Tag: baaghi

ہوانا (اے پی پی) کیوبا نے وینز ویلا پرعائد امریکی پابندیاں ختم کرنے کےلئے کینیڈا سے مدد مانگ لی.

تفصیلات کے مطابق کیوبا کے وزیر خارجہ برونو روڈریگیز نے کہا ہے کہ کینیڈا وینزویلا پر امریکی پابندیاں ختم کرنے کے لئے مدد دے۔ انہوں نے یہ مطالبہ کینیڈا کی اپنی ہم منصب کریسٹیا فری لینڈ سے ملاقات کے دوران کیا، امریکا نے راوں سال مئی میں وینز ویلا پرسیاسی پابندیاں عائد کردی تھیں۔ کیوبا، وینز ویلا کے صدرنکولس کا مضبوط اتحادی ہے، جس کا کہنا ہے کہ پابندیوں کا مقصد وینز ویلا کے صدر پر دباﺅ بڑھانا ہے جس سے معیشت کو بھی نقصان پہنچا اور مہنگائی، خوراک کی کمی سے بھوک اور غربت میں اضافہ ہوا. بیماریوں سے لاکھوں افراد متاثر ہوئے۔

کنیڈین وزیر خارجہ سے کیوبا کے وزیر خارجہ کی ملاقات کے بعد کنیڈا کی وزارت خارجہ کے بیان میں بتایا گیا ہے کہ دونوں وزرائے خارجہ نے آپس میں رابطے میں رہنے اور وینزویلا کے معاملہ پر تبادلہ خیال جاری رکھنے پر اتفاق کیا ہے.

کوالالمپور (اے پی پی) ایرانی وزیر خارجہ نے اعلان کیا ہے کہ اقتصادی دہشت گردی ختم کئے بغیر امریکہ کے ساتھ بات کرنا ممکن نہیں.

تفصیلات کے مطابق ایران کے وزیر خارجہ جواد نے کہا ہے کہ امریکہ ایران کے خلاف اقتصادی دہشت گردی میں ملوث ہے اگر وہ بات چیت کرنا چاہتا ہے تو اسے 2015ء کے ایٹمی معاہدے کا احترام کرنا ہو گا۔ ملائشیا کے دورے کے دوران دارالحکومت کوالالمپور میں صحافیوں سے گفتگو کرتے ہوئے انہوں نے کہا کہ امریکہ نے ایرانی عوام کے خلاف معاشی جنگ شروع کررکھی ہے اور جب تک وہ ایرانی قوم کے خلاف اقتصادی دہشت گردی ختم نہیں کرتا ہمارے لئے اس کے ساتھ بات کرنا ممکن نہیں ہے۔ گزشتہ برس صدرڈونلڈ ٹرمپ کے بر سر اقتدار آنے کے بعد ایران کے خلاف پابندیاں عائد کرنے اور ایٹمی معاہدہ سے دستبردار ہونے کے بعد دونوں ممالک کے تعلقات میںکشیدگی آگئی تھی.

میکسیکو (اے پی پی) میکسیکو میں فائرنگ اور آتشزدگی سے ہلاک ہونے والوں کی تعداد 28 ہو گئی.

تفصیلات کے مطابق میکسیکو میں فائرنگ اور آتشزدگی سے ہلاک ہونے والوں کی تعداد 28 ہو گئی۔ مقامی انتطامیہ کے مطابق فائرنگ اور آتشزدگی سے ہلاک ہونے والوں کی تعداد 28 ہوگئی۔ فائرنگ اور آتشزدگی کے اس واقعہ میں9 افراد شدید زخمی ہوئے ہیں۔ اس واقعہ میں بچ جانے والے افراد کے بیانات کے مطابق چند افراد نے لوگوں پر گولیوں چلائیں اور پھر آگ لگا دی۔

غزہ (اے پی پی) فلسطین کے شہر غزہ میں پولیس چوکیوں پر حملے میں 3 پولیس اہلکار شہید ہوگئے.

غزہ کے مغرب میں 2 مختلف پولیس چوکیوں پر ہونے والے دھماکوں کے نتیجے میں ہلاک ہونے والے پولیس اہلکاروں کی تعداد 3 تک پہنچ گئی ہے۔ فلسطینی وزارت داخلہ کی طرف سے جاری کردہ تحریری بیان کے مطابق دھماکوں کے نتیجے میں 3 پولیس اہلکار شہید ہوئے ہیں جبکہ 3 پولیس اہلکار زخمی ہوئے ہیں جنہیں قریبی ہسپتال میں منتقل کردیا گیا ہے۔ بیان میں کہا گیا ہے کہ آئندہ چند گھنٹوں میں رائے عامہ کو حملے کے بارے میں تفصیلات سے آگاہ کیا جائے گا۔ انہوں نے کہا کہ مجرم سزا سے نہیں بچ سکیں گے۔ انہوں نے تمام فلسطینی عوام اور فلسطینی گروپوں سے حملہ آوروں کی مذمت کرنےکی اپیل کی ہے۔

واضح رہے کہ اس سے قبل جاری کئے گئے بیان میں 2 فلسطینیوں کے شہید اور کثیر تعداد میں زخمیوں کی اطلاع دی گئی تھی۔