Tag: baaghi

قصور
کم عمر رکشہ ڈرائیوروں کے ساتھ کوئی رعایت نہیں برتی جائے گی ،ایک دفعہ ان کے والدین کو بلا کر وارننگ دے دی جا چکی ہے،انچارج ٹریفک پولیس قصور کاشف نذیر چوہدری
تفصیلات کے مطابق
صحافیوں سے گفتگو کرتے انچارج ٹریفک پولیس قصور کاشف نذیر چوہدری نے بتایا کہ روز بروز بڑھتے ہوئے حادثات کی سب سے بڑی وجہ کم عمر رکشہ ڈرائیور ہیں جو کہ ابھی شناختی کارڈ کے حامل بھی نہیں ہوتے اور رکشے چلا کر کی زندگیوں کے ساتھ کھیلتے ہیں نیز یہ کم عمر رکشہ ڈرائیور ڈرائیونگ قوانین سے مکمل نہ واقف ہوتے ہیں
اسی لئے ہم نے کم عمر رکشہ ڈرائیوروں کو پکڑ کر ان کے والدین کو بلا کر اچھی طرح وارننگ دی ہے اور سخت وارننگ دی ہے کہ اگر دوبارہ کوئی بھی کم عمر رکشہ ڈرائیور پکڑا گیا جس کے پاس ڈرائیونگ لائسنس نہ ہوا تو اس کو بھاری جرمانہ کیا جائے گا اور ایف آئی آر بھی کاٹی جائے گی
ممکنہ حادثات کے پیش نظر کسی قسم کی کوئی رعایت نہیں برتی جائے گی اور اس پر عمل درآمد کروانے کے لیے ہمیں عوام اور نو عمررکشہ ڈرائیور ان کے والدین کے بھرپور تعاون کی ضرورت ہے
کاشف نذیر چوہدری انچارج ٹریفک پولیس قصور مصطفی آباد نے کہا میرا مشن قصور شہر کی ٹریفک کو انتہائی پر امن اور حادثات سے پاک کرنا ھے کیونکہ اکثر ٹریفک حادثات کم عمر ڈرائیوروں کی لاپرواہی کی وجہ سے ہوتے ہیں جو مجھے کسی قیمت پر قبول نہیں ھیں

قصور
مضر صحت غیر معیاری پانی سے بنی برف کی فروخت جاری،قیمت بھی ڈبل کر دی گئی،ضلعی انتظامیہ خواب خرگوش کے مزے میں

تفصیلات کے مطابق ضلع قصور میں گرمی کی شدت کے باعث برف کی مانگ میں اضافہ ہو گیا ہے
برف بنانے والے کارخانوں نے بغیر واٹر فلٹریشن پلانٹس کے عام پانی سے ہی برف بنا کر بیچنا شروع کی ہوئی ہے
نیز پرانے سانچوں کے باعث برف میں گندگی و زنگ بھی لوگوں تک پہنچتا ہے جس کے استعمال سے لوگ مختلف بیماریوں کا شکار ہو رہے ہیں
برف کی مانگ میں اضافے کے پیش نظر بیشتر برف کے کارخانوں نے فی بلاک کا ریٹ 350 سے بڑھا کر 650 روپیہ تک کر دیا ہے
ضلعی انتظامیہ کی نااہلی کے باعث لوگ غیر معیاری برف انتہائی زیادہ قیمت پر خریدنے پر مجبور ہیں
شہریوں نے ڈپٹی کمشنر قصور سے اپیل کی ہے کہ برف کے کارخانوں کو واٹر فلٹریشن پلانٹس لگانے کا پابند کیا جائے اور برف کے ریٹ کم کروائے جائیں

قصور
ڈپٹی کمشنر قصور کی زیر صدارت ڈسٹرکٹ ڈیزاسٹر مینجمنٹ اتھارٹی کا اجلاس،ضلعی حکومت کی طرف سے ممکنہ سیلاب کے خطرء سے نمٹنے کے اقدامات تیز کرنے کی ہدایات

تفصیلات کے مطابق گزشتہ دن ڈپٹی کمشنر قصور محمد ارشد بھٹی کی زیر صدارت ڈسٹرکٹ ڈیزاسٹر مینجمنٹ اتھارٹی کا اجلاس ہوا جس میں ضلعی انتظامیہ کی طرف سے ممکنہ سیلاب کے خطرے کے پیش نظر اقامات کا جائزہ لیا گیا
ڈپٹی کمشنر قصور نے ریسکیو 1122 و چاروں تحصیلوں کے اے سی صاحبان کو حکم جاری کیا کہ کسی بھی ناگہانی صورتحال سے نمٹنے کیلئے ہر وقت تیار رہا جائے اور ریسکیو گاڑیوں کو مکمل فٹ رکھا جائے تاکہ بروقت کام باآسانی کیا جا سکے
نیز میونسپل کمیٹی کے عملے کو حکم جاری کیا گیا کہ ندی نالوں کی صفائی کے علاوہ نکاسی آب کے مسائل کو فوری دور کیا جائے اور تمام چیف آفیسرز سارے کام کی نگرانی خود کریں کسی بھی قسم کی کوئی بھی کمی کوتاہی ہرگز برداشت نہیں کی جائے گی

قصور
دو روزہ برسات سے سارا قصور شہر دریا کا منظر پیش کرتا رہا،پانی لوگوں کے گھروں،دفتروں،دکانوں میں داخل ہونے سے کروڑوں روپیہ کا نقصان

تفصیلات کے مطابق جمعرات سے جمعہ تک ہونے والی دو روزہ برسات کے باعث سارا قصور شہر دریا کا منظر پیش کرتا رہا
کئی گھنٹے سڑکیں پانی کے باعث دریا میں تبدیل ہوئی رہیں
برسات کا پانی لوگوں کے گھروں،دفتروں اور دکانوں میں داخل ہونے سے شہریوں کی کروڑوں روپیہ کی اشیاء خراب ہو گئیں
برسات ختم ہونے کے باوجود شہر کی بیشتر گلیاں تالاب کا منظر پیش کر رہی ہیں
شہریوں کو گلیوں بازاروں سے گزرنے میں مشکلات کا سامنا ہے جبکہ مون سون بارشوں کا سلسلہ تیز ہونے کا امکان بھی موجود ہے

قصور
ڈسٹرکٹ پولیس کی جرائم پیشہ عناصر کے خلاف کاروائیاں جاری،ضلع بھر سے 46 ملزمان گرفتارچونیاں میں سنگین وارداتوں میں ملوث بابری ڈکیت گینگ کے تین کارندے گرفتار

تفصیلات کے مطابق ڈسٹرکٹ پولیس قصور کی جرائم پیشہ عناصر کے خلاف کاروائیاں جاری ہیں جس کے نتیجہ میں عید کے دوران ضلع بھر میں مختلف کاروائیوں میں 46 ملزمان کو گرفتار کیا گیا ہے
تھانہ صدر چونیاں پولیس نے کاروائی کرتے ہوئے بدنام زمانہ خطرناک بابری ڈکیت گینگ کے تین کارندوں کو گرفتار کیا ہے
اسی ڈکیت گینگ نے رواں سال 24 مارچ کو دوران ڈکیتی مزاحمت کرنے پر 4 بچوں کے باپ قاری محمد آصف کو قتل کر دیا تھا
ملزمان سے ناجائز اسلحہ و مال مسروقہ بھی برآمد کر لیا گیا ہے
ملزمان سے مذید تفتیش جاری ہے

قصور
پھولنگر کی نجی ٹائلز مل میں کرنٹ لگنے سے نوجوان جان کی بازی ہار گیا،حادثہ مل انتظامیہ کی غفلت کے باعث پیش آیا

تفصیلات کے مطابق ضلع قصور کی تحصیل پتوکی کے شہر پھولنگر کے نواح سراں اڈا میں واقع پاکستان ٹائلز مل کی غفلت کے باعث گزشتہ روز مل کا غریب ملازم جواں سالہ طالب حسین کرنٹ لگنے سے زندگی کی بازی ہار گیا
متوقی انتہائی غریب اور اپنے گھر کا واحد کفیل تھا
متوفی کے پسماندگان میں 4 بچے، بیوہ کے علاوہ بوڑھے ماں باپ شامل ہیں
متوقی کی وفات پر پورے علاقے میں سوگ کی کیفیت ہے

قصور
ڈسٹرکٹ پولیس کے ملازم نے ایمانداری کی اعلی مثال قائم کر دی،شہری کے گرے ہوئے 60 ہزار واپس لوٹا دیئے

تفصیلات کے مطابق ڈسٹرکٹ پولیس قصور کے نائب قاصد عبدالرزاق جٹ نے ایمانداری کی ایک اعلی مثال قائم کر دی جس سے ضلع قصور کی عوام کیساتھ قصور پولیس کا بھی سر فخر سے بلند ہو گیا ہے
گزشتہ روز نیشنل بینک چوک قصور میں عبدالرزاق کو 60 ہزار روپیہ کی رقم گری ہوئی ملی جس کیساتھ ایک شناختی کارڈ بھی تھا
عبدالرزاق نے انتہائی ایمانداری کا مظاہرہ کرتے ہوئے شہری کو تلاش کرکے اس کی گری ہوئی واپس کر دی
شہری نے عبدالرزاق کا شکریہ ادا کیا اور دعائیں دیں

قصور
شہری کی درخواست بغیر کاروائی کینسل،مذکورہ،شہری کا ڈی پی او قصور سے از خود نوٹس لے کر کاروائی کا مطالبہ

تفصیلات کے مطابق ضلع قصور کی تحصیل چونیاں کے قصبے الہ آباد نیو اقبال ٹاؤن کے رہائشی شفقت حسین ولد محمد رمضان قوم آرائیں نے بتایا کہ میں 29 جون بوقت 10 بجے اپنے گھر کے باہر کھڑا تھا کہ میرے ہمسائے فتح دین ولد قاسم کے جانور ہمارے پودوں کو کھانے لگے جس پر میں نے اسے جانوروں کو منع کرنے کا کہا تو اس نے مجھے ڈنڈوں سے بے دردی سے مارا پیٹا اور سنگین نتائج کی دھمکیاں دیں تو میں نے تھانہ الہ آباد میں درخواست دائر کی اور مجھے میڈیکل رپورٹ لانے کا کہا گیا جس کیلئے میں اسی دن ہسپتال پہنچا اور اپنی میڈیکل رپورٹ جمع کروا دی
مذکورہ شحض کا کہنا ہے کہ میری درخواست کے باوجود پولیس نے ملزم کو گرفتار نا کیا اور الٹا 5 جولائی کو میری درخواست کینسل کر دی گئی ہے جو کہ سراسر زیادتی ہے
مزکورہ شحض نے ڈی پی او قصور محمد صہیب اشرف سے ازخود نوٹس لے کر کاروائی کرنے کا مطالبہ کیا ہے