وفاقی وزیر صحت عبدالقادر پٹیل کا کہنا ہے کہ چیئرمین پی ٹی آئی کی پرانی تقاریر ہی اس کی سزا ہے، انہوں نے سیاست میں گالم گلوچ اور جھگڑا متعارف کرایا ہے جبکہ واضح رہے کہ کراچی میں ایک تقریب سے خطاب کرتے ہوئے وفاقی وزیر عبدالقادر پٹیل کا کہنا تھا کہ عمران خان آئے ہی پاکستان کی تباہی کے لیے تھے، حکیم سعید اور ڈاکٹر اسرار نے ٹھیک کہا تھا کہ یہ پاکستان کے ٹکڑے کرنے آیا ہے۔
عبدالقادر پٹیل کا مزید کہنا تھا کہ ہم نے ایک شخص کو آئینی طریقے سے کرسی سے ہٹایا ہے کیونکہ وہ شخص حکومت کرنے کے قابل بھی نہیں تھا، لوگ کہتے ہیں کہ اسے 5 سال پورے کرنے دیتے تو یہ ہمیشہ کے لیے فارغ ہوجاتا، لیکن ہم چاہتے تھے کہ جلد از جلد اسے ہٹائیں، ہم نے اقتدار کے لیے یہ قدم نہیں اٹھایا بلکہ ایسا نہ کرتے تو عمران خان ملک کا بھٹہ بٹھا دینا چاہتا تھا۔
زید یہ بھی پڑھیں؛
شاہراہ قراقرم؛ سیاحوں کی گاڑی کو حادثہ 6 افراد جانبحق
بیوی کے ساتھ کیسے پیش آیا جائے بیٹے کو بتاتی رہتی ہوں غزل صدیق
سلمان خان نےفالج کے بعد میرے اسپتال کے بل ادا کیے، اورکسی جگہ اس کی تشہیر بھی نہیں کی،راہول رائے
علاوہ ازیں وفاقی وزیر کا کہنا تھا کہ یہ پہلا وزیراعظم ہے جو آئینی طریقے سے فارغ ہوا ہے لہذا ہم نے تو اسے قومی اسمبلی میں 174 کی اکثریت دکھائی، اور وہ کہتا ہے کہ مجھے امریکا نے ہٹا دیا، اس کی پرانی تقریر ہی اس کی سزا ہے، یہ جو بات کرے اسے اس کی پرانی تقریر دکھاؤ۔ عبدالقادرپٹیل نے عمران خان کو مخاطب کرتے ہوئے کہا کہ تمہیں یہاں وہاں سے پکڑ کر لوگ دیے اور حکومت میں لایا گیا جبکہ انہوں نے سیاست میں گالم گلوچ اور جھگڑا متعارف کرایا، یہ ایک نئی نسل ہے جس میں عزت اور شائستگی نام کی کوئی چیز نہیں، اس نے معاشرے سے روایتی شائستگی کو تباہ کردیا، ہم نے ان کے کارکنوں کو سمجھانا ہے کہ سیاست میں اختلاف ہوتا ہے دشمنی نہیں۔
