Tag: baaghi

قصور
چونیاں تحصیل آفس کا نائب قاصد اہل محلہ کے لئے عذاب بن گیا ادھار اور کم ریٹس پر سامان نہ دینے پر اپنے اہل محلہ کی بند دکانوں کو نائب تحصیلدار کے ہاتھوں ہزاروں روپیہ کے جرمانے کروا دیئے نائب تحصیلدار اور نائب قاصد کے خلاف قانونی کارروائی کے لئے مقامی شہری نے ڈی سی قصور کو درخواست دے دی
تفصیلات کے مطابق الہ آباد کے محلہ فیصل آباد کے رہائشی ملک اکرم ظفر نے ڈی سے قصور کے نام ایک دی گئی درخواست میں الزام عائد کیا ہے کہ میرا محلے دار نور احمد جو کہ تحصیلدار آفس میں نائب قاصد ہے نور احمد اور اس کے بیٹے احمد نے اہل محلہ کا جینا حرام کر رکھا ہے ادھار اور کم ریٹس پر گوشت، سبزی اور کریانہ کا سامان نہ دینے پر دھمکیاں لگاتے رہتے ہیں ملک اکرم ظفر نے درخواست میں لکھا ہے کہ میں نے اپنے گھر میں ایک چھوٹی سی کریانہ کی دکان بنا رکھی ہے نور محمد اور اس کا بیٹا احمد اکثر بلیک میل کرتے رہتے ہیں گزشتہ روز میں روزہ کی حالت میں دوپہر کو دکان بند کر کے سو رہا تھا کہ نائب قاصد کے بیٹے احمد نے دروازے پر دستک دی اور کہا کہ آپ کو پانچ ہزار روپے جرمانہ ہو گیا ہے میں گھر سے باہر نکلا تو دیکھا نائب قاصد نور محمد نائب تحصیلدار کی گاڑی کی ڈرائیونگ سیٹ پر بیٹھا ہوا تھا اور مسکرا کر کہہ رھا تھا کہ ہم سے پنگا لو گے تو آپ کو جیل بھی بھجوا دیا جائے گا جیل کی دھمکی سے ڈر کر میں نے پانچ ہزار روپے دے دیئے ملک اکرم ظفر نے ڈی سی قصور سے مطالبہ کیا ہے کہ واقع کی غیر جانبدارانہ انکوائری کروائی جائے اور اختیارات کا ناجائز استعمال کرنے پر نائب تحصیلدار اسامہ امانت اور نائب قاصد نور محمد کے خلاف قانونی کارروائی کی جائے اسامہ امانت سے جب صحافیوں نے سوال کیا کہ گھر میں قائم ایک بند دکان کو نائب قاصد کی ذاتی عداوت پر پانچ ہزار روپے جرمانہ کیوں کیا تو وہ کوئی تسلی بخش جواب نہ دے سکے اور اپنے مؤقف میں بتایا کہ دکان واقع ہی بند تھی ایک روز قبل خریداری کروائی گئی تھی واضح رہے کہ مذکورہ دکان نائب قاصد نور محمد کے محلہ میں موجود ہے اور نور محمد کے قریبی رہائشی تمام دکاندار سبزی، گوشت اور کریانہ والے باپ بیٹے کی حرکتوں سے تنگ آ چکے ہیں

قصور
ڈپٹی کمشنر قصور منظر جاوید کا صبح سویرے سبزی و فروٹ منڈی کا اچانک دورہ کیا اور انتظامات چیک کئے
تفصیلات کے مطابق آج صبح سبزی و فروٹ منڈی میں ڈپٹی کمشنر قصور نے مختلف اشیاء کی قیمتوں اور معیار کا جائزہ لیا اور منڈی میں کورونا سے بچاؤ کے حوالے سے کئے گئے حفاظتی انتظامات کو بھی چیک کیا
ڈپٹی کمشنر نے منڈی میں خریداروں سے قیمتوں کے بارے میں دریافت کیا اور کسان پلیٹ فارم پر کسانوں کو دی جانیوالی سہولیات کا بھی جائزہ لیا اس کے علاوہ سبزی و فروٹ منڈی میں صفائی ستھرائی اور سٹاف کی حاضری کو بھی چیک کیا اور کہا کہ عوام کو معیاری اور مقررہ ریٹس پر اشیائے خوردونوش کی فراہمی کیلئے ضلعی انتظامیہ ہر ممکن اقدامات کر رہی ہے
ڈسٹرکٹ فوڈ کنٹرولر کی سرزنش اور گندم کو فوری طور پر خریداری مراکز پر پہنچانے کی ہدایت کی
ڈپٹی کمشنر قصور نے کالج و منڈی روڈ سے اپنی نگرانی میں ناجائز تجاوزات کو ختم کروایا اس کے علاوہ دفعہ 144کیخلاف ورزی پر ایک موبائل شاپ کو سیل کر کے دوکاندار کیخلاف مقدمہ درج کرنیکا حکم دے دیا

قصور
تھانہ صدر قصور پولیس کی کاروائی اور فوڈ اتھارٹی کی جعلی روح افزا مشروب بنانے والی فیکٹری پر چھاپہ سینکڑوں جعلی بوتلیں برآمد
تفصیلات کے مطابق تھانہ صدر اور فوڈ اتھارٹی قصور نے دوران کاروائی رمضان المبارک میں روح افزا کا جعلی مشروب بنانے والے دو ملزمان کو گرفتار کر کے ملزمان کے قبضہ سے 400 سے زائد جعلی روح افزا مشراب کی بوتلیں برآمد
ملزمان شہر قصور اور اسکے گردونواح میں جعلی مشروب کی بوتلیں فروخت کرتے تھے کھارا چونگی پر ایک بہت بڑا کریانہ سٹور بھی چلا رہے ہیں
تھانہ صدر قصور پولیس نے مختلف دفعات کے تحت مقدمہ درج کر لیا ہے

قصور
ضلع بھر کے بی ایچ یو آر ایچ سی پر مریضوں کیساتھ اچھوتوں جیسا رویہ لاک ڈاؤن کی بدولت بے روزگار لوگ مذید پریشان
تفصیلات کے مطابق قصور میں ضلع بھر کے تمام بیسک ہیلتھ یونٹس اور رورل ہیلتھ سنٹرز میں مریضوں کیساتھ اچھوتوں جیسا سلوک کیا جا رہا ہے چونکہ یہ تمام سنٹرز دیہاتوں اور قصبوں میں ہوتے ہیں اور زیادہ تر آبادیوں سے باہر قائم ہیں اس لئے ان کے عملے کو کوئی بھی پوچھنے والا نہیں جانے والے مریض سے صرف مرض پوچھی جاتی ہے وہ بھی ایک چھوتے سے سوراخ میں دور سے ہی اور مرض بتانے پر دو چار گولیاں دے کر فارغ کر دیا جاتا ہے مریض کا کوئی بلڈ بریشر،نبض کی رفتار و درجہ حرارت چیک نہیں کیا جاتا دوائی بھی صرف ڈسپنسر ہی دے رہے ہیں باقی میڈیکل آفیسرز مریض کے سامنے آنے کے بھی روادار نہیں مریضوں کے پوچھنے پر بتایا گیا کہ کرونا کے بچاؤ کی حفاظتی کٹس ہمارے پاس موجود نہیں ہیں لہذہ ہم مریض کو ہاتھ نہیں لگا سکتے
اس ساری صورتحال پر لوگ پنجاب ہیلتھ کیئر کمیشن سے سوال کر رہے ہیں کی کیا کمیشن کا کام صرف ڈسپنسروں ڈی ایچ ایم ایس و حکماء کو اتائی قرار دے کر پکڑنا ہی رہ گیا ہے ان میڈیکل آفیسرز جو کہ لاکھوں روپیہ ماہانہ تنخواہ لیتے ہیں کو پنجاب ہیلتھ کیئر کمیشن کب پوچھے گا
لوگوں نے وزیر اعلی پنجاب اور وزیر صحت سے نوٹس لینے کی اپیل کی ہے

قصور
پتوکی کے نواحی علاقے حبیب آباد اور گردونواح میں پی ٹی سی ایل کا نظام بری طرح متاثر طالب علم پریشان

تفصیلات کے مطابق حبیب آباد میں PTCL کی تاریں اور کھمبے دہائیوں پرانے ہونے کی وجہ سے ٹوٹ پھوٹ کا شکار ہے جن کی بدولت آئے روز تاریں ٹوٹ جاتی ہیں اور سارا نظام درہم برہم ہو کر رہ جاتا ہے
جبکہ دوسری جانب حکومت کی طرف سے طالب علموں کی آن لاٸن کاسیں توشروع کر دی گئی ہیں مگر تیز ترین انٹرنیٹ سروس PTCL کی سروس ناکام ہو چکی ہے جس کی بدولت طالب علم مہنگے انٹرنیٹ پیکجز لگانے پر مجبور
شہریوں نے اعلٰی احکام سے نوٹس کی اپیل کی ہے

قصور
پتوکی میں وفاقی حکومت کے اعلان کے باجود نادرہ افس نا کھل سکا شہری سخت پریشان

تفصیلات کے مطابق دور دراز کے علاقوں سے آئے لوگ مایوس ہوکر گھروں کو واپس جا رہے ہیں نادرہ آفس پتوکی تاحال بند ہے جس سے لوگوں کو سخت پریشانی کا سامنا کرنا پڑ رہا ہے
جبکہ وفاقی حکومت کی جانب سے نادرہ سینٹرز
کو 27 اپریل کو کھولنے کا اعلان کیا گیا تھا
نادرہ دفتر آئے لوگوں نے چیئرمین نادرہ ،وزیر اعظم عمران سے فوری طورپر نوٹس لینے کا مطالبہ کیا ہے کیونکہ پبلک ٹرانسپورٹ بند ہے جس سے شہریوں کو مذید پریشانی ہو رہی ہے

قصور
چوکی انچارج کی سرعام بدمعاشی پر ڈی پی او نے معطل کردیا
تفصیلات کے مطابق کل تھانہ سٹی اے ڈویژن کی چوکی لاری اڈا کے انچارج اللہ وسایا اے ایس آئی نے ایک دکاندار کو سرعام بازار میں برے طریقے سے مارا اور گالم گلوچ کیساتھ سنگین نتائج کی دھمکیاں بھی دیں جس کی ویڈیو شہریوں نے بنا کر سوشل میڈیا پر وائرل کر دی ڈی پی او قصور زاہد نواز کے نوٹس میں آتے ہی اے ایس آئی کو معطل کرکے گھر بھیج دیا گیا ہے

قصور
ایس ایچ او سٹی پتوکی انسپکٹر ملک طارق ، تفشیشی افسران اور اہلکاروں سمیت چھ افراد کو معطل کرکے فوری حوالات میں بند کر دیا گیا۔ ان ملزمان پولیس اہلکاروں کے خلاف مختلف سنگین دفعات کے تحت مقدمہ نمبر 230 درج کر لیا گیا ، ان پولیس اہلکاروں نے کروڑوں روپے مالیت کی دس کلو سے زائد ہیروئن منشیات فروشوں سے پکڑی اور انہیں گرفتار کر لیا بعد میں ایس ایچ او کی ملی بھگت سے ملزمان سے ساز باز کرکے لیبارٹری میں اصل ہیروئن کی بجائے فیک پاوڈر بھیج دیا تاکہ منشیات فروشوں کو تحفظ مل سکے خفیہ اطلاع ملنے پر ڈی پی او قصور نے فوری طور پر سنئیر افسران پر مشتمل انکوئری کمیٹی بنائی جس میں مذکورہ پولیس ایس ایچ او ملک طارق ، تفشیشی افسران اور باقی اہلکاران بھی ملوث پائے گئے ۔ جن کے خلاف فوری ایکشن لیتے ہوئے کاروائی کرکے انکے خلاف مقدمہ درج کرکے حوالات میں بند کر دیا گیا ڈی پی او زاہد نواز مروت کے مطابق ایسے واقعات ایماندار پولیس افسران اور اہلکاروں کے لیے بدنامی کا باعث بنتے ہیں ، ملک طارق اور ان جیسے کرپٹ پولیس افسران کو ہرگز برداشت نہیں کیا جائے گا

قصور
مجبور و بے روزگار شہری بھی دیہاتیوں کے ہاں گندم کی کٹائی کرنے پہنچ گئے
تفصیلات کے مطابق لاک ڈاؤن کے باعث شہروں میں رہنے والے بے روزگار لوگوں نے دیہاتوں کا رخ کرلیا ہے لاک ڈاؤن کی بدولت کاروباری زندگی معطل ہے جس کے باعث لوگ کام نا ہونے کے باعث گندم کاٹنے پر مجبور ہو گئے ہیں پچھلی بار گندم کی کٹائی فی ایکڑ 5 من تھی جو کہ اب کٹائی کرنے والے زیادہ افراد ہو جانے کی بدولت 3 سے 4 من فی ایکڑ ہو گئی ہے شہروں سے آئے ہوئے گندم کاٹنے والے لوگوں نے نمائندہ باغی ٹی وی سے گفتگو کرتے ہوئے بتایا کہ ہم مجبور ہو چکے ہیں کوئی کام کاروبار نہیں فیکٹریاں بند ہیں ہمارے بچے بھوک سے نڈھال ہو رہے ہیں لہذہ ہم میں سے زیادہ تر افراد پہلی بار درانتی پکڑ کر گندم کاٹ رہے ہیں جہاں گاؤں کے لوگ زیادہ کٹائی کر لیتے ہیں وہاں ہم ان سے کافی کم کٹائی کرکے کچھ نا کچھ کما رہے ہیں تاہم گاؤں کے لوگ ہمارے ساتھ بہت زیادہ تعاون کر رہے ہیں چونکہ گاؤں دیہات کے لوگ جھلستی دھوپ میں گندم کاٹنے کے ماہر ہوتے ہیں اس لئے وہ ہمارے ساتھ گندم کٹوانے میں مدد کر رہے ہیں

قصور
الہ آباد کورونا کیسز سامنے آنے پر الہ آباد کے رہائشی مزدوروں کو فیکٹریوں سے فارغ کر دیا گیا جس سے بے روزگاری میں مزید اضافہ ہوا ہے حکومت احساس پروگرام سے تمام مزدوروں کی مدد کرے مزدوروں کا مطالبہ
تفصیلات کے مطابق الہ آباد میں کورونا وائرس کے تقریباً پچاس کے قریب کیس سامنے آنے پر علاقہ بھر میں جہاں خوف و ہراس کی فضاء قائم ہے وہاں الیکٹرونک اور پرنٹ میڈیا پر خبریں سامنے آنے پر الہ آباد میں رہائش پذیر لوگوں کی مشکلات میں بھی بے پناہ اضافہ ہو چکا ہے ہزاروں لوگ کاروبار بند ہونے کی وجہ سے پہلے ہی بہت پریشان ہیں اب قریبی رشتہ دار اور دیگر دوست احباب بھی وائرس کے خوف کی وجہ سے ایک دوسرے کو ملنے سے کترا رہے ہیں اور الہ آباد کے رہائشی سینکڑوں مزدور جو کہ لاہور اور اس کے گردونواح میں قائم فیکٹریوں میں کام کرنے والے تھے ان مزدوروں کو تین روز قبل فیکٹریوں سے نکال دیا گیا ہے اکثر فیکٹریوں کی گاڑیاں مزدوروں کو پک اینڈ ڈراپ سہولت دیتی تھیں لیکن گزشتہ تین دنوں سے مزدوروں کو فیکٹریوں میں نہیں لیجایا جا رہا کورونا وائرس کے ڈر سے فیکٹری مالکان نے الہ آباد کے رہائشی مزدوروں کا فیکٹریوں میں داخلہ بند کرکے انتہائی ظلم کیا ہے مقامی مزدوروں نے وزیراعظم اور وزیر اعلی پنجاب سے مطالبہ کیا ہے کہ بیروز گار ہونے والے مزدوروں کا ڈیٹا بذریعہ اے سی چونیاں اکٹھا کر کے احساس پروگرام سے مدد کی جائے