قصور
چونیاں نادرا آفس میں عملہ محدود،ٹوکن دینے والا بھی گھنٹوں غائب،لوگ پریشان
تفصیلات کے مطابق قصور کی تحصیل چونیاں کے نادرا آفس سے لوگ سخت پریشان ہیں
دفتر میں عملہ انتہائی کم ہے جس کے باعث کام سست روی سے ہوتا ہے
اکثر و بیشتر ٹوکن دینے والی سیٹ بھی گھنٹوں خالی رہتی ہے جس کے باعث لوگوں کو شدید مشکلات کا سامنا کرنا پڑتا ہے
گرمی و حبس کے باعث لوگوں کا کھڑے ہونا محال ہے
بسا اوقات پنکھے بھی نہیں چلتے جس سے لوگوں کی مشکلات میں مذید اضافہ ہو رہا ہے
شہریوں کا کہنا ہے کہ اتنی زیادہ آبادی والی تحصیل کیلئے عملہ بہت کم ہے اور جو ہے بھی وہ اکثر غائب رہتا ہے جس سے شہریوں کو بار بار چکر لگانے پڑتے ہیں
شہریوں نے ڈپٹی کمشنر قصور سے مطالبہ کیا ہے کہ عملے کو بڑھایا جائے اور غائب رہنے والے اہلکاروں کے خلاف کارروائی کی جائے
