Tag: baaghi

قصور
علاقہ بھر میں فراڈیوں کا گروہ متحرک بیرون ملک بھجوانے کا خواب دکھا کر شہری سے 86 لاکھ روپے کا فراڈ کر لیا
ڈائریکٹر ایف آئی اے کو کارروائی کیلئے درخواست ارسال کر دی ہے انصاف فراہم کیا جائے قصور کے سینئر صحافی داءود احمد قصوری کی پریس کانفرنس
تفیلات کے مطابق تلونڈی غلہ منڈی کے رہائشی مہر داؤد احمد قصوری نے پریس کانفرنس کرتے ہوئے کہا ہے کہ باجوہ ٹریولز گروپ کے نام سے محمد شعیب اعظم باجوہ،محمد اعظم بوجوہ،عبدالحسیب،عبدالعلیم،زوہیب اعظم،رابعہ اعظم وغیرہ نے شادمان لاہور میں ایک کمپنی بنا رکھی ہے میرے کزن عبدالمنان کو دبئی بنک میں NESTOاور سکیورٹی گارڈ کی ملازمت کیلئے معاہدہ کیا اور ویزوں کی دستیابی کی یقین دہانی کروائی اور مبلغ 86 لاکھ روپے ایم ایے کمیونیکیشن اکاؤنٹ میں بذریعہ بنک اور اے ٹی ایم جمع کروائے مذکورہ رقم وصولی کا ثبوت بطور اشٹام پیپر بھی حاصل کیا مذکورہ کمپنی سے 16عدد ٹکٹ اور ویزے بذریعہ وٹس آپ وصول کر کے ائیر پورٹ پہنچے تو حکام نے انکے جعلی ہونے کی تصدیق کر دی جس پر باجوہ ٹریولز کمپنی کے مالکان نے رقم واپسی کا وعدہ کیا جو تا حال وفا نہیں ہو سکا ڈائریکٹر فیڈرل انویسٹی گیشن ایجنسی لاہور ٓاور وزیر اعظم عمران خاں رقم واپس کروا کر ملزمان کے خلاف قانونی کارروائی کو یقینی بنائیں

قصور
الہ آباد چمن آئس کریم چوک الہ آباد اور دیپالپور روڑ نزد زوم پمپ موت باٹنے لگے شہریوں کا اسسٹنٹ کمیشنر چونیاں عدنان بدر سے کاروائی کا مطالبہ
تفصیلات کے مطابق بھاگوال کے رہائشی ابرار حسین نے درخوست دیتے ہوئے موقف اختیار کیا کہ چمن اےس کریم چوک الہ آباد اور دیپالپور روڑ نزد زوم پمپ سے میں نے بچوں کے لیے آئس کریم خریدی جسے کھانے کے بعد میرے بچے بیمار ہو گئے جو ہسپتال میں زیر علاج ہیں معصوم بچوں کی زندگیوں سے کھیلنے والے اور ناقص اور زہریلی فروٹ چاٹ اور زہریلی آئس کریم فروخت کرنے والوں کے خلاف کارروائی کی اپیل کی ہے

قصور پولیس کی بڑی کاروائی
خطرناک ڈکیت گینگ کے 11 ارکان گرفتار
ملزمان کے قبضہ سے لاکھوں روپے مالیت کا مال مسروقہ اور ناجائز اسلحہ برآمد
تھانہ سرائے مغل پولیس نے ڈکیتی معہ قتل کیس میں ملوث سلیمی گینگ کے دو ارکان کو گرفتار کیا
تھانہ سٹی پتوکی پولیس نے ضلع قصور اور لاہور میں 24 سے زائد وارداتوں میں ملوث عرفان عرف پھانی گینگ کے تین ارکان کو گرفتار کیا
تھانہ الہ آباد پولیس نے دو ڈکیت گینگ وحید عرف وحیدی اور عبداللہ کے 6 ارکان کو گرفتار کیا
ایڈیشنل ایس پی نے میڈیا نمائندگان سے گفتگو کرتے ہوئے بتایا کہ گرفتار ڈکیت گینگ ڈکیتی معہ قتل سمیت 40 سے زائد وارداتوں میں ملوث ہیں جن سے مذید تفتیش جاری ا

قصور
شہر و گردو نواح میں شدید دھند کی لہر
تفصیلات کے مطابق قصور اور گردونواح میں شدید ترین دھند کی لہر برقرار ہے شہر کے علاوہ کھلے علاقوں دھند کی شدت زیادہ ہے جس سے حد نگاہ چند میٹر ہی رہ گئی ہے
دھند کی بدولت مسافروں کو سخت پریشانی کا سامنا ہے خاص طور پر دور دراز کے دیہات وغیرہ سے سکول و آفس آنے والے حضرات کو شدید پریشانی ہوتی ہے
دھند کے باعث چند ایک حادثے بھی پیش آئے ہیں
چند دن تک مذید دھند کا سلسلہ جاری رہنے کا امکان ہے

قصور
چونیاں تھانہ صدر کی حدود میں گزشتہ رات دو شہریوں کو دوران ڈکیتی مزاحمت پر فائرنگ کرنے والے ملزم کی نعش برآمد
چونیاں گزشتہ رات 3 نامعلوم موٹرسائیکل سواروں نے میاں ثانی چوک چونیاں کے قریب دو شہریوں اللہ رکھا اور مختار کو دوران واردات فائرنگ کر کے ذخمی کیا
تھانہ سٹی چونیاں پولیس اطلاع پاکر فوری موقعہ پر پہنچی تو ملزمان اپنی موٹرسائیکل چھوڑ کر فرار ہو گئے
پولیس تحقیقات کے بعد معلوم ہوا کہ موٹرسائیکل ٹبہ دوبلی کے رہائشی امام مسجد یاسر کی ملکیتی ہے چونیاں جنڈ والا کا رہائشی شرافت ولد شہباز جو کہ سابقہ ریکارڈ یافتہ ہے موٹرسائیکل امام مسجد سے گزشتہ شام لے کر گیا
پولیس ٹیموں نے شرافت کی گرفتاری کیلئے ریڈ کیے لیکن شرافت دستیاب نہ ہوا
آج علی الصبح پولیس کو اطلاع ملی کہ مولاپور سڑک کنارے ایک شخص کی نعش پڑی ہے
پولیس موقعہ پر پہنچی تو دیکھا کہ نعش اسی شرافت کی ہے جو گزشتہ رات سے پولیس کو مطلوب تھا
پولیس واقعہ کی تحقیقات کر رہی ہے تاہم شرافت کی ہلاکت کو اپنے ساتھیوں کی فائرنگ سے ہلاک ہونے کو خارج از امکان قرار نہیں دیا جا سکتا

قصور
الہ آباد ٹریفک قوانین کی پابندی باشعور قوموں کا شیوہ ہے قوانین پر عمل کرنے سے حادثات پر قابو پایا جاسکتا ہے
ٹریفک آفیسر اشفاق ڈولہ
ون وے کی خلاف ورزی اور موٹر سائیکل سوار ہیلمٹ کا استمال کریں جوکہ آپکی زندگی کا بہترین ضامن ہے دوران ڈرائیونگ موبائل فون سننے سے مکمل اجتناب کریں تیز رفتاری کا انجام موت ہے تیز رفتاری سے پرہیز کریں
تفصیلات کے مطابق ٹریفک آفیسر اشفاق ڈولہ نے میڈیا نمائندگان سے گفتگو کرتے ہوئے کہا کہ شہری ون وے کی خلاف ورزی نا کریں اور موٹر سائیکل سوار ہیلمٹ کا استمال کریں جوکہ آپکی زندگی کا بہترین ضامن ہے دوران ڈرائیونگ موبائل فون سننے سے مکمل اجتناب کریں تیز رفتاری کا انجام موت ہے اس سے پرہیز کریں ٹریفک قوانین پر عمل کرنا باشعور قوموں کا شیوا ہے الہ آباد اور اس کے گردونواح میں ٹریفک قوانین پر عمل درآمد کروانے کے لئے سکولز کالجز اور بازاروں میں آگاہی مہم کا سلسلہ جاری ہے جس سے لوگ مستفید ہو رہے ہیں نئی نسل کو ٹریفک قوانین کے متعلق شعور اور آگاہی وقت کی اہم ضرورت ہے اشفاق ڈولہ کا مزید کہنا تھا کہ ڈرائیوروں اور والدین سے اپیل ہے کہ اپنے کم عمر بچوں کو ہرگز ڈرائیونگ نہ کرنے دیں تاکہ ٹریفک قوانین کے حوالے سے غفلت اور لاپرواہی برتنے سے ہم اپنی زندگی کو داو پر لگاتے ہیں جوکہ غلط ہی نہیں بلکہ جرم بھی ہے قوانین ہمیشہ بہتری کے لئے بنائے جاتے ہیں ٹریفک قوانین اور ان پر عملدرآمد انسانی زندگیوں کو محفوظ بنانے کے لئے ہیں

قصور
تھانہ صدر پولیس کی نااہلی بڑھتی ہوئی وارداتوں کو رکوانے میں مسلسل ناکام
پورے علاقے میں وارداتیں معمول بن گئیں ہیں جبکہ گرفتار ڈاکوؤں سے مال مسروقہ برآمد غبن کر کے برائے نام برآمدگی ڈال کر مقدمہ کو خراب و کمزور کر کے ملزموں کو ضمانت کی سہولت بھی دلوانا شروع کر دی ہے اسکی مثال کچھ یوں ہے کہ مقامی سینئر صحافی ایم ایم نواز کریمی کے بھائی مبارک علی کیساتھ ٹریٹمنٹ پلانٹ تھانہ صدر کے علاقہ میں 28 نومبر؁ 2019 کوڈکیتی کی واردات ہوئی جس میں تین نامعلوم نقاب پوش ڈاکوؤں نے گن پوائنٹ پر ان سے ان کی بیٹی کے جہیز کیلئے جمع کی گئی رقم مبلغ Rs.83,500/-معہ موبائل لوٹ لیا جو کہ اندراج مقدمہ کیلئے فوری درخواست گزاری گئی لیکن واردات کو چھپانے کیلئے ایس ایچ او نے مقدمہ درج کرنے میں تاخیر و حیل و حجت سے کام لیا اس بارے میں ڈی پی او قصور کو آگاہ کیا گیا جنکے حکم پر مقدمہ نمبر872/19 بجرم392پی پی سی درج ہوا چند روز قبل پولیس تھانہ صدر کے تفتیشی اے ایس آئی محمد ارشد بھٹی نے دو ملزمان شبیر حسین،تنویر حسین کو مقدمہ ہذا میں گرفتار کر کے اصل مال مسروقہ کی بجائے ساز باز ہوکر بدنیتی و بے ایمانی سے مقدمہ خراب و کمزور کرنے و ملزمان کو ضمانت کی رعایت دلوانے کیلئے صرف آٹھ ہزار روپے کی برآمدگی ظاہر کی جس کا فائدہ ملزمان کو پہنچا لہٰذا مبارک علی نے ڈی پی او قصور اور انچارج سی ایم کمپلینٹ سیل ضلع قصور سردار فاخر علی ایڈووکیٹ کو درخواستیں گذاری ہیں کہ ایس ایچ او صدر و تفتیشی اے ایس آئی محمد ارشد بھٹی کیخلاف انکوائری کرکے تفتیش کسی غیر جانبدار و دیانتدار آفیسر کے پاس تبدیل کی جائے

قصور
نواحی گاؤں مہالم کلاں میں بچیوں کے سکول کے سامنے تالاب معصوم بچیاں گندے پانی سے گزر کر سکول جانے پر مجبور اے سی و ڈی سی قصور اپنے کمروں میں بیٹھ کر دعوے کرنے تک محدود
تفصیلات کے مطابق قصور کے نواحی گاؤں مہالم کلاں میں گورنمنٹ گرلز ہائی سکول مہالم کلاں کی معصوم بچیاں سکول کے سامنے بنے گندے جوہڑ کے پانی سے گزر کر سکول جانے پر مجبور ہیں جب بھی بارش ہوتی ہے جوہڑ کا گندہ پانی سکول میں بھی داخل ہو جاتا ہے جس سے طالبات کے علاوہ ٹیچروں کو بھی سخت پریشانی ہوتی ہے مگر افسوس کہ ڈی سی و اے سی قصور سے چند کلومیٹر کے فاصلے پر اس سکول کی حالت ان تک شاید پہنچی نہیں یا پھر انہیں اپنے دفتروں میں بیٹھ کر بلند و بالا دعوے کرنے کی عادت ہے
اہلیان علاقہ نے ڈی سی قصور سے استدعا کی ہے کہ ہمارے بچوں کو اپنے بچے سمجھ کر ہمارے بچوں کو بیماریوں سے بچائیں اور سکول کے سامنے سے جوہڑ کو ختم کروائیں

قصور
لیسکو قصور کوٹ رادہاکشن کا ستایا شہری عدالت پہنچ گیا ایس ای قصور ،اسسٹنٹ مینیجر آپریش کوٹ رادہاکشن اور ایس ڈی او سب ڈویژن راجہ جنگ کہتے تھے ہم کچھ نہیں کر سکتے مگر عدالت کے ایک ہم حکم پر سب کرنے پر مجبور ہو گئے
تفصیلات کے مطابق سب ڈویژن راجہ جنگ کے صارف محمد شہباز نے نمائندہ باغی ٹی وی کو بتایا کہ میری آٹا چکی کے میٹر حوالہ نمبر 46117531326100 کو نومبر 2019 میں 133855 روپیہ بل آیا جس میں 78000 روپیہ بل ایڈجسٹ انسٹالمنٹ تھا جو کہ سراسر غیر قانونی اور بے بنیاد طور پر ڈالا گیا تھا جس پر صارف ایس ڈی او سب ڈویژن راجہ جنگ کے پاس گیا تو موصوف نے کہا قسط کروا لو اس کے علاوہ کوئی حل نہیں جس پر اس کے بل کی قسط 56000 روپیہ کر دی گئی جو اس نے ادا کر دی مگر اگلی بار پھر بل 126567 روپیہ آگیا جس پر صارف ایس ای لیسکو قصور کے پاس گیا تو موصوف نے کہا ہمارے بس میں کچھ نہیں لحاظہ ہم کچھ نہیں کر سکتے تنگ آ کر شہری جناب سعید اختر سول جج درجہ اول قصور کی عدالت پہنچ گیا جس پر عدالت نے اظہار برہمی کرتے ہوئے اسسٹنٹ مینیجر لیسکو کوٹ رادہاکشن کو حکم جاری کیا کے صارف کو ناجائز ڈالی گئی رقم بل سے نکالے جائے جس پر وہی واپڈا اہلکاران جو کہتے تھے ہم کچھ نہیں کر سکتے وہ 126567 بل کو 44610 روپیہ کرنے پر مجبور ہو گئے