قصور پنجاب پولیس نے کورونا وائرس کے حفاظتی اقدامات کا حکم ہوا میں اڑا دیا
تفصیلات کے مطابق 4 سے 5 افراد کے اکٹھے ہونے کی پابندی کے باوجود 15 کے قریب ملزمان کو مقامی عدالت میں پیش کیا گیا
پتنگ بازی کا سامان بنانے کے جرم میں گرفتار افراد کو کھڈیاں پولیس کچہری لائی
15 کے قریب ملزمان و ملازمین بغیر حفاظتی ماسک کے عدالت میں پیش ہوئے
ملزمان کو ہتھ کڑیاں لگا کر عدالت میں پیش کیا گیا
قصور گھر میں پراسرار آتش زدگی سامان جل کر خاکستر
تفصیلات کے مطابق قصور کے نواحی گاؤں کھارا میں محنت کش ہدایت کے گھر پراسرار آتشزدگی سے سارا سامان جل کر خاکستر ہو گیا کھارا کا رہائشی محنت کش ہدایت کل دوپہر اپنے بیوی بچوں کو لینے گھر کو تالا لگا کر گیا کہ شام کچھ دیر قبل اس کے گھر میں سے دھویں کے بادل اٹھنے لگے جس پر اس کے ساتھ والے گھر میں مقیم اس کی والدہ اور چھوٹے بھائی نے شور مچایا تو اہل محلہ نے آگ کو بجھانے کی کوشش شروع کر دی مگر آگ زیادہ ہونے سے سارا سامان جل گیا
قصور
لوگوں کی اجتماعات جمعہ میں جوق در جوق شرکت قانون کا احترام کرتے ہیں مگر حکم ربی بھی لازم ہے
تفصیلات کے مطابق قصور اور گردنواح میں لوگوں نے جوق در جوق اجتماعاتات جمعہ میں شرکت کی لوگوں نے کہا کہ قانون و دفعہ 144 کا احترام کرتے ہیں حکومت کے اعلان کے مطابق پارکوں وغیرہ کا رخ نہیں کر رہے کیونکہ ہمیں علم ہے کہ یہ سارے اقدامات گورنمنٹ نے ہماری حفاظت کے پیش نظر ہی کئے ہیں مگر نماز جمعہ کی ادائیگی رب کی طرف سے فرض ہے لہذہ ہم گورنمنٹ کے اعلان کا خیر مقدم کرتے ہوئے کسی بھی ہجومی مقام کا رخ نہیں کرینگے مگر نماز جمعہ باجماعت اور مسجد میں ہی پڑہینگے مگر پارکوں و دیگر پبلک مقامات کا رخ بکل نہیں کرینگے
قصور پولس کی بڑی کاروائی
کھدیاں خاص پولیس کی پتنگ بازوں کے خلاف بڑی کاروائی،اڈے لگا کر ڈور تیار کرتے ہوئے بین الاضلاعی گروہ کے 13ارکان گرفتار کرکے بھاری مقدار میں ہزاروں روپے مالیت کی تیار ڈور، دھاگہ، لچھے، مشین، شیشہ، چرخیاں وغیرہ برآمد کرلی۔ملزمان کے خلاف مقدمہ درج کر لیا گیا۔بتایا گیا ھے پولیس نے مخبری پر کھڈیاں خاص کے نواحی سرحدی گاؤں باقر کے میں پتنگ اڑانے والی دھاتی ڈور بنانے والی فیکٹری لگی ہوئی ہے اے ایس پی قصور عبد الحنان نے ایس ایچ او کھڈیاں حاجی محمد اشرف کی نگرانی میں مبشر احمد اے ایس آئی، لیاقت علی اے ایس آئی، رشید احمد اے ایس آئی سمیت دیگر پولیس ملازمین پر مشتمل چھاپہ مار ٹیم تشکیل دی پولیس کی نفری نے جائے وقوعہ پر چھاپہ مارا تو موقع پر ڈور بنانے والے تین اڈے لگے ہوئے تھے اور کافی لوگ کام کر رہے تھے جنھیں پولیس نے گھیرا ڈال کر 13ملزمان عباس علی، ندیم، نعیم، شہزاد، امجد، محسن، تنویر، عبدالرزاق، سعید، منظور احمد، صفدر، علی رضا وغیرہ کو گرفتار کر لیا جبکہ مشتاق نامی ملزم موقع سے فرار ہونے میں کامیاب ہو گیا
قصور
الہ آباد میں با اثر افراد نے پانچ سو کنال سے زائد قیمتی زمین اپنے نام کروا لی غریب خاتون کی درخواست پر وزیراعظم کا نوٹس اے سی چونیاں انکوائری آفیسر مقرر رپورٹ طلب تفصیلات کے مطابق نواحی گاؤں گہلن ہٹھاڑ کی رہائشی حمیداں بی بی نے پریس کانفرنس کے دوران صحافیوں کو بتایا کہ میری والدہ بختاور بی بی اور اس کی ایک بہن فاطمہ بی بی تھی وہ دونوں اپنے والد احمد دین بن اللہ دتہ کی بیٹیاں تھیں جبکہ کوئی بھائی نہ تھا وہ دونوں اپنے 469 کنال 5 مرلے کی مالکہ تھیں میری خالہ فاطمہ بی بی بے اولاد تھیں جبکہ ہم اپنی والدہ بختاور بی بی کے تین بچے ہیں ہماری والدہ کی وراثت سے ہم تین بہن بھائیوں کے نام 145 کنال اراضی منتقل ہوئی جوکہ 1995/96 اور 1998/99 کی جمح بندی میں ہمارے نام انتقال وراثت موجود ہے لیکن بعد ازاں ملزمان شریف، یونس، یعقوب، امین، اسلام، فتح محمد نمبر دار ، وقار اور ثریا بی بی پٹواری کے ساتھ ساز باز ہو کر غیر قانونی، جعل سازی اور دھوکہ دہی سے اپنے نام کروا لی حمیداں بی بی نے چیف جسٹس سپریم کورٹ اور وزیراعظم پاکستان کے نام دی گئی درخواستوں میں قانونی داد رسی اور انصاف کی فراہمی کا مطالبہ کیا ہے
قصور
کوٹ رادھا کشن میں کرونا وائرس انتظامات نا ہونے کے برابر
کوٹ رادھاکشن میں کرونا وائرس کے حوالے سے انتظامیہ بینرز آویزاں کرنے تک ہی محدود,عملی اقدامات میں ناکام ہو گٸی
تحصیل ہیڈ کواٹر ہسپتال میں کرونا وائرس سے بچاؤ کے حوالے سے تاحال کوئی انتظامات نا کیے جا سکے میڈیکل سٹورز پر عوام کو ماسک بھی نہیں مل رہے
نادرا آفس,بس سٹاپ,پارکس,اور دیگر عوامی مقامات پر دفعہ 144 کا نفاﺫ تاحال نا کیا جا سکا
کوٹ رادھا کشن انتظامیہ کی صرف عوام پر ہی ایکشن لینے کے لیے پھرتیاں کرونا وائرس کے حوالے سے دیگر انتظامات میں مکمل ناکام
غیر معمولی صورتحال پر انتظامیہ کی جانب سے غیر اطمینان بخش انتظامات پر عوام پریشان اور حکومت سے نوٹس کی اپیل
قصور
تھانہ سٹی پتوکی پولیس کا فوری ایکشن ہواٸی فاٸرنگ اور ون ویلنگ کرنے والے گرفتار
سوشل میڈیا پر ون ویلنگ کرتے ہوئے ہوائی فائرنگ کرنے کی تصاویر وائرل کرنے والے دو ملزمان گرفتار کر لٸے گٸے
ملزمان اسد اور حسن دونوں موٹرسائیکل پر سوار ہو کر ون ویلنگ کرتے رہے اور اس دوران ہوائی فائرنگ بھی کرتے رہے
ملزمان اپنی غیر قانونی حرکات کی تصاویر سوشل میڈیا پر بھی وائرل کرتے رہے
تھانہ سٹی پولیس نے فوری کاروائی کرتے ہوئے چند گھنٹوں میں دونوں ملزمان کو گرفتار کر لیا
اور ملزمان کے قبضہ سے پسٹل اور موٹرسائیکل کو قبضہ میں لیکر مزید تفتیش شروع کر دی ہے
قصور
اتفاق رولر فلور مل بہتی گنگا میں ہاتھ دھونے لگی قیمتیں کم ہوتے ہی فاٸن آٹا کے تھیلوں کا وزن کم کر دیا
تفصیلات کے مطابق اتفاق فلور مل راٸیونڈ روڈ قصور بہتی گنگا میں ہاتھ دھونے لگی فاٸن آٹے کا تھیلا 90 کلو گرام کا تھیلا چند دن پہلے 4200 روپیہ کا تھا جس پر گورنمنٹ نے ریٹ کم کرنے کا آرڈر جاری کیا تو مل نے تھیلے کی قیمت کم کرکے 3900 روپیہ کر دی اور ساتھ ہی وزن 90 کلو کی بجاٸے 84 کلو کر دیا اور اب مذید چند دنوں سے 80 کلوگرام کر دیا گیا ہے جس سے مل مالکان ناجاٸز منافع کما رہے ہیں اور سارا بوجھ غریب نان باٸیوں پر آ گیا ہے کیونکہ پراٸس کنٹرول مجسٹریٹ روٹی و نان کے کم وزن پر تو نان باٸیوں کو جرمانے کرتے ہیں مگر کم وزن پر فلور مل مالکان کو نہیں
قصور
میونسپل کمیٹی چونیاں کا ٹریکٹر ڈرائیور اور اے سی چونیاں کا گن مین ہزاروں روپے کی دیہاڑیاں لگانے لگے رشوت نہ دینے والوں کو چھ چھ گھنٹے سرکاری گاڑی میں گھمایا پھرایا جاتاہے مقامی پولیس اسٹیشن میں ملزمان کے خلاف کاروائی کرنے کی بجائے اے سی آفس چونیاں میں لے جا کر مک مکا کیا جاتاہے ڈی سی قصور اور وزیر اعلی پنجاب سے نوٹس لینے کا مطالبہ تفصیلات کے مطابق میونسپل کمیٹی چونیاں کا ٹریکٹر ڈرائیور نیاز جٹ اور گن مین سلیم اے سی چونیاں کے لئے بدنامی کا باعث بن رہےہیں ناجائز تجاوزات اور گیس ریفلنگ اور دیگر الزامات کی آڑ میں غریب لوگوں کو گرفتار کیا جاتا ہے اور فوری طور پر مقامی پولیس اسٹیشن میں کاروائی کروانے کی بجائے الزام علیہان کو اے سی چونیاں کے سرکاری ڈالہ میں بٹھا کر چھ چھ گھنٹے ذلیل وخوار کیا جاتا ہے اور تحصیل بھر میں گھمایا پھرایا جاتا ہے اور گرفتار افراد کو مک مکا پر مجبور کیا جاتاہے اور اکثر لوگوں کو جرمانوں کی رسیدیں بھی نہیں دی جاتی شام کے بعد گرفتار افراد کو چونیاں میں بند کر کے اے سی چونیاں اپنے گھر چلا جاتا ہے بعد ازاں ٹریکٹر ڈرائیور نیاز اور گن مین سلیم بھاری نذرانے لے کر ملزمان کو رہا کر دیتے ہیں اور نذرانہ نہ دینے والوں کے خلاف مقدمات درج کروا دیئے جاتے ہیں مقامی شہریوں نے وزیر اعلیٰ پنجاب، چیف سیکرٹری پنجاب اور ڈی سی قصور سے مطالبہ کیا ہے کہ اے سی آفس چونیاں کے کرپٹ عملہ جو کہ گیس ریفلنگ کی دکانوں ، ناجائز تجاوزات اور دیگر غیر قانونی کام کرنے والوں سے سالہا سال سے منتھلیاں وصول کرتے آ رہے ہیں ان کے خلاف قانونی کارروائی کی جائے
قصور
دربار بابا بلہے شاہ زاٸرین کیلٸے بند ہونے کی بدولت لوگوں نے سڑک پر واقع مین گیٹ پر ہی فاتحہ خوانی کرنی شروع کر دی سرعام دفعہ 144 کی خلاف ورزی
تفصیلات کے مطابق کرونا الرٹ کے پیش نظر دربار بابا بلہے شاہ کو زاٸرین کیلٸے بند کیا گیا ہے اور ملک بھر کی طرح قصور میں بھی دفعہ 144 کا نفاذ ہے مگر دربار پر آٸے زاٸرین نے دفعہ 144 کی خلاف ورزی کرتے ہوٸے سڑک پر لگے مین گیٹ پر ہی فاتحہ خوانی کرنی شروع کر دی ہے جس سے گیٹ پر ایک ہجوم کی کیفیت بن جاتی ہے دربار میں بنی پولیس چوکی ملازمین بھی باہر موجود نہیں بلکہ اندر سے دروازہ بند کرکے بیٹھے ہیں دربار کے اندر بیٹھے ہیں دربار کے باہر 2 اوقاف ملازمین تعینات ہیں جن کی باتوں کو زاٸرین یکسر نظر انداز کرتے ہیں