Tag: #BaaghiTV #Strike #exclusive

اسپیکر قوی اسمبلی اسد قیصر اور ڈپٹی اسپیکر قاسم خان سوری کا دیوالی کے تہوار پر ہندو برادری کو مبارک باد

تفصیلات کے مطابق اسپیکر قومی اسمبلی اسدقیصر نے دیوالی کے پر مسرت موقع پر ہندو اراکین پارلیمنٹ اورہندو برادری کو مبارک باد دی ہے۔
اسپیکر قومی اسمبلی نے اس پر مسرت موقع پر خوشی کا اظہار کرتے ہوئے کہا کہ پاکستان مختلف مذاہب کے ماننے والوں کا مسکن ہے اور مختلف ثقافتوں کا آئینہ دار ہے یہاں تمام قومیتوں کے تہواروں کو بھرپور جوش وجذبے سے منایا جاتا ہے۔ انہوں نے ملک کی خوشحالی اور ترقی میں ہندو برادری کے خدمات کو سراہا۔

ڈپٹی سپیکر قومی اسمبلی قاسم خان سوری نے اس پر مسرت موقع پر ہندو ممبران قومی اسمبلی کو مبارک باد دی اور قومی ترقی، اتحاد اور یکجہتی کے لیے ہندو برادری کی خدمات کو سراہا۔

چیرمین سینیٹ محمد صادق سنجرانی نے دیوالی کے موقع پر ملک بھر کی ہندو برادری کو دلی مبارکباد دی ہے۔انہوں نے اپنے خصوصی پیغام میں کہا کہ آج کا دن نہ صرف ہمارے ملک کی ہندو برادری کے لیے بھر پور خوشی کا باعث ہے بلکہ ہم سب کو ایسے پر مسرت مواقع مل کر منانے اور بقاےء باہمی کےاصول تحت مل جل کر رہنے کے عزم کے اعادہ کا بھی دن ہے۔

انہوں نےکہا کہ ملک بھر میں رہنے والی ہندو برادری کی پاکستان کی تعمیر و ترقی اور خوشحالی کے لیے خدمات ناقابل فراموش ہیں۔چیرمین سینیٹ محمد صادق سنجرانی نے کہا کہ ہم پاکستان کی عوام اور ایوان بالا کی جانب سے ملک بھر میں رہنے والی ہندو برادری کو یقین دلاتے ہیں کہ ہماری خوشیاں اور غم مشترکہ ہیں۔پارلیمانی جمہوریت میں ہم تمام قومیتوں، برادریاں اور مزاہب ملکی ترقی کے مشترکہ ایجنڈے پر عمل پیرا ہیں

پاکستان میں تمام مزاہب اور اقلیتوں کو مکمل مذہبی آزادی کا حاصل ہونا دیگر ممالک میں رہنے والے افراد اور حکومتوں کے لیے مشعل راہ ہے۔
ہم پاکستان اور دنیا بھر کے ہندوؤں کو دیوالی کے پرمسرت موقع پر دل کی گہرائیوں سے مبارکباد پیش کرتے ہیں۔

گور نر پنجاب سےا سپیکر بلوچستان اسمبلی عبد القدوس بزنجو کی ملاقات ،عبد القدوس بزنجو کا گور نر کے ہمراہ گور نر ہائوس میں کورونا ہیروز وال کا بھی دورہ

گورنر پنجاب چوہدری محمد سرور نے کہا کہ اپوزیشن کے غیر آئینی مطالبات کو قوم کو دیکھ رہی ہے حکومت میں کون آئیگااس کا فیصلہ ووٹ کی طاقت سے ہی ہوگا ۔عوام جمہوریت ‘آئین وقانون کی حکمرانی اور حکومتی بیانہ کیساتھ ہیں ۔معاشی اور سفارتی سمیت ہر محاذ پر پاکستان کامیابی سے آگے بڑھ رہا ۔
30سالوں میں پہلی بار پنجاب میں انڈسڑی مکمل بحال ہو رہی ہے ۔ وفاقی اور پنجاب حکومت بلوچی بھائیوں کیساتھ متحد کھڑی ہے ۔ایل اوسی پربمباری بدترین بھارتی دہشت گردی ہے ۔ بھارت خطے میں امن کیلئے سب سے بڑاخطر ہ ہے دنیا نوٹس لے ۔

گور نر پنجاب اور اسپیکراسمبلی کی ایل اوسی پربھارتی افواج کی بمباری کی شدید مذمت ،سپیکر نے گور نرپنجاب کے بلوچی طلباء کے لیے تاریخی سکالر شپ پروگرام کو بھی سراہا ،بلوچستان کی ترقی اور خوشحالی کے لئے سب کو ملکر کام کرنا ہوگا ۔صحت اورتعلیم کے شعبے میں بلوچستان میں بھر پورتوجہ کی ضرورت ہے ۔ پاکستان کی مضبوطی کیلئے بلوچستان کی مضبوطی بھی ضروری ہے ۔

سینیٹر رحمان ملک کا بھارت کیطرف سے لائن آف کنٹرول کی مسلسل خلاف ورزی و بیگناہ شہریوںں اور پاک فوج کے جوانوں کی شہادت پر شدید غم و غصے کا اظہار سینیٹر رحمان ملک نے کہا کہ بھارت کیطرف سے اشتعال انگیز فائیرنگ میں پاک آرمی کے شہیدوں کو خراج تحسین پیش کرتا ہوں،
بھارت نے جنوری 2019 سے اب تک 3000 سے زیادہ مرتبہ لائن آف کنٹرول کی خلاف ورزیاں کی ہیں،

مودی چھ ریاستوں میں بدترین شکست سے توجہ ہٹانے کیلئے ایل او سی پر حالات کشیدہ کرنے کی کوشش کر رہا ہے، بھارتی افواج مسلسل شہری آبادی کو بھاری اسلحہ سے نشانہ بنا رہی ہیں، بھارت کی طرف سے بلااشتعال فائرنگ کیوجہ سے اب تک ہزاروں بیگناہ شہریوں کی شہادتیں ہوئے ہیں،

پاک فوج بھارتی جارحیت کی منہ توڑ جواب دینے کی بھرپور صلاحیت رکھتی ہے، بھارت علاقائی امن و امان کو خراب کرنی کی بھرپور کوشش کر رہا ہے،
اقوام متحدہ مودی جارحیت و کشمیر میں مظالم کا نوٹس لے،