Author: +9251

سیلاب زدگان کیلئے ہر ممکن آسانیاں پیدا کریں گے، مراد راس

صوبائی وزیر سکول ایجوکیشن پنجاب مراد راس کی سیلاب سے ہونے والے نقصان و تباہی کا جائزہ لینے کے لئے پنجاب کے ضلع راجن پور پہنچ گئے۔ اس موقع پر اظہارِ خیال کرتے ہوئے وزیر تعلیم پنجاب مراد راس کا کہنا تھا کہ سیلاب کی بدولت لوگوں کا بہت نقصان ہوا ہے۔ یہاں راجن پور میں لوگوں کی فصلیں تباہ اور بہت سی عمارتیں سیلاب سے متاثر ہوئیں ہیں۔

مراد راس نے بتایا کہ راجن پور میں بہت سے سکول بھی سیلاب کی تباہی کی بدولت متاثر ہوئے اور آج ہم نے کئی ایسے سکولوں کا دورہ کیا جن میں پانی کھڑا ہے۔ وزیر تعلیم پنجاب نے یقین دہانی کرائی کہ حکومتِ پنجاب سیلاب سے متاثرہ افراد کو ریلیف فراہم کرنے کے لئے دن رات کام کر رہی ہے۔ سیلاب زدگان کیلئے ہر ممکن آسانیاں پیدا کریں گے۔ مراد راس نے یہ بھی کہا کہ موجودہ صورتحال میں لوگوں کو اشد ضرورت خوراک اور ٹینٹوں کی ہے۔ متاثرین جب تک چاہیں حکومتِ پنجاب کے قائم کردہ فلڈ ریلیف کیمپوں میں رہ سکتے ہیں۔

صوبائی وزیر تعلیم نے مخیر خضرات سے درخواست کی کہ مصیبت کی اس مشکل گھڑی میں عوام کی مدد کیلئے اس کارِ خیر میں بڑھ چڑھ کر حصہ لیں۔مراد راس کا یہ بھی کہنا تھا کہ پاکستان تحریک انصاف نے کبھی کسی بھی مشکل لمحے میں ملک کے لوگوں کو اکیلا نہیں چھوڑا۔ صوبائی وزیر تعلیم مراد راس نے ضلع راجن پور کے دورے کے موقع پر حکومتِ پنجاب کی جانب سے سیلاب زدگان کو ریلیف فراہم کرنے کے لئے قائم کردہ فلڈ رلیف کیمپوں کا دورہ کیا اور اس موقع پر کیمپوں میں مقیم افراد سے ان کو درپیش مسائل کے حوالے بھی دریافت کیا۔

وزیر تعلیم پنجاب مراد راس کی ضلع راجن پور آمد پر سردار بیرسٹر علی رضا خان دریشک، سردار محمد اویس خان دریشک، سی ای او ایجوکیشن راجن پور و دیگر نے ان کا پُرتپاک استقبال کیا۔

اگست 31, 2022
عمران خان،شوکت ترین،محسن لغاری اور تیمور جھگڑا کے خلاف مقدمہ کیلئے درخواست دائر

سابق وفاقی وزیر خزانی شوکت ترین ، صوبائی وزیر محسن لغاری اور تیمور جھگڑا کے خلاف اسلام آباد میں مقدمے کے اندراج کیلئے درخواست دے دی گئی.درخواست اسلام آباد کے تھانہ کوہسار میں جمع کرائی گئی ہے.

درخواست امن ترقی پارٹی کے بانی و چیئرمین محمد فائق شاہ کی خانب سے دی گئی ، درخواست میں کہا گیاہے کہ 29 اگست کی رات صحافی حامد میر نے ٹویٹر پر دو ویڈیوشیئر کردہ وڈیوز دیکھیں جن میں وزیر خزانہ شوکت ترین پہلے صوبائی وزیر خزانہ پنجاب محسن خان لغاری اور اس کے بعد وزیر خزانہ کے پی کے تیموع جگڑا کو ائی ایم ایف پیکج میں رکاوٹ بننے پر اکسا رہے تھے.

درخواست میں کہا گیا کہ شوکت ترین ائی ایم ایف کے پیکج میں رکاوٹ ڈال کر حکومت کو پریشر میں لانا چاہ رہے تھے،اور یہ بات عیاں ہے کہ شوکت ترین یہ کام پی ٹی آئی چیئرمین عمران خان کی مشاورت سے کر رہے ہیں.

درخواست گزار کا مذید کہنا ہے کہ شوکت ترین اپنی بات کا اعتراف اپنکر پرسن جاوید چوہدری کے پروگرام میں بھی کر چکے ہیں ان کا کہنا تھا کہ بیانیہ عمران خان کی قیادت میں پوری پارٹی کا ایک ہے.جس سے واضع ہے کہ ایک مخصوص سیاسی جماعت پی ٹی آئی پاکستان کی بقاءسالمیت اور ساکھ کو متاثر کر رہی ہے،اور ایک سوچی سمجھی سازش کے تحت بغاوت کر رہی ہے.

درخواست میں استدعا کی گئی ہے کہ عمران خانم شوکت ترین ،محسن لغاری اور تیمور جھگڑا کے خلاف مقدمہ درج کیا جائے.درخواست گزار کا کہنا تھا کہ متذکرہ افراد پلاننگ کے تحت پاکستان کی سلمیت کو تقسان پہنچا رہے ہیں اور ملک توڑنے کے در پے ہیں.

اگست 31, 2022
مشکل وقت میں پاکستان کی ہر ممکن مدد کریں گے، صدرمتحدہ عرب امارات شیخ محمد بن زاید

وزیراعظم شہبازشریف سے متحدہ عرب امارات کے صدر عزت مآب شیخ محمد بن زاید نے ٹیلی فونک رابطہ کیا.

وزیر اعظم شہباز شریف نے متحدہ عرب امارات کے صدر کو پاکستان میں سیلاب کی تازہ ترین صورتحال سے آگاہ کیا، جس سے تقریباً 33 ملین افراد متاثر ہوئے ہیں، 1162 کے قریب ہلاک اور 3554 زخمی ہوئے ہیں۔

وزیر اعظم نے ایک بار پھر متحدہ عرب امارات کی طرف سے فراہم کی جانے والی سیلاب متاثرین کیلئے بروقت امداد اور تعاون پر شکریہ ادا کیا اور امارات ہلال احمر اور خلیفہ بن زاید فاؤنڈیشن کی جانب سے سیلاب زدہ علاقوں میں امدادی سرگرمیوں کی تعریف کی۔

عزت مآب شیخ محمد بن زاید نے قدرتی آفات سے نمٹنے کے لیے پاکستانی عوام کے ساتھ مکمل یکجہتی کا اظہار کیا اور اس مشکل وقت میں متاثرین کی ہر ممکن مدد کی پیشکش کی۔

پاکستان اور متحدہ عرب امارات کے درمیان قریبی برادرانہ تعلقات ہیں، جو دہائیوں پر محیط ، باہمی اعتماد اور افہام و تفہیم اور قریبی تعاون پر مشتمل ہیں۔ یہ مشترکہ تعلقات دلچسپی کے تمام شعبوں میں بڑھتے ہوئے تعاون سے پر مبنی ہیں۔

علاوہ ازیں وزیراعظم شہباز شریف کی اپیل پر مخیّر حضرات نے سیلاب زدگان کیلئے 2 کروڑ روپے امداد دے دی ہے جبکہ وزیراعظم نے کہا ہے کہ سیلاب میں گھرے مصیبت زدہ لوگوں کی مدد کرنا عبادت سے کم نہیں، ملک میں لاکھوں افراد اس وقت بے گھر ہیں، فوری ریسکیو اور امداد کے بعد بنیادی ڈھانچے کی بحالی ایک بہت بڑا چیلنج ہے۔ انہوں نے ان خیالات کا اظہار منگل کو یہاں ایوان صنعت و تجارت اسلام آباد کے وفد سے گفتگو کرتے ہوئے کیا جس نے وزیراعظم سے یہاں ملاقات کی۔

ملاقات کرنے والوں میں صدر ایوان صنعت و تجارت اسلام آباد شکیل منیر، جمشید اختر شیخ، محمد فہیم خان، میاں شوکت مسعود، احسن بختاوری، زبیر احمد ملک، طارق صادق، عامر وحید، اظہر الاسلام، چوہدری جاوید اقبال، رانا قیصر، اختر حسین، حنیف عباسی اور دیگر شامل تھے۔ ملاقات میں شرکاء نے وزیرِاعظم کو سیلاب متاثرین کیلئے ہنگامی بنیادوں پر ریسکیو اور ریلیف کی کارروائیوں پر خراجِ تحسین پیش کیا اور حکومت کے اقدامات کی تعریف کی۔ وزیراعظم نے کہا کہ جو لوگ متاثرین کی مدد میں پیش پیش ہیں وہ انصار مدینہ کی سنت پر عمل کرکے اللہ تعالیٰ کی خوشنودی حاصل کر رہے ہیں، میری قوم سے اپیل ہے کہ ان مخیّر حضرات کی طرح بڑھ چڑھ کر سیلاب متاثرین کی مدد میں اپنا حصہ ملائیں، حالیہ سیلاب پاکستان کی تاریخ کا سب سے بڑا سیلاب ہے۔

وزیرِاعظم نے کہا کہ ملک بھر میں لاکھوں لوگ اس وقت سیلاب کی وجہ سے بے گھر ہیں، گیارہ سو سے زائد لوگ جاں بحق اور 15 سو سے زائد لوگ زخمی ہیں، حکومت ترجیحی بنیادوں پر لوگوں کو ریسکیو کر رہی ہے، حکومت نے فوری طور پر سیلاب متاثرین کو 25 ہزار روپے نقد فراہم کرنا شروع کیا ہے، حکومت سیلاب متاثرین کو راشن، صاف پانی، خیمے اور مچھر دانیاں فراہم کر رہی ہے، دوست ممالک اور بین الاقوامی اداروں و تنظیموں کے شکر گزار ہیں کہ وہ سیلاب سے متاثرہ پاکستانیوں کی مدد کیلئے آگے بڑھے۔ انہوں نے کہا کہ فوری ریسکیو اور امداد کے بعد لوگوں اور انفرا سٹرکچر کی بحالی ایک بڑا چیلینج ہے، حکومت سیلاب متاثرین کی مدد و بحالی کیلئے تمام تر وسائل بروئے کار لا رہی ہے، مصیبت میں گھرے ہم وطنوں کی مدد ہم سب پاکستانیوں کا فرض ہے، میں سیلاب متاثرین کی مدد کیلئے مالی امداد فراہم کرنے والے مخیّر حضرات کا مشکور ہوں.

اگست 30, 2022
نفلی عمرہ کرنے والے اپنی امداد سیلاب زدگان کو عطیہ کر دیں، حافظ محمد طاہر محمود اشرفی

پاکستان علماء کونسل کے چیئرمین حافظ محمد طاہر محمود اشرفی نے کہا ہے کہ پاکستان علماء کونسل اور دارالافتاء پاکستان نےصاحب نصاب لوگوں سے اپیل کی ہے کہ وہ اپنی زکوٰۃ قبل از وقت ادا کر دیں اور نفلی عمرہ کرنے والے اپنی امداد سیلاب زدگان کو عطیہ کر دیں تو اللہ کریم ان کو دو اجر عطا فرمائیں گے ایک زکوٰۃ ادا کرنے اور عمرہ کرنے کا اور دوسرا انسانیت کی مدد کرنے کا، اہل تشیع کے اکابر علماء نے بھی یہ کہا ہے کہ وہ پیسے اپنے بھائیوں کی مدد کیلئے دے دیں تا کہ ان کی مدد ہو سکے۔

یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے پریس کانفرنس سے خطاب کرتے ہوئے کہی۔ اس موقع پر مولانا قاسم قاسمی ، مولانا ڈاکٹر ابو بکر صدیق ، مولانا نعمان ، صاحبزادہ ثاقب منیر ، مولانا ذوالفقار ، مولانا ابو بکر حمید صابری ، مولانا شہباز اور دیگر بھی موجود تھے۔

حافظ طاہر محمود اشرفی نے کہا کہ اپنے برادر اسلامی ممالک سعودی عرب، قطر ،اور متحدہ عرب امارات کے ذمہ داران نے ہمارے سپہ سالار جنرل قمر جاوید باجوہ سے رابطہ کر کے امدادی سلسلے کو مزید بڑھانے اور تیزکرنے کا بتایا، امید ہے کہ اگلے 24 گھنٹے میں ان برادر اسلامی ممالک اور دوسرے برادر اسلامی ممالک سے بھی اور امداد آئے گی اور اس کے اعلانات ہوں گے ، اس وقت غیر یقینی اور ایمرجنسی کی صورتحال ہے اس میں پاکستان کے اندر جو تنظیمیں کام کر رہی ہیں جیسے الخدمت ہے ، رحمۃ اللعالمین ہے ، پاکستان علماء کونسل ہے اور جتنی بھی تنظیمیں ہیں سب کو اپنا اپنا کردار ادا کرنا ہے اور سب کو اپنا اپنا کردارا دا کرنے کیلئے آگے بڑھنا ہے ۔

ہم لوگوں سے کہہ رہے ہیں کہ جہاں جس چیز کی ضرورت ہے وہاں وہ پہنچائی جائے ۔ وہاں اپنے بھائیوں کی مدد کی جائے اس میں کوئی کوتاہی نہ کی جائے ۔انہوں نے کہا کہ اس حوالے سے ہمارے برادر اسلامی ممالک سعودی عرب ، قطر، متحدہ عرب امارات ، چین نے پاکستان کو ڈیفالٹ سے بچانے کیلئے تعاون کیا ہے اس پر ہم ان کے شکر گزار ہیں اور امید کرتے ہیں کہ ان شاء اللہ پاکستان اب ٹریڈ کی طرف جائے گا۔ اب پاکستان کا مستقبل ٹریڈ سے وابستہ ہے امداد سے نہیں ، کب تک امداد پر گزارا کریں گے۔ پاکستان میں اللہ نے سب کچھ دیا ہوا ہے ایک ترتیب کی ضرورت ہے ۔ عوام الناس سے اپیل کرنا چاہتے ہیں کہ وہ آگے بڑھیں اور اپنے بھائیوں کی امداد کریں کسی کا انتظار نہ کریں۔ تمام سیاسی جماعتوں سے کہتے ہیں کہ وہ ایک پلیٹ فارم پر آ جائیں ۔ سیاست اور پارٹی سے بالا تر ہو کر ریاست، قوم ، قوم کے املاک بچائیں اور قوم کو مستحکم کریں۔ فی الوقت باہمی اتحاد کی طرف توجہ دینا ہو گی

اگست 30, 2022
اسٹاک مارکیٹ میں مندا،سونے کی فی تولہ قیمت پانچ ہزار 100 روپے کم

آئی ایم ایف کی جانب سے پاکستان کیلئے قرض پروگرام کی بحالی کے باوجود اسٹاک مارکیٹ میں مندی کا رجحان رہا۔ پاکستان اسٹاک ایکسچینج میں کاروبار کا منفی دن رہا اور 100 انڈیکس 309 پوائنٹس کم ہو کر 42195 پر بند ہوا ہے۔

کاروباری دن میں 100 انڈیکس 952 پوائنٹس کے بینڈ میں رہا، انڈیکس کی آج بلند ترین سطح 43056 رہی، بازار میں آج 23 کروڑ شیئرز کے سودے 7 ارب روپے میں طے ہوئے۔مارکیٹ کیپٹلائزیشن 55 ارب روپے کم ہوکر 7014 ارب روپے ہوگیا ہے۔

ملک میں سونے کی فی تولہ قیمت پانچ ہزار 100 روپے کم ہوئی ہے۔آل پاکستان جیمز اینڈ جیولرز ایسوسی ایشن کے مطابق اس کمی کے بعد ملک میں ایک تولہ سونے کا بھاؤ ایک لاکھ 40 ہزار 500 روپے ہوگیا ہے۔

اسی طرح 10 گرام سونے کا بھاؤ 4 ہزار 372 روپے کمی سے ایک لاکھ 20 ہزار 456 روپے ہے۔ایسوسی ایشن کے مطابق عالمی صرافہ میں سونے کا بھاؤ 5 ڈالر اضافے سے ایک ہزار 733 ڈالر فی اونس ہے۔

اگست 30, 2022
ایشیا کپ، افغانستان نے بنگلہ دیش کو بھی شکست دے دی

ایشیا کپ 2022 میں گروپ بی کے اہم میچ میں افغانستان نے بنگلہ دیش کو بھی شکست دے کر گروپ میں ٹاپ پوزیشن حاصل کرلی۔

بنگلہ دیش کی جانب سے دیا گیا 128 رنز کا ہدف افغانستان صرف 3 وکٹوں کے نقصان پر 19ویں اوور میں پورا کرلیا۔

افغان بلے باز نجیب اللّٰہ زادران نے اختتامی اوورز میں مجموعی طور پر چھ چھکے لگا کر ٹیم کو جلد فتح سے ہمکنار کیا۔

نجیب اللہ نے 17 گیندوں پر 43 جبکہ ابراہیم زادران نے 41 گیندوں پر 42 رنز کی ناقابلِ شکست اننگز کھیلیں۔

شارجہ کرکٹ گراؤنڈ میں کھیلے جارہے اس میچ میں بنگلہ دیش نے ٹاس جیت کر پہلے بیٹنگ کرنے کا فیصلہ کیا تھا۔

افغانستان کے اسپنرز نے بنگلہ دیش کے بلے بازوں کو جکڑ لیا، جہاں ابتدائی 5 بنگلہ دیشی کھلاڑی متاثر کن کارکردگی نہیں دکھا سکے۔

مجیب الرحمان اور راشد خان کی گھومتی گیندوں کے سامنے شکیب الحسن، مشفق الرحیم، انعم الحق، محمد نعیم اور عفیف حسین جیسے تجربہ کار بلے باز بھی ریت کی دیوار ثابت ہوئے۔

محمود اللّٰہ کے 25 اور مہدی حسن کے 14 رنز کے ساتھ مصدق حسین کی 48 رنز کی ناقابلِ شکست اننگز کی بدولت بنگلہ دیشی ٹیم مقررہ 20 اوورز میں 7 وکٹوں کے نقصان پر 127 رنز ہی بناسکی۔

افغانستان کی جانب سے مجیب الرحمان اور راشد خان نے 3، 3 کھلاڑیوں کو آؤٹ کیا۔

ٹاس کے موقع پر گفتگو کرتے ہوئے بنگلہ دیشی کپتان شکیب الحسن کا کہنا تھا کہ وکٹ اچھی لگ رہی ہے، وہ اسکور بورڈ پر رنز سجانے کی کوشش کریں گے جو امید کے مطابق افغانستان کے لیے حاصل کرنا مشکل ہوگا۔

انہوں نے یہ بھی کہا کہ افغانستان کے خلاف اچھی تیاری کی ہوئی ہے، حریف ٹیم بھی اچھا کھیل رہی ہے۔افغانستان کے کپتان محمد نبی نے کہا کہ وکٹ فریش ہے، مٹی بھی فریش ہے۔ تاہم امید ہے کہ ہم انہیں کم سے کم ٹوٹل تک روک پائیں گے۔ ان کا یہ بھی کہنا تھا کہ جس طرح ٹیم نے گزشتہ میچ کھیلا ہے وہ بہترین تھا، ٹیم کے حوصلے بلند ہیں اور آج ٹیم میں کوئی تبدیلی بھی نہیں کی گئی۔

واضح رہے کہ ایشیا کپ میں 6 بہترین ٹیموں کو 2 گروپس میں تقسیم کیا گیا ہے، پاکستان گروپ اے میں بھارت اور ہانگ کانگ کے ساتھ جبکہ گروپ بی میں سری لنکا ،افغانستان اور بنگلادیش کی ٹیمیں شامل ہیں۔دونوں گروپ کی ٹاپ دو ٹیمیں سپر فور مرحلے کیلئے کوالیفائی کریں گی جس کا آغاز 3 ستمبر سے ہوگا۔ سپر فور کی ٹاپ ٹو ٹیموں کے درمیان فائنل 11 ستمبر کو کھیلا جائے گا۔

اگست 30, 2022
عمران خان سے چودھری پرویزالٰہی اور مونس الٰہی کی ملاقات

چئیرمین پی ٹی آئی اور سابق وزیراعظم عمران خان سے وزیر اعلی پنجاب چودھری پرویزالٰہی اور سابق وفاقی وزیر مونس الٰہی نے ملاقات کی.ملاقات میں باہمی دلچسپی کے امور، سیاسی صورتحال اور سیلاب زدگان کی بحالی کے لئے کئے گئے اقدامات پر تبادلہ خیال کیا گیا.

سیلاب کی تباہ کاریاں جاری،جاں بحق ہونے والوں کی تعداد1100 سے تجاوز

وزیر اعلی چودھری پرویزالٰہی نے عمران خان کو سیلاب متاثرین کی بحالی کے پلان کے بارے میں بریف کیا ،وزیر اعلی چودھری پرویزالٰہی اور مونس الٰہی نے سیلاب متاثرین کی مدد وبحالی کے لئے کامیاب ترین ٹیلی تھون پر چئیرمین پی ٹی آئی عمران خان کو مبارکباد دی

معافی نہیں مانگوں گا،عمران خان نےخاتون جج سے متعلق الفاظ واپس لینے کی پیشکش کردی

چودھری پرویزالٰہی نے کہا کہ قوم خصوصا بیرون ملک مقیم پاکستانیوں کے جذبے کو سلام پیش کرتے ہیں۔ عمران خان کی آواز پر قوم نے لبیک کہا۔ عمران خان کی اپیل پر اربوں جمع ہونا ثابت کرتا ہے کہ عوام کو ان کی قیادت پر غیر متزلزل اعتماد ہے، عمران خان دھرتی کا بیٹا ہے اور اس نے دھرتی کی مٹی کا حق ادا کر دیا ہے ۔

چودھری پرویزالٰہی کا مذید کہنا تھا کہ عمران خان نے مصیبت میں گھرے بہن بھائیوں کی مدد وبحالی کے لئے فنڈ جمع کرنے میں پہل کی ۔عمران خان کی نیت نیک اور سمت درست ہے ۔اللہ تعالٰی بھی نیک نیتی کا پھل دیتا ہے۔عمران خان کی کامیابی ہی پاکستان کی جیت ہے،عمران خان کی قیادت میں متاثرین سیلاب کی جلد از جلد آباد کاری کے لیے پر عزم ہیں، سیلاب زدگان کے ساتھ کھڑے ہیں اور ان کی امداد میں وسائل کی کمی نہیں آنے دیں گے۔

قبل ازیں وزیراعلیٰ پنجاب چودھری پرویز الٰہی سے بینک آف پنجاب کے صدر ظفر مسعود نے وزیراعلیٰ آفس میں ملاقات کی۔ ظفر مسعود نے بینک آف پنجاب کی جانب سے وزیراعلیٰ چودھری پرویز الٰہی کو وزیراعلیٰ فلڈ ریلیف فنڈ کیلئے ایک کروڑ روپے کا چیک دیا۔

وزیراعلیٰ چودھری پرویز الٰہی نے اس موقع پر گفتگو کرتے ہوئے کہا کہ مصیبت میں گھرے اپنے بہن بھائیوں کی مدد کے لئے آج پاکستان ہم سب سے ایثار و قربانی کا تقاضا کررہاہے۔ متاثرین سیلاب کی مددکرنا عین عبادت ہے اور ہم سب کا اخلاقی،قومی و مذہبی فریضہ ہے۔صاحب حیثیت بینک آف پنجاب کے اکاؤنٹ نمبر 6010159451200028 میں دل کھول کر امدادی رقوم جمع کرا ئیں۔ وزیراعلیٰ فلڈ ریلیف فنڈ کا IBAN نمبر 6010159451200028 PK92BPUNہے۔

وزیراعلیٰ چودھری پرویز الٰہی نے کہا کہ فلڈ ریلیف فنڈ میں جمع ہونے والی رقم شفاف طریقے سے متاثرین کی بحالی پر خرچ کی جائے گی۔پنجاب حکومت سیلاب متاثرین کی آبادکاری میں کوئی کسر اٹھا نہ رکھے گی۔کسی کی حق تلفی نہیں ہونے دیں گے۔جن لوگوں کے گھر بار تباہ ہوئے ہیں انہیں ترجیحی بنیادوں پر مالی امداد دیں گے۔سیلاب متاثرین کی بحالی میں کوئی کسر اٹھا نہ رکھی جائے گی۔ مخیر حضرات سے اپیل ہے کہ وہ آگے بڑھیں اور مصیبت میں گھرے بہن بھائیوں کا سہارا بنیں۔

انہوں نے کہا کہ وطن عزیز کی مٹی آج ہم سب سے دکھی انسانیت کی خدمت کا تقاضا کرتی ہے۔سیلاب سے ہونے والی تباہی ناقابل بیان ہے۔اس صورتحال سے نمٹنے کے لئے سب کو مشترکہ طور پر اپنی ذمہ داری نبھانا ہوگی۔بینک آف پنجاب کے اسسٹنٹ وائس پریذیڈنٹ کاشف،ہیڈ مارکیٹنگ اسد ضیاء، چیف آف سٹاف بینک آف پنجاب نوفل داؤد او ردیگر حکام بھی اس موقع پر موجود تھے۔

علاوہ ازیں وزیر اعلی پنجاب چودھری پرویزالٰہی سے ڈسکہ سے تعلق رکھنے والی سیاسی و سماجی شخصیات کے وفد نے ملاقات کی، ملاقات کرنے والوں میں رکن پنجاب اسمبلی باؤ محمد رضوان،صاحبزادہ عثمان خالد، خواجہ عاطف رضا، سمیع اللہ ملہی،قاری ذوالفقار سیالوی، وسیم احمد،خواجہ سلمان،محمودالحسن،رانا عثمان، طاہر رؤف اور محمد بلال شامل تھے.

وزیراعلیٰ چودھری پرویز الٰہی نے تحصیل ڈسکہ کے عوامی مسائل ترجیحی بنیادوں پر حل کرنے کی یقین دہانی کراتے ہوئے کہا کہ تحصیل ڈسکہ کی موجودہ انتظامی پوزیشن برقرار رہے گی،ڈسکہ کو وزیرآباد میں شامل نہیں کیاجائے گا،ڈسکہ میرے دل کے قریب ہے، اس شہر کی حالت بدلیں گے،ڈسکہ سمیت ہر حلقے میں بھرپور ترقیاتی کام کروائیں گے،علاقے میں بنیادی سہولتوں کی بہتری کیلئے کام کریں گے۔

وفد نے تحصیل ڈسکہ کی موجودہ انتظامی پوزیشن برقرار رکھنے پر وزیراعلیٰ چودھری پرویز الہٰی کا شکریہ ادا کیا اور کہا کہ آپ نے ہمارا مطالبہ مان کر ہمارے دل جیت لئے ہیں۔

اگست 30, 2022
معافی نہیں مانگوں گا،عمران خان نےخاتون جج سے متعلق الفاظ واپس لینے کی پیشکش کردی

پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے توہین عدالت شوکاز نوٹس پر معافی مانگنے سے انکار کردیا۔

اسلام آباد ہائیکورٹ میں عمران خان کے خلاف توہین عدالت شوکاز نوٹس معاملہ پر چیئرمین پی ٹی آئی نے خاتون جج زیبا چودھری سے متعلق الفاظ واپس لینے کی پیشکش کردی۔

عمران خان کا جواب اسلام آباد ہائیکورٹ میں جمع کرادیا گیا، جواب ایڈووکیٹ حامد خان کی جانب سے جمع کرایا گیا۔

عمران خان نے دہشت گردی کا مقدمہ خارج کرانے کیلیے عدالت سے رجوع کرلیا

جواب میں کہا گیا کہ عمران خان ججز کے احساسات کو مجروع کرنے پر یقین نہیں رکھتے، سابق وزیراعظم کے الفاظ غیر مناسب تھے تو واپس لینے کے لیے تیار ہیں، عدالت عمران خان کی تقریر کا سیاق و سباق کیساتھ جائزہ لے، عمران خان نے پوری زندگی قانون اور آئین کی پابندی کی ہے، پی ٹی آئی چیئرمین آزاد عدلیہ پر یقین رکھتے ہیں، ان کیخلاف توہین عدالت کا شوکاز نوٹس واپس لیا جائے۔

وزیر اعلی محمود خان دورہ سیلاب زدگان پر ایسے مسکرا کر ہاتھ ہلا رہے جیسے کوئی جلسہ عام کی عوام سامنے ہو

قبل ازیں سابق وزیراعظم نے ایڈیشنل سیشن جج زیبا چودھری کو دھمکی دینے کے الزام پر درج دہشت گردی کا مقدمہ خارج کرنے کے لیے اسلام آباد ہائیکورٹ سے رجوع کیا۔ عمران خان کی طرف سے درخواست شعیب شاہین ایڈووکیٹ، بیرسٹر سلمان صفدر اور فیصل چودھری کے ذریعے جمع کرائی گئی۔

درخواست میں استدعا کی گئی ہے کہ تقریر پر دہشت گردی ایکٹ کی دفعات کے تحت 20 اگست کو تھانہ مارگلہ میں درج مقدمہ خارج کیا جائے۔ میں نے ورلڈ کپ جتوایا، فلاحی کام کیے، ہسپتال اور یونیورسٹی بنائی، پاکستان کے کچھ اصل ’’اسٹیٹس مین “ میں سے ایک ہوں۔ کورونا سے موثر انداز میں نمٹا، امریکا افغان مذاکرات کرائے، میرے خلاف بدنیتی سے دہشت گردی کا مقدمہ درج کرایا گیا۔

درخواست میں مزید کہا گیا کہ میں نے کوئی ایسا کام نہیں کیا جس پر دہشت گردی کی دفعات لگائی جائیں، انسداد دہشت گردی کی عدالت میں سرنڈر کر چکا ہوں، عبوری ضمانت منظور کی گئی، مقدمہ کے اخراج کی درخواست پر فیصلے تک ایف آئی آر پر کارروائی معطل اور کرکے تفتیش روکنے کا حکم دیا جائے۔

اگست 30, 2022
ملکی مفادات کے خلاف بات کرنے والوں کو سخت سے سخت سزا دینی چاہئے،شجاعت حسین

مسلم لیگ ق کے صدر چودھری شجاعت حسین کا کہنا ہے کہ جو لوگ ملکی مفادات کے خلاف بات کرتے ہیں یا لکھتے ہیں ان کو سخت سے سخت سزا دینی چاہئے،ایسے لوگوں کو قوم بھی معاف نہیں کرے گی، قومی مفاد کے خلاف اگر کوئی ثبوت ملے تو بڑے سے بڑے آدمی بھی رعایت کا مستحق نہیں ہونا چاہئے.

چودھری شجاعت حسین نے کہا اگرچہ سیلاب اس وقت قومی ایشو ہے جس سے عام آدمی بری طرح متاثر ہے، ہمیں ان ممالک کا خصوصی طور پر شکریہ ادا کرنا چاہئے جنہوں نے سیلاب زدگان کی مدد کی، ان محب وطن اوورسیز پاکستانیوں کا بھی شکریہ جنہوں نے بڑھ چڑھ کر امداد میں حصہ لیا، تمام پارٹیوں کے کارکن اختلافات بھلا کر سیلاب زدگان کی مدد و بحالی میں اپنا حصہ ڈالیں.

چودھری شجاعت حسین نے کہا کہ سیاسی لیڈران ایسے لوگوں کی حوصلہ افزائی کریں چاہے وہ کسی بھی پارٹی کے ہوں.

اگست 30, 2022
نہیں جانتا تھا یہ فوٹو شوٹ میرے لئے پریشانی کا باعث بنے گا رنویر سنگھ کا پولیس کو بیان

بالی وڈ اداکار رنویر سنگھ نے غیر ملکی میگزین کے لئے عریاں فوٹو شوٹ کروایا تو بھارت میں ان کے خلاف مظاہرے ہوئے.یہاں تک کہ ان پر ایک مقدمہ بھی درج ہو گیا. بیان ریکارڈ کروانے کے لئے پولیس نے رنویر سنگھ کو سمن جاری کیا اس سمن کے مطابق انہیں 22 اگست کو پولیس کے سامنے حاضر ہونا تھا لیکن مصروفیات کے باعث ایسا ممکن نہ ہو سکا.تاہم 29 اگست کو وہ پولیس کے سامنے پیش ہوئے اور اپنا بیان ریکارڈ‌کروایا. ای ٹائمز کے مطابق، ممبئی پولیس کے ایک قریبی ذریعہ نے انکشاف کیاہے کہ پولیس افسران کے سامنے اپنے بیان میں، اداکار نے کہا ہے کہ انہوں نے متنازعہ تصاویر اپ لوڈ نہیں کیں۔ مزید برآں، یہ بھی کہا کہ انہیں یہ احساس نہیں تھا کہ عریاں فوٹو شوٹ ان کے لیے پریشانی کاباعث بنے گا .

یادرہے کہ رنویر سنگھ کے عریاں شوٹ پر رد عمل کے طور پر ممبئی سے ہی ایک غیر سرکاری تنظیم (این جی او) کی طرف سے اداکار کے خلاف ایف آئی آر درج کرائی گئی تھی جس میں کہا گیا تھا کہ رنویر سنگھ نے سوشل میڈیا پلیٹ فارمز پر عریاں تصاویر پوسٹ کر کے خواتین کے جذبات کو ٹھیس پہنچائی ہے اور ان کی عزت کی توہین کی ہے۔رنویر سنگھ کافی عرصہ سے اس تنازعہ میں پھنسے ہوئے اور اسی وجہ سے وہ کسی عوامی جگہ پر نظر نہیں آ رہے.

اگست 30, 2022