Author: +9251

چیئرمین قومی اسمبلی سٹینڈنگ کمیٹی برائے مذہبی امور کی قیادت میں وفد کا گوردوارہ کرتار پور صاحب کا دورہ ،انتظامات کا جائزہ لیا.

چیئرمین قومی اسمبلی سٹینڈنگ کمیٹی برائے مذہبی امور عمران شاہ کی قیادت میں 9 رکنی وفدنے تاریخی گوردوارہ کرتار پور صاحب کا دورہ کیا اورانتظامات کا جائزہ لیا،کرتار پور کی گوردوارہ پربندھک کمیٹی نے مہمانانوں کا استقبال کیا.

اس موقع پرچیئرمین متروکہ وقف املاک بورڈ حبیب الرحمن گیلانی ،ممبر قومی اسمبلی کھیل داس ،ممبر قومی اسمبلی نویدعامرجیوا، پاکستان سکھ گورودوارہ پربندھک کمیٹی کے پردھان سردار امیر سنگھ ،سردار ستونت سنگھ, سردار اندر جیت سنگھ سردار سبت سنگھ، سی ای او کرتارپور ثنا اللہ خان, میجر نعیم افضل,رانا طارق جاوید, ڈپٹی سیکر ٹری فراز عباس, بورڈ ترجمان عامر حسین ہاشمی, علی شہزاد ،عمران علی, اعجاز علی ،سائرہ بانوشاہدہ اخترشہناز ملک ،شگفتہ جمانی ،سیدپیر فضل علی شاہ اوراختر احمدسمیت دیگر بھی موجود تھے.

وفد نے زیر و پوائنٹ پر بھارت سے آنے والے مہمانوں کے لئے کیے گئے انتظامات کا جائزہ لیا اور حکومتی و ٹرسٹ بورڈ کے اقدامات کو سراہا، پاکستان سکھ گورودوارہ پربندھک کمیٹی کے پردھان سردار امیر سنگھ نے وفد کو گورودوارہ کی تاریخی اہمیت بارے تفصیلی بریفنگ دی.

چیئرمین کمیٹی سید عمران شاہ نے میڈیا سے گفتگو کرتے ہوئے کہاکہ مذہبی سیاحت کا فروغ حکومت کی اولین ترجیح اور اس کے لیے بھرپور اقدامات کیے جا رہے ہیں،انہوں نے کہاکہ اقلیتوں کو جتنی سہولیات اور تحفظ پاکستان میں حاصل ہے، دنیا میں کہیں بھی نہیں ، متروکہ وقف املا ک بورڈ زائرین کو سہولیات کی فراہمی کے حوالے سے کلیدی کردارادا کر رہا ہے اور دنیا بھر سے آنے والے ہندو و سکھ زائرین کو ہر طرح کی سہولیات مہیا کی جارہی ہیں.

عمران شاہ نے کہا کہ گورو دواروں و مندروں کی تزئین ارائش اور کمروں کی تعمیر وجنریٹر کی فراہمی کی جا ئے گی،ٹرسٹ پراپرٹی کی حفاظت اور قبضہ گروپوں کے خلاف سخت ایکشن لیا جا ئے گا جس کے لیے پولیس اور دیگر متعلقہ ادارو ں کی خدمات حاصل کی جائیں گی .

چیئرمین کمیٹی عمران شاہ نے کہاکہ کرتار پور کوریڈور سٹیٹ آف دی آ رٹ منصوبہ ہے، ٹرسٹ بورڈ کے معاملات کو بہتر بنانے کے لیے کمیٹی کا بھر پور تعاون حاصل رہے گا،چیئر مین متروکہ وقف املاک بورڈحبیب الرحمن گیلانی نے کہاکہ اقلیتوں کی خدمت کے ساتھ مذہبی سیاحت کے فروغ کے لیے اقدامات کیے جا رہے ہیں اوریہی وجہ ہے کہ پاکستان دنیا میں اقلیت نواز ملک کے طور پر جانا جاتا ہے، کھیل داس کوہستانی نے کہاکہ پاکستان میں اقلیتوں کی عبادت گاہیں پہلے سے زیادہ محفوظ اوردنیا بھر کے سکھ و ہندو اقدامات سے مطمئن ہیں،انہوں نے کہاکہ وزیراعظم محمد شہباز شریف اقلیتوں سے خصوصی محبت کرتے ہیں اوران کی ہدایات پر اقلیتوں کو ہر ممکن سہولیات فراہم کی جا رہی ہیں۔

وزیر اعلی پنجاب چودھری پرویزالٰہی کی زیر صدارت مسلم لیگ قائداعظم کی پارلیمانی پارٹی کا اجلاس منعقد ہوا۔پاکستان مسلم لیگ قائد اعظم کی پارلیمانی پارٹی نے چودھری پرویزالٰہی کی قیادت پر مکمل اعتماد کا اظہار کرتے ہوئے کہاکہ پاکستان مسلم لیگ قائداعظم کی پوری پارلیمانی پارٹی چودھری پرویزالٰہی کے ساتھ کھڑ ی ہے اور کھڑ ی رہے گی۔

پارلیمانی پارٹی کا کہنا تھا کہ وزیر اعلیٰ پنجاب چودھری پرویزالٰہی ہمارے لیڈر ہیں اور ہم پوری پارلیمانی، سیاسی اور عوامی قوت کے ساتھ چودھری پرویزالٰہی کے شانہ بشانہ ہیں۔پارلیمانی پارٹی کے اجلاس کے شرکاء نے اس امر کااظہارکیا کہ چودھری پرویزالٰہی کی قیادت میں مسلم لیگ قائداعظم اور پی ٹی آئی کا مثالی اتحاد صوبے کے عوام کو ڈلیور کر رہا ہے۔

وزیراعلیٰ چودھری پرویزالٰہی نے پارلیمانی پارٹی کے اجلا س سے خطاب کرتے ہوئے کہا کہ مسلم لیگ قائداعظم متحد ہے اور متحد رہے گی۔ صوبے کے عوام کی خدمت کے سفر کو مل کر مزید تیزی سے آگے بڑھائیں گے۔ افواہیں پھیلانے والے مخصوص ایجنڈے پر چل رہے ہیں۔

پارلیمانی پارٹی کے اجلاس میں اراکین پنجاب اسمبلی ساجد بھٹی، حافظ عمار یاسر، شجاعت نواز، محمد عبداللہ وڑائچ، محمد رضوان، احسان الحق، محمد افضل، خدیجہ عمر اور باسمہ چودھری نے شرکت کی۔

الکہف ایجوکیشنل ٹرسٹ کے سرپرست پیر حافظ شیخ محمد ابراہیم نقشبندی نے ٹاؤن شپ لاہور میں ”سیلاب کی تباہ کاریاں اور ہم سب کی ذمداری“ عنوان پرخطاب کرتے ہوئے کہا سیلاب زدہ علاقوں میں لاکھوں مکانات صفحہ ہستی سے مٹ گئے اور کروڑوں لوگ متأثر ہوئے ہیں .

الکہف ٹرسٹ سیلاب زدہ علاقوں میں مستحق افراد کو ”الکہف تعمیر پاکستان پروگرام“کے تحت مکانات تعمیر کر کے دیگا جس کے لیے سروے شروع کر دیا گیا ہے اس میں مستحق بیوگان اور یتیم بچوں کے مکانات ترجیحی بنیاد پرپہلے بنائے جائیں گے جبکہ سیلاب زدہ علاقوں میں شہید مساجد و مدارس کی بھی تعمیر اور بچوں کی فوری تعلیم و تربیت کے لیے مکاتب قرآنیہ قائم اور صاف پانی کا انتظام کیا جائے گا .

انہوں نے کہا کہ الکہف ٹرسٹ کی طرف سے کروڑوں روپے مالیت کا امدادی سامان اور راشن جنوبی پنجاب، سندھ اور بلوچستان کے سیلاب زدہ علاقوں میں سروے کے بعد حقیقی مستحقین میں تقسیم کاسلسلہ جاری ہے اب مکانات اور مساجد و مدارس کی تعمیر کے ساتھ سیلاب زدہ علاقوں کے غریب کسانوں کی فصلیں تباہ ہونے کی وجہ سے ان کی امداد اور قرضوں کی ادائیگی بھی کی جائے گی.

انہوں نے کہا کہ ہم سب کو سادگی اختیار کرتے ہوئے اپنے اخراجات میں سے ان سیلاب زدگان کی بھرپور مدد کرنا ہوگی۔

چیف سیکریٹری پنجاب کامران علی افضل نے کہا ہے کہ کسی میوزیکل چیئر کا حصہ نہیں بننا چاہتا۔

باغی ٹی وی کی رپورٹ کے مطابق آل سیکریٹریز کانفرنس میں گفتگو کرتے ہوئے چیف سیکریٹری پنجاب کامران علی افضل نے کہا کہ سیاسی مداخلت بہت زیادہ ہے، کسی افسر کی مدت پوری نہیں ہونے دی جاتی۔

ذرائع کے مطابق چیف سیکریٹری پنجاب نے کہا کہ وزیراعظم سے ملاقات کر کے درخواست کی کہ میری خدمات واپس لی جائیں۔ ذرائع نے بتایا کہ کامران افضل کے مطابق شہباز شریف نے کہا تھا 13 ستمبر تک کسی اور کو چیف سیکریٹری تعینات کردیں گے۔

ذرائع کا کہنا تھا کہ کامران علی افضل نے آل سیکریٹریز سے ملاقات کو الوداعی قرار دیا اور کہا کہ میں نے کوشش کی کہ افسران کے ساتھ ٹیم بن کر کام کیا جائے۔ کامران افضل نے کہا کہ حالات ایسے نہیں کہ پنجاب میں مزید کام جاری رکھ سکوں، میری خدمات جلد واپس لے لی جائیں گی.

قبل ازیں بھی چیف سیکریتری پنجاب نے حمزہ شہباز کی حکومت کت ختم ہونے پر وفاق سے درخواست کی تھی کہ وہ پرویز الہیٰ کی حکومت کے ساتھ کام کرنا نہیں چاہتے مگر وفاق کے کہنے پر کامران علی افضل نے پنجاب میں اپنی خدمات سر انضام دیں ، اور اب ان کا بیان دوبارہ سامنے آگیا ہے .جس میں انہوں نے پنجاب حکومت کت ساتھ کام نا کرنے کی وجوہات بیان کر دی ہیں.