارتی محاذ پر درپیش چیلنجز سے عہدہ براہ ہونے کیلئے ہمارے سفراء کو اپنی تمام تر توانائیاں صرف کرنا ہوں گی،توقع ہے کہ آپکی بطور سفیر تعیناتی پاکستان اور نیپال کے مابین مختلف شعبہ جات میں دو طرفہ تعاون کے فروغ کا باعث بنے گی،وزیر خارجہ نے سید حیدر شاہ کو حکومت کی خارجہ پالیسی ترجیحات کے حوالے سے خصوصی ھدایات دیں

نیپال کیلئے نامزد پاکستانی سفیر سید حیدر شاہ نے خصوصی ہدایات پر وزیر خارجہ کا شکریہ ادا کیا،واضح رہے کہ سید حیدر شاہ قبل ازیں دہلی میں پاکستانی ناظم الامور کے طور پر اپنے فرائض سرانجام دے چکے ہیں

پاکستان فیڈریشن بیس بال کے زير اہتمام دنيا کے بلند ترین مقام گلگت بلتستان میں بیس بال کے نمائشی میچز منعقد کرواکے نيا ورلڈ ریکارڈ قائم کردیا ہے ۔
پاکستان فیڈریشن بیس بال کے سیکرٹری جنرل شیخ مظہر احمد کا کہنا ہے کہ فیڈریشن نے دنیا کے بلند ترین مقام گلگت بلتستان میں بیس بال کی ڈیویلپ منٹ اور پروموشن کے لئے پاکستان گرین اور پاکستان وائٹ کی ٹیموں کے درمیان بیس بال کے نمائشی میچز کا انعقاد کیا۔

گلگت میں کھیلے جانے والے دوسرے نمائشی میچ میں پاکستان وائٹ نے پاکستان گرین کو 8 – 6 سے ہرا دیا۔ پاکستان وائٹ کی جانب سے عمیر امداد بھٹی اور سید امین آفریدی اور سمیر زوار نے دو دو رن سکور کئے۔ جبکہ سید علی شاہ، عبداللہ، فضل الرحمن، اور عالمگیر خان نے ایک ایک رن اسکور کیا۔ پاکستان وائٹ کے سید محمد شاہ، فقیر حسین، محمد ذاکر اور عزیز الرحمن نے ایک ایک رن سکور کیا۔
میچ کے مہمان خصوصی حسین علی ڈائریکٹر جنرل سپورٹس گلگت بلتستان اور گلگت بلتستان کے ایس سی او میجر نعیم بھی موجود تھے۔ مہمان خصوصی نے بال پچ کرکے میچ کا افتتاح کيا اس موقع پران کا کہنا تھا کہ ہمیں فخر ہے کہ ہم نے پاکستان کا نام پوری دنیا میں روشن کیا اور دنیا کے بلند ترین مقام گلگت بلتستان میں بیس بال میچز کا انعقاد کیا۔ امید ہے کہ نمائشی میچز کے انعقاد سے گلگت بلتستان میں بیس بال کی پروموشن اور ڈیویلپ منٹ میں مدد ملے گی۔

تفصیلات کے مطابق وفاقی وزیر برائے پیٹرولیم و پاور ڈویژن عمر ایوب خان نے سیکرٹری پاور کو ہدایت کی ہے کہ نندی پور پاور پلانٹ کے فنڈز میں مسلم لیگ دور حکومت میں ہونے والی 80 ارب کی کرپشن جو فنڈز کے غلط استعمال کر کے ہوئی ہے اس کی نشاندہی کرتے ہوئے واضح کیا جائے تاکہ ایف آئی اے معاملے میں پی ایس او ایندھن کی ادائیگی اور ایندھن میں ہونے والے نقصانات کو پورا کیا جاسکے۔

وفاقی وزیر پیٹرولیم عمر ایوب خان نے اپنے آفیشل ٹویٹ پر اس حوالی سے ایک اطلاعی پیغام بھی جاری کر دیا ہے۔ یاد رہے کہ وفاقی وزیر پیٹرولیم نندی پور پاور پلانٹ میں سابق حکومتوں کی بالخصوص سابق مسلم لیگی دور حکومت کی طرف سے سوچے سمجھے بغیر قومی خزانہ سے فنڈز کو بے دریغ استعمال کرکے ضائع کرنے پر پہلے دن سے اپنا ایک واضح موقف رکھتے ہیں اور اسی پر قائم ہیں اس کے علاوہ بھی وہ پاور سیکٹر کے منصوبوں میں بھی فنڈز کی مانیٹرنگ کرنے کا اپنے بیانات میں اعلان کر چکے ہیں کہ ہر کسی کو قومی فنڈ کے ضائع ہونےوالے ایک ایک پیسے کا حساب دینا ہوگا