Tag: baaghi

واشنگٹن (اے پی پی) سمندری طوفان جمعرات کو امریکی ریاستوں فلوریڈا اور جارجیا کے انتہائی قریب پہنچے گا، اسی سلسلے میں لاکھوں افراد کو دور دراز علاقوں میں منتقل کیا جارہا ہے.

تفصیلات کے مطابق سمندری طوفان سے جزائر بہاماس میں ہلاکتوں کی تعداد 7 ہوگئی ہے اور یہ طوفان امریکی ریاستوں فلوریڈا اور جارجیا کی جانب تیزی سے بڑھ رہا ہے۔ کیوبا اور امریکی ریاست فلوریڈا کے درمیان واقع جزائر بہاماس کے وزیر اعظم ہْوبرٹ مِنِّس نے ایک پریس کانفرنس میں کہا کہ ماہرین محکمہ موسمیات نے اس سمندری طوفان کو کیٹیگری دو کا طوفان قرار دے دیا ہے، جو اب بھی کافی زیادہ تباہی مچا سکتا ہے۔ انہوں نے کہا کہ سمندری طوفان اتوارکو جزائر بہاماس کے ساحلی علاقوں سے ٹکرایا تھا۔ اس وقت طوفان کے ساتھ آنے والی تیز ہواؤں کی رفتار 3 سو کلومیٹر فی گھنٹہ تک تھی۔ محکمہ موسمیات کے ماہرین کا کہنا ہے سمندری طوفان فلوریڈا کے مشرقی ساحل سے ٹکرانے کے بعد جمعرات کو فلوریڈا اور جارجیا کے انتہائی قریب پہنچے گا تو وہ کیٹیگری 4 کا طوفان ہو جائے گا۔

حکام نے فلوریڈا اورجارجیا کے لاکھوں رہائشیوں کو دور دراز علاقوں میں منتقل ہونے کا حکم دے دیا ہے جبکہ ہنگامی صورت حال بھی نافذ کردی گئی ہے۔

ماسکو (اے پی پی) روسی فضائیہ کا تربیتی طیارہ گر کر تباہ ہوگیا جبکہ پائلٹ لاپتہ ہے.

تفصیلات کے مطابق روسی فضائیہ کا تربیتی طیارہ گر کر تباہ ہو گیا تاہم طیارے کے دونوں پائلٹ ایجیکٹ کرنے میں کامیاب رہے جن کی تلاش جاری ہے۔ روسی وزارت دفاع کے مطابق فضائیہ کا ایک غیر مسلح دو سیٹوں والا تربیتی طیارہ شمالی شہر کے مضافات میں تربیتی مشن کے دوران پرواز کے تھوڑی دیر بعد گر تباہ ہو گیا۔ تاہم دونوں پائلٹ طیارے سے نکلنے میں کامیاب رہے جن کی تلاش شروع کردی گئی ہے۔

روسی وزارت دفاع کا کہنا ہے کہ تباہ ہونے والے طیارے میں سوارکیڈٹ پائلٹ اور اس کا انسٹرکٹر لاپتہ ہے جو طیارے کی تباہی سے قبل ایجیکٹ کرگئے تھے۔

بغداد (اے پی پی) عراق میں داعش کے 9 دہشت گردہلاک.عراق کے شمالی صوبہ میں فوج کی ایک کارروائی میں داعش کے 9 دہشت گرد مارے گئے۔

تفصیلات کے مطابق عراق کے شمالی صوبہ میں فوج کی ایک کارروائی میں داعش کے 9 دہشت گرد مارے گئے۔ عراقی فوج کے جوائنٹ آپریشن کمانڈ کے ترجمان یحییٰ رسول نے ایک بیان جاری میں کہا ہے کہ امریکہ کی قیادت والی بین الاقوامی اتحادی افواج کی مدد سے عراقی فوج کی فالکن یونٹ نے صوبہ نینوا کے دارالحکومت موصل کے السہجی علاقے میں ایک سرنگ کو تباہ کر دیا جس میں داعش کے 9 دہشت گرد مارے گئے۔

واضح رہے کہ عراق میں 2017ء کے آخر میں داعش کے دہشت گردوں کو مکمل طور شکست دینے کے بعد سے سلامتی کی صورتحال میں نمایاں بہتری آئی ہے۔ اس کے باوجود دہشت گرد دور دراز کے اور ویران علاقوں میں اب بھی پناہ لئے ہوئے ہیں۔ یہ وقتاً فوقتاً شہریوں اور سکیورٹی فورسز پر حملہ کرتے رہتے ہیں۔