Tag: Corona

قصور
33 سالہ خاتون کا کرونا پازیٹو جبکہ اس کے خاوند کا نیگیٹو علاقہ سیل
تفصیلات کے مطابق قصور کے محلے کوٹ حلیم خان میں کل ایک مشتبہ کیس سامنے آیا تھا جس کا کرونا ٹیسٹ پازیٹیو `نے پر اس سارے محلے کوٹ حلیم خان قصور کو سیل کیا جا چکا ہے جبکہ قصور بھر میں لاک ڈاؤن کو مذید سخت کر دیا گیا ہے ڈبل سواری موٹر سائیکلوں کو تھانوں میں بند کیا جا رہا ہے

قصور
نواحی گاؤں جوڑا کے رہائشی 2 دن قبل فوت ہونے والے 70 سالہ بزرگ کی لاش ہسپتال انتظامیہ نے واپس نا کی
تفصیلات کے مطابق قصور نور پور کے نواحی گاؤں جوڑا کے رہائشی 70 سالہ بزرگ بابا محمد صادق کمبوہ کچھ عرصے سے بیمار تھے اور ان کی ایک ٹانگ میں گہرا زخم تھا جس کی بدولت انہیں چند دن قبل بھٹی انٹرنیشنل ہسپتال قصور لایا گیا جہاں دو دن علاج کرنے کے بعد ہسپتال انتظامیہ نے کہا کہ ان کے زخم کا آپریشن کرنا پڑے گا جس کیلئے مریض کو جنرل ہسپتال لیجانا پڑے گا جس پر ورثاء بابا جی کو جنرل ہسپتال لاہور لے گئے جہاں دو تین زیر علاج رہنے کے بعد پرسوں بابا جی فوت ہوگئے تاہم ہسپتال انتظامیہ نے لاش ورثاء کو دینے سے انکار کر دیا اور کہا کہ ان کا کرونا کا ٹیسٹ کلیئر آنے کے بعد لاش دی جائے گی جبکہ نمائندہ باغی ٹی وی سے گفتگو کرتے ہوئے ورثاء نے کہا کے ہمارے مریض کو کسی قسم کی کھانسی بخار و سانس کا مسئلہ نہیں تھا بلکہ ان کی ٹانگ پر پھوڑے نما زخم تھا لہذہ ہسپتال انتظامیہ جلد سے جلد ٹیسٹ کرکے لاش ہمارے حوالے کرے تاکہ ہم اپنے بزرگ کی تدفین کر سکیں

قصور
کوٹ حلیم خاں قصور میں کرونا کی مشتبہ مریضہ سامنے آگئی جسے ریسکیو اہلکاروں نے ہسپتال پہنچا دیا
تفصیلات کے مطابق رات گئے ریکسیو کو اطلاع ملی کے کوٹ حلیم خان میں ایک مشتبہ مریض ہے جسے کرونا کا مرض ہو سکتا ہے اطلاع ملتے ہی ریکسیو قصور کے اہلکاروں نےپولیس کی بھاری نفری کی موجودگی میں مریضہ کو تشویشناک حالت میں ہسپتال منتقل کر دیا
مریضہ کے اہلخانہ کے مطابق مریضہ کو 25 دن سے کھانسی اور بخار تھا جسے گھر والوں نے پچھلے دو دن سے علیحدہ کمرے میں رکھا ہوا تھا مگر اب رات سے مریضہ کو سانس لینے میں شدید دشواری کا سامنا کرنا پڑ رہا تھا
پولیس اہلخانہ سے مزید پوچھ گچھ کرنے میں مصروف

قصور
شہر کی وسطی آبادی شیر شاہ کوٹ قتل گڑھی میں گدھوں کے اسطبل ، بھینسوں کے باڑے اور مردہ جانوروں کی غلاظت بھری پوچھلوں کے گودام کیوجہ سے ڈینگی مچھروں کی افزائش سے علاقہ مکین پریشان نیزکرونا وائرس کا بھی شدید خطرہ لوگ مختلف بیماریوں میں مبتلا ہونے لگے محکمہ صحت، محکمہ ماحولیات، میونسپل کارپوریشن، مقامی انتظامیہ خاموش تماشائی

تفصیلات کے مطابق شہر کے وسط میں آبادی شیر شاہ کوٹ قتل گڑھی نزد تنویر آئس فیکٹری گلی میں کچھ لوگوں نے گدھوں کے اسطبل ، بھینسوں کے باڑہے اور مردہ جانوروں کی غلاظت بھری پوچھلوں کے گودام بنا رکھے ہیں نکاسی آب کا بھی کوئی انتظام نہیں گدہوں، بھینسوں، غلاظت بھری پوچھلوں کی ویسٹ منتقل کا کوئی بندوبست بھی نہیں بلکہ ساری گندگی گلی میں ہی پھینکی جارہی ہے جسکی وجہ سے تعفن پھیل رہا ہے پورا علاقہ ڈینگی مچھروں کے افزائش کی آماجگاہ بنا ہوا ہے اور کرونا وائرس کا بھی شدید خطرہ منڈلانے لگا ہے لوگ مختلف بیماریوں میں مبتلا ہونے لگے ہیں محکمہ صحت،محکمہ ماحولیات، میونسپل کارپوریشن، مقامی انتظامیہ خاموش تماشائی کاروائی کرنے سے قاصر مقامی آبادی کے مکینوں، عوامی، سماجی، فلاحی تنظیموں کے سربراہان اور ڈسٹرکٹ بار کے سینئر ووکلا نے وزیر اعلی پنجاب، وزیر بلدیات، وزیر صحت، وزیر ماحولیات و ارباب اختیار، ڈپٹی کمشنر، اسسٹنٹ کمشنر، میونسپل کارپوریشن اور مقامی انتظامیہ سے مطالبہ کیا ہے کہ فوری طور پر ان جگہوں کو سیل کیا جائے جرم کے مرتکب افراد کے خلاف کاروائی مقدمہ عمل میں لاتے ہوئے بھاری جرمانے عائد کئے جائیں جائیں[advanced_iframe src=”//www.tinywebgallery.com/blog/advanced-iframe” width=”100%” height=”600″]

قصور
ڈسٹرکٹ پبلک سکول میں قائم قرنطینہ سنٹر میں موجود 126 افراد کا کورونا ٹیسٹ منفی آیا
تفصیلات کے مطابق قصور ڈی پی ایس سکول آفیسر کالونی میں بنے قرنطینہ سنٹر میں تمام افراد کو گھر جانے کی اجازت دے دی گئی ھے جبکہ صرف 3 افراد کو مزید چار دن کے لئے قرنطینہ میں رکھا جائے گا چود اور وہ 14 دن مکمل ھونے کے بعد و ان کو بھی گھر جانے کی اجازتِ ہو گی

قصور
ضلع بھر میں لیسکو قصور کی طرف سے بلا تعطل بجلی کی فراہمی جاری
تفصیلات کے مطابق لاک ڈاؤن کی بدولت گورنمنٹ کی ہدایت پر عمل کرتے ہوئے لیسکو قصور کی طرف سے ضلع بھر میں صارفین کو بلا تعطل بجلی کی فراہمی کا سلسلہ جاری ہے جس کی بدولت کافی حد تک لوگ گھروں میں آرام سے بیٹھے ہیں ورنہ بجلی کی سپلائی معطل ہونے کے باعث لوگ گھروں سے باہر کا رخ کرتے ہیں لیسکو قصور دن رات کام کرتے ہوئے تمام فنی خرابی کو دور کرکے لوگوں کو بجلی فراہم کر رہی ہے تاہم لیسکو کی طرف سے بجلی چوری کو روکنے کیلئے چھاپے بھی مارے جا رہے ہیں

قصور
حکومتی حکم کی سرعام کھلم کھلا خلاف ورزی شب برات کے موقع پر حلوایئوں کی دوکانوں پر بے تحاشہ رش مضر صحت ناقص گھی میں حلوہ پوریاں لاغر گوشت سے تیار ٹکیاں اور کتلمہ بکتے رہے پورا شہر خلاف قانون پٹاخوں سے گونجتا رہا پولیس کنٹرول کرنے میں بری طرح ناکام بے بس رہی نقص امن کے خطرات منڈلاتے رہے
تفصیلات کے مطابق تھانہ اے ڈویژن، تھانہ بی ڈویزن اور تھانہ صدر قصور کے علاقوں اور شہر بھر میں حلوائی مضر صحت ناقص گھی سے حلوہ پوریاں اور لاغر گوشت سے ٹکیاں و کتلمہ بنا کر عوام کو سرعام لوٹتے رہے حلوائیوں کی دوکانوں پر بے تحاشہ رش رہا حکومتی پابندی کی خوب خلاف ورزی ہوتی رہی پورا شہر خلاف قانون پٹاخوں کی آوازوں سے گونجتا رہا مقامی پولیس، اے سی قصور یا اسپیشل مجسٹریٹس نے بھی شہر کا کوئی دورہ نہیں کیا کرونا وائرس کے خطرات کا شدید اندیشہ بھی رہا تا ہم پولیس خاموش تماشائی کنٹرول کرنے میں بری طرح ناکام اور بے بس رہی عوامی، فلاحی ،تنظیموں کے سربراہان اور ڈسٹرکٹ بار کے سینئر وکلاء نے مقامی انتظامیہ سے مطالبہ کیا ہے کہ قانون کی خلاف ورزی کرنے والے حلوائیوں کے خلاف کاروائی کی جائے

قصور
کوٹ رادھاکشن خدمت میں عظمت ہے جس نے ایک شخص کی جان بچائی اس نے گویا پوری انسانیت کی جان بچائی
تفصیلات کے مطابق پوری دنیا بھر کی طرح کوٹ رادھا کشن میں بھی لاک ڈاون جاری ہے جسکی وجہ سے دیہاڑی دار طبقہ اور سفید پوش طبقہ جن کی گزر اوقات چند دن کی جمع پونجی خرچ کرنے کے بعد فاقہ کشی کا شکار ہو رہے ہیں ایسے میں اسلامی اقدار اخوت اور سخاوت کو سامنے رکھتے ہوئے شہر میں متعدد سیاسی سماجی مخیر حضرات آگے آ رہے ہیں جن میں الخدمت فاونڈیشن کے ملک شاھد منصور چوہدری ایواب خاورپروفیسر ذوالفقار و جمیلہ بیگم ٹرسٹ کے چوہدری ذکا الہی عوام دوست اتحاد کے چوہدری عثمان محمد اصغرمحمد ارسلان صادق مسلم لیگ (ن) کے روف نواب چوہدری داود شریف سہوترا کامران سجاد چوہدری محمد الیاس بھمبہ پی ٹی آئی کے چوہدری رضوان عزیز چوہدری عزیز الرحمان نیاز ڈوگر مہر محمد کاشف بسمہ اللہ سوسائٹی کے ملک محمد ارشاد شیخ محمد خالد اور دیگر جن کا نام تحریر میں نہ لا سکا انسانی بقاء کا وہ ابدی منشور لے کر کہ جس نے ایک انسان کی جان بچائی اس نے گویا پوری انسانیت کی جان بچائی آگے بڑھتے ہوئے اور عزت نفس کو مجروح کیے بغیر خدمت خلق کے جذبہ کو پروان چڑھاتے ہوئے بغیر کسی مذہبی سماجی سیاسی لسانی تفریق کے ان دیہاڑی دار اور سفید پوش افراد کی خوراک کی ضروریات کے لیے مخیر حضرات سے مل کر خدمات بہم پہنچا رہے ہیں جو کہ قابل قدر اور قابل تحسین اقدام ہے اسکے ساتھ اب حکومتی سطح پر بھی پاک آرمی کے جوان ایسے سفید پوش خاندانوں کو جو ہاتھ پھیلانے سے مرنے کو ترجیح دیتے ہیں راشن وغیرہ مہیا کر رہے ہیں

قصور
نامور و پرانے اور سالوں سے ہزاروں روپیہ فیسیں لینے والے پرائیوٹ ڈاکٹرز نے اپنے کلینک عوام کیلئے بند کر دیئے جس کی بدولت ڈی ایچ کیو ہسپتال میں شدید رش
تفصیلات کے مطابق قصور شہر میں کئی نامور اور مشہور ڈاکٹروں نے اپنے کلینک عوام کے لئے بند کر دئیے ہیں کل تک یہی ڈاکٹر فون پر ٹائم دے کر ہزاروں روپیہ لوگوں سے چیک کروائی کے نام پر فیسیں لے رہے تھے مگر مشکل کی گھڑی آتے ہی انہوں نے لوگوں کیلئے اپنے کلینک بند کر لئے جب سے لاک ڈاؤن شروع ہوا ہے تب سے قصور شہر میں بیشتر سپیشلسٹ ڈاکٹرز کے کلینک بند ہیں اور لوگ پریشان ہو کر ڈسٹرکٹ ہیڈ کوارٹر ہسپتال قصور کا رخ کر رہے ہیں جس سے ہسپتال کے عملے کو سخت پریشانی کا سامنا کر پڑ رہا ہے ل
مشکل کی اس گھڑی میں ایسے ڈاکٹروں کو لوگوں کی طرف سے سخت تنقید کا سامنا ہے لوگوں کا کہنا ہے کہ ان کے پاس کروڑوں روپیہ جمع ہے اس لئے وہ سالوں بھی اپنے کلینک نا کھولیں تب بھی ان کو فرق نہیں پڑے گا تاہم وہ یہ ثابت ہو گیا کہ وہ پیسے کے وفادار تھے کہ انسانوں کے

قصور
پتوکی کے علاقے ھلہ منیس میں بینک کے باہر دفعہ 144 کی خلاف ورزی جاری
تفصیلات کے مطابق بینک کے باہر بل ادا کرنے والے لوگوں کا ہجوم کی شکل اختیار کرنے پر دفعہ 144 کی خلاف ورزی
ایک طرف دفعہ 144 نافذ ہے تو دوسری طرف دفعہ 144 کی خلاف ورزی بھی کھلے عام ہ ورہی ہے جس پہ ایکشن لینے والا کوئی نہیں
سرائے مغل کے نواحی گاؤں ھلہ منیس میں ایم سی بی بنک کے باہر بجلی کے بل جمع کروانے والے مزدوروں اور خواتین کا ہجوم بنا ہوا ہے جبکہ بینک میں کام کرنے والا عملہ اپنی مرضی سے کام کر رہا ہے
بینک انتظامیہ بھی اپنے فرائض پوری طرح ادا نہیں کر رہی
بینک مینجر سسٹم کام نہیں کر رہا کا بہانا بنا کر مزید پریشان کر رہا ہے جس پر شہری قطار میں کھڑے شہریوں نے فوری ایکشن لینے کی اپیل کی ہے