Baaghi TV

Tag: baaghi

  • 20 گھنٹوں سے بجلی غائب

    20 گھنٹوں سے بجلی غائب

    قصور 20 گھنٹوں سے بجلی غائب
    تفصیلات کے مطابق کل دوپہر ڈیڑھ بجے کے قریب ہلکی آندھی اور بارش آئی جس کے فوری بعد راجہ جھنگ سب ڈویژن کی طرف سے بجلی غائب ہو گئی بجلی بند ہونے سے راجہ جھنگ،میر محمد،ستوکی،اوڑارہ نو و کہنہ ،راءوخانوالہ اور دیگر دیہات تاریکی میں ڈوب گئے اس علاقے کی بجلی ویسے بھی گھنٹہ پیکج پر ہے یعنی ہر گھنٹے بعد لوڈشیڈنگ ہوتی ہے جس کی شکایت لوگ کئی بار اعلی حکام سے کر چکے ہیں مگر کوئی شنوائی نہیں ہوئی

  • پرائس مجسٹریٹ کی بدمعاشی

    قصور
    الہ آباد تلونڈی کنگن پور میں عوام دوکاندار وں کے ہاتھوں لٹنے پر مجبور پرائیس کنٹرول مجسٹریٹس مٹھی گرم ہونے پر نید کی آغوش میں
    تفصیلات کے مطابق الہ آباد اور گردونواح کے دیہاتیوں اور کنگن پور کے گردونواح میں دکانداروں کی لوٹ مار سے شہری لٹنے لگے میاں اکرم اور وقار یونس اور یوسف رضا وغیرہ نے صحافیوں کو بتایا کہ پرائیس کنٹرول مجسٹریٹس کی ملی بھگت سے مصنوعی مہنگائی نے غریب عوام کو فاقوں پر مجبور کر دیا ہے جب ہم نے جناب مہتاب صاحب پرائیس کنٹرول مجسٹریٹ سردار ظہیر اور سردار محمد طارق خاں اور ملک اعجاز سے نوٹس لینے کا مطالبہ کیا تو بجائے مہنگائی کرنے والوں کے خلاف کارروائی کرنے الٹا ہمیں کہا کہ یہ سب نیا پاکستان کی وجہ سے ہے ہیں ان افسران کو انکے فون 03006504304 مہتاب خاں اورسردار محمد طارق خاں 03034092123 اور سردار ظہیر 03004580146 اور جناب ملک اعجاز 03004367725 پر متعدد دفع فون کر کے شکایات کی گئیں مگر ماہانہ کمائی کی وجہ سے مجسٹریٹ صاحبان نے نوٹس لینے سے صاف انکار کر دیا
    شہریوں نے اے سی چونیاں اور ڈی سی قصور سے نوٹس لینے کا مطالبہ کیا ہے

  • "جو اسرائیل نے فلسطین میں کیا، وہی ہم نے کشمیر میں کیا” بھارتی صحافی کا اعتراف

    "جو اسرائیل نے فلسطین میں کیا، وہی ہم نے کشمیر میں کیا” بھارتی صحافی کا اعتراف

    نئی دہلی: بھارتی صحافی سچترا واجیان نے کہا ہے کہ جو ظلم اسرائیل نے فلسطین میں کیا، افسوس کے ساتھ کہنا پڑتا ہے کہ ہم نے بھی کشمیر میں وہی کیا.

    تفصیلات کے مطابق بھارتی صحافی سچترا واجیان نے سماجی رابطے کی ویب سائٹ ٹویٹر پر اپنے ایک پیغام میں کہا کہ "میں کشمیر جانے سے قبل فلسطین گیا تھا، میں نے جو فلسطینیوں پر اسرائیلی ظلم ہوتے دیکھا افسوس کے ساتھ کہنا پڑتا ہے کہ ہم لوگ بھی کشمیریوں پر ویسے ہی ظلم کر رہے ہیں”. انہوں نے بھارتی ہونے پر شرمندگی کا اظہار کرتے ہوئے کہا کہ ” بھارتی ہونے کی حیثیت سے میں شرمندہ ہوں کہ میرے ملک نے کشمیر میں کتنا ظلم کیا اور ابھی بھی کر رہا ہے”

    یاد رہے کہ سچترا واجیان پہلے بھارتی صحافی نہیں جو کشمیر میں ہونے والے ظلم کیخلاف بولے ہوں بلکہ اس سے قبل بھی کئی بھارتی صحافی اور دانشور بھارتی فوج اور بھارتی حکومت کو سخت تنقید کا نشانہ بنا چکے ہیں.

  • بھارت کا وقت ختم ہوا جاتا ہے، ڈی جی آئی ایس پی آر نے اعلان کردیا

    بھارت کا وقت ختم ہوا جاتا ہے، ڈی جی آئی ایس پی آر نے اعلان کردیا

    اسلام آباد: ڈی جی‌ آئی ایس پی آر آصف غفور نے کہا ہے کہ انشا اللہ بھارت کا وقت ختم ہوا جاتا ہے، اب صرف پاکستان کا وقت ہے.

    تفصیلات کے مطابق سماجی رابطے کی ویب سائٹ ٹویٹر پر آصف غفور نے اپنے ایک پیغام میں کہا کہ انشا اللہ بھارت کا وقت ختم ہوا جاتا ہے، اب صرف پاکستان کا وقت ہے. انہوں نے یہ بات بھارتی چینل ٹائمز ناؤ کی ٹویٹ کو ریٹویٹ کرتے ہوئے کی. ٹائمز ناؤ نےایک ویڈیو ٹویٹ کی جس میں دیکھا جاسکتا ہے کہ بھارتی ریاست کیرالہ میں پاکستانی جھنڈا لہرایا گیا ہے. کیرالہ کے لوگ پاکستانی پرچم لہرا رہے ہیں. دوسری جانب اس ویڈیو کو ریٹویٹ کرتے ہوئے آصف غفور نے "کشمیر بنے گا پاکستان” اور "پاکستان زندہ باد” کے ہیش ٹیگ بھی استعمال کیے.

    واضح رہے کہ اس سے قبل بھارتی ریاست کیرالہ میں پاکستانی جھنڈا لہرا دیا گیا گیا تھا جس کی وجہ سے 25 افراد پر مقدمہ بھی درج کیا گیا.

  • "کشمیر توجہ چاہتا ہے” کے عنوان سے سیمینار 3 ستمبر کو گجرات اور گوجرانوالہ میں منعقد ہوں گے

    "کشمیر توجہ چاہتا ہے” کے عنوان سے سیمینار 3 ستمبر کو گجرات اور گوجرانوالہ میں منعقد ہوں گے

    گجرات: کشمیر یوتھ الائنس اور اپیکس گروپ آف کالجز کے زیراہتمام گجرات اور گوجرانوالہ میں "کشمیر توجہ چاہتا ہے” کے عنوان سے سیمینارز 3 ستمبر کو منعقد ہوں گے، سیکرٹری جنرل کشمیر یوتھ الائنس رضی طاہر کے مطابق سیمینار میں علاقے کے معززین، کالج کے طلباء سمیت نوجوانوں کی کثیر تعداد شرکت کرے گی، گجرات میں سیمینار صبح 10 بجے سے 12:30 بجے تک اپیکس کالج گورالی، گجرات میں ہوگا جبکہ گوجرانوالہ میں 3 سے 6 بجے تک اپیکس کالج بلامقابل گفٹ یونیورسٹی میں ہوگا۔

    اس دوران کشمیر یوتھ الائنس کی قیادت صحافیوں سے خصوصی گفتگو بھی کرے گی۔ کشمیر یوتھ الائنس کے صدر ڈاکٹر سید مجاہد گیلانی، اپیکس گروپ آف کالجز کے ہیڈ رانا عدیل ممتاز، اینکرپرسن احمد قریشی، فرحان شبیر، پارلیمانی کشمیر کمیٹی کے ممبر ڈاکٹر نثار چیمہ، مشہور سماجی شخصیت ڈاکٹر شکیل رضا سمیت کئی نامور شخصیات شرکت کریں گی۔

  • عمران خان نے کشمیر کا سودا کرلیا ہے، مولانا فضل الرحمان کا دعویٰ

    عمران خان نے کشمیر کا سودا کرلیا ہے، مولانا فضل الرحمان کا دعویٰ

    اسلام آباد: مولانا فضل الرحمان نے وزیراعظم پاکستان پرالزام لگاتے ہوئے کہا ہے کہ عمران خان نے کشمیر کا سودا کرلیا ہے، یہ شخص کشمیر فروش ہے.

    تفصیلات کے مطابق جے یو آئی (ف) کے سربراہ مولانا فضل الرحمان نے عمران خان پر کشمیر بیچنے کا الزام لگادیا. انہوں نے نجی ٹی وی کے پروگرام میں گفتگو کرتے ہوئے کہا کہ عمران خان نے کشمیر کا سودا کرلیا ہے، یہ شخص کشمیر فروش ہے. مسلئہ کشمیر پر بھارت سے جنگ نہیں ہوگی، کیونکہ اس شخص نے کشمیر کا سودا کیا ہے. ساتھ ہی انہوں نے عمران خان کو استعفے کی ڈیڈلائن دیتے ہوئے کہا کہ اگر 31 اگست تک عمران خان استعفیٰ نہیں دیں تو ہم اکتوبر میں اسلام آباد میں دھرنا دیں گے.

  • سری لنکا بمقابلہ نیوزی لینڈ: پہلا ٹی 20 میچ کب کھیلا جائے گا؟ جانئے

    سری لنکا بمقابلہ نیوزی لینڈ: پہلا ٹی 20 میچ کب کھیلا جائے گا؟ جانئے

    کولمبو (اے پی پی) سری لنکا اور نیوزی لینڈ کے درمیان پہلا ٹی 20 میچ اتوار کو کھیلا جائے گا.

    تفصیلات کے مطابق سری لنکا اور نیوزی لینڈ کی کرکٹ ٹیموں کے درمیان تین ٹی 20 میچوں کی سیریز کا پہلا میچ اتوار کو پالے کیلی میں کھیلا جائے گا۔ نیوزی لینڈ نے سیریز سے قبل ٹور میچ میں سری لنکا بورڈ پریذیڈنٹ الیون کو 33 رنز سے شکست دی، سیریز کا دوسرا میچ 3 ستمبر جبکہ تیسرا اور آخری میچ 6 ستمبر کو کھیلا جائے گا، تینوں میچز پالے کیلی میں کھیلے جائین گے۔ واضح رہے کہ اس سے قبل دونوں ٹیموں کے مابین کھیلی گئی دو ٹیسٹ میچز کی سیریز 1-1 سے برابر رہی۔

  • واحد راستہ افغانستان سے نکلنے کا ہے، امریکہ کے سابق بریگیڈیئر جنرل کا کالم

    واحد راستہ افغانستان سے نکلنے کا ہے، امریکہ کے سابق بریگیڈیئر جنرل کا کالم

    لاہور: امریکہ کے سابق بریگیڈیئر جنرل ڈونلڈ سی بولڈک نے ایک آرٹیکل لکھا جس میں انہوں نے کہا ہے کہ میں افغانستان کے 10 دورے کرچکا ہوں، ہمارے پاس ایک ہی راستہ ہے وہ افغانستان سے نکل جانے اور اسکو چھوڑنے کا ہے۔

    تفصیلات کے مطابق جنرل ڈونلڈ سی بولڈک امریکہ کے سابق بریگیڈیئر جنرل ہیں جو کے سپیشل آپریشن کمانڈرز کی افریقہ میں کمانڈ کر چکے ہیں۔ آج کل یہ امریکہ کی ایک سٹیٹ کے سینیٹ کے امیدوار ہیں۔ انہوں نے ایک آرٹیکل لکھا ہے جس میں امریکی حکومت کو تجویز دیتے ہوئے انہوں نے کہا کہ میں افغانستان کے 10 دورے کرچکا ہوں، ہمارے پاس ایک ہی راستہ ہے وہ افغانستان سے نکل جانے اور اسکو چھوڑنے کا ہے۔ انہوں نے اپنے آرٹیکل میں لکھا کہ "افغانستان ایک ایسا ملک ہے جس نے ہمیشہ سوپر پاورز کو دانتوں کے نیچے چبا کر باہر اغلا ہے۔ افغان طالبان آج بھی کافی حصہ پر مکمل کنٹرول رکھتے ہیں۔ مذاکرات کے دوران بھی افغان طالبان کا ہاتھ جنگی میدان میں تغڑا ہے اور امریکہ کمزور ہے اور طالبان اس بات کو جانتے ہیں۔ ہمارے پاس ایک ہی راستہ ہے وہ افغانستان سے نکل جانے اور اسکو چھوڑنے کا ہے، افغان جنگ اتنے عرصے سے بدانتظامی کا شکار رہی ہے اور آپ امریکی عوام کو اس بات پر معاف کرسکتے ہیں کہ انہوں نے یہ بات نوٹس نہیں کی، ہم نے دراصل افغان جنگ اس لیے شروع کی تھی کہ دہشتگردوں کو مارا جائے، لیکن وقت گزرنے کے ساتھ ساتھ ہمارے حکمرانوں کی ترجیحات بدلتی گئیں”.

  • انگلینڈ کے فاسٹ باؤلرانجری کے باعث ایشز سیریزسے باہر ہوگئے

    انگلینڈ کے فاسٹ باؤلرانجری کے باعث ایشز سیریزسے باہر ہوگئے

    لندن (اے پی پی) انگلینڈ کے فاسٹ باؤلر جیمز اینڈرسن انجری کے باعث ایشز سیریز سے باہر ہوگئے.

    تفصیلات کے مطابق انگلش فاسٹ باؤلر جیمز اینڈرس فٹنس مسائل کی وجہ سے ایشز سیریز کے بقیہ ٹیسٹ میچز سے باہر ہوگئے۔ سمر سیٹ کے آل راؤنڈر کریگ کو ان کے متبادل کے طور پر سکواڈ میں شامل کر لیا گیا ہے، اینڈرسن سیریز کے پہلے ٹیسٹ میچ کے دوران پنڈلی کی تکلیف میں مبتلا ہو گئے تھے، انگلینڈ ٹیم انتظامیہ کے مطابق جیمز اینڈرسن کی انجری سنجیدہ نوعیت کی ہے اور انہیں مکمل طور پر فٹ ہونے میں وقت درکار ہوگا اس طرح وہ ایشز سیریز کے بقیہ ٹیسٹ میچز کیلئے دستیاب نہیں ہوں گے۔

  • بندوق رکھنے کے موجودہ نظام میں تبدیلی کی جائے، زید حامد نے مطالبہ کردیا

    بندوق رکھنے کے موجودہ نظام میں تبدیلی کی جائے، زید حامد نے مطالبہ کردیا

    اسلام آباد: سینئر دفاعی تجزیہ نگار زید حامد نے کہا ہے کہ ہر پاکستانی شہری جو کچھ بنیادی شرائط پوری کرتا ھو، اسے عام اجازت ہونی چاہیئے کہ وہ ایک رائفل اور ایک پستول رکھ سکے،لائسنس کے بجائے رجسٹریشن کا نظام ہونا چاہیئے۔

    تفصیلات کے مطابق دفاعی تجزیہ نگار زید حامد نے بندوق رکھنے کے موجودہ نظام میں تبدیلی کا مطالبہ کرتے ہوئے کہا کہ لائسنس کے بجائے رجسٹریشن کا نظام ہونا چاہیئے۔ انہوں نے سماجی رابطے کی ویب سائٹ ٹویٹر پر اپنے ایک پیغام میں کہا کہ "ھر پاکستانی شہری جو کچھ بنیادی شرایط پوری کرتا ھو، اسے عام اجازت ھونی چاھیے کہ وہ ایک رایفل اور ایک پستول رکھ سکے۔۔۔لایسنس کے بجاے رجسٹریشن کا نظام ھونا چاھیے۔ جیسے گاڑیوں کے معاملے میں ھے۔ ھمیں اپنی آزادی کے دفاع کے لیے اسکی ضرورت بھی ھے اور یہ آینی اور شرعی حق بھی۔”

    https://twitter.com/BTPakistan/status/1167684841678213120

    انہوں نے مزید کہا کہ "جس طرح گاڑیوں کی صرف رجسٹریشن ھوتی ھے، اسی طرح ھتھیار کی بھی صرف رجسٹریشن ھونی چاھیے۔ جس طرح گاڑی چلانے کا لایسنس ھوتا ھے، اسی طرح ھتھیار استعمال کی تربیت کے بعد سرٹیفیکیٹ جاری ھونا چاھیے۔ ھر قانون کا احترام کرنے والے شہری کو کم از کم دو ھتھیار رکھنے کی عام اجازت ھونی چاہیے”.

    https://twitter.com/BTPakistan/status/1167686323165126656

    بندوق رکھنے کے موجودہ نطام موجودہ نطام میں تبدیلی کا مطالبہ کرتے ہوئے زید حامد نے کہا کہ "موجودہ ہتھیار کے لایسنس کا نظام انگریز کا بنایا ھوا ھے۔ غلام قوم کو غلام رکھنے کے لیے۔ اب اس میں ھماری سفارشات کے مطابق انقلابی تبدیلی کی ضرورت ھے۔ فوجی افسروں، سرکاری ملازمین اور ٹیکس دینے والوں اور دیگر شہریوں کے لیے لایسنس ختم کر کے رجسٹریشن اور تربیتی سرٹیفکیٹ کا نظام۔”

    https://twitter.com/BTPakistan/status/1167687465039253504