Tag: baaghi

محکمہ صحت کی میڈیکل ٹیچنگ ہسپتالوں میں خواجہ سراوں کےلئے الگ بیڈز مختص کرنے کی ہدایت

پشاور ۔ 30 جولائی (اے پی پی) محکمہ صحت نے صوبے کے میڈیکل ٹیچنگ ہسپتالوں میں خواجہ سراوں کے لئے الگ بیڈز مختص کرنے کی ہدایت جاری کر دی ہے ، محکمے کے اعلامیے کے مطابق خیبرپختونخوا میں خواجہ سراوں کے لئے اسپتالوں میں الگ بیڈز مختص کئے جائیں گے ،میڈیکل ٹیچنگ اسپتالوں میں خواجہ سراوں کے لئے 5 بیڈز مختص کئے جائیں ، کیٹیگری اے اینڈ بی ہسپتالوں میں 4 ،4اور کیٹیگری سی میں 3 بیڈ زخواجہ سراوں کے لئے مختص ہونگے ، اعلامیے میں تمام ڈی ایچ اوز، ایم ایس، میڈیکل ڈائریکٹرز کو خواجہ سراوں کے لئے بیڈز مختص کرنے کی ہدایت پر عمل درآمد یقینی بنانے کا کہا گیا ہے ، بیڈز مختص کرنے کے بعد متعلقہ ادارے وزارت انسانی حقوق کو رپورٹ بھی کریں گے، محکمہ صحت کے مطابق فیصلے سے خواجہ سراوں کو علاج کی بہتر سہولیات میسر ہوں گی ۔

اپوزیشن کا کو ئی احتجاج ان کے سیاہ کامو ں کو سفید نہیں کر سکتا، تحریک انصاف کے سینئر مرکز ی رہنما

لاہور ۔ 30 جولائی(اے پی پی )تحریک انصاف کے سینئر مرکز ی رہنماء ارمغان صادق نے کہاہے کہ سابق حکمرانوں کی وجہ سے ملک مشکلات کا شکار ہے ۔ اپوزیشن کا کو ئی احتجاج بھی ان کے سیاہ کامو ں کو سفید نہیں کر سکتا ۔ بلاو ل، مریم اور اپوز یشن اتحاد حکومت کے سامنے ر یت کی دیوار ثا بت ہوا ۔ تحریک انصا ف کی حکومت کے خا تمے کے خواب دیکھنے والے دن کو خواب دیکھنا چھو ڑ دیں ۔ پی ٹی آئی کی حکومتی اپنی آ ئینی مد ت پوری کرےگی ۔ ان خیالات کا اظہار انہوں نے پار ٹی کار کنوں سے گفتگو کر تے ہو ئے کیا ۔ انہوں نے مزید کہا کہ اپوز یشن کا شیرازہ بکھر چکا ہے کیو نکہ سب اپنے آ پ کو بچانے کی جنگ لڑ رہے ہیں ۔

نیا پاکستان ہاؤسنگ سکیم سے کم آمدن والے افراد کیلئے اپنی چھت کا خواب پورا ہوگا، ثوبیہ کمال خان

لاہور ۔ 30 جولائی(اے پی پی ) ممبر قومی اسمبلی و وفاقی پارلیمانی سیکرٹری برائے وزارت امور کشمیر و گلگت بلتستان ثوبیہ کمال خان نے کہا ہے کہ وزےراعظم عمران خان کی نیا پاکستان ہاؤسنگ سکیم سے کم آمدن والے افراد کیلئے اپنی چھت کا خواب پورا ہوگا ۔ انقلابی منصوبے سے متعلقہ امور تیزی سے طے کئے جا رہے ہےں ۔ پی ٹی آئی حکومت کی جانب سے نیا پاکستان ہاؤسنگ سکیم منصوبہ اےک عام آدمی کےلئے کسی نعمت سے کم نہےں ہے ۔ کم لاگت کے گھروں کی تعمیر کے منصوبے میں تےزی سے کام جاری ہے ۔ انہوں نے کہا کہ کم آمدن والے افراد کیلئے کم لاگت کے گھروں کی تعمیر کا منصوبہ تحریک انصاف کی حکومت کا فلیگ شپ پراجیکٹ ہے اور پنجاب کے بعض اضلاع میں گھروں کی تعمیر کیلئے ساءٹس کا انتخاب کر لیا گیا ۔ نیا پاکستان ہاؤسنگ اتھارٹی اور ہاؤسنگ ٹاسک فورس پنجاب مل کر منصوبے پر کام کو آگے بڑھائیں گے اور نیا پاکستان ہاؤسنگ سکیم کیلئے قابل عمل بزنس ماڈل تیار کیا جائے گا ۔ انہوں نے مزےد کہا کہ سیاحت کا فروغ تحریک انصاف کی حکومت کی ترجیحات میں اولین ہے جبکہ ماضی میں اس شعبے کو بری طرح نظرانداز کیا گیا ۔ ہماری حکومت نے مربوط ٹورازم پالیسی کے ذریعے ملک بھر میں سیاحت کے فروغ کیلئے عملی اقدامات کئے ہیں اورحکومت کے مالی وسائل میں اضافے کیلئے سرکاری اثاثوں کا بہترین استعمال بھی پالیسی میں شامل ہے ۔

مولانا فضل الرحمن سیاست میں زندہ رہنے کیلئے مدارس کے طلبہ کو استعمال کر رہے ہیں ، سینئر مرکزی رہنماء تحریک انصاف

لاہور ۔ 30 جولائی(اے پی پی )پاکستان تحرےک انصاف کے سےنئر مرکزی رہنماء اےم شاہ زےد خان نے کہا ہے کہ مولانا فضل الرحمان اقتدار کا نشہ پورا کرنے کیلئے مدارس طلبا کو ڈھال بنا رہے ہیں ۔ رہزنوں کا ساتھی کسی صورت قوم کا رہبر نہےں ہو سکتا ۔ مولانا فضل الرحمان جن رہزنوں کے چوری کے مال کا تحفظ کر نا چاہتے ہےں ان کے سےاہ کارنامے سے باخوابی واقف ہےں ۔ فضل الرحمان کا نقب زنوں کا ساتھ دینا اسلامی تعلیمات کے بھی منافی ہے ۔ انہوں نے کہاکہ اپوزیشن احتجاج کا شوق پورا کرے لیکن کسی سزا یافتہ شخص کو جلسے جلوسوں کی اجازت نہیں دینگے ۔ مولانا فضل الرحمن آج کل بیروزگار ہیں اور سیاست میں زندہ رہنے کیلئے مدرسے کے بچوں کا استعمال کر رہے ہیں ۔ مولانا فضل الرحمن اصول کے نام پر وصول کی سیاست کرتے ہیں ۔ ان کا کام نوازشریف اور آصف زرداری کا پیغام ایک دوسرے کو پہنچانا ہے ۔ حکومت کو مستعفی ہونے کی ڈیڈ لائن دینے والے مولانا فضل الرحمن کون ہوتے ہیں ۔ انہوں نے مزےد کہاکہ مسلم لیگ(ن) نے سیاسی آکسیجن حاصل کرنے کیلئے عرفان صدیقی کے معاملے کو اچھالا، ۔ عرفان صدیقی نظام کے ان نقاءص کا شکارہوئے جن کی درستگی کیلئے وزیراعظم عمران خان پرعزم ہیں ۔ وزیراعظم نے اس معاملے پر ناپسندیدگی کا اظہار کرتے ہوئے رپورٹ طلب کی ہے لہٰذاحقائق کی روشنی میں فیصلہ ہوگا کہ قانون کی خلاف ورزی کا مرتکب کون ہوا اورجس کسی نے بھی قانون کی خلاف ورزی کی ہوگی اس کو سزا ضرور ملے گی ۔

سابق ٹیسٹ کرکٹر سعید اجمل بھی قومی کرکٹ ٹیم کے باءولنگ کوچ کے امیدوار بن گئے

لاہور ۔ 30 جولائی (اے پی پی) پوری دنیا میں اپنی سپن باولنگ کا جادو دکھانے والے سابق ٹیسٹ کرکٹر سعید اجمل بھی قومی کرکٹ ٹیم کے باولنگ کوچ کے امیدوار بن گئے ۔ صحافیوں سے گفتگو کرتے ہوئے لیجنڈ سپن باولر نے کہا کہ وہ قومی ٹیم کے باءولنگ کوچ کے عہدہ میں دلچسپی رکھتے ہیں اور اگر انہیں موقع دیا گیا تو اپنے تجربہ سے قومی ٹیم کے کھلاڑیوں کو مستفید کرنے کی پوری کوشش کروں گا ۔ سعید اجمل نے بتایا کہ وہ انگلینڈ اور پاکستان کرکٹ بورڈ کے لیول 2 کے کوچنگ کورس کر چکے ہیں اور لیول تھری کوچنگ کورس میں اپریل میں شرکت کریں گے ۔ انہوں نے کہاکہ وہ اپنی اکیڈمی میں نوجوان کھلاڑیوں کی بڑی تعداد کی کوچنگ کررہے ہیں ۔