Tag: baaghi

قصور
ضلعی انتظامیہ کی نااہلی یا ملی بھگت،نیو بس ٹرمینل کے قریب میرج ہالوں نے گرین بیلٹ کو ذاتی ملکیت سمجھ کر پارکنگ اسٹینڈ بنا لیا،عوام سخت پریشان،ڈی سی قصور سے نوٹس کی اپیل

تفصیلات کے مطابق قصور نیو بس ٹرمینل کے سامنے فیروز پور روڈ کے گرین بیلٹ کو میرج ہال انتظامیہ نے پارکنگ اسٹینڈ بنا لیا ہے جس کے باعث گرین بیلٹ کے پودے و درخت تباہ ہو گئے ہیں اور عوام کو گزرنے میں بھی دقت کا سامنا کرنا پڑتا ہے
جبکہ اس ساری صورتحال پر ضلعی انتظامیہ نے آنکھوں پر پٹی باندھ رکھی ہے جس کے باعث لوگ سوچنے پر مجبور ہیں کہ یہ سب کچھ انتظامیہ کی ملی بھگت سے ہو رہا ہے

شہریوں نے ڈپٹی کمشنر قصور سے سرکاری اراضی کو نجی استعمال کے خلاف نوٹس لے کر فوری کارروائی کا مطالبہ کیا ہے

قصور
معروف سوشل میڈیا ایکٹیویسٹ و سماجی کارکن الہ آباد قصور ساجد مقبول کے والد محمد مقبول مرحوم کی نماز جنازہ موضع مستووال میں ادا کر دی گئی

تفصیلات کے مطابق قصور کی تحصیل چونیاں کے قصبہ الہ آباد کے معروف سوشل میڈیا ایکٹیویسٹ و سماجی کارکن ساجد مقبول کے والد محمد مقبول قضائے الہیٰ سے وفات پا گئے تھے جن کی نماز جنازہ آج صبح 11 بجے الہ آباد کے قریبی گاؤں مستوال میں مولانا عبدالجبار مدرس و معلم جامع مسجد حفصہ الہ آباد نے مستوال کے قبرستان میں پڑھائی
مرحوم کی نماز جنازہ میں دور دراز سے لوگوں نے شرکت کی
مرحوم انتہائی دیندار اور شریف النفس انسان تھے ان کی وفات پر پورے علاقے کے لوگوں کی آنکھیں پرنم ہیں اور لوگ مرحوم کی مغفرت کیلئے دعاگو ہیں

قصور
بیٹیاں اللہ کی رحمت اور جہنم سے ڈھال ہیں،سانحہ میانوالی انتہائی قابل مذمت ہے ،قوم ماہ شعبان میں زیادہ سے زیادہ عبادات کرے،علامہ احسان اکبر ظہیری

تفصیلات کے مطابق الہ آباد قصور کے معروف نوجوان عالم دین علامہ احسان اکبر ظہیری فاضل کنگ سعود یونیورسٹی سعودی عربیہ نے سانحہ میانوالی کی مذمت کرتے ہوئے کہا کہ بیٹیاں تو اللہ کی رحمت اور جہنم سے ڈھال ہیں
میانوالی میں نومولود بچی کو قتل کرنے والے ملزم باپ کو سخت سے سخت سزا دی جائے تاکہ آئندہ کوئی درندہ ایسی جرآت نا کر سکے
علامہ احسان اکبر ظہیری نے ماہ شعبان کی حرمت بیان کرتے ہوئے کہا کہ یہ بہت زیادہ برکتوں اور اجر و ثواب والا مہینہ ہے پوری قوم کو اس مہینے میں زیادہ سے زیادہ عبادات کرنی چائیے تاکہ ہم پر اللہ کا خاص فضل و کرم نازل ہو
نیز انہوں نے کہا کہ مملکت خداداد پاکستان ناقابل تسخیر ہے یہ ملک قیامت تک قائم رہے گا عالم کفر اس کے خلاف جو بھی کوششیں کرلے ان شاءاللہ ناکامی اس کا مقدر ٹھہرے گی
نیز انہوں نے کہا کہ ہر پاکستانی شہری کو بنائے گئے ریاستی قانون کا احترام کرنا چائیے تاکہ معاشرے میں امن و امان اور بھائی چارے کی فضاء قائم رہے
ان کا کہنا ہے کہ آنے والا ماہ مقدس رمضان بہت برکتوں اور عظمتوں والا ہے جس میں ہر فعل کا ثواب کئی گنا بڑھ جاتا ہے لہذہ گورنمنٹ عوام کو اس ماہ کیلئے خاص ریلیف دے اور ذخیرہ اندوزی کرکے لوگوں کو پریشان کرنے والوں کو قانون کے مطابق سزا دے

قصور
ماہ شعبان کی آمد کے ساتھ ہی پٹاخوں کی سرعام فروخت میں اضافہ،گلیوں بازاروں میں بچے اور منچلے نوجوان لوگوں کو ڈرانے کیلئے پاؤں میں پٹاخے پھینکنے لگے،لڑائیاں روز کا معمول

تفصیلات کے مطابق قصور ضلع بھر میں ماہ شعبان کی آمد کیساتھ ہی پٹاخوں کی سرعام فروخت میں بے پناہ اضافہ ہو چکا ہے
بچے اور منچلے نوجوان گلیوں بازاروں میں لوگوں کو ڈرانے کیلئے پاؤں میں پٹاخے پھینک کر بھاگ جاتے ہیں جس کے باعث لڑائیاں بھی ہو رہی ہیں اور انجائنا ،اینگزائٹی و دیگر امراض کے مریض سخت پریشان ہیں
حتی کہ نمازوں کے اوقات میں بھی ان پٹاخوں کی آواز نہیں رکتی جس سے نمازیوں کو مشکلات کا سامنا ہے
دن کی شروعات سے رات کے اختتام تک پٹاخوں کی آوازیں لوگوں کو پریشان کئے رکھتی ہیں
شہریوں نے ڈی پی او قصور محمد صہیب اشرف سے درخواست کی ہے کہ پٹاخے بنانے والوں،بیچنے والوں اور چلانے والوں کے خلاف سخت سے سخت کاروائی کی جائے

قصور
عملہ صفائی کی نااہلی سے بیرون کوٹ عثمان خان، رڑا گجراں ،ریلوے اسٹیشن کے علاقے گندگی سے بھر گئے،ہر طرف تعفن اور بدبو

تفصیلات کے مطابق سٹی قصور کے علاقے رڑا گجراں،بیرون کوٹ عثمان خان اور ریلوے اسٹیشن قصور کے گلی محلے محمکہ صفائی کی نااہلی کے باعث گندگی سے بھر گئے ہیں
اہلیان علاقہ نے بتایا ہے کہ متعلقہ علاقے کا داروغہ اور عملہ صفائی ہفتہ میں ایک دن محض پیسے مانگنے آتے ہیں اگر ان کو صفائی کرنے کا کہا جائے تو صفائی کا وعدہ کرکے چلے جاتے ہیں تاہم صفائی ہفتہ ہفتہ نہیں کی جاتی جس کے باعث پورے علاقے میں تعفن پھیلی ہوئی ہے اور شہریوں کا جینا دشوار ہو چکا ہے
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

قصور
منی موٹر وے فیروز پور روڈ بمقام کاہنہ نو لاہور لاہوریوں اور قصوریوں کیلئے وبال جان،سڑک ہر روز دریا میں تبدیل رہتی ہے

تفصیلات کے مطابق منی موٹر وے فیروز پور روڈ کاہنہ کے مقام پر لاہوریوں اور قصوریوں کیلئے وبال جان بن چکا ہے
برسات ہو نا ہو مگر اس سٹاپ پہ سڑک پر ایک سے دو فٹ تک پانی کھڑے رہنا روز کا معمول ہے جس کی وجہ سیوریج سسٹم کا خراب ہونا ہے
بجائے سیوریج سسٹم کو درست کرنے کے پانی سڑک سے نکال دیا جاتا ہے جس کے باعث سڑک چند گھنٹے پانی سے خالی رہتی ہے مگر چند گھنٹوں بعد وہی صورتحال بن جاتی ہے جس کے باعث گاڑیوں کی قطاریں لگ جاتی ہیں اور ٹریفک جام ہو جاتی یے
یہ سلسلہ گزشتہ کئی ماہ سے چل رہا ہے مگر انتظامیہ نے اب تک کوئی کام نہیں کیا
واضع رہے کہ روزانہ ہزاروں لوگ قصور سے لاہور اسی سڑک سے آتے جاتے ہیں جن کو اس سٹاپ کے باعث کئی کئی گھنٹے ٹریفک میں پریشان ہونا پڑتا ہے

قصور
انٹرنیشنل بارڈر گنڈہ سنگھ کے علاقے گاؤں ساندہ چستانہ میں نالیوں کا گندہ پانی گلیوں اور بازاروں میں، گلیاں بازار تالاب کا منظر پیش کرنے لگے، انتظامیہ خاموش تماشائی

تفصیلات کے مطابق قصور کے نواحی گاؤں اور انٹرنیشنل بارڈر گنڈہ سنگھ کے قریبی علاقہ ساندہ چستانہ کے لوگ سخت اذیت میں مبتلا ہیں
اس گاؤں کی آبادی 17 ہزار کے قریب ہے مگر گاؤں کا سیوریج نظام بہت ہی خراب ہے جس کے باعث نالیوں کا پانی باہر راستوں اور گلیوں میں آجاتا ہے اور گلیاں بازار تالاب کا منظر پیش کرتے ہیں
ہر وقت گندہ پانی کھڑا ہونے سے گزرنے والے لوگوں اور نمازیوں کو بہت پریشانی کا سامنا کرنا پڑتا ہے
گندے پانی کی وجہ سے بہت موذی بیماریوں کے ساتھ ڈینگی جیسی موذی بیماری بھی پھیلنے کا خدشہ ہے
موضع ساندہ کےلوگوں کا کہنا ہے موجودہ حکومت نے وعدے تو بہت کئے مگر وعدے یفا نا ہوئے
گاؤں کے لوگوں نے ڈی سی قصور وزیراعلی پنجاب اور وزیرے اعظم سے مطالبہ کیا ہے کہ گاوں ساندہ چستانہ کی صفائی ستھرائی کروائی جائے تاکہ لوگ سکون کی زندگی گزار سکیں