Tag: baaghi

قصور
گزشتہ روز قصور پولیس میں نئی بھرتی کیلئے جسمانی پیمائش کا و دیگر ٹیسٹ عمل میں لائے گئے
ڈسٹرکٹ پولیس لائنز قصور میں کانسٹیبلز، لیڈی کانسٹیبلز، ڈرائیور کانسٹیبلز اور ٹریفک اسسٹنٹس کے جسمانی پیمائش کی گئی اور
ریکروٹمنٹ بورڈ میں شامل سینئر افسران کی زیر نگرانی امیدواروں کے فزیکل ٹیسٹ مکمل کئے گئے
جسمانی پیمائش مرحلے کے پہلے روز 02 ہزار کے قریب امیدواروں نے شرکت کی اور قد و چھاتی کی پیمائش کروائی
فزیکل ٹیسٹ کے تمام مراحل کی ویڈیو بنائی گئی تاکہ شفافیت اور میرٹ کو یقینی بنایا جا سکے
ڈی پی او قصور کا کہنا ہے کہ ملک و قوم کی خدمت کا جذبہ رکھنے والے نوجوان اور خواتین امیدواروں کو پولیس فورس کا حصہ بنایا جارہا ہے
پولیس فورس میں بھرتی کا عمل مکمل شفافیت اور جاری کردہ ایس او پیز کے مطابق مکمل کیا جا رہا ہے

قصور
سرعام پتنگ بازی و پتنگ سازی جاری،پولیس مکمل ناکام،شہریوں کی آئی جی پنجاب سے اپیل

تفصیلات کے مطابق ضلع قصور میں پتنگ بازی جیسا خونی کھیل جاری ہے جسے کنٹرول کرنے میں قصور پولیس مکمل طور پر ناکام ہے
پتنگ بازی سے بجلی کی تاروں کے جڑنے سے ٹرانسفارمرز کا بھی نقصان ہو رہا ہے جو کہ واپڈا کی بجائے عوام کو خود اپنے پلے سے ٹھیک کروانا پڑتا ہے نیز پتنگ بازی کے باعث آئے روز لڑائی جھگڑے بھی جنم لے رہے ہیں
شہر قصور میں سرعام پتنگ بازی و پتنگ سازی کی جا رہی ہے جس پہ پولیس کی جانب سے چند ایک افراد کو پکڑا گیا تاہم مکمل کاروائی عمل میں نہیں لائی جا رہی جس کے باعث سرعام پتنگ بازی کی ہو رہی ہے
شہریوں نے ڈی پی او قصور آر پی او شیخوپورہ ریجن اور آئی جی پنجاب سے نوٹس لے کر نہ صرف پتنگ بازی کی روک تھام کا مطالبہ کیا ہے بلکہ اس کام میں معاونت کرنے والے اور سست روی کا شکار پولیس اہلکاروں کے خلاف کاروائی کا بھی مطالبہ کیا گیا ہے

قصور
ایک ہی دن مذہبی جماعتوں کے دو کارکنان قتل،تحقیات کرنے اور ملزمان کو جلد سے جلد گرفتار کرنے کا مطالبہ

تفصیلات کے مطابق پرسوں ایک ہی دن میں دو جوان کارکنان مذہبی جماعت کو بیدردی سے قتل کیا گیا جس پہ علاقے میں سخت خوف و ہراس پایا جا رہا ہے
پرسوں عبدالرحمن ناصر ولد مولانا شکیل الرحمن ناصر راہنما مرکزی جمیعت اہلحدیث پاکستان کو پتوکی کے علاقے بھائی کوٹ کے نزدیک قتل کیا گیا جبکہ دوسرا واقعہ قصور کے نواحی قصبے کھڈیاں کے نزدیک پیش آیا جس میں پاکستان مرکزی مسلم لیگ کے کارکن امجد علی
کو گولی مار کر قتل کیا گیا
واضع رہے کہ قتل ہونے والے دونوں جوانوں کا تعلق مذہبی جماعتوں سے تھا
گزشتہ سال سے ابتک مذہبی جماعتوں کے کئی کارکنان کو قتل کیا گیا ہے جس پہ لوگوں میں سخت تشویش پائی جا رہی ہے
لوگوں نے آئی جی پنجاب ڈاکٹر عثمان اور ڈی پی اور قصور طارق عظیم سندھو سے ملزمان کی جلد سے جلد گرفتاری اور اصل حقائق سامنے لانے کی استدعا کی ہے

قصور
انسپیکٹر نے سرعام ایک شحض کو تھپڑ مارے،ویڈیو سوشل میڈیا پہ وائرل،عوام کا انسپیکٹر کے خلاف سخت کارروائی کا مطالبہ

تفصیلات کے مطابق گزشتہ دن قصور کی تحصیل پتوکی کے تھانہ سٹی پتوکی میں تعینات اے ایس آئی لیاقت علی نے شہری کو سرعام تھپڑ مارے جس کی ویڈیو سوشل میڈیا پہ وائرل ہوئی اور لوگوں نے اے ایس آئی کے خلاف سخت سے سخت کاروائی کا مطالبہ کیا
جس پہ ڈی پی او قصور نے نوٹس لیتے ہوئے ڈی ایس پی پتوکی کو میرٹ پہ کاروائی کرنے کا حکم جاری کیا اور کہا کہ
کسی بھی شہری سے بدتمیزی اور تشدد ہرگز برداشت نہیں کیا جائے گا جو پولیس اہلکار اس کا مرتکب ہو گا اسے قانونی کاروائی کا سامنا کرنا پڑے گا
عوام کی جانب سے مطالبہ ہے کہ ملزم پولیس اہلکار کے خلاف سخت کاروائی کی جائے تاکہ کوئی بھی شحض خود کو قانون سے بالاتر نا سمجھے اور لوگوں کو قرار واقعی احساس ہو کہ پولیس عوام کی محافظ ہے
شہریوں کا کہنا ہے کہ اگر محض باتوں تک بیان محدود رہا تو لوگوں کا پولیس سے اعتبار اٹھا اعتبار بحال نا ہو سکے گا

قصور
غنڈہ گرد عناصر کا خاتون ٹیچرپر پر تشدد ،خاتون ٹیچر کے چہرے پر تھپڑوں کی بارش کر دی،ملزمان کو پکڑنے کا مطالبہ

تفصیلات کے مطابق قصور کے نواحی قصبے مصطفی آباد للیانی کے نواحی گاؤں تھہ دیال سنگھ میں تعینات خاتون ٹیچر اسرا حفیظ نے میڈیا سے بات کرتے ہوئے بتایا کہ گورنمنٹ گرلز سکول تھہ دیال سنگھ میں تعینات ہوں۔آج زوہیب اپنی بہن زیبا کی سکول سے چھٹی لینے کیلئے بغیر اجازت گرلز کلاسز میں چلا گیا جس پر میں نے اسے اپنے پاس بلایا اور بتایا کہ بچی پہلے ہی بہت زیادہ چھٹیاں کرتی ہے اور پیپرز کے دوران چھٹی دینے سے بچوں کے رزلٹ پر بھی برا اثر پڑتا ہے۔جس پر زوہیب غصے میں آگیا کر دھمکیاں اور گالم گلوچ کرتے ہوئے وہاں سے چلا گیا
چھٹی کے وقت جب میرے والد صاحب مجھے لینے کیلئے آئے تو زوہیب اپنے چار،پانچ ساتھیوں سمیت دوبارہ آگیا اور آتے ہی مجھ سے اور میرے والد سے گالم گلوچ شروع کر دی اس کے بعد زوہیب نے مجھے زدوکوب کیا، مجھے اور میرے بوڑھے والد کو بے تحاشا تھپڑ مارے
علاقہ مکینوں نے بڑی مشکل سے میری اور میرے والد کی جان چھڑوائی
پرنسپل گورنمنٹ سکول تھہ دیال سنگھ سے اعلیٰ حکام سے کاروائی اور تحفظ کی اپیل کی ہے
علاوہ ازیں پولیس نے مقدمہ درج کر کے ملزمان کی تلاش شروع کر دی

قصور
الیکشن گیا تو بجلی بھی گئی،الیکشن دنوں میں مہمان کی طرح آرام پہنچانے والی بجلی نے جانا اور آنا شروع کر دیا،الیکشن سدا ہی رہے تو اچھا ہے معصوم عوام کی خواہش

تفصیلات کے مطابق قصور ضلع بھر میں الیکشن سے قبل لوڈشیڈنگ نے لوگوں کی چیخیں نکلوا رکھی تھیں سخت سردی کے دنوں میں جب لوڈ نا ہونے کے برابر تھا،تب گھنٹوں بجلی بند رکھی جاتی تھی جس پہ عوام نے پرزور مطالبے کئے تاہم کوئی شنوائی نا ہوئی مگر جیسے جیسے الیکشن کے دن قریب آتے گئے غیبی امداد کی طرز پہ لوڈشیڈنگ میں کمی ہوتی گئی حتی کہ الیکشن سے ایک ہفتہ قبل سے الیکشن دن سے دو چار روز بعد تک بجلی مہمان کی طرح لوگوں کو آرام پہنچاتی رہی اور عوام نے گمان کرنا شروع کر دیا کہ شاید اب لوڈشیڈنگ نا ہوگی تاہم دو تین دن سے جب کہ الیکشن کی بازگشت بہت کم رہ گئی ہے،لوڈشیڈنگ نے لوگوں کو یاد کروا دیا کہ مہمان کبھی بھی جا سکتا ہے
سو اب ایک بار پھر سے بجلی جانے اور آنے کا سلسلہ شروع ہو گیا جس کے بابت گمان ہے کہ گرمی کیساتھ لوڈ بڑھنے سے 24 گھنٹوں میں شاید دو چار گھنٹے ہی بجلی ملا کرے گی
معصوم اور سادا لوح عوام نے سوچنا شروع کیا ہے کہ اگر بجلی الیکشن دنوں میں رہنا لازم ہے تو سدا الیکشن ہی رہنے دیں تاکہ لوگ بجلی سے محروم تو نا رہیں

قصور
نامعلوم چور مزار کی قبر کی کھدائی کرگئے،دیگ کے نشانات،اہل علاقہ میں تشویش

تفصیلات کے ضلع قصور کے گاؤں نجابت میں گزشتہ دن ایک دربار کی قبر کو نا معلوم لوگوں نے کھودا جس سے بہت بڑے گڑھے پڑ گئے
اہلیان علاقہ کے مطابق بابا واد شہید کے مزار میں ان کی قبر کی کھدائی ہوئی دیکھی گئی جس سے لوگوں کو گمان ہوتا ہے کہ یہاں قبر کے آثار نہیں ملتے
تاہم گمان کیا جا رہا ہے کہ یہاں قیمتی زیورات سونا چاندی وغیرہ تقسیم ہند کے وقت چھپایا گیا ہو گا جسے نامعلوم لوگ اکھاڑ کر لے گئے ہیں
کھدائی کی جگہ پہ دیگ نما دو گھڑہوں کے نشان پائے گئے ہیں
اس واردات پہ اہلیان علاقہ سخت تشویش کا شکار ہیں
واضع رہے کہ تقسیم سے قبل قصور ضلع سکھ اقلیت کی آماجگاہ تھا
نیز اس سے قبل کچھ سال پہلے بھی قصور کے نواحی گاؤں کھارا کے مزار بابا بیلی رام اور موضع اوراڑہ کے دربار بابا راجہ رام کے مزاروں کی کھدائی کی جا چکی ہے

قصور
ڈرائیونگ لائسنس ہولڈرز ٹریفک پولیس سے اپیل،خدارا چار ماہ سے ری نیو کروائے جانے والے لائسنس پہنچا دو،

تفصیلات کے مطابق قصور میں لرنر ڈرائیونگ لائسنس تو بن رہے ہیں مگر چار ماہ قبل ری نیو کروائے جانے والے لائسنس ہولڈرز کو ابھی تک ان کے لائسنس نہیں مل سکے بیشتر
ڈرائیونگ لائسنس ہولڈرز کی طرف سے بتایا گیا ہے کہ گزشتہ سال نومبر میں اپنے لائسنس ری نیو کروائے جانے کے باوجود بھی لائسنس نا ملے ہیں
حالانکہ ڈرائیونگ لائسنس برانچ کی جانب سے شہریوں کو لائسنس ری نیو کروائے جانے پہ کہا جاتا ہے کہ ایک ماہ تک آپ کے گھر والے ایڈریس پہ بزریعہ ڈاک لائسنس پہنچ جائے گا جس کے 180 روپیہ الگ سے وصول کئے گئے تاہم بیشتر شہریوں کی طرف سے بتایا گیا کہ ابھی تک لائسنس نہیں مل سکے ہیں

شہریوں نے پنجاب پولیس اور لائسنس پرنٹ کرنے والی انتظامیہ سے استدعا کی ہے کہ جلد سے جلد ہمارے پرنٹ شدہ ری نیو ڈرائیونگ لائسنس ہمیں ہمارے گھروں میں بذریعہ ڈاک بھجوائے جائیں

قصور
الیکشن 2024 کیلئے ووٹنگ کل ہو گی ،آج رات سامان پہنچا دیا جائے گا،فوج،پولیس و دیگر عملہ تعینات ہو گا

تفصیلات کے مطابق ملک بھر کی طرح ضلع قصور میں بھی کل عام انتخابات 2024 کیلئے پولنگ ہو گی جس میں فوج،پولیس و دیگر انتخابی عملہ حصہ لے گا
انتخابی عملے کو پولنگ سٹیشنوں پہ آج رات سامان پہنچا دیا جائے گا
اور کل صبح سے قبل از شام ووٹنگ ہو گی

کل رات سے جلسے جلوسوں کی مدت ختم ہونے کے باعث امیدوار اپنے اپنے ووٹرز اور سپورٹرز کو بذریعہ کال اور خود جا جا کر یاددہانی کروا رہے ہیں

قصور میں ن لیگ اور پی ٹی آئی کے مابین کانٹے دار مقابلہ ہو گا تاہم اس بار مذہبی جماعتوں میں سے پاکستان مرکزی مسلم لیگ ،تحریک لبیک پاکستان اور جماعت اسلامی کے بھی مضبوط امیدوار ہونے کے باعث مقابلہ مذید سخت ہو گا تاہم اس بار ووٹ کے بائیکاٹ اور مذہبی جماعتوں کو ووٹ دینے والوں کی بڑی تعداد بھی کافی سامنے آ رہی ہے