چٹاگانگ (اے پی پی) بنگلہ دیش اور افغانستان کے درمیان واحد ٹیسٹ میچ جمعرات سے شروع ہوگا.
تفصیلات کے مطابق بنگلہ دیش اور افغانستان کی کرکٹ ٹیموں کے درمیان واحد ٹیسٹ میچ جمعرات سے چٹاگانگ میں شروع ہوگا۔ میزبان ٹیم کو اوپننگ بیٹسمین تمیم اقبال اور فاسٹ باؤلر مستفیض الرحمان کی خدمات حاصل نہیں ہوں گی۔ دوسری جانب یہ راشد خان کا بطورافغانی ٹیم کے کپتان پہلا میچ ہوگا۔ واضح رہے کہ دونوں ٹیموں کے درمیان یہ ٹیسٹ میچ آئی سی سی ورلڈ ٹیسٹ چیمپئن شپ کا حصہ نہیں ہے۔
ہرارے: زمبابوے کرکٹ ٹیم کے کپتان ہملٹن مسکڈزا بنگلہ دیش میں تین ملکی سیریز کے بعد انٹرنیشنل کرکٹ سے ریٹائر ہو جائیں گے.
تفصیلات کے مطابق زمبابوین ٹیم کے کپتان ہملٹن مسکڈزا نے رواں ماہ بنگلہ دیش میں شیڈول تین ملکی ٹی ٹونٹی سیریز کے بعد بین الاقوامی کرکٹ سے ریٹائرمنٹ کا اعلان کر دیا۔ مسکڈزا آئی سی سی کی طرف سے زمبابوین کرکٹ کی معطلی کے بعد انٹرنیشنل کرکٹ کو خیرباد کہنے والے دوسرے کھلاڑی ہیں. تین ملکی سیریز میں زمبابوے، میزبان بنگلہ دیش اور افغانستان کی ٹیمیں شرکت کریں گی۔ زمبابوے کرکٹ بورڈ نے رواں سال فروری میں مسکڈزا کو تینوں طرز کی کرکٹ کیلئے ٹیم کا کپتان مقرر کیا تھا لیکن انٹرنیشنل کرکٹ کونسل نے جولائی میں زمبابوے کرکٹ کو معطل کر دیا تھا جس کے بعد زمبابوین کھلاڑیوں کا مستقبل غیریقینی صورتحال کا شکار ہے۔
واضح رہے کہ آئی سی سی کی طرف سے زمبابوین کرکٹ کو معطل کرنے کے بعد مسکڈزا نے وزیر کھیل سے فوری طور پر مسئلے کو حل کرنے کا مطالبہ کیا تھا تاکہ کھلاڑیوں کو مالی طور پر مشکلات کا سامنا نہ کرنا پڑے اور ان کا مستقبل بھی محفوظ رہے۔ دوسری جانب مسکڈزا کو 38 ٹیسٹ، 209 ون ڈے اور 62 ٹی ٹونٹی انٹرنیشنل میچز میں ملک کی نمائندگی کا اعزاز حاصل ہے۔
اسلام آباد: نیپرا نے بجلی 1 روپے 78 پیسے فی یونٹ مہنگی کرنے کی منظوری دے دی۔
تفصیلات کے مطابق نیپرا نے فیول ایڈجسٹمنٹ کی مد میں بجلی 1 روپے 78 پیسے فی یونٹ مہنگی کرنے کی منظوری دے دی ۔ نیپرا نے جولائی کی فیول ایڈجسٹمنٹ کی مد میں بجلی 1 روپے 78 پیسے مہنگی کر دی ۔ جس سے صارفین پر 24 ارب 60 کروڑ روپے کا بوجھ پڑے گا۔ جولائی میں ہائڈل سے 32.53 فیصد اور کوئلے سے 14.33 فیصد بجلی پیدا کی گئی۔ مقامی گیس سے 11.81 فیصد، درآمدی ایل این جی سے 24.71 فیصد بجلی پیدا کی گئی۔
واضح رہے کہ بجلی کی قیمتوں میں اضافے کا اطلاق کے الیکٹرک زرعی صارفین پر نہیں ہوگا۔
لاہور: باغی ٹی وی کی خبر ایک مرتبہ پھر سچی ثابت ہوگئی، پی سی بی نے مصباح الحق کو قومی کرکٹ ٹیم کا ہیڈ کوچ جبکہ وقار یونس کو باؤلنگ کوچ مقرر کردیا. باغی ٹی وی نے 2 ستمبر کو یہ خبر نشر کردی تھی کہ پاکستان کرکٹ ٹیم کے ہیڈ کوچ مصباح الحق جبکہ وقار یونس باؤلنگ کوچ ہوں گئے.
بریکنگ: قومی کرکٹ ٹیم کے ہیڈ اور باؤلنگ کوچ کا فیصلہ کرلیا گیاhttps://login.baaghitv.com/coach-of-pakistan-team/
تفصیلات کے مطابق باغی ٹی وی نے 2 ستمبر کو یہ خبر نشر کردی تھی کہ پاکستان کرکٹ ٹیم کے ہیڈ کوچ مصباح الحق جبکہ وقار یونس باؤلنگ کوچ ہوں گئے. مصباح الحق اور وقار یونس کو 3 سالہ کنٹریکٹ دیا گیا ہے.کوچز کی تلاش کے لیے قائم کردہ 5 رکنی پینل نے متفقہ طور پر مصباح الحق کا نام پیش کیا. پینل میں انتخاب عالم، بازید خان، اسد علی خان، وسیم خان اور ذاکر خان شامل تھےدونوں کوچز کے ناموں کی منظوری چیئرمین پی سی بی احسان مانی نے دی. مصباح الحق اور وقار یونس کی قومی کرکٹ ٹیم کے ہمراہ پہلی اسائنمنٹ سری لنکا کے خلاف سیریز ہوگی، پاکستان اور سری لنکا کے درمیان 3 ایک روزہ اور 3 ٹی ٹونٹی میچز کی سیریز 27 ستمبر سے شروع ہوگی. اس تقرری پر مصباح الحق نے کہا کہ قومی کرکٹ کی کوچنگ کرنا میرے لیے اعزاز کی بات ہے، اس نئی ذمہ داری کو نبھانے کے لیے مکمل تیار ہوں.
یاد رہے کہ قومی کرکٹ ٹیم کے ہیڈ کوچ اور باؤلنگ کوچ کی خبر 2 ستمبر کو باغی ٹی وی نے بریک کردی تھی، تاہم اب پی سی بی کی جانب سے ہیڈ کوچ اور باؤلنگ کوچ کا باقاعدہ اعلان کیا گیا ہے.
قصور
جیل ڈانس وبال جان بن گئی
تفصیلات کے مطابق قصور جیل میں 14 اگست کو قصور جیل میں مجرا کروانے والے جیل سپریڈنٹ اصضر منیر کوہوم ڈیپارٹمنٹ پنجاب نے تبدیل کرکے غلام سرور ثمرہ کو نیا سپریڈنٹ مقرر کر دیا ہے 14 اگست کو جشن آزادی کے نام پر اصغر منیر نے عورتوں کا مجرا اپنے دوستوں اور حوالاتیوں کے سامنے کروایا تھا جس کی ویڈیوز شوشل میڈیا پر وائرل ہونے پر ہوم ڈیپارٹمنٹ نے ایکشن لیا اصغر منیر نے ویڈیو وائرل کرنے والوں کو سنگین نتائج کی دھمکیاں بھی دی تھیں
قصور کےسیاسی و سماجی حلقوں نے ہوم ڈیپارٹمنٹ کے اس اقدام کی تعریف کی ہے
قصور
دودھ فروشں کی من مانیا
تفصیلات کے مطابق قصور شہر اور گردو نواح میں دودھ فروش دکانداروں نے لوٹ مار کا سلسلہ شروع کر رکھا ہے پنجاب گورنمنٹ کی جانب سے دودھ کی قیمت 70 روپیہ فی لیٹر اور دہی کی قیمت 80 روپیہ فی کلو مقرر کر رکھی ہے مگر دکاندار حضرات اپنی مرضی سے دودھ 90 روپے فی لیٹر اور دہی 100 روپیہ فی کلو بیچ رہے ہیں لوگوں نے پرائس کنٹرول مجسٹریٹ اور ڈی سی قصور سے کاروائی کا مطالبہ کیا ہے
لندن (اے پی پی) انگلش ٹی 20 لیگ کے کوارٹر فائنل مرحلے کا آغاز بدھ سے ہوگا.
تفصیلات کے مطابق انگلش ٹی 20 کرکٹ لیگ کے کوارٹر فائنل مرحلے کا آغاز بدھ سے ہوگا۔ ٹورنامنٹ کا پہلا کوارٹر فائنل بدھ کو کھیلا جائے گا۔ 5 ستمبر کو دوسرا کوارٹر فائنل، تیسرا کوارٹر فائنل 6 ستمبر کو جبکہ 7 ستمبر کو چوتھا اور آخری کوارٹر فائنل کھیلا جائے گا۔ ٹورنامنٹ کے دونوں سیمی فائنلز اور فائنل 21 ستمبر کو کھیلے جائیں گے۔
کولمبو: سری لنکا کے متعدد پلئیرز نے پاکستان کا دورہ کرنے سے انکار کردیا ہے.
تفصیلات کے مطابق دورہ پاکستان کے حوالے سے سری لنکا کرکٹ بورڈ اور پلیئرز میں اختلاف پیدا ہوتے دکھائی دے رہے ہیں، اگر یہ معاملہ خوش اسلوبی سے حل نہیں ہوا تو کچھ کھلاڑیوں کو مشکلات کا بھی سامنا کرنا پڑسکتا ہے۔ سری لنکن میڈیا کے مطابق بورڈ نے پلیئرز سے مشاورت کیے بغیر ہی دورے پر حامی بھری، متعدد سینئر کھلاڑی پاکستان نہ جانے کے بارے میں اپنا پیغام حکام تک پہنچا چکے ہیں۔ ان میں ایک روزہ ٹیم کے کپتان ڈیموتھ کرونا رتنے بھی شامل ہیں، اسی طرح ٹوئنٹی 20 کپتان لسیتھ مالنگا کا بھی ٹورنگ پارٹی کا حصہ ہونے کا امکان نہیں ہے۔
واضح رہے کہ سری لنکا کرکٹ بورڈ نے حال ہی میں 3 ہفتوں پر محیط ٹور پر رضامندی ظاہر کی ہے، اس دوران سری لنکا کراچی اور لاہور میں 6 انٹرنیشنل میچز کھیلیں گے۔ سیریز کے 3 ون ڈے میچز کراچی جبکہ 3 ٹی 20 میچز لاہور میں کھیلے جائیں گے.
ماسکو (اے پی پی) روس کے کمچٹکا جزیرے میں 4.5 شدت کا زلزلہ ریکارڈ کیا گیا.
تفصیلات کے مطابق روس کے کمچٹکا جزیرے پر زلزلہ آیا۔ روسی سائنس اکادمی کے ارضیاتی سروے نے بتایا کہ ریکٹر پیمانے پر زلزلے کی شدت 4.5درج کی گئی ہے۔ زلزلے کا مرکز جنوب مشرقی پیٹروپاولووسک کا مچتسکی شہر سے 199کلومیٹر دور 43 کلومیٹر کی گہرائی میں واقع تھا۔ حکام کے مطابق زلزلے کے بعد کسی سونامی وارننگ کا اجرا نہیں کیا گیا۔
دبئی (اے پی پی) آئی سی سی نے ٹیسٹ پلیئرز کی تازہ ترین رینکنگ جاری کردی، سٹیون سمتھ نے کوہلی سے ٹاپ پوزیشن چھین لی.
تفصیلات کے مطابق آسٹریلوی بلے باز سٹیون سمتھ نے انٹرنیشنل کرکٹ کونسل (آئی سی سی) کی تازہ ترین ٹیسٹ پلیئرز رینکنگ میں بلے بازوں میں ویرات کوہلی سے ٹاپ پوزیشن چھین لی، اجنکیا راہانے 4 درجے ترقی پا کر ٹاپ ٹین میں شامل ہو گئے، باﺅلرز میں جسپریت بمرا 4 درجے ترقی پا کر تیسرے نمبر پر آ گئے، جیسن ہولڈر کی 7 درجے ترقی کے ساتھ ٹاپ ٹین میں انٹری ہوئی ہے۔ آئی سی سی کی طرف سے جاری کردہ تازہ ترین ٹیسٹ پلیئرز رینکنگ کے تحت بلے بازو میں سمتھ نے ایک درجہ ترقی پا کر کوہلی کو ٹاپ پوزیشن سے محروم کر دیا، کین ولیمسن تیسرے، پوجارا چوتھے، ہنری نیکولز پانچویں نمبر پر موجود ہیں، بھارتی بلے باز راہانے 7 سیڑھیاں چڑھ کر ٹاپ ٹین میں داخل ہو گئے اور انہوں نے ساتویں پوزیشن سنبھال لی.
باﺅلرز میں پیٹ کمنز ٹاپ پوزیشن پر براجمان ہیں، بمرا 4 درجے ترقی پا کر ساتویں سے تیسرے نمبر پر آ گئے ہیں، جیسن ہولڈر نے 7 درجے ترقی پا کر ٹاپ ٹین میں انٹری کی اور انہوں نے جیمز اینڈرسن کے ساتھ چوتھی پوزیشن شیئر کرلی۔ جبکہ آل راﺅنڈرز میں ہولڈر کا ٹاپ پوزیشن پر قبضہ برقرار ہے۔