Tag: baaghi

قصور
احساس کفالت پروگرام میں تحصیل چونیاں کے سادہ لوح لوگوں کے ساتھ نوسر بازی کرنے پر ضلعی انتظامیہ قصور کا سخت ایکشن
اے سی چونیاں عدنان بدر کی کاروائی احساس کفالت پروگرام میں لوٹ مار کرنے والا گینگ کو گرفتار
تفصیلات کے مطابق سادہ لوح خواتین سے احساس کفالت پروگرام کی رقم دلوانے کے لئے انگوٹھا سکیننگ کروائی جا رہی تھی لیکن بتایا جا رہا تھا کہ رقم نہیں ہے اس
فراڈ کرنے والے دو گروپوں کو حراست میں لے لیا گیا ہے ایک گروپ مافیا الہ آباد امدادی سنٹر اور دوسرے گروہ کو ایچ بی ایل اے ٹی ایم الہ آباد سے گرفتار کیا گیا دونوں گروپ مافیا سے مجموعی طور پر 1 لاکھ 29 ہزار روپے برآمد کر لئے گئے ہیں
اسسٹنٹ کمشنر چونیاں عدنان بدر نے برآمد کی گئی رقم کو خواتین میں واپس لوٹا دیا گیا ہے جس پر خواتین نے اے سی چونیاں کو ڈھیروں دعائیں دیں

قصور بائی پاس پر گندگی کے ڈھیر میونسپل کارپوریشن ویسٹ بائی پاس پر جمع کرنے لگا پورے علاقے میں تعفن اور بدبو کا راج گزرنے والے بھی سخت پریشان
تفصیلات کے مطابق میونسپل کارپوریشن قصور نے قصور بائی پاس پر بھسر پورہ جانے والے راستے پر خالی جگہ میں ویسٹ جمع کرنا شروع کر دی ہے جس سے کچرے کے پہاڑ لگ گئے ہیں کافی عرصے سے اس کچرے کو اٹھایا بھی نہیں گیا جس کی بدولت تعفن اور بدبو دور دور تک پھیل گئی ہے بائی پاس سے گزرنے والوں کو بھی بدبو کی بدولت سخت کوفت اٹھانا پڑتی ہے حالانکہ کرونا وائرس کی وباء سے نمٹنے کیلئے ساری دنیا میں گندگی کو ختم کرکے صفائی کی جا رہی ہے مگر قصور انتظامیہ مذید گندگی کو جمع کر رہی ہے اس گندگی سے علاقہ مکین تو پریشان ہیں ہی مگر اس سے ڈینگی،گلے و سانس کی بیماریوں کے بڑھنے کا بھی خدشہ ہے
ڈی سی قصور نوٹس لیتے ہوئے اس گندگی کے ڈھیر کو ٹھکانے لگوائیں تاکہ لوگ بیماریوں سے محفوظ رہ سکیں

قصور
کنگن پور کے تاجر کی ڈی پی او سے انصاف کی اپیل
تفصیلات کے مطابق ڈسٹرکٹ پولیس آفیسر قصور سے انصاف کی اپیل کرتے ہوئے کنگن پور کے شریف شہری و مقامی تاجر حاجی چوہدری کاشف علی نے ڈسٹرکٹ پولیس آفیسر جناب زاہد نواز مروت سے اپیل کی ہے کہ گزشتہ روز پولیس تھانہ کنگن پور کے ملازمین نے دفعہ 144 کے تحت ناجائز مقدمہ درج کر دیا انہوں نے کہا کہ جن دکانداروں کو پولیس نے پکڑا تھا پیسے لیکر چھوڑ دیا ہماری بند دکانیں اور گھر میں بیٹھے ہوئے لوگوں کی ایف آئی آر درج کردی گئی ہے کیونکہ ہم۔نے رشوت نہیں دی اس لئے ہمیں ڈسٹرکٹ پولیس آفیسر زاہد نواز مروت صاحب انصاف دلوائیں اور ہم پر ناجائز جھوٹا مقدمہ فوری طور پر خارج کیا جائے

قصور کے نواحی گاؤں سے نامعلوم شحض کی لاش برآمد علاقے میں خوف و ہراس
تفصیلات کے مطابق قصور کے نواحی گاؤں لکھنیکے میں کھیتوں سے نامعلوم شخص کی نعش برآمد ہوئی ہے جسے قتل کرکے پھینکا گیا ہے قتل ھونے والے نوجوان کو فائر کر کے قتل کیا گیا ھے مقتول کے جسم پر تشدد کے نشان بھی موجود ھیں مقتول کی ٹھوڑی کے نیچے کٹ کا نشان موجود ھے مقتول کی عمر 25 سے 30 سال معلوم ھوتی ھے نعش کو پوسٹ مارٹم کے لیے ڈسٹرکٹ ھسپتال قصور میں منتقل کر دیا گیا ھے پولیس تھانہ مصطفی آباد للیانی مصروف تفتیش ھے

قصور
لاک ڈاؤن کا فائدہ اٹھا کر پنکچر والے لوگوں کو لوٹنے لگے موٹر سائیکل کی ٹیوب 400 روپیہ میں جبکہ ایک پنکچر 100 روپیہ میں شہری پریشان
تفصیلات کے مطابق قصور اور گردونواح میں ٹائر و پنکچر شاپ والے لوگوں کو دونوں ہاتھوں سے لوٹنے لگے چونکہ لاک ڈاؤن ہے اور دکانیں بند ہیں ایسے میں سڑک کنارے پنکچر شاپ والے مجبور لوگوں کی مجبوری سے فائدہ اٹھا کر پہلے سے مفلس لوگوں کو لوٹنے لگے ہیں موٹر سائیکل پنکچر کی لگوائی 40 روپیہ سے بڑھا کر 100 روپیہ کر دی ہے اور موٹر سائیکل کی نئی ٹیوب 400 میں ڈالی جا رہی ہے جبکہ ٹیوب کے ریپر پر واغع طور پر قیمت 220 روپیہ لکھی ہوئی ہے اس بابت جب دکاندار سے پوچھا گیا تو اناس نے کہا کہ قصور شہر کے بڑے بڑے ہول سیل ڈیلروں کی دکانیں بند ہیں اور انہوں نے اپنی دکانوں سے سامان اپنے گھروں میں منتقل کر لیا ہے اور ہمیں من مانی قیمتوں پر چیزیں فروخت کر رہے ہیں لہذہ ہمیں پیچھے سے چیزیں مہنگی ملتی ہیں اس لئے ہم مجبور ہیں
لوگوں نے ڈی سی قصور ، اے سی قصور اور پرائس کنٹرول مجسٹریٹ سے کاروائی کا مطالبہ کیا ہے

قصور پولیس کے بدمعاش آفیسر نے خاتون رپورٹر کو سنگین نتائج کی دھمکیاں دینے کے علاوہ تھپڑ مار دیا صحافی برادری قصور کا ڈی پی او سے نوٹس لینے کا مطالبہ
تفصیلات کے مطابق تھانہ سٹی چونیاں کے ایس ایچ او یاسر علی کےکہنے پر نجی ٹی وی چینل کی لیڈی رپورٹر پر دوران کوریج شوکت نامی انوسٹی گیشن آفیسر نے گورنمنٹ ڈگری کالج برائے خواتین میں احساس کفالت پروگرام کی کوریج کرنے کے لیے آنے والی لیڈی رپورٹر سے بدتمیزی بد اخلاق کرتے ہوئے پولیس آفیسر نے غلیظ قسم کی گالی گلوچ کی انتہا کر دی اور تھپڑ رسید بھی مار دیا شوکت نامی پولیس آفیسر نے افسر شاہی کے نشے میں تمام حدیں پار کرتے ہوئے اخلاقیاتبھول گیا اس بد کردار پولیس آفیسر نے یہ بھی نا سوچا کہ اس کے گھر میں بھی کوئی ماں بہن بیٹی ہے ایک عورت سے کس طرح سے بات کرنی ہے خاتون صحافی کے ساتھ بدتمیزی کرنے والے پولیس آفیسر کے خلاف قصور کی صحافی برادری نے سراپا احتجاج ہوکر ڈی پی او قصور صاحب سے مطالبہ کیا ہے کہ محکمہ پولیس میں سے ایسے بدکردار گھٹیا لوگوں کو فارغ کیا جائے جو محکمہ پولیس کے لیے بدنامی کا باعث بنتے ہیں اور ان کے خلاف محکمانہ انکوائری کی جائے ورنہ ہم صحافی برادری احتجاج کا حق بج رکھتے ہیں

قصور۔
جماعت اسلامی اور الخدمت فاونڈیشن قصور نے دورِ فاروقیؓ کی یاد تازہ کر دی۔
نہ تصویر نہ ہی تذلیل، رات کی تاریکی میں مستحقین کے گھروں میں راشن کی تقسیم کا عمل جاری
تمام سیاسی جماعتیں جہاں اپنی سیاست چمکا رہی ہیں اور منظر عام سے غائب ہو چکی ہیں تو ایسے حالات میں جماعت اسلامی اور الخدمت فاؤنڈیشن کے کارکنان پورے ملک میں محترک دیکھائی دے رہے ہیں جماعت اسلامی اور الخدمت فاونڈیشن قصور نے سرحدی علاقوں کے مختلف دیہاتوں جن میں حسین خانوالا، بازیدپور، رسولنگر، میانوالا، آلوانہ اور مہالم خودر سمیت دیگر دیہاتوں میں رات کی تاریکی میں مزدوروں اور مستحیقن کے گھروں میں پہنچ کر بغیر کسی تصویر کے راشن تقسیم کیا، جماعت اسلامی پنجاب کے وسطی امیر اور امیدوار صوبائی اسمبلی PP 176 محمد جاوید قصوری نے خود موقع پہ پہنچ کر جماعت اسلامی اور الخدمت فاونڈیشن کی سرگرمیوں کا جائزہ لیا محمد جاوید قصوری نے کہا کہ راشن کی تقسیم سے ہمارا کوئی سیاسی مقصد نہیں ہے بلکہ ہم انسانیت کی بنیاد پہ رفاعی کام سر انجام دے رہے ہیں۔ الخدمت فاونڈیشن کی متحرک ٹیم میں حافظ ندیم ثانی نائب امیر جماعت اسلامی پی پی 176 حافظ عبدالرحیم، مہر سیف مہر اسلم دیگر شامل ہیں جو کہ راشن کی تقسیم کا کام سر انجام دے رہے ہیں

قصور
چونیاں میں شہری کرونا وائرس کے ساتھ ساتھ چوروں سے بھی غیر محفوظ تھانہ سٹی چونیاں کے ایس ایچ او حافظ یاسر علی تھانہ میں آنے والے سائلین اور متاثرین کو کورونا کے وظائف سنا کر واپسی کی ارہ دکھانے لگا شہری کی ڈی پی او قصور سے حافظ کو کسی مساجد کا معلم بنانے کی اپیل افسران کو خوش کرنے کے لئے ایس ایچ او نے لاقانونیت کا راستہ اختیار کرلیا
تفصیلات کے مطابق چونیاں میں چور پھر سے بے لگام۔نان سٹاپ ورداتوں میں شہری نقدی موٹر سائیکل اور قمیتی سامان سے محروم ہوگۓ۔کورونا کے ساتھ ساتھ بڑھتی ہوئی ورداتوں سے شہری عدم تحفظ کا شکار شہریوں پر خوف کے ساۓ منڈلانے لگے پولیس تحفظ دینے میں ناکام تھانہ سٹی چونیاں کے ٹبی سکول نمبر 3 کے رہائشی بلال نامی شخص کے گھر کے باہر کھڑی موٹر سائیکل چرا کر لے گئے جس کی بابت بلال نامی شخص نے تھانہ سٹی چونیاں میں مقدمہ کے اندراج کے لیے درخواست دی تو تھانہ سٹی چونیاں کا ایس آئی جو بطور ایس ایچ او کے فرائض سر انجام دے رہا ہے نے داد رسی کی بجائے انہیں کورونا وائرس سے بچاؤ اور احتیاطی تدابیر کے حوالے سے وظائف بتاکر تھانے سے باہر کی راہ دیکھا نے لگا متاثرہ شخص کا کہنا ہے کہ اس طرح سے چوری ڈکیتی کی وارداتوں کو چھپا کر
ایس ایچ او چونیاں حافظ یاسر علی لاقانونیت کی منفرد کارکردگی دیکھانے پر ڈی پی او قصور کی داد کا منتظر ہ

قصور
غریب محنت کش بچے کو خریدی گئیچیزوں کے پیسے مانگنے پر مضروب کر دیا اور جان سے مار دینے کی دھمکیاں
تفصیلات کے مطابق قصور کے نواحی گاؤں دوست پورہ میں ایک انتہائی غریب 12 سالہ بچے حامد عرف حامش نے اپنے گھر والوں کا پیٹ پالنے کیلئے ریلوے پھاٹک کے قریب کریانہ کی دکان بنائی ہوئی کل شام سے کچھ دیر پہلے حامش اپنی دکان پر موجود تھا کہ اسی کے گاؤں دوست پورہ کے کچھ غنڈوں ولید ولد عبدالمجید ،نوران ولد رفیق ،عبدالمجید ولد عطاءالرحمان نے سموسے اور بوتلیں پینے کے بعد پیسوں کے مطالبہ کرنے پر زدو کوب کرنا شروع کردیا دکان کی توڑ پھوڑ کی اور کے گلہ سے پیسے بھی اٹھا لئے حامش کی والدہ کو پتہ چلا تو وہ چھڑانے آئی تو اسے بھی مارنا شروع کر دیا اور شدید تشدد کا نشان بنایا اہلیان علاوہ کے سمجھانے پر غنڈوں سے سرعام قتل کرنے کی دھمکیاں دیں اور یہ کہتے ہوئے چلے گئے کہ جو کچھ ہوتا ہے کر لو ہم کسی سے نہیں ڈرتے
غریب محنت کش بچے حامش اور اس کی والدہ نے ڈی پی او قصور ایس ایچ او تھانہ روشن بھیلہ سے اپیل کی ہے کہ ہمیں انصاف فراہم کیا جائے اور ان غنڈہ صفت عناصر کو قانون کے کٹہرے میں لایا جائے کیونکہ یہ ایسی حرکتیں پہلے بھی کر چکے ہیں