Tag: baaghi

قصور
نااہل عملہ صفائی اور ضلعی انتظامیہ کی سستی سے سارا شہر گندگی کا ڈھیر،شہر کے معروف علاقے جماعت پورہ تا محمد نگر تک گندگی ہی گندگی،سخت تعفن و بدبو سے لوگوں کا جینا محال،شہری مختلف امراض کا شکار،ضلعی انتظامیہ سے متعلقہ داروغہ کے خلاف سخت نوٹس کی اپیل

تفصیلات کے مطابق قصور شہر اس وقت گندگی کا ڈھیر بنا ہوا ہے نااہل ٹی ایم اے عملہ صفائی اور ضلعی انتظامیہ کی سستی نے لوگوں کی زندگیاں داؤ پر لگا چھوڑی ہیں جس کے باعث جگہ جگہ گندی کے ڈھیر لگے ہوئے ہیں جس سے سخت تعفن اٹھتا ہے اور مچھر افزائش کرتے ہیں اور اس کی وجہ سے شہری مختلف اقسام کی بیماریوں کا شکار ہو رہے ہیں
شہر کے معروف علاقے جماعت پورہ سے محمد نگر تک گندگی ہی گندگی دیکھنے کو ملتی ہے
ٹی ایم اے کا عملہ شاید ہی کبھی اس علاقے کا رخ کرتا ہوں
ٹی ایم اے عملہ کی نااہلی سے سیوریج سسٹم بند ہوا پڑا ہے جس کے باعث نالیوں کا پانی سڑکوں پر کھڑا ہو جاتا ہے جس کی بدولت نمازی حضرات کا باوضو رہنا ناممکن بن گیا ہے
اہلیان علاقہ نے ٹی ایم اے کے داروغہ کے خلاف سخت سے سخت کاروائی کا مطالبہ کیا ہے اور ضلعی انتظامیہ قصور سے ازخود نوٹس لینے کی اپیل کی ہے اور مطالبہ کیا ہے کہ ان کے علاقے کی صفائی ستھرائی کو یقینی بنایا جائے

قصور
تھانہ بی ڈویژن پولیس کی کاروائی،دو ون ویلرز گرفتار،مقدمہ درج

تفصیلات کے مطابق چند دن قبل مقامی صحافیوں سہیل احمد بھٹی،میاں خلیل صدیق آرائیں،غنی محمود قصوری و دیگر صحافیوں نے
نے قصور پولیس کی توجہ اس جانب مبذول کروائی تھی کہ چھٹی والے دن اور خاص کر جمعہ کی چھٹی والے دن قصور بائی پاس اور دیگر سڑکوں پر ون ویلرز کی جانب سے شریف اور معزز شہریوں کو تنگ کیا جاتا ہے جس کے باعث بہت سے حادثات جنم لیتے ہیں
اس پر ڈی پی او قصور نے حکم جاری کیا کہ ون ویلرز کے خلاف قانون کے مطابق کاروائی کی جائے
ہدایات پر عمل کرتے ہوئے
تھانہ بی ڈویژن قصور پولیس نے کاروائی کرتے ہوئے چھٹی کے روز ایس ایچ او ملک عبد الجبار اور ان کی ٹیم نے قصور بائی پاس پر ون ویلنگ کرنیوالے دو ملزمان گرفتار کرکے مقدمہ درج کیا
ایس ایچ او نے کہا کہ جو بھی ون ویلنگ کرتا پکڑا گیا اس کے خلاف قانون کے مطابق کاروائی ہو گی

قصور
سموگ کا راج برقرار،پارکس،سڑکیں ویران،سینکڑوں لوگ مختلف بیماریوں کا شکار ہو کر ہسپتال جا پہنچے،سموگ سے بچاؤ کیلئے آگاہی دی جائے،شہریوں کا مطالبہ

تفصیلات کے مطابق قصور اور گردونواح میں سموگ کا راج ابھی تک برقرار ہے البتہ اب سموگ پہلے سے زیادہ ہو گئی ہے جس کے باعث پارکس،سڑکیں ویران ہو کر رہ گئی ہیں
سموگ سے بیشتر لوگوں میں آنکھوں کی درد اور گلے کی خرابی کی بیماری جنم لے رہی ہیں
سموگ کے باعث سینکڑوں لوگ مختلف بیماریوں کا شکار ہو کر ہسپتال پہنچ گئے ہیں
شہریوں نے مطالبہ کیا ہے کہ سموگ سے بچاؤ کیلئے شہریوں میں آگاہی دی جائے اور انہیں بتایا جائے کہ ماسک اور چشمے کا استعمال کئے بغیر گھر سے باہر نا نکلا جائے
اس حوالے سے ٹریفک پولیس اپنا خاص کردار ادا کرے اور شہریوں کو آگاہی فراہم کرے تاکہ لوگ اپنے کام کاج پر سموگ کا شکار ہونے سے بچ کر جائیں

قصور
گزشتہ دن قصور شہر کے سینئر صحافی و وکیل چوہدری رحمت گجر کی وفات پر آل پاکستان جرنلسٹس اینڈ لائرز فورم رجسٹرڈ کا اظہار افسوس،دعائے مغفرت

تفصیلات کے مطابق گزشتہ دن قصور کے سینئر اور جوان صحافی و وکیل چوہدری رحمت گجر موتلہ وفات پا گئے جن کی نماز جنازہ عیدے شاہ روڈ قصور شہر میں ادا کی گئی جس میں ہزاروں صحافیوں،وکلا،تاجر برادری و ہر شعبہ زندگی کے لوگوں نے شرکت کی اور مرحوم کے ایصال ثواب کیلئے دعا کی
وکلا و صحافیوں کی مشترکہ تنظیم آل پاکستان جرنلسٹس اینڈ لائرز فورم رجسٹرڈ نے اس موقع پر گہرے دکھ او رنج کا اظہار کیا اور مرحوم کیلئے دعا مغفرت کی اور لواحقین کے لئے صبر جمیل کی دعا کی
مرحوم رحمت گجر موتلہ حق سچ کا ساتھ دیا اور صحافت کیساتھ ساتھ وکالت میں بھی اپنی خدمات سرانجام دیں
ان کی وفات پر اہلیان علاقہ سوگ کی کیفیت میں مبتلا ہیں

قصور
پنجاب پولیس کا ناجائز اسلحہ کے خلاف کریک ڈاؤن جاری،گزشتہ دن قصور سے ناجائز اسلحہ کے 6 ملزمان گرفتار کئے گئے،قصور و گردونواح میں ناجائز اسلحہ سپلائی کرنے والے ملزمان کے خلاف کاروائی کا مطالبہ

تفصیلات کے مطابق پنجاب گورنمنٹ کی ہدایات کی روشنی میں وفاقی دارالحکومت
لاہور سمیت تمام اضلاع میں ناجائز اسلحہ کے خاتمے کیلئے بلا تفریق کاروائیاں جاری ہیں جس میں ہزاروں کی تعداد میں ہتھیار برآمد کر لئے گئے ہیں
رواں سال لاہور سمیت صوبہ بھر میں ملزمان کے قبضہ سے 1437 کلاشنکوف، 37420 پسٹل، 3136 بندوقیں، 2783 رائفلز، 689 ریوالور برآمد ہوئے اور ملزمان سے لاکھوں کی تعداد میں گولیاں اور کارتوس بھی برآمد ہوئے ہیں
صوبائی دارالحکومت میں ملزمان کے قبضے سے 123 کلاشنکوف، 7918 پسٹل، 564 رائفلز، 298 بندوقیں اور 123 ریوالور برآمد ہونے کیساتھ
44 ہزار گولیاں اور کارتوس بھی ملزمان کے قبضے سے برآمد ہوئے ہیں
اسی طرح گزشتہ دن قصور پولیس نے ناجائز اسلحہ کے 6 ملزمان گرفتار کرکے اسلحہ برآمد کیا ہے
آئی جی پنجاب کی جانب سے کہا گیا ہے کہ سوشل میڈیا پر اسلحہ کی تشہیر اور ہوائی فائرنگ میں ملوث ملزمان کے خلاف سخت قانونی کاروائی کی جائے گی نیز ٹک ٹاک ویڈیوز میں اسلحہ کی نمائش کرنے والے ملزمان کو بلا تفریق قانون کی گرفت میں لایا جائے گا
اسلحہ کے کاروبار میں ملوث ڈیلرز کے لائسنس، سٹاک انسپکشن کا عمل باقاعدگی سے سر انجام دیا جائے گا
تمام آر پی اوز، ڈی پی اوز ناجائز اسلحہ کے کریک ڈاؤن کی ہفتہ وار رپورٹس سی پی او بھجوائیں
قصور میں گزشتہ تین ماہ میں ناجائز اسلحہ کی بہت بڑی کھیپ پکڑی گئی ہے جس پر شہریوں میں خوف و ہراس پایا جاتا ہے اس بابت شہریوں نے ڈی پی او قصور سے مطالبہ کیا ہے کہ اس کاروبار میں ملوث لوگوں کو جلد سے جلد قانون کے کٹہرے میں لایا جائے اور لائسنسی اسلحہ رکھنے والوں کو ساتھ اسلحہ لے کر چلنے پر پولیس کی جانب سے تنگ نا کرنے کے عمل کو یقینی بنایا جائے

قصور
شہر قصور و گردونواح میں سموگ کا راج،شہری مختلف امراض کا شکار ہونے لگے،سموگ کنٹرول کے نام پر قوم کے کروڑوں روپیہ لگا کر بھی سموگ کی آمد باعث سوال

تفصیلات کے مطابق قصور اور اس کے گردونواح میں سموگ کا راج قائم ہو چکا ہے جس کے باعث شہری مختلف امراض جیسے کہ گلہ،کھانسی،جلد و دیگر امراض کا شکار ہو رہے ہیں
دوسری طرف کسانوں کا کہنا ہے کہ سموگ کو کنٹرول کرنے کیلئے ضلعی انتظامیہ نے کروڑوں روپیہ لگائے تاہم قوم کے کروڑوں روپیہ لگا کر بھی سموگ کو کنٹرول نا کر پانا ایک بہت بڑا سوالیہ نشان ہے
واضع رہے کہ دھان کی فصل کی کٹائی تاحال جاری ہے اور گورنمنٹ کی طرف سے دھان کی فصل کی باقیات کو آگ لگانا قانونی طور پر جرم قرار دیا گیا ہے جس کے لئے مسجدوں میں اعلانات بھی کروائے گئے ہیں اور کچھ کسانوں کو خلاف ورزی پر جرمانے بھی کئے گئے ہیں تاہم اس کے بعد بااثر لوگوں نے دھان کی باقیات کو آگ لگائی ہے
نیز جو کم حیثیت لوگ ہیں ان کو سزا اور جرمانہ کیا گیا ہے
ابھی دھان کی کٹائی میں چند دن اور باقی ہیں اس پر کسانوں کا کہنا ہے کہ اگر گورنمنٹ نے یہی رویہ رکھا غریب کسان کے لئے اور امیر کسان کیلئے اور تو سموگ کا راج اور زیادہ بڑھ جائے گا لہذہ بلا تفریق کاروائی کی جائے

قصور
ڈینگی سکواڈ غیر فعال،قوم کا لاکھوں ماہانہ خرچ کرنے والا سکواڈ کئی ماہ سے مچھر مار سپرے نا کر سکا،پورے شہر میں ڈینگی مچھروں کی پروازیں

تفصیلات کے مطابق ڈینگی سکواڈ قصور لاکھوں روپیہ ماہانہ قوم کا کھا کر ڈکار بھی نہیں رہا
سارا کام خاموشی سے کئے جا رہا ہے
عرصہ دراز سے ڈینگی سکواڈ قصور کی طرف سے مچھر مار سپرے نہیں کی گئی جس کے باعث مچھروں کی افزائشِ نسل بہت تیزی سے بڑھ رہی ہے خاص کر ڈینگی مچھر کی بہتات ہو رہی ہے اور قصور شہر و قرب و جوار میں ڈینگی مچھروں کی پروازیں دیکھی جا رہی ہیں
ڈینگی سکواڈ قصور نے محض گلی محلوں میں اعلانات اور سیمینارز کروا لینا ہی اپنا اصل کام سمجھ لیا ہے اور عملی کچھ نا کرنے کی قسم کھا لی ہے جس کے باعث درجنوں لوگ ڈینگی کا شکار ہو کر ہسپتال میں پڑے ہیں
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

قصور
ہر جمعہ کے دن کاروباری چھٹی کی بدولت شہر قصور کا اکلوتا بائی پاس و دیگر سڑکیں ون ویلروں کی ذاتی جاگیر،بزرگوں اور فیملی والے سواروں کا گزرنا دشورا،ڈی ایس پی سٹی سے سخت کاروائی کا مطالبہ

تفصیلات کے مطابق قصور شہر میں بروز جمعہ کو کاروباری چھٹی ہوتی ہے اس بابت قصور شہر کا اکلوتا بائی پاس اور دیگر سڑکیں ون ویلروں کی ذاتی جاگیر بن جاتی ہیں
ون ویلر ٹولیوں کی شکلوں میں اپنی موٹر سائیکلوں پر نکلتے ہیں اور خطرناک طریقے سے ون ویلنگ کرتے ہیں جس کی بدولت اپنے ساتھ دوسروں کا بھی نقصان کرتے ہیں
ون ویلنگ کی بدولت اب تک ضلع بھر اور خاص کر سٹی قصور میں کئی افراد جان کی بازی ہار چکے ہیں
قصور پولیس کی جانب سے بیشتر مرتبہ کاروائی بھی کی جاتی رہی ہے تاہم دو چار روز بعد پھر وہی روٹین ختم کر دی جاتی ہے جس کے باعث ون ویلر بےلگام ہو چکے ہیں
بسا اوقات ون ویلر منع کرنے والے شریف شہریوں کو تشدد کا نشانہ بھی بناتے ہیں
جمعہ کے روز بزرگ اور فیملی والے سواروں کا گزرنا محال ہوتا ہے اور ہر کوئی ان ویلروں کو سمجھانے سے ڈرتا بھی ہے
شہریوں نے ڈی پی او قصور اور ڈی ایس پی سٹی و ڈی ایس پی سٹی ٹریفک پولیس سے ان ویلروں کے خلاف سخت سے سخت کاروائی کرنے کا مطالبہ کیا ہے